بسم الله الرحمن الرحيم
شكرا سيدتي على مشاركتك وكنتي قد طلبتي مني وصفة القريوش انا هدا النوع من القريوش راني جربتو اكثر من 20 مرة وهو ناجح جدا وراني تعلمتو من النت وهاهو
طبعا المقادير انا اندير كيلو
1كغ فرينة
250غ زبدة ذايبة
قرصة ملح
200مل ماء بارد
كيلو عسل
وما نديرش ماء ورد كيما الوصفة الاصلية
المهم فرينة + قرصة ملح زيدي عليها الزبدة وخلطي حتى تتحصلي تترمل الفرينة اضيفي الماء تدريجيا كل كمية الماء يعني 200 مل
بعد ذلك وعندما تتلم العجينة قطعيها الة 16 كرة متساوية لازم 16 اختي و حطيهم في كيس بلاستيكي
بالرولي حلي الكرة حتى تصبح مثل ورقة الديول احمليها بلطف وحطيها في طاجين تع حديد او مقلاة كبيرة مدهونة بشوية زيت بواسطة قطن
خليها ثواني فقط واقلبيها بلطف ما لازمش تطيب فقط يتغير لونها شوية اقلعيها من الطاجين وحطيها في منشفة اصبري عليها دقيقة او اثنين والويها وحطيها داخل كيس باش ما تيبسش مثل السيجارة وكرري العملية مع 15 كرة الي بقات ليك كي تكملي
حضري خليط من الفرينة والماء يكون ماشي خفيف بزاف حوالي فنجان فرينة في نصف ماء
افتحي الرولويات الي درتيهم وعلى الحواف اطلي باصبعك الشاهد الخليط واعيدي من جديد اللف مثل ما هو موضح في الصورة
بعد ذلك اقطعي بواسطة مقص حبات القريوش بشكل مائل مثل المقروط
سخني الزيت جيدا واقلي الحبات وفي الزيت راح تتفتح الحبات وتعطيك الشكل
عسليهم مباشرة وزينيهم بالجلجلان
ملاحظة / كيلو يعطيك 95 الى 100 حبة تقطعي 16 كرة
رطل يعطيك 45 الى 50 حبة تقطعي العجينة على 8 كويرات
2 كيلو تعطيك 200 حبة تقريبا تقطعي العجينة على 32
انا في العيد درت 2 كيلو
وفي هاد الرابط تلقي الوصفة الاصلية الي درت منها اول مرة
http://www.d3marab.com/t9311-topic
عودة ميمونة لعجوزتك وعقبال السامعين
وناكد ليك تبعي خطواتي ومقاديري وشوفي الصور من الرابط انا منديرش ماء ورد حبيبتي
وراح تنجح الوصفة معاك تحياتي
