راحت النية في بلادي

[مروة 95]

السلام عليكم و رحمة الله تعالى و بركاته ​

كيف الأحوال نشالله كامل سفا
أولا مبروووك لناس الباك
و لي ماجابش نشالله العام الجاي تدوه كامل
و لعقوبة نسمعو كاش خبر على ناس البيام
ربي يوفقكم كامل ​

درك ندخل فالموضوع
الموضوع تاعي يحكي على النية لي غابت في بلادي و جات
في بلاسطها الحيلة و الخدع
هادي نحكيلكم حكاية صرات قدامي و أحكموا عليها
هادي مرة رحنا لبارك و فيه الغاشي بزاااف ماتقدرش تفوت
سيرتو وين الحوانت برا
كانت لتم وحد الراجل كبير بزاف في العمر
بالسيف لايتحرك مسكين و شاد ساك هك باين بلي فيه الدراهم
لأنو خايف عليه مسكين .. المهم فاتو عليه 2 jeunes طيحوه فالأرض
ولا هاداك السيد مسكين يدعي عليهم حتاه جاهjeune خلاف قالو
معليش ا بابا و عاونو حتان وقف .. فرح هاذاك السيد و طريق كاملة يدعيلو بالربح
كي راح هاداك توله السيد بلي الساك تاعو طار مسكين لتم طار عقلو من راسو
و الحكاية أنو هادوك ال3 jeunes مع بعضاهمGroup زوز يطيحوه يلتا هوا يجي لاخر يوقفو و يديلوا الساك و يهرب
من الفوق هادوك ال 3 بقاو يحكيو فيها و يضحكوا فرحانين برواحهم :s:s

ياااااااااااك و الله مابقات نية في الدنيا

بلا مانحكي على لي تدخل بين 2 صحابات و تبدا تفتن بيناتهم حتان تخربها
و مبعد تبان هيا البريئة الطيبة ​

و الله تعيا تفهم
المهم وشرايكم في الظاهرة هادي ؟؟
و كيماه رح نعيشوا في بلاد غابت فيها النية ؟؟​

نشالله يكون عجبكم الموضوع
سلااااااااامو

MaroOo ​

 

[مروة 95]

شكرا على الاعتمــــــــــاد ​

 

[نور الهدى22]

وعليكم السلام والرحمة والإكرام

شكرآآآ لموضوعك الواقعي جدا

فيما يخص النية مابقاتش خلاص راحنا عايشين

فيــ زمان غير الخدع والغدر.........

الله يهدي ما خلق

​

 

[عليلو 24]

النية كانت بكري
شكرا عى المووضوع​

 

[ماكانش]

نرجع بربي نشارك

 

[mohamed ali 1992]

ٍٍالسلام عليكم

يقول المثل , الحيلة في ترك الحيل
الله يهدي,,,السرقة كثرت والنية ماكانش
الشباب لا بقى يقدر صغير لا كبير حتى شايب
كبير وهاكي تشوفي ولحقوه حقروه بصح
هذه مش قضية نية هذه قلة تربية الشباب
مش متربي وهات يلقى الفرص باش يسرق
والشيخ الكبير الله غالب مازال يخدم في نيته
ومازال يعيش بعقلية بكري أما الأمان في وقتنا
مكانش,,بصح ماتخافيش راح يسلكوا في الدنيا
والي سرق ولا خدع راح يصرالوا كيما هكا ولا كاش
نهار والحيلة تاعه ادور عليه,,,,
الإنسان لازم يكون فطن مع الناس الكل خاصة
كي يتعامل مع ناس آخرين يجهلهم لأنوا الطيبة
والنية نتعاملوا بيها مع ناس يحترموا ويستحقوا
هذه الصفات’’’
الشيخ هذا الله غالب تخدع وناس ياسر تصرالهم
كيما هكا مش غير مع الشيخ كاين حتى ناس
صغار,,,التحايل ولت بصفة كبيرة منتشرة
والنية غابت بصفة كبيرة ,,,

ربي يستر وربي يهدي الناس ويرجعها لعقولهم’’
الحاجة الي لازم يتحلى بيها كل شخص
هي الفطنة والتعامل بحذر مع الناس
الواحد فينا مايعرفش اللدغة من وين تجيه,,
احنا نعملوا الي علينا والي مكتبوا ربي يسبق كلش

شكرا على الموضوع مـروة’’’​

 

[sahiko hamza]

وعليكم السلام

هذي وحدة من بزاف طبايع يديروها لي جان
بون ماعليك غي تحلي عينك مليح مليح وحتى منأقرب الناس اليك ..
​

 

[nassim007]

​

وش من قلب عندهم

بفففففف كارثة


ياي مبقاش لامان دركا والله لبلا هوا لي يجيك

لا نية لا والو

شكرااااااااااا

 

[Audi]

النية توجع الكرش

والبلاد تكون كيف المسؤولين تاعها
​

 

[zahya]

النية راحت مع ناسها .....دروك كاين غير الحيلة والخدع والكدب .............هدا يخدع هدا وهادي تخدع هادي الكل سارو خدعين والله انا من المواقف لي جرات معي رجعت نخاف من العباد هدا يخدع على جال الدراهم هدا على جال مصلحتو هدا على جال نزواته الله يهدينا والله يبعد علينا ولاد الحرام.............مي كاين حاجة ينساها الخداع ......ينسى انو ظلم انسان ودالو حقو ببالباطل ..ونسى انو دعوة المظلو م مبينها وبين ربي حتى حجاب ...........ممكن ربح دراهم او شيئ اخر لكن اكيد عمر مراح يتهنى بيهم.........لي يجي بالحرام يروح بالحرام................الله يخرج الحق في كل خداع وكل حيلي وكل كداب مهماكان ...............ومهما دار

 

[انسانة لا أكثر]

من كانت نيته صافية كان الله معه

لم يذهب شيء فقط نحن من اضعناها من بين ايدينا

نحن من لا نعرف من نصادق وكيف نتعامل

اذا كتب ربي حاجة تصير تصير وكل شيء مقدر فقط يجب استخدام عقولنا ولا نصوب الامور الى امور اخرى
​

 

[سيموني]

كيما كاين ناس هكدا ,,,باقي الناس لي فيهم الخير,,,,,المشكلة راهم قلااااااااااااااااال

 

[ريم الشرق]

ياحصرا على النية هذيك كانت زمان وراح وقتها كيما الموضوة موضة تجي و موضة تروح ايه انا حساسة بزاف و كي قريت هذي القصة تفكرة قصتي انا وهي الي تعلرفي منها انو ميشي غير الشباب تسرق و لا البنات راو حتى العجايز انتم تعرفوا هذي المشكلة انا مالا كنت نعاون في وحد العجوزة مسكينة باه تتطلع للدروج املا كي طلعتها قالتلي افتحي الباب ومن بعد جا متشرد قالي يا طفلة ابعدي على هذيك العجوزة راي تقتلك نورمال وواحد ما يفوق بيها غير انا لاني كنت نعاونها بصح شوفي حالتي ظرك ومن بعد كي فهمت فتحت ليها الباب و هربت و بعد ايامات جات الشرطة و قبضت عليها بتهم عديدة و متنوعة وهكا باه تعرفوا انو لا نية و لا امان بقا في الدنيا​

 

[MĭŠš Čhŏů]

اييييييييييييييييه لبلاد راحت​

 

[مروة 95]

وعليكم السلام والرحمة والإكرام​

شكرآآآ لموضوعك الواقعي جدا​

فيما يخص النية مابقاتش خلاص راحنا عايشين​

فيــ زمان غير الخدع والغدر.........​

الله يهدي ما خلق​

و عليكم ألف سلااام
ربي يهدي العيباد
و يسترنا ملي جاي
شكرا على مرورك الرااااااااق
ي​

 

[مروة 95]

النية كانت بكري


شكرا عى المووضوع​

العفو
شكــــــــــرا عالمرور ​

 

[مروة 95]

نرجع بربي نشارك

ان شاء الله
بانتظارك عمو كاين ​

 

[مروة 95]

ٍٍالسلام عليكم ​

يقول المثل , الحيلة في ترك الحيل
الله يهدي,,,السرقة كثرت والنية ماكانش
الشباب لا بقى يقدر صغير لا كبير حتى شايب
كبير وهاكي تشوفي ولحقوه حقروه بصح
هذه مش قضية نية هذه قلة تربية الشباب
مش متربي وهات يلقى الفرص باش يسرق
والشيخ الكبير الله غالب مازال يخدم في نيته
ومازال يعيش بعقلية بكري أما الأمان في وقتنا
مكانش,,بصح ماتخافيش راح يسلكوا في الدنيا
والي سرق ولا خدع راح يصرالوا كيما هكا ولا كاش
نهار والحيلة تاعه ادور عليه,,,,
الإنسان لازم يكون فطن مع الناس الكل خاصة
كي يتعامل مع ناس آخرين يجهلهم لأنوا الطيبة
والنية نتعاملوا بيها مع ناس يحترموا ويستحقوا
هذه الصفات’’’
الشيخ هذا الله غالب تخدع وناس ياسر تصرالهم
كيما هكا مش غير مع الشيخ كاين حتى ناس
صغار,,,التحايل ولت بصفة كبيرة منتشرة
والنية غابت بصفة كبيرة ,,,​

ربي يستر وربي يهدي الناس ويرجعها لعقولهم’’
الحاجة الي لازم يتحلى بيها كل شخص
هي الفطنة والتعامل بحذر مع الناس
الواحد فينا مايعرفش اللدغة من وين تجيه,,
احنا نعملوا الي علينا والي مكتبوا ربي يسبق كلش​

شكرا على الموضوع مـروة’’’​

وي عندك الحق خويا
الدنيا هادي ولات صعيبة بزااف
الواحد ولا يمشي و يخاف
قالك ناس بمري ابعد عن الشر و غنيلو
ياك انت مبعد و هوما لاحقينك
و وش تشوف التطور راهو
على أوجو
في الخطط تاعهم تع السرقة و قلة التربية
مي او يجيهم نهار
كاين ربي لي يشوف
ربي يهدي


شكرا على مرورك الراقي دائما ​

 

[مروة 95]

وعليكم السلام ​

هذي وحدة من بزاف طبايع يديروها لي جان
بون ماعليك غي تحلي عينك مليح مليح وحتى منأقرب الناس اليك .. ​

ايه عندك الحق
الضربة لي توجع صح
تجيك من أقرب الناس ليك


مرسي على حظوركـ​

 

[مروة 95]

وش من قلب عندهم

بفففففف كارثة


ياي مبقاش لامان دركا والله لبلا هوا لي يجيك

لا نية لا والو

شكرااااااااااا​

​

البلا انت هارب و هو يلحق فيك
ربي يستر برك

مرسي عالمرور ​