قانون الزواج الجديد؟؟؟؟؟؟؟؟؟؟؟؟؟؟؟؟؟؟؟

[amel amoula]

السلام عليكم

انا عندي موضوع حابه نعرف رايكم فيه


رانى نلاحظ بلى الى راهم يتزاوجو ولا يتخطبو من البنات غير الى عمرهم مابين 16 الى 20 21 22 و كى تزيد على هادا السن يشوفوها كبرت و مايشوفوش فيها ....................

و تان الرجال من كامل الاعمار 23 24 25 .....................حتى 35 وزيد ................ كى يجو يخطبو يحوسو على وحدة صغيرة


و يقولك انا مانديش وحدة كبيرة انا نجبها صغيرة غير 18ansالمهم انا وش حبيت نقول بدون اطالة





دوك را ح يوالي عدنا فى الجزائر بنات كبارات من سن 24ال ..................... مانعرف


و رجال صغار من سن 20 الى 24 ولا 25 يعنى ال 1 منهم كى يجى يتزوج مايصيبش بنات صغار عليه


وش يصيب غير لى كبارات عليه





والبنات الي جاوز سنهم 24 مايصيبوش الرجل المناسب لاخاطر الرجل المناسب تزوج بوحدة صغيرة





و دوك كيفاش نديرو ......................................................






انا راح ندير قانون ولى هو لازم الى راهو حاب يتزوج لازم لا يتجاوز السن مابينهم 5 سنوات والى يتجاوز السن ممنووووووووووووووووووع يعنى الى عمرو 35 يدى واحدة من 30 الى 35






والى عمرو 30 يدى من 25 الى 30




وهكذا .......................................................................




حبيت نعرف رايكم وادا راكم مع او ضد هادا ال قانون لى درتو




و هكذا يشتفيد الجميع من عرض الزواج و ما يوليش هناك تناقضات ؟؟؟؟؟؟؟؟؟؟؟؟؟؟؟؟








اعطونى رايكم و السلام

 

[ماكانش]

أهلا بيك أمولة
يعطيك الصحة على الموضوع لمليح بزاف وألي يعالج ظاهرة انتشرت وراح تفسد الموازين
هذ الصنف زاد وراح ايزيد من العنوسة
بكري ألي توصل ل 35 بلاك يقولو عليها عانس
اما درك ألي عندها 25 سنة برك ياحصرااا عليها ...
كيما قلتي يتزوجو غير جماعة 17،حتى 22 وهكذاك ويقلك كبيرة
انا نحير في الناس هذو ولكن عندهم حجج ووو
ولكن ألي يحيرني أكثر الناس ألي يزوجو بنتهم 17 سنة بواحد 32 ؟؟؟؟؟
انا هذو نحير فيهم كيفاه حابين يليكيديوها ولا كيفاه ؟؟؟

مليح القانون تاعك ولكن نديروه موجه للوالدين ممنوع تزوجو بناتكم بلي أكثر منهم ب 5 سنوات ههههههه

يعطيك الصحة وتستاهلي تقييم
​

 

[ISMA.dz]

لي عودة


رد محجووووووووووز​

 

[HAMOUDI2000]

زواج خلعة وكوشما وكل وحد ورايو في مرا يدي وحدة صغير يكمللها قرايتها يعلمها حقوقها وواجباتها تبانلي قانون عملتيه لو تشوفو دولة ترسمك

 

[amel amoula]

يعطيكم الصحة على المرووور

 

[{مُدَلَّلَتُهُ}]

و عليكم السلام و رحمة الله

عددك الحق تلقايها مولات 16 سنة متزوجة ولا 18 عام عندها طفل -تسما حنا برنا هههه :d- و المشكل راجلها تلقايه كبير بزاف ما نعرف هاداك الي زوجها -باباها- بعقلو ولا هبل ؟ طفلة مازالها تلعب و تتفرج في الرسوم يزوجها بواحد كبير عليها ب 10 سنين !!
الله يهدينا

نا راح ندير قانون ولى هو لازم الى راهو حاب يتزوج لازم لا يتجاوز السن مابينهم 5 سنوات والى يتجاوز السن ممنووووووووووووووووووع عندك الحق في هادي لا فاتت 5 سنين كااارثة

 

[***سوسن الجزائرية]

هي صح ولات الحالة هكدا تمشي..لي تفوت 22 سنة يقولك كبيرة مازال ماعرفتش كيفاش نعبر دخلوا وحد الصوالح عجب..

شكرا لك
​

 

[مرام التيبازية]

السلام عليكم،شكرا اختي على الموضوع الرائع...
ايه اختي قانونك شباب والله بصح خيتو الله غالب راكي اشوفي وعيش اشوف الناس راهي فسدت،وعلاه هما علابالهم واش راهم يديروا راهم يلعبوا اشوفي واحد عنده 40سنة يتزوج بوحدة عندها 20سنة ياللاسف وياللعجب كارثة بزاف والله وظاهرة راهي تفسد في المجتمع،واش نقولوا ربي يصلح الاحوال وربي يهدينا.....
تستاهلي تقييم،وبارك الله فيك...

 

[amel amoula]

مارسى على المرور

 

[amel amoula]

مارسى كامل رانا حايرين و مضرورين من هاذى الضاهرة الله يهدي الجميع

 

[imen ahmad]

اختي موضوعك عجبني بزااااف صح

كلامك موجود في الواقع و لكن كل وحدة و مكتوبها بالنسبة لسن صحيح سن الزواج 16 و 18 سنة تلقايها عديمة المسؤولية


و عقلهااافارغ كيفاااش تحبوها تتزوج و تربي اطفااال اختي روحي لاي محكمة قريبة ليك و شوفي شكون الي يطلق صحاب 22 و18 و الراجل 24 و 25 و مدة الزواج لا تتعدى السنة انا دايمن انشوف هد الحالات و عشرااات منهم

اما الرجل يكون كبير بزاااف على الزوجة هدا راجع لنصيب و انا متال انا زوجي 43 و انا 25 سنة و الحمد الله متفااهمين

و سلفتي كي تزوحات كان في عمرها 24 و هو 44 يعني 20 سنة الفرق

و عدي سلفي اخر في عمرها 24 سنة و زوجها 28 سنة روحي شوفي المشاااكل وااو وصلو للطلاق و هوما مازال ما قفلو سنة زواااج

الرجل لازم يكون كبير على المراءءة باش هي الي تتفشش اعليه ماشي هو الي يتفشش اعليه اههههه

هذي وجهة نظري انا فقط

 

[amel amoula]

هادى حالة من الحالات انا طرحت الموضوع باه نتخلصو من ضاهرة العنوسة فى الجزائر وتان بزاف الى تصيبيهم صغارات و مطلقات على خاطر يتزوجو و هوما ماهمش قد المسؤولية

 

[نسيــم البرج]

السّلام عليكم ورحمة الله تعالى وبركاته
صلّوا على الحبيب محمد.
أرى والعلم لله أنّ أغلب صاحبات السنّ المتقدّم هنّ الملومات وحدهنّ، وذلك لتفضيل الدّراسة والعمل وقصص أخرى وعوالم وردية، على الزّواج والمكوث في المنزل... ورغم ذلك فهي ظاهرة ملاحظة، والعجيب في الأمر كذلك أنّ خلفها نساء خاطبات، فهنّ من يقمن بالبحث داخل تلك الدّائرة السنيّة في أغلب الحالات.
فيما يخص سنّ الرجل في الجزائر، وفي أغلب الحالات، سنّ 35 فما فوق في وقتنا الحالي هو سنّ الاستعداد العام والتفرّغ من الخدمة الوطنية والدّراسة والعمل وتكوين النّفس وتجهيز المال والنّوال.
جزاكم الله خيرا.
​

 

[الحياة كلمة]

راي خاص

السلام عليكم ورحمة الله تعالى وبراكته
بارك الله فيك اختي على موضوعك الراقي والمميز فكرة جيد.
وانا معها من جهة و ضدها من جهة اخرى لان الزواج هو قسمة ونصيب
كل ما ذكر من قبلي صحيح ولا اريد اعادت صياغته ولذا ساثبت نظريتي
انني ضد قانونك بصفة شخصية .
فجيل هذا الوقت مش متربي وانا نشوف البنت لي بين 16 و 22 كي يزوجوها بشخص كبير دين ومتخلق عندهم الحق كي مايمدوهاش لــ انسان يفوتها ب5 سنين ومازالو عقلو هامل ويحوس على النساء برى يعني مش رزين و ماهوش حاط على جمايلو و طايش .
وتاني انا مع البنت كي تتزوج بواحد اكبر منها من6 الى 12 سنة يفوتها وماكاش اي مشكل لان البنت تكبر بلخف وتان الزواج يصدق كي يكون هاكذا خير .
وانا نقولك سبب العنوسة ل راهي فالجزائر مشي هاذي والسبب :البنت كي تكون تقرى ويتقدمولها يجاوبو بلي مازالها صغيرا ويتفشو عليهم والصداق كبير و.و.و.و.و.و..ملا تكبر وتقعد هكذاك وتقول يا ليتني وشفناهم بعينينا.
المهم الموضوع طويل قتبستلك شوي منو ورفضت وحدفكرة حطيتيها
وهذا لا يعني انني ضدها كامل لا فانا مع الراجل الكبير يدي وحدة من لاج تاعو .
جزاك الله كل خير والسلام عليكم .
​

 

[amel amoula]

مرسي على المرور

وهي صح عندك انت تان وجهة نظر صحيحة


من جهة واحد اوخرى

 

[بنـ MaPa ـت]

وعليكم السلآم

وقت وصلنا ليه الصغار يتزوجو والكبارات ؟؟؟ يبورو على حساب الشوفة
القانون يا ختي لوكان يطبقوه غير الاهل في بناتهم وولادهم بزاف
شوفي هادي وحدة ma famille عندها 19ans وراح يزوجوها لواحد عندو 21ans قريب الفاتحة تاعها وبعد رمضان العرس....واحد وليد خالتي عندو 22ans عرسو بعد رمضان ولي خداها عندها 21 يفوتها بعام برك تقدري تقولي راح يلعبو عشة ماراحش يبنو دار + العام الماجي يصيب روحو بولد وبالاك حتى يرزقو ربي بتوام وهو مازالو يقرى كيفاش راح يدير معاهم ؟؟ ولا يتكل على دارهم ؟ ودارهم شحااال راح يرفدوه ؟ الزواج راه مسؤولية كبيرة ماشي لعبة كيما رانا نشوفو ليجان تع هاد الوقت كامل ميتين عليه.....يتزوجو ومبعد تلقايهم بنساهم برا يخلطو ولا يكحلو في البنات نورمآل علاش عقلو مازاآل مارتبش تتوقعي منو كلشي وحتى يزيد يجيب وحدة عجباتو يولي بـ 2 نسا :s وبزآف حوايج يصراو ومشاكل تقدر تهلكهم للـ2 وتفسد مستقبلهم....

بالنسبة ليا ختي الفتاة يحقلها تتزوج من سن 21 فما فوق
والرجل من 28 سنة فما فوق يكونو عاآقلين حاكمين عقولهم قد المسؤولية تاني
+ شفت الاخلت الحياة كلمة قالت ممكن فتاة من 16 الى 22 يجوز يزوجوها لواحد كبير ومتخلق انا اختي نشوف فيه خطآ هادا يلعبو ببنتهم يزوجوها صغيرة سورتو 16 سنة قاصر سن الرشد ومالحقتلوش + ماعندها حتى خبرة في الحياة الزوجية و مشاكلها..ظروفها ..الخ مهما كانت مليحة يجي النهار لي تفشل فيه وتندم على زواجها هادا وهي صغيرة + مازالها في فترة مراهقة يا ختي انا ماتدخلش في راسي فتاة مراهقة تتزوج رانا نشوفو بزاآف مشاكل من هاد الشي تتوقعي يجي نهار وين تولي تعشق وهي برآجلها ؟؟؟ وسي بوسيبل تاني تولي ترندف مع كاش واحد في التيليفون ؟؟

(هادا رايي)

يعطيك الصحة على الموضوع
سلآمي
​

 

[amel amoula]

ايه صح اختي

مي اخت حياة الكلمة

قالت لبنات الي مشي حاكمين في رواحهم وطايشات بالبزاف هادوك خير لهم يتزوجو صح ولالا


باسكو قادرة تغلط وتولي في مشاكل كبار

و تان 21 سنة صغير بزاف مزال معاشش حياتو كامل

 

[الحياة كلمة]

+ شفت الاخلت الحياة كلمة قالت ممكن فتاة من 16 الى 22 يجوز يزوجوها لواحد كبير ومتخلق انا اختي نشوف فيه خطآ هادا يلعبو ببنتهم يزوجوها صغيرة سورتو 16 سنة قاصر سن الرشد ومالحقتلوش + ماعندها حتى خبرة في الحياة الزوجية و مشاكلها..ظروفها ..الخ مهما كانت مليحة يجي النهار لي تفشل فيه وتندم على زواجها هادا وهي صغيرة + مازالها في فترة مراهقة يا ختي انا ماتدخلش في راسي فتاة مراهقة تتزوج رانا نشوفو بزاآف مشاكل من هاد الشي تتوقعي يجي نهار وين تولي تعشق وهي برآجلها ؟؟؟ وسي بوسيبل تاني تولي ترندف مع كاش واحد في التيليفون ؟؟
(هادا رايي)
يعطيك الصحة على الموضوع
سلآمي​

يعطيك الصحة ختيتو عجبني ردك
مي انا راني نقول واش تشوف عيني حنى في ولايتي كاين شي عايلات مازلت عندهم طبيعة يبطلو بنتهم مولات 14 باش يزوجوها ف16 وما تجي تلحق18 تولي تربي ونورمال
بصح شوفي بكري ودك مشي كيف كيف بكري البنت مولات12 تتزوج وعادي
مي دك علا حساب طياشة لبنات تلقايها مولات 25 باه ترتب شوي حاشا لي ماتستهلش
وانا راح نقولك شوفي الحديث النوبوي" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي
ماقالش على البنت صغيرة ولا كبيرة لانها عندها مهمة وحدة تربي جيل قادم و الطفلة كي ترفض كيما رانا نشوفو ولات المشكل تع العنوسة فالكبر .
مالا هاذي الفتنة لي قال عليها النبي صلى الله عليه وسلم رانا فيها .تو سامبلومو
سلامي واحترامي للجميع ​

 

[sweet Maya]

والله عندك الحق...

صحبتي عمرها16سنة تخطبت >عمرو24
..
وآش تديري..اخرجي برآ وقوليلهم هدا الكلآم...!!


ربي يجيب اللي فيه الخير.

 

[ĂÝǾΰb]

السلام عليكم

أنا لازم نديها صغيرة عليا بــ 10 سنين ههههههه نزعق برك

موضوعك هادف أمولة ما يهمش العمر

كبير ولا صغير عليها بعام ولا زوج نورمال
باسكو الزواج مهوش لعبة باش تشوف للعمر والزين
لازم حسن الاختيار باش تكمل الحياة الزوجية والعيش في الاستقرار

زيد العنوسة السبب تاعها ميش غير هذا برك بزاف منهم البطالة مكانش سكن
الشرط غالي الزيت والسكر والطماطم غاليين
ربي يستر ويعين الشباب ان شاء الله
​