السلامـ عليكمـ:d
واش راكم ؟؟؟ بيان؟
ولا راو قتلكم الفيد مع الفاكونس
ليسونسيال في الحالتين نحمدو ربي:-r
.
.
عندي شحال هادي محطيت سيجي هنا:$ زعما كان هاد القسم هوا داري
.
.
اليوم راني راجعتلكمـ بموضوع حرقلي خيوط راسي راي حاجة تخلي العبد في شوك والله
.
.
أيا منطولش عليكم
مالا ياسيدي هادا الكارطي لي راني ساكنة فيه رووعة واش راح نقلكم الناس لي فيه يهبلو يهبلو نحمد ربي لحد الآن راي مريقلة الدعوة
حتى جاو سكنو العام ليفات أون فاس لينا واحد الناس في ديبي مبان عليهم والو كي بداو يخالطو ولاو خرطو:down:
دارو زريبة فوق الدار (أستغفر الله منبداش في النميمة مي راو الحق خاوتي) الله يبارك ليهم مي لو كان حاب دير زريبة:s روح أسكن في الريف متجيش وسط مجمع سكني وتحط النعاج والمعيز في لاطيراس أيا ولينا قافلين البيبان والطيق في هاد السخانة مخلينا ما درنا نعطرو في الجو منا.. منا. منا ...والو
قتلنا الدبان والناموس ليساآنساكت كامل جاونا
الريحة ترهج حاشاكم
وزيد ينوض على الصباح ولدو طاكسيور ينوض الطاكسي باه يحمى الموتور والدخان يدخل لينا حنا كي نغلطو نخلو الطيق محلولولين والحس:-o تاع الطاكسي ياااااااااربي ياربي ياو تقولي كاميو البرا راي تمشي ماشي طاكسي هادي والله قريب نخرج نقولو ياو أحشم رانا في دوميل دوز عندك طونوبيل كي هادي
وزيد ينظف حدا دارو بالبالة ويرمي حدا دارنا الخماج تاع الكباش تاعو حشاكم
ياو يسهرو حتى 12 تاع الليل بالهدرة وصوت التيلي قاوي أنا جامي تبعت مسلسل تركي نسمع في المسلسل لي يتفرجو فيه تقولي معاهم في الصالون
والبروبلام وين رام يرقدو على 12 وينوضو على 3 يغراطو بالبالة الخماج تاع الكباش ويريقلو البارابول والله ياو بديت نشك بلي رام فامبير ولا خفافيش ميرقدوش نايض على 3 حاكم البارابول ( جات ... مجتش) ياو خلي السماء تاعها ظرك خلي الناس ترقد يا راجل
.
وحنا كل يوم عندنا ضياف متسمع حتا حس بابا توصل القوايل يقلنا أنتوما متقيلوش خلو الجيران تقيل مع العلم أنو بابا يخدم في القايلة يعني هوا يوصي على الجيران ماشي على خاطر حاب يرقدهوا
يجونا درا عمي عندهم ولاد صغار أنا والفت العادة تاع بابا نقلهم أيا أرقدو ظركا تبرد الدنيا مبعد أخرجو ألعبو البرا والله الناس كامل ميشوفو منا والو
وهوما يا لطيف ربي يهدي
والجيران كامل ملاح ميحبوش يشكو يقولو رايحين نربحو العيب بلاش
هوا النبي صلى الله عليه وسلم وصى على سابع جار وهوما مدايرين قيمة حتى الواحد
.
.
طولت عليكم بزاف
أنا نخليكم ظركا أو ليكم التعليق
.
مع العلم أن راجعة بأغرب العجائب في التاريخ
.
صحا خاوتي
:regards01:
واش راكم ؟؟؟ بيان؟
ولا راو قتلكم الفيد مع الفاكونس
ليسونسيال في الحالتين نحمدو ربي:-r
.
.
عندي شحال هادي محطيت سيجي هنا:$ زعما كان هاد القسم هوا داري
.
.
اليوم راني راجعتلكمـ بموضوع حرقلي خيوط راسي راي حاجة تخلي العبد في شوك والله
.
.
أيا منطولش عليكم
مالا ياسيدي هادا الكارطي لي راني ساكنة فيه رووعة واش راح نقلكم الناس لي فيه يهبلو يهبلو نحمد ربي لحد الآن راي مريقلة الدعوة
حتى جاو سكنو العام ليفات أون فاس لينا واحد الناس في ديبي مبان عليهم والو كي بداو يخالطو ولاو خرطو:down:
دارو زريبة فوق الدار (أستغفر الله منبداش في النميمة مي راو الحق خاوتي) الله يبارك ليهم مي لو كان حاب دير زريبة:s روح أسكن في الريف متجيش وسط مجمع سكني وتحط النعاج والمعيز في لاطيراس أيا ولينا قافلين البيبان والطيق في هاد السخانة مخلينا ما درنا نعطرو في الجو منا.. منا. منا ...والو
قتلنا الدبان والناموس ليساآنساكت كامل جاونا
الريحة ترهج حاشاكم
وزيد ينوض على الصباح ولدو طاكسيور ينوض الطاكسي باه يحمى الموتور والدخان يدخل لينا حنا كي نغلطو نخلو الطيق محلولولين والحس:-o تاع الطاكسي ياااااااااربي ياربي ياو تقولي كاميو البرا راي تمشي ماشي طاكسي هادي والله قريب نخرج نقولو ياو أحشم رانا في دوميل دوز عندك طونوبيل كي هادي
وزيد ينظف حدا دارو بالبالة ويرمي حدا دارنا الخماج تاع الكباش تاعو حشاكم
ياو يسهرو حتى 12 تاع الليل بالهدرة وصوت التيلي قاوي أنا جامي تبعت مسلسل تركي نسمع في المسلسل لي يتفرجو فيه تقولي معاهم في الصالون
والبروبلام وين رام يرقدو على 12 وينوضو على 3 يغراطو بالبالة الخماج تاع الكباش ويريقلو البارابول والله ياو بديت نشك بلي رام فامبير ولا خفافيش ميرقدوش نايض على 3 حاكم البارابول ( جات ... مجتش) ياو خلي السماء تاعها ظرك خلي الناس ترقد يا راجل
.
وحنا كل يوم عندنا ضياف متسمع حتا حس بابا توصل القوايل يقلنا أنتوما متقيلوش خلو الجيران تقيل مع العلم أنو بابا يخدم في القايلة يعني هوا يوصي على الجيران ماشي على خاطر حاب يرقدهوا
يجونا درا عمي عندهم ولاد صغار أنا والفت العادة تاع بابا نقلهم أيا أرقدو ظركا تبرد الدنيا مبعد أخرجو ألعبو البرا والله الناس كامل ميشوفو منا والو
وهوما يا لطيف ربي يهدي
والجيران كامل ملاح ميحبوش يشكو يقولو رايحين نربحو العيب بلاش
هوا النبي صلى الله عليه وسلم وصى على سابع جار وهوما مدايرين قيمة حتى الواحد
.
.
طولت عليكم بزاف
أنا نخليكم ظركا أو ليكم التعليق
.
مع العلم أن راجعة بأغرب العجائب في التاريخ
.
صحا خاوتي
:regards01: