قراتان بطاطا والقليشة ++بنينةو زاكية..

[ديني حياتي]

السلام عليكم ورحمة الله وبركاته

*+*+*قراتان البطاطا والقليشة*+*+*

هايلة ومش معقدة بل بسيطة وكل المكونات موجودة بالبيت

المقادير:
- 6الى7حبات بطاطا كبار ,مقطعة دوائر ومقلية ..

- 3حبات قليشة مش كبار بزاف نكرفجوهم فالصغيرة ومعاهم البصل مقطعينو طويل نطيبوهم مع بعض مع شويبة نتاع الزيت والملح و راس الحانوت

- ملعقة كبيرة زبدة او سمن/دهان/ مع 2 ملاعق كبار فرينة على نار هادئة نخلطوهم كي تتكتل نضيفولهم شوية نتاع الحليب ونخلطوا ونضيفوا بشوية الحليب ونخلطوا وكمية الحليب 1لترمع شوية ملح وراس الحانوت /لانوا لوضفنا الحليب دفعة واحدى راح تتكلتنا حبوب يالوكان نخلوطوا ../
وكي تثقل شوية ماشي بزاف بزاف عندها تكون جاهزة


التحضير :
ندهن المول بالزبدة ان كانت متواجدة عندك واذا ماكنتش ماشي مشكل
ستفي طبقة نتاع البطاطا مقلية على المول وحطي فوقها القليشة مع البصل لي طهيناها من قبل
منبعد نزيدوا طبقة اخيرة نتاع البطاطا ونستفوهم مالفوق
ونصبوا لابيشاميل وبالفرشيطة نديروا الفراغ باش لبيشاميل تهبط لتحت

ونكرفجوا الخبز اليابس اذا اردت..ونحطوه فالفور قيس مالبيشاميل تشد روحها

منبعد تكون جاهزة,,,


*والكل فالدار عجبتهم
حتى لي مايحبش القليشة ماهوش راح يحسلها لانوا راح تتكرفج في الصغيرة وزيد تذوب فالمقلة على النار وثان فالفور*



ملاحظة :لي مول نتاع الزجاج احسن في طبخ القراتان
​

 

[ISMA.dz]

امممممم تبان روعة بصحتكم اختي

وش هي القليشة؟؟


شكراااااااا​

 

[ديني حياتي]

هي القرعة او الكوسة

العفو نورتي ..الله يحفظك
​

 

[ISMA.dz]

ربي يخليك اختي شكراااااا​

 

[ديني حياتي]

اسعدني تواجدك نورتي
​

 

[ام سامي15]

ممممممممممممممممم

يعطيك الصحة اختي

 

[la_safa]

هآآآيل ’’ يعطيكـ الصحة خيتوو ~
​

 

[أم الأولاد]

هايلة يعطيك الصحة

 

[نجـStarــمة]

mmmmmmmmmmm hayel 7anouna
merci b1111



​

 

[ديني حياتي]

بوركتم ..شكرا

 

[بنت الجسور المعلقة]

امممممم تبان روعة بصحتكم اختي

وش هي القليشة؟؟


شكراااااااا​

ههههههه والله ضحكتيني بهادي وش هي القليشة
ربي يخليك

نجربو نشاء الله ساهل وباين بينين
يعيطك الصحة حنونة

 

[ديني حياتي]

الله يعزك شكرا

 

[mari27]

:p​

شحال نحب القليشة نموت عليها يعطيك الصحة يا اختى

 

[ديني حياتي]

الله يسلمك حنونة نورتي

 

[ام سلمان و اسامة]

امممممم تبان روعة ماشاءالله اختي بصحتكم