الحراااااااقة

[joumane]

السلام عليكم احبائي في اللمه
والله البرحه قعدنا هكا وسمعنا خبر قالك فلان وفلان وفلان حرقو لاكرانيا
زوج متخرجين من الجامعه و واحد خدام وخاااااااااااطب!!!!!!!!؟
واش تقولو في خبر كيما هدا ؟؟؟؟؟؟؟
انا اول حاجه جاتني في بالي البنت المسكينه لي راح وخلاها
عييت نتخيل كيفاه راهي !!!زعما هكا الرجال تربط بنت الناس بيك ومنبعد تروح وتخليها حتى بدون سابق انذار
ياربي وسترنا واستر بنات المسلمين جميييعا
شوفو يعني وين لحقنا
وزيد واش قالك دارها بيهم واحد فيهم متعرف بوحده في اكرانيا راح ليها لقا وين يبات وبلاك يزوجها
وهداك لي خطب ولوخر قالك رام يباتو البرا على الكراطن
سبحان الله العباد كيما يحمدوش ربي وكاااامل لاباس عليهم صدقوني
زعما واش الخارج هدا لادين لا مله بالعكس الواحد يخسر حياتو وزيد دينو
والخدمه !!!!قولولي واحد حرق وزعما راو حاكم بيرو ويتكسل فيهم ههههه ولا واحد
يخدمو غير في الدمير 24سا / 24سا
ربي يهدي امة محمد وانا حبا نوصل فكره للشباب ماتحيروش امهاتكم عليكم ورضاو بلي انتوما فيه وقولو الحمد لله الواحد مايشوفش للفوق بزاف ارضا بلي اعطاهولك ربي وزيد ماتخدعوش بنات الناس معاكم تربطوهم وتخلوهم معلقين حرام علييييكم
وفي الختام نتمنى تكون وصلت فكرتي​

 

[جہْےمالہْ الہْےروحہْ]

ربي يهدي ماخلق هذا مانقدرو نقولو ....................

 

[EL General]

ربي يهدي و خلاص
الف شكر
​

 

[وائل ابن الجزائر]

لمعطاهاش في الطيارة يعطيها في البابور مزال كاين الحراقة والغربة مونامور

على كل ربي يهدي
​

 

[مرام التيبازية]

سلام اختي واش نقولوا ربي يهديهم ويثبتهم على دينهم انشاء الله،هدا ماكان واش نقدروا نقولوا لازم الواحد يرضى بمكتوب ربي -سبحانه-
شكرا على الموضوع وبارك الله فيك..

 

[ماكانش]

أهلا بيك لاليشكا
يعطيك الصحة على موضوعك الباهي
قبلت الموضوع ودرت رد راحتلي الأنترنت ههههه
وتبالي اوكرانيا ساهلة الفيزا تاعها ماتستاهلش الحرقة ومانعرف ؟؟؟
من جيهة يضيع دينو صح راني معاك
أما الدنيا لهيه خير ولو يخدم ألف ساعة
مايشوف لا حفرة لادودان لا كذا لاوالو ههههههههه


​

 

[Lacey Sturm]

الله يهدي الشباب
زعما ماخموش في والديهم الي تعبو عليهم ورباوهم وكبروهم غير باه يشوفوهم قدامهم بوليداتهم ؟؟؟
علاه يعني يديرولهم هكا ؟

 

[joumane]

شكراا على ردودكم مي مراني نشوف فحتى رد مشجع والا واحد يقولك الحمد لله وبلادنا مزال فيها
اخي ماكانشانا نفضل نخدم الف ساعه على ديني واخرتي ونرضا بشي لي عطاهولي خير من لي نخدمها على دنيا وهي اخرتها موت
ربي يهدينا جميعا

 

[mimi.dz]

السلام عليكم احبائي في اللمه

و عليكم السلام و رحمة الله تعالى و بركاته

والله البرحه قعدنا هكا وسمعنا خبر قالك فلان وفلان وفلان حرقو لاكرانيا
زوج متخرجين من الجامعه و واحد خدام وخاااااااااااطب!!!!!!!!؟
واش تقولو في خبر كيما هدا ؟؟؟؟؟؟؟

nrml 3zizti kayna w tkon mab9atech 7aja t7ayar pcq tkharjo men ljami3a w ga3din ni khadma ni walo bessif yakrah mais t7irlak fi hadha khadam w khatab aussi chi 3jab wach darhalo madam kolech lgah ? surtt kayna mra fi ra9abtou

انا اول حاجه جاتني في بالي البنت المسكينه لي راح وخلاها
عييت نتخيل كيفاه راهي !!!زعما هكا الرجال تربط بنت الناس بيك ومنبعد تروح وتخليها حتى بدون سابق انذار

mata9adrich tgolli momkin rahi 3labalha w mm hiya 9abla kolech momkin fi wa9tna

ياربي وسترنا واستر بنات المسلمين جميييعا

amiin ajma3in

شوفو يعني وين لحقنا
وزيد واش قالك دارها بيهم واحد فيهم متعرف بوحده في اكرانيا راح ليها لقا وين يبات وبلاك يزوجها
وهداك لي خطب ولوخر قالك رام يباتو البرا على الكراطن
سبحان الله العباد كيما يحمدوش ربي وكاااامل لاباس عليهم صدقوني
زعما واش الخارج هدا لادين لا مله بالعكس الواحد يخسر حياتو وزيد دينو

3lah yakhssar dino ? lhih maya9darch yssali ? wla maya9darch yssom ? mach seba enou lwa7ad mayalgach win ybat yakhssar dinou hna li darha ghalat bezaf lhih ta9dar tarba7 danya w akhra hhh

والخدمه !!!!قولولي واحد حرق وزعما راو حاكم بيرو ويتكسل فيهم ههههه ولا واحد
يخدمو غير في الدمير 24سا / 24سا

machi 3ayb lwa7ad yakhdam w yadmar w mach 3ayb ybat bara el3ayb ki ykhali dhorofo tlahih 3la rabi sob7ano w l7arga machi 7ram wla ?hhh

ربي يهدي امة محمد وانا حبا نوصل فكره للشباب ماتحيروش امهاتكم عليكم

rabi ya7fadh omahatna kamel nchlh

ورضاو بلي انتوما فيه وقولو الحمد لله الواحد مايشوفش للفوق بزاف ارضا بلي اعطاهولك ربي

hna 3andek l7a9
kima ygolo anafso tama3a 3alimha l9ana3a
lwa7ad ya7mad rabi bark

وزيد ماتخدعوش بنات الناس معاكم تربطوهم وتخلوهم معلقين حرام علييييكم
وفي الختام نتمنى تكون وصلت فكرتي​

rabi yahdina okhti la3ziza w yahdi khawatna kamel
l7arga mahich la3ba mais mach 3ayb lwa7ad y7ab y3ich
w dima ngolou hmd
merci zina sujet chbab
​

 

[مابقاش بزاف.Dz]

ربي يهدي ما خلق و لكـن ما نهدروش هكدا بركـ لانو كاين فئة من الشباب و الله حالتهم تعيي يعني كي يكرهوا قع يحرقوا لاي بلاد اوروبية يقولك هنا ماكاش الخدمة ووووووو مطالب الشباب معروفة مي ماكاش الي يجسدهالهم كحقيقة
زعـما الخرطي تاع التشريعات في ماي هادا ماداروا والو كيما قالو فاحد المقال هادا وين راهم مع الامتيازات لاهيين كي شغل راهم في مرحلة الفطام ....يطول الحديث فهاد الموضوع و لكن لازم يديروا الشباب فبالهم الي اوروبـا ماشـي جنة ... و معظم الي يروحوا حراقة يجيبوها في نهاية المطاف في رواحهم و يغيظوا بزاف قادرين يموتوا فالبحر و لا يغرقوا ........ ربي يجيب الخير
ربي يهدي ما خلق و ربي يصلح احوال بلادنا

 

[loca]

je ss avec l'émigration oui 5alihom yrouho cha ydirou hna ye9raw apres yahakmou ls murs haka yethanaw w chira radi yjiha maktoubha w homa rabi ysahalelhom
merçi 3la sujet 5to ^^​

 

[اسيل17]

يعطيك الصحة اختى على الموضوع ... ونقولوا ربي يهديهم ويعطيهم لعقل .....

 

[joumane]

rabi yahdina okhti la3ziza w yahdi khawatna kamel
l7arga mahich la3ba mais mach 3ayb lwa7ad y7ab y3ich
w dima ngolou hmd
merci zina sujet chbab
​

merci habibti 3la ihtimamak wrododak satr bsatr
mi ngolak haja biensur mach 3ayb lwahad y3ich
wkaaaamel nhabo n3icho hadhi blfitra
welakin ana lmawdho3hadha mahatitoch blfitra wliani sma3t khbar brk
la 3an tajroba chakhsiya wfard mn 3ailati darha kbal ljma3a hadhi
wkima ygolo mayhas bljamra rir molahaaa
wenzidak haja viv blady mahma kan mahma haykon
nrdha n3ich f3la lkhobz wlma fiwest bladi whbabi
wmanerdhaaach bl3iz wljah wena dima wehdaniya wmahgora
wmachkoura habibtiiii