ظاهرة الغش في الزواج!!

[بنت الـ25]

[FONT=&quot]

تحياتي لكامل الأعضاء المتواجدين :up: وغير المتواجدين[/FONT]
[FONT=&quot]:p:p
ليوم حبيت نحكي على وحد القضية أو الظاهرة
هي ظاهرة
[/FONT][FONT=&quot]الغش في الزواج[/FONT]
[FONT=&quot]:s:s
احيانا نلقاو أهل الشاب باش يزوجو ولدهم اللي فيه عيب ... سواء كان هاد العيب خَلقي (ميسمعش... يمشي بالدواء .. مريض مرض مزمن:$ )
الله غالب هدا هو تفكير تع المجتمع

ولا يكون عيب خلقي( مثلا هاد الشاب ميصليش:down: .. لا علاقة بالدين ..مشي متربي، مشراني .. يسكر ....الخ)

ولا ممكن يكون [/FONT][FONT=&quot]مريض بالعقلية[/FONT][FONT=&quot](مترفل) :s..الخ مالعيوب اللي لا حصر لها

ولا أهل البنت كيف كيف مثلا تكون بنتهم كبيرة فالعمر :d (بايرة وآسفة على هاد الكلمة)
ولا دافعة كوارطها ولا حولا.. طرشا .. المهم فيها ديفو:$

تلقاهم لما يحبو يزوجو ولادهم يكدبو عالطرف الثاني :down:
ولا عالأقل يخفيو عليه الحقيقة:down:

وباش منكترش عليكم بزاااااااف ومتعياوش
هادا مثال واقعي على واحد صراتلو مسكين
كيما يقولو
[/FONT][FONT=&quot]وقع ومحدش سمى عليه[/FONT]
:-r:-r:-r


[FONT=&quot]

[/FONT][FONT=&quot]
باش متشوكاوش برك هاد السيد في عمرو 57 سنة
:s :s:s
خخخخخخخخخخخخخخخ

هاد السيد خدعوه مرتين وضربتين فالراس توجع
يا وخدي يا وخدي عليه :-o

ايا دركا قولولي هادو ميحشموش على أصلهم يخدعو ويغشو الناس؟؟
:down:
اي ماشي بيعة وشروة تدغل فيها وواحد ميحاسبك!!!!!!!!
:down:
راهي حياة مصيرية بين طرفين

بقداش عليه هدا باباها كي دركا راجعتلو بنتو وهي مطلقة تقول مكفاهش انها
(مريضة )؟؟

[/FONT][FONT=&quot]أيا قولولي وش رايكم فهاد العقلية الخاسرة؟[/FONT][FONT=&quot]

وبعيد الشر هههههههههه:p نفرضو في يوم من الأيام ايها العضو رحت تخطب وعقدت
وتزوجت ومبعد اكتشفت انو زوجتك عندها مرض نفسي ولا عصبي؟ كيفاش رايح
تتصرف؟ قلنا فرضا برك ههههههههه:p

وانتي اختي العضوة: نفس السؤال:
لو زوجوك بواحد ومبعد اتضح انو مضيع مصرفق :pمصوطيلو عرق:d ودافع كوارطو:-r
[/FONT][FONT=&quot]شا غادي اديري[/FONT][FONT=&quot](كيما يقولو خاوتنا تع الغرب) ههههههههههه:$

واحد ميقولي منديش وحدة/ واحد منعرفوش
اقراو حدركم ومنعرف:d[/FONT]
[FONT=&quot] ههههههههههههههههههه

[/FONT][FONT=&quot]وأكدولي على هاد السيد وقولولي وش رايكم في باباها خخخخخخخخخ[/FONT]
[FONT=&quot]:down::down::down:

[/FONT][FONT=&quot]هيا دمتم[/FONT]
:regards01:
​

​

 

[ماكانش]

أهلا بيك ساندي
اه عندي بزااااااااااااف ماقريتش موضوع مليح ومهم ويعالج قضية كي موضوعك الباهي هدا
مانعرف كيعاد يحكي على الزواج ولا ؟؟؟؟ هههههههه
يحكيلي بابا على واحد العرش والقرية كانت عندهم مرا زينونة زوجو بيها بنات الدوار تاعهم كامل هههههه
ينعتوهالهم ويمدولهم اخرى هههههههههه
هذا نوع من الغش
وكاين ألي قلتي عليهم يجحدو الأمراض الله يعافينا، وديما نسمعو بحكايات هكدا
لازم الراجل ولمرا يذكرو عيوبهم ان كانتن خير من تولي طلاقات و قتيلات وووو
---
أنا عن نفسي تغيضني علاه ماقالوليش وكذبو عليا وو
يقولولي وانا نقرر

والحمد لله مانيش مريض بصح راني في العزوبية نتخبط هههههههههههه
يعطيك الصحة تستاهلي​

 

[** غزال الصحراء **]

هاذي من عواقــب الزواج المتسرع , كيما نقولو أنا ( الزواج في الظلمة )
يعني قبل الإنسان ما يتزوج , و لا قبل الأهل ما يمدو بنتهم تكون كاينة فترة تاع تسوال , على الإنسان هاذاك
من كل الجوانب , و من مصادر مختـلفة
يعني لازم تقرعيــج كبير , هاذي حكاية تاع بنادم يعيش مع بنادم ماهيش لعبة

و أنا في بالي اللي يمد بنتو و لا يزوج ولدو و هو يتستر على عيب من عيبو (ها)
راهو غير يحشي لروحو , خطراش عاجلا أم اجلا تبان الحكاية , و ترجعلهم سلعتهم للدار

و أصلا العيــب في الإنسان ما يمنعش أنو ما يتزوجش , ناس تمشي بكرسي متحرك و دات بنات الله الله , يعني الصراحة هيــ المفتاح , و ما يكونش الإنسان موسوس

و اللي بغاني يبغيني بعيبي و لا ماكالاه
هاذي هي

سلامو .

 

[assinat]

اللي يتبنى على الباطل ما يكمل و ما يفوت على خير
حب يزوجو بوحدة مريضة مزية عرف و لا كانت راحت عليه هههه

شكرا على الموضوع الزويننن ساندي

 

[la_safa]

صحيتي خيتي سندريلآ عالموضوع البآهي :up:

والله غير صح كآين منهآ .. كيمآ حنآ هنآ
كآينة وحدة تزوجت و هآذآ كذب عليهآ في عمرو
و بزيآدة قآلهآ نخدم مقآول و مبعد كي تزوجو فآقت بلي يخدم
عآمل نظآفة .. حرت انا حآشم بخدمتو .. !!!
بصح هنآ نلوم ثآني الجآنب لوخر كيفآه يقبل
و بلآ مآ علآبآلو بوآلو !!! لآ أصلو لآ صحتو لآ تفكيرو لآ خدمتو
والله ربي يصلح الزوآج عآد لعبة عندهم .. ربي يهديهم

انا من بكري نكره الكذب اكثر من اي حآجة
لآكآن فقت هآكآ نخنقو :p ههههـ
مآنعرف قدقد وآش يصرى بصح أكيد حآجة مآ ترضيش
​

 

[نور الهدى22]

حتى حاجة ما تتخبى في هاذ الدنيا
كلش يبان مع الوقت
ما لازمش نغشوااا اللي كاين كاين
والزواااج ماشي لعبة نتصرفوآآ فيها كيما نحبوا
شكرآآآ لموضوعك رآآآآق لي​

 

[ĂÝǾΰb]

سلام
صحا القسنطينية كي شفت لقيتك انت لي كتبتي الموضوع
عرفت بلي راهو شباب ههههههههههه مي ضحت بزاف وانا نقرا فيه
بنسبة لهذو الناس ان لم تستحي افعل ما شئت
لي يحب يمد ولا يخطب ينعت السلعة ويقول هذا القماش ادي ولا خلي هههههههه
كلش برضا

هاو لازم ندي بنت نعرفها باش ما يحشوهاليش هههههههههه
واذا كنت ما نعرفهاش لازم نشوفها ولي كاتبة كاتبة
سلامو اختي العزيزة
​

 

[imen ahmad]

آآآآآآآآآآآآآو اصبحت ظاااهرة التدليس في الزواج موضة في المجنمع الجزاااائري للاسف

و تثااااار العديد من القضاااااايا في المحاااكم اثر اكتشاااف الزوجة ان الزوج يعااااني من امراض نفسية عدة فالتدليس يكون في الامراض النفسية المخفية للعياااان

فالتدليس في الزواج يؤدي بالضرورة الى الطلاااق و تفكك الاسرة و ضياااع الاطفااال

حيث يعتبر الاطفااال الخاسر الوحيد في هذه القضة من الخطبة الى الطلاق

و انا شخصيااا مرت عليااااا العديد من هذه القضااايا

 

[بنت الـ25]

أهلا بيك ساندي
اه عندي بزااااااااااااف ماقريتش موضوع مليح ومهم ويعالج قضية كي موضوعك الباهي هدا
مانعرف كيعاد يحكي على الزواج ولا ؟؟؟؟ هههههههه

بيك يعيشك سفيان:up:
او باين جى هاد الموضوع على قلبك كي لعسل مدامو عالزواج:p
والموسم تعهم دخل خلي برك منفتحلش جروحاتك:d
خخخخخخخخخخخخخخخخ

يحكيلي بابا على واحد العرش والقرية كانت عندهم مرا زينونة زوجو بيها بنات الدوار تاعهم كامل هههههه
ينعتوهالهم ويمدولهم اخرى هههههههههه
هذا نوع من الغش

اممممممم كي مرت الدايم :-o
نعتولو وحدة وزوجوه بوحدة مهبولة تبدا تضحك :d
متحبسش حتى يرشولها الماء في وجهها:d
ههههههههههههه

وكاين ألي قلتي عليهم يجحدو الأمراض الله يعافينا، وديما نسمعو بحكايات هكدا
لازم الراجل ولمرا يذكرو عيوبهم ان كانتن خير من تولي طلاقات و قتيلات وووو
---
أنا عن نفسي تغيضني علاه ماقالوليش وكذبو عليا وو
يقولولي وانا نقرر

والحمد لله مانيش مريض بصح راني في العزوبية نتخبط هههههههههههه
يعطيك الصحة تستاهلي

شفت والله غير عيب كبير:down:
وش من وجه يقابلو بيه:$
ماينة


انت منحكيوش عليك هههههههه:-r
ربي يزوجك يا سيدي وان شاء لله ميكدبوش عليك
وتكون بنت حلال بعيدة عن هاد الأمور وتعيشو حياة هنيئة
:up::up:
وربي يخليك حتى انت تستاهل:regards01:
​

 

[zahya]

السلام عليكم واش راكم واش اخباركم توحشتكم بززاف ....قولولي المنتتى وين كان شحال حوست عليه ...المهم نتمنى تكونو كامل بخير ...
اما موضوع الخداع في الزواج هادي قديمة بززاف من عهد فيلم الدايم الله ...لي وراولو وحدة وجابولو وحدة اخر عكسها ....مي حاجة برك انو الخداع الطور شوية دخلت عليه التطنولوجيا في وقتنا هادا ربي يجيب الخير ....

 

[بنت الـ25]

هاذي من عواقــب الزواج المتسرع , كيما نقولو أنا ( الزواج في الظلمة )
يعني قبل الإنسان ما يتزوج , و لا قبل الأهل ما يمدو بنتهم تكون كاينة فترة تاع تسوال , على الإنسان هاذاك
من كل الجوانب , و من مصادر مختـلفة
يعني لازم تقرعيــج كبير , هاذي حكاية تاع بنادم يعيش مع بنادم ماهيش لعبة

و أنا في بالي اللي يمد بنتو و لا يزوج ولدو و هو يتستر على عيب من عيبو (ها)
راهو غير يحشي لروحو , خطراش عاجلا أم اجلا تبان الحكاية , و ترجعلهم سلعتهم للدار

و أصلا العيــب في الإنسان ما يمنعش أنو ما يتزوجش , ناس تمشي بكرسي متحرك و دات بنات الله الله , يعني الصراحة هيــ المفتاح , و ما يكونش الإنسان موسوس

و اللي بغاني يبغيني بعيبي و لا ماكالاه
هاذي هي

سلامو .

الله الله عليك والله كفيت ووفيت :up:

والله كاين ناس يحبو يليكديو بنتهم ويجيهم عريس ما يصدقو
يمدوها (فالظلمة) لا تسوال لا والو كيما قلت
وعالستار لاكان كان مليح فبها
ولا كان مصوطيلو عرق طفرت فيها يا تحمل طول حياتها يا ترجع لدار باباها
وهي الخاسرة فالحالتين
ونفس الشي بالنسبة للراجل
الفرق الوحيد انو الراجل يخرج بأقل أضرار
يعني يقدر يعاود زواج بوحدة اخرى وتطفر في المرا وأهلها
سيرتو لا معندوش لولاد معاها

وعلى كل الصراحة ضرورية ماللول باش يكون كل طرف على بصيرة
:up:
واحنا نقولو (اللي يشتيني يشتيني بيا بخنونتي) حاشاكم:p
وتشكر عالرد الرائع غزال مميز كالعادة
:regards01:
​

 

[بنت الـ25]

اللي يتبنى على الباطل ما يكمل و ما يفوت على خير
حب يزوجو بوحدة مريضة مزية عرف و لا كانت راحت عليه هههه

شكرا على الموضوع الزويننن ساندي

:up::up:

عندك حق طبعا ما فيهاش قالو:up:
بصح شوفي الناس كيفاش غير باش يليكيديو الطفلة مولات 26 سنة زوجوها لواحد 57 سنة :s مزوج بتلاتة قبلها وعندو 16 نصغير:-o
عقلية مقلية :down:
ربي يهديهم

العفو اسينات نورتي :regards01:
​

 

[بنت الـ25]

صحيتي خيتي سندريلآ عالموضوع البآهي :up:

والله غير صح كآين منهآ .. كيمآ حنآ هنآ
كآينة وحدة تزوجت و هآذآ كذب عليهآ في عمرو
و بزيآدة قآلهآ نخدم مقآول و مبعد كي تزوجو فآقت بلي يخدم
عآمل نظآفة .. حرت انا حآشم بخدمتو .. !!!

اهلا بيك صفاء :d
ايييه يحشمو في عمرو كي عادت الخدمة عيب:$
هدا علابالو بيها متقبلش بيه كون يقلها بلي عامل نظافة علابيها كدب عليها وقالها مقاول (قرحو برك):down:
معلابالوش بلي المعيشة مع امراة تحتقرو لاخاطر كداب أسوء من عيشة الكلاب
متحيري موالو صفاء عادي في بلادي:-r

بصح هنآ نلوم ثآني الجآنب لوخر كيفآه يقبل
و بلآ مآ علآبآلو بوآلو !!! لآ أصلو لآ صحتو لآ تفكيرو لآ خدمتو
والله ربي يصلح الزوآج عآد لعبة عندهم .. ربي يهديهم

انا من بكري نكره الكذب اكثر من اي حآجة
لآكآن فقت هآكآ نخنقو :p ههههـ
مآنعرف قدقد وآش يصرى بصح أكيد حآجة مآ ترضيش

وش رايحة ديري:$
وللأسف مزال كاين ناس ماشية بهاد العقلية تع لكدب
وغش الناس ولا إخفاء الحقيقة والأمر سيان
:down:
الله لا توصلك لهاد الحاجة ختي:up:
وربي يهدينا أجمعين
نورتي الموضوع بمرورك العطر حبيبتي:regards01:
​

 

[سلفي والحمد لله]

موضوع مليح يعطيكم الصحة
حنا عندنا واحد العقلية لي يكون زعمة مريض عقليا يعني ناقص شوي برك يقولك نزوجوه كاشما يرتاح وبالفعل يزوج وعادي جدا مع وحدة مايش مريضة يعني سبحان الله تحير في تفكير ناس خرين لعلنا لا نعرف الظروف تاعهم لي خلاتهم يقبلو بيه لكن في نظري انا ماكان حتى ظرف يخليك آبنتي تزوجي مع واحد ناقص عقليا والله اعلم​

 

[بنت الـ25]

سلام
صحا القسنطينية كي شفت لقيتك انت لي كتبتي الموضوع
عرفت بلي راهو شباب ههههههههههه مي ضحت بزاف وانا نقرا فيه
​

آآ سي بون ديتها في روحي
ههههههههههههههههههه
:regards01:

بنسبة لهذو الناس ان لم تستحي افعل ما شئت
لي يحب يمد ولا يخطب ينعت السلعة ويقول هذا القماش ادي ولا خلي هههههههه
كلش برضا

هاو لازم ندي بنت نعرفها باش ما يحشوهاليش هههههههههه
واذا كنت ما نعرفهاش لازم نشوفها ولي كاتبة كاتبة
سلامو اختي العزيزة

السلعة؟ خسرتها خلاص ا لوخر :smile02:
مي معليش الفكرة وصلت وعندك حق:bravo01:
يا سيدي قولي ولدي راهو مصرفق :tongue02:.. مقود :very_mad:.. مدهده :cray01:نورمال انا لي نقرر:graduation:
متخليش حتى طيح الفاس فالراس مبعد تطفر ويفوت الأوان لكلشي:surrender01:

ايا ربي يرزقك بوحد انتيك تسر قلبك وخاطرك:bye01:

سلام بيبرس :regards01:
​

 

[بنت الـ25]

آآآآآآآآآآآآآو اصبحت ظاااهرة التدليس في الزواج موضة في المجنمع الجزاااائري للاسف

و تثااااار العديد من القضاااااايا في المحاااكم اثر اكتشاااف الزوجة ان الزوج يعااااني من امراض نفسية عدة فالتدليس يكون في الامراض النفسية المخفية للعياااان

فالتدليس في الزواج يؤدي بالضرورة الى الطلاااق و تفكك الاسرة و ضياااع الاطفااال

حيث يعتبر الاطفااال الخاسر الوحيد في هذه القضة من الخطبة الى الطلاق

و انا شخصيااا مرت عليااااا العديد من هذه القضااايا

مشكووووووووووووورة ايمان :up:
والله صح اللي يغيض في نص هاد المعمايعة الأطفال:-o
والله معندهم حتى ذنب
تفكك أسري فضيييييع الله يعافينا:s
نورتي ختي باينة عليك أفوكات
​

 

[homework]

هذا مكتوب ربي و كل واحد واش قسموا في هذي الدنيا مي الخديعة ماشي مليحة والحياة الزوجية مبنية على الصراحة و باش نتفاداوا الطلاق والخصام بين الزوجين
مي انا وحدة من الناس منقدرش نتصرف اذا تصدمة بواقع مفجع واحد مريض ارحم من واحد زطالجي والا يشرب و الا يزغد

 

[بنت الـ25]

موضوع مليح يعطيكم الصحة
حنا عندنا واحد العقلية لي يكون زعمة مريض عقليا يعني ناقص شوي برك يقولك نزوجوه كاشما يرتاح وبالفعل يزوج وعادي جدا مع وحدة مايش مريضة يعني سبحان الله تحير في تفكير ناس خرين لعلنا لا نعرف الظروف تاعهم لي خلاتهم يقبلو بيه لكن في نظري انا ماكان حتى ظرف يخليك آبنتي تزوجي مع واحد ناقص عقليا والله اعلم​

وعليكم سلام ورحمة الله وبركاته:regards01:
وشمن عقلية هادي تع نزوجوه يرتاح؟ صار مرتاحش كامل هاد السنوات يرتاح كي يزوج؟؟:s
كاين واحد جارنا مريض (شوية) بالعقلية يمشي بالدوا
ولادو مساكن قالتهم بالطرايح:-o
كلما يشوفهم برا يحكمهم اخبط اخبط اخبط
يشفو لحجر:cray02:
هدا رب أسرة (طبيعي) ومسؤول على عايلة:s؟؟
هو لا كان مرتو علابالها بيه ماللول وقبلت هي حرة وممكن يخفف ألمها وتتحمل:$
بصح انا نحكي على ظاهرة الغش
يعني يكدبو عليك ويخبيو عليك حاجة خطيرة كيما هادي:-o اسمحلي ماشي لقطة تع رجال وديننا يقول
" من غشنا فليس منا"
:down:

وفالأخير راك انت قلتها
​

ماكان حتى ظرف يخليك آبنتي تزوجي مع واحد ناقص عقليا

وهذا في نظري جواب كافي:up:

نورت أخي سلفي :regards01:
​

 

[هدى42]

بارك الله فيك

 

[بنت الـ25]

هذا مكتوب ربي و كل واحد واش قسموا في هذي الدنيا مي الخديعة ماشي مليحة والحياة الزوجية مبنية على الصراحة و باش نتفاداوا الطلاق والخصام بين الزوجين
مي انا وحدة من الناس منقدرش نتصرف اذا تصدمة بواقع مفجع واحد مريض ارحم من واحد زطالجي والا يشرب و الا يزغد

وعليكم السلام ختي homework :-r
ايه يا لالة احنا ما قلناش هادا مشي مكتوب ربي :d
مي راكي قلتي حاجة مليحة وهي الحياة الزوجية مبنية على الصراحة و باش نتفاداوا الطلاق والخصام بين الزوجين
:up:
وهدا المغزى والنقطة لي حبيت نوصللها

اييييييييه يا ختي مجربتيش تعاشري واحد مريض علابيها تقولي واحد مريض أرحم من واحد زطالجي والا يشرب والا يزغد لا قدر الله:down:

على كل حال ربي يبعدهم عليك كامل كيما راهم :p
نشكرك عالتفاعل حبيبتي:regards01:
​