وعلالالالالالالالالالالاه التفضيل

[سميرة19]

السلام عليكم هادي اول مشاركة ليا جيت نفرغ قلبي نتمنى تسمعولي
المهم بدون اطالة
انا سيدة متزوجة و ام لطفل ربي يخليه ليا انا عندي اخواتاتي متزوجات اختي وحدة بعيدة المهم جات تقظي العطلة فادار العايلة و عندها مزيودة ربي يخليهالها غاليوم كنت فدارنا ملي جات و يمى لاتيا غي معاها و مع بنتها هي لي ترقدها و تبدلها و دوشلها و كامل معاها و انا جامي يمى و لا بابا دارولي هاكدا مهما انا حنينة عليهم و نتهلا فيهم بزاف ايا كي جا بابا مالخدمة اعطى لختي مبلغ كبير من الدراهم يعني كادو المهم انا بقات فخاطري بزاااااااااااااااااااااااااف لانو جامي عطا الولدي ولا ولاد خواتاتي لخرين و زعفت منهم بزاف و تقلقت و عرفو بلي بقات فخاطري و الله غير بكيت علاه هاد التفضيل ملي روحت لداري و راجلي يسقسي فيا واشبيك و الله ماحكيتلو غي قولولي ادا راني غالطة وكيفاه نتصرف راني محروقة في قلبي انا ميهمونيش الدراهم راني لاباس عليا وراجلي متهلي فيا ومايخصني والو بصح حبيت نفهم وعلاه هاذ التفضيل:cray02::cray02::cray02::cray02:
​

 

[ام منصف]

ماديري والو في بالك اختي
ومهما كان هذو والديك
وبالاك عندهم اسبابهم الخاصة
خاصة انها تسكن بعيدة وما يشوفوهاش دايما
والا ما قصدهمش غير انت اللي حساسة
​

 

[βïģ βôşş]

ماديري والو في بالك
حتى انا بابا ساعات يحامي على خويا
ونزعف مي
يخلفهالي
والديك عمرهم ما يفضلو ختك عليك
راكم متساوين
وكيما قالتلك ام منصف ممكن كيعاد هي بعيدة برك
حابين يدللوها شوي

​

 

[السلطانة]

وعلاه ياربي
العنوان
أختي نتمنى تعدليه باسكو متصلحش
توجهي هاد لكلام للخالق عز وجل
/////////////
أما على موضوعك فمتخليش الشيطان يوسوسلك
هادو والديك وعمرك ماتغلطي فيهم حتى لا هوما غلطو
ربي يفرج عليك
سلامي

​

 

[07 _H@yThm]

!!!!!!!!!!!!!!!!!!!!!!!!!!!!!!!!!

 

[•мϊѕŝ Šрέсǐάł•]

حقيقة خلعني العنوان على هاديك دخلت (يعني مش ممكن تحاسبي ربي بهاذي الطريقة ^^)
بالنسبة لموضوعك ,,
مع اني صغيرة بصح عندياختي ثاني بعيدة واخواتاتي اخرين
صح ماما وبابا يعاملوها مليح ويدللوها شوي
بصح ما يخفاش انو يعاملو اخواتي بنفس الطريقة وممكن اقل شوي
لكن في الوقت لي تكون هي عندنا برك
لانو راهي بنتهم وبعييييدة عليهم ,,
وانت ثاني بنتهم ,, ومستحيل تخممي انهم يفرقو بينك ولا بينها
والله راه الشيطان ,, وديجا في الاخير ,, نورمالمو راهي اختك
مش ممكن تحقدي عليها ولا تغيري منها ,, وقدري ظروفها برك
راهم يبقاو والديك كيما راهم والديها ,,
اذا قصرو في حقك شوييييي يجي نهار ويرجعوهولك

اتمنى ان تتقبلي رايي بقلب متقبل ^^
​

 

[نور الهدى22]

بالاك هي مين بعيدة شوية رآآآهم يتهلاو فيها هاكذا......

ماديري والو في بااالك......


ونصيحة للآباء(العدل بين الأبناء)

بارسكو التفريق بينهم يولد مشاكل بين الأبناء​

 

[بنت الـ25]

اهلا اختي
ايه صح تغيضك روحك بالسيف
ومش حقهم يديرو حاجة كيما هادي قدامك
كون خلاوك روحتي لدارك ودارو وش حبو
لكن كيما قالو الاعضاء قبلي ممكن قاعدين يدللو فيها بارسكو بعيدة
وميشوفوهاش بزاف ويتوحشوها
والله أعلم بالقلوب
انتي باش متبقاش تحرق في قلبك صارحيهم وقوليلهم بلي هاد الحاجة قلقاتك متخليهاش في قلبك بارسكو تكون صغيرة وتكبر
الشيطان حاضر وهو يديرلك فالتوسويس

والسلام عليكم ورحمة الله تعالى وبركاته
​

 

[بيّاع الورد]

ي أختــي صدقيني التمييز العنصري موجود في كل بيتْ
و عن تجربَــه لا تهتمي و لا تكترثي
و ستَرين في الأخيــــر كيق سيكُون الرجُوع إليكِ من طرف والدَيك أو أي أحد كان !!

 

[love papitou]

normal hanounti balak kima 3adat touskan b3ida mais normal

 

[سلسبيل34]

حسن حل اختي انك تصارحيهم بما في قلبك و متخليهاش تبقي مخزونة في قلبك وتصبح مرض بالاك راهم ماشي متولهين بالشئ الي راهم يعملوه و ربي يكون معاك ​

 

[ماكانش]

أهلا بيك أختي
ربي يحفظلك اولادك وراجلك
قبل كل شيء عنوانك مايصلحش وفيه تحدي لله عز وجل
الإنسان يحاول في كلماتو يتأدب مع الله عز وجل ومايخاطبوش كأنو يخاطب في ند ليه
---
اما عن التفرقة والله فكرتيني في ختي ديما وهيا تتقابض مع يما تقلها وعلاه انا ماتشتينيش وتشتي فلانة ههههههههههههههه
ويما تقلها لالا كيف كيف وو
المهم ديما الحرب
مانعرف هل لبنات يحسو بالتفرقة ولا التفرقة موجودة صح ؟؟؟؟
حاجة تغيض وإخوة يوسف عليه السلام حبو يقتلوه لما شافو باباهم يميل ليه
امر واعر
ونتي كبري خاطر وماتتقلقيش لاخاطر تربحي غير القلقة فقط

 

[أم عبد الله]

االسلام عليكم

الكل علق ع العنوان وعندهم الحق
مي حبيت نقولك ممكن مافهمتيش الموضوع صحيح ممكن كانت محتاجتهم او ...
يعني بليس راه يلعب بعقلك ويخليك تتوسوسي من شيء ممكن يكون خطا
ربي يحفظلك ولادك ويخليلك والديك وراجلك
ويارب يسعدك في حياتك وتخلاي ع نفس الطريقة في الكلام خاصة حين توجه لرب العزة عزوجل

سلامي

 

[اسيل17]

ما ديري والو ف بالك مهما يكون هذا باباك .. وبلاك غير مين الاخت تاعك بعيدة يعاملوها شوية زيادة ... ومهما يكون هاذو والديك زالوالدين جامي يفوتو ا ولادهم ..​

 

[bombardino]

عَنْ عَامِرٍ قَالَ : سمِعْتُ النُّعْمَانَ بْنَ بَشِيرٍ رَضِيَ اللَّهُ عَنْهُمَا وَهُوَ عَلَى الْمِنْبَرِ يَقُولُ : (( أَعْطَانِي أَبِي عَطِيَّةً فَقَالَتْ عَمْرَةُ بِنْتُ رَوَاحَةَ : لا أَرْضَى حَتَّى تُشْهِدَ رَسُولَ اللَّهِ صَلَّى اللَّهُ عَلَيْهِ وَسَلَّمَ ، فَأَتَى رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالَ : إِنِّي أَعْطَيْتُ ابْنِي مِنْ عَمْرَةَ بِنْتِ رَوَاحَةَ عَطِيَّةً فَأَمَرَتْنِي أَنْ أُشْهِدَكَ يَا رَسُولَ اللَّهِ ، قَالَ : أَعْطَيْتَ سَائِرَ وَلَدِكَ مِثْلَ هَذَا ؟ قَالَ ؟ لا ، قَالَ : فَاتَّقُوا اللَّهَ وَاعْدِلُوا بَيْنَ أَوْلادِكُمْ ، قَالَ : فَرَجَعَ فَرَدَّ عَطِيَّتَهُ ))​

 

[دعاء19]

ميبقاش فيك الحال اختي ومتقلقيش يمكن عندهم اسبابهم ونتي معرفاش ويمكن دينو منها شي مرة الفلوس ةرجعوهوم ليها او حالتها مادية صعيبة عدريهم واهلك متقلقيش منهم الوالدين ميفضلوش بين ابنائهم ديري نفسك مكانهم الى قدرتي تفضلي ولدك على بنتك ولا لا

 

[أمازيغي]

السّلام عليكم

في باديء الأمر العنوان من شرك الألفاظ، وهذا ممّا انتشر في مجتمعنا اليوم، ومن مثله قول أحدهم: واش درت لربّي، آخّاه على ربّي، ربّي يمد النّعمة (أو في مناطق اللّحم) لما عندوش السّنّين...إلخ. وإنّي مستغرب لما لم يتم تغييره إلى حدّ الآن، وكيف تمّ اعتماد الموضوع هكذا أصلا، أستغفر الله وأتوب إليه.
ثانيا، لا يجب ولا يعتدّ شرعا بما يقوم الوالدان به من تفرقة بين الأولاد في المعاملة أو في العطاء أو حتّى في المشاعر، إلّا إذا صدر من المفضَّل تصرّفات تميّزه عن سائر إخوته وأخواته، كالتّديّن أوالتّفوّق الدّراسي وما شابه، أو كان ذلك لعاهة أو مرض ...
ثالثا، اربحي ربّي واربحي الجنّة، يعني مثل هذه الأمور تحزّ في القلب، وتزرع الحساسيّات خاصّة بين الإناث لرهافة مشاعرهنّ وسرعة ردّة فعلهنّ مع هكذا مواضيع، وممّا يثير أكثر معاملة الأسوء خير من الأحسن(هذا لم يطرح في الموضوع)، ولكن أقول لأختي حاولي أن تتغلّبي على هكذا مشاعر، وأعلم انّه أمر صعب بمكان، وواصالي معاملتك الحسنة مع والديك، بل زيدي في الإحسان إليهم كلّما لاحظت تصرّفا مشابها.
فيما يخصّ الزّوج فيجب إخباره بكلّ شيء، كما يجب هو أن يخبرك بكلّ شيء، ففي الأخير أنتما نفس واحدة.
ربّي يرضى عليك نشا الله.

​

 

[حكايا الورد]

سيدتي مادامك قلتي عندك طفل واحد مايش رايحة تفهمي ....
مستحيل رايحين الوالدين يفضلو بين الاولاد ...والله مستحيل برك كي جات بعيدة راهم يتوحشوها
ان شاء الله كيعودو عندك ولاد رايحة تفهميهم ...
اللهم ثبت العقل و الدينم يا رب

 

[EL General]

هادي هي احوال الديار ساعة تتبدل و ساعة تتغير
​

 

[la_safa]

السلآم عليكم ,,

رآهم قآلولكـ الاعضآء يمكن السبب كي عآدت بعيدة
و مآهمش يشوفوهآ و بآلآكـ احوآلهآ المآدية مآش مليحة ,,
علآبآلي تغيضكـ ,, لانو في كل دآر سآعآت تصير هآكآ ,,
مآم انا سآعآت تغيضني روحي يديرولي دي جآست مآش
ملآح ,, مي عآدي ترجعي ترجعي لآخآطر هآذو وآلديكـ

اختي نقلكـ حآجة مآتزعفيش منهم و انسآي هآذي حكآية صرآت
لجآرتنآ ,, باباها كآن مريض كي رآحو كآمل لعند باباهآ
هي عندهآ ولآد صغآر يديرو الفوضى يعني ,, قآلهآ هزي ولآدك و روحي
هو مآش قصدو لانو مريض ’’ زعفت و هزت على خآطرهآ
كلمآ يعيطلهآ مآ تحكيش معاه ,, بعد 10 يآم بالضبط توفى وآلدهآ
و ندمت أشد الندم تبكي بالدموع كي مآرآحتش و شآفت باباهآ ,,
دونكـ مآهيش سبة كبيرة يآ اختي ,, و ربي يكون في عونكـ ... ~
​