غيــــر أخطيـــــــــكـ .....؟؟؟

[بثيــــنة 19]

السلام عليكمـــ
كيما راكم تشوفو خاوتي عنوان الموضوع غيــــــر أخطيك....؟؟؟
هاد الكلمة سمعتها 100مرة لعام لي فات كي كنت راح نقرا في la fac
la plupart من الناس لي نعرفهم كان عندهم نفس الفكرة ونفس النظرة ولعبارة لي سمعتها من عندهم(راكي رايحة للجامعة...وتلقاي ناس جدد...أحكي مع شكون تحبي..وخالطي وش تحبي mais كي توصلي عند ناس اسمهم * لقبايل* حطي croix rouge
attention تخالطيــــهم ولا تحكي معاهم...
وغيـــــــر أخطيك منهم....؟؟؟
أنا ما فهمت والـــــو ...ومزال حتى لدكا مافهمتش علاه يحكمو على ناس مايعرفوهمش..؟؟؟:s:s:s
المهم...فات لوقت ودخلت نقرا في la fac ولقيت بزاااااااااف قبايل كنت نشوفهم غير من بعيد ونلقاهم كيفهم كيفنا..ماشفتش حاجة bizzare تخلي الناس تشوفهم بنظرة ماهيش مليحة
ومنبعد لقيت اخرين يقرو معايا في le méme groupe حكيت معاهم لقيتهم لاباس عليهم..
يعني:نـــــاس عاديين فيهم لمليح وفيهم لخايب..والحمدلله ماشفتش منهم غير الخير...:up:
علاه زعما حنا السطايفية كامل ناس ملاح ولا لبرايجية ولا........
يا خاوتي أنا نظن بلي كل واحد فينا فيه عيب وماكانش انسان كامل راكم تعرفو الكمال لله...
وزيد كل واحد معروف بوجهو...علاه كي يغلط معانا واحد نديرو في بالنا بلي الناس كامل غالطين وماهمش ناس ملاح..؟؟؟
وصلنا لوحد لوقت لي المجتمع ماعادش يرحم لحاجة لولا يحكمو من المظاهر ولحاجة الثانية اذا يغلط واحد يسلكو معاه بزاااااااااااااااااااف...
لحقت بيهم وين أنهم اذا لقاو عايلة مليحـــــة وفيها واحد خايب يرجعو هاذيك لعايلة كامل خايبة....وتبدا الناس(غيــــــــر أخطيك من هاذوك...راه فيهم...وفيهم...وفيهم....؟؟؟)
وربي يهديهم ويهدينا أجمعيـــــن..
اسمحولي راني طولت عليكم..انشالله برك تكونو فهمتو الفكرة لي حبيت نوصلهالكم....
تقبلــــــو تحياتي...:regards01:
أختكم bouthaina19

 

[ماكانش]

أهلا بيك بثينة
يعطيك الصحة على موضوعك الباهي
عقلية التعميم عقلية منتشرة بزاف
اذا قبايلي غلط خلاص لقبايل كامل ماشي ملاح
واذا شاوي غلط الشاوية كامل ماشي ملاح
واذا وهراني غلط لوهارنة كامل ماشي ملاح وهيا ماشية
كيما قلتي وين تروح تلقى لمليح والخايب
ساعات نقدرو نقول الأغلبية كذا بصح باش نقولو كامل ماتصلحش

حنا غالبا ألي تقلو باتني يخلع ههه يبدا يتخيل راسك خشين وماتفهمش وحابس ههههههههه
​

 

[hiba14]

يادرا ما وصاوكش على التيارتية ههههههههه
غي عقلية خامجة برك ربي يهدينا رانا في 2012 و مازال ما عرفناش بلي كل واحد راسو في شاشيتو

 

[عفيفة الحبوبة]

السلام عليكم
يا ختي هادي عقلية تاع بكري بزاااف ماديريش بيها في حياتك كل ناس و فيهم الزين و الشين كيما يقولوا
ربي يوفقك في قرايتك و اتفكري
ان اكرمكم عند الله اتقاكم​

 

[Sẻl Mā]

السلام عليكم
وي صح
اذا متافهموش مع واحد من كاش ولاية يحكمو على ناسها كامل ويقولو كيفكيف وووو

وكيما قلتي مكانش انسان متكامل
الله غالب
مزالو مع عقلية بكري
​

 

[هانا1994]

كاينة واحد الحكمة تقول
"لاتحكم على الكتاب من عنوانه"
و هاذي هي الي مانطبقوهاش هنا فالجزاير
أنا تاني صراتلي كيما نتي قالولي ردي بالك من القبايل و الشاوية
مي كي خالطتهم لقيتهم ناس كيفنا كيفهم و عاديين خلاص و مرات نلقاهم خير منا في حوايج
وكيما قالو قبلي كل بلاصة فيها المليح و فيها الحاير
و ميرسي على الموضوع
سلااام
​

​

 

[kays guess]

مكانش منها هاذي تع لقبايل مامش ملاح ولا شاوية مامش ملاح

كل واحد معروف بشخصيتو و بعقليتو وكيما يقولو حتى صباع اليد ومش كيف كيف...
مي المشكل فينا حنا لي الجزايريين ..فينا طبع المسلم يروح في جرة المجرم

لكان تهاوش مع واحد شاوي ااا الشاوية واعرين ولكان تهاوش مع قبايلي اااه لقبايل قباح...

هذه هيا الهدرة لينا ديما روطار..
+ merci
​

 

[Mr Brahim]

نعطيك زوج كلمات و نروح حنا شعب مريض هذي ما فيهاش نيقاش و بخصوص الحالة هذي . . . الشعب الخايب مثلا الى كاش واحد قبايلي دار حاجة موش مليحة ولا صرات ليه بروبلام هنا صايي يقلك القبايل فيهم و فيهم ووو و هكا حتى مع ناس اخرين . . . و كيما قلتي اي بلاصة نلقاو الصالح و نلقاو الطالح . .
​

 

[بنت الـ25]

أهلا بيك بثينة
يعطيك الصحة على موضوعك الباهي
عقلية التعميم عقلية منتشرة بزاف
اذا قبايلي غلط خلاص لقبايل كامل ماشي ملاح
واذا شاوي غلط الشاوية كامل ماشي ملاح
واذا وهراني غلط لوهارنة كامل ماشي ملاح وهيا ماشية
كيما قلتي وين تروح تلقى لمليح والخايب
ساعات نقدرو نقول الأغلبية كذا بصح باش نقولو كامل ماتصلحش

حنا غالبا ألي تقلو باتني يخلع ههه يبدا يتخيل راسك خشين وماتفهمش وحابس ههههههههه
​

********************
[FONT=&quot]أنا ضد هاد العقلية 100 بالمية :down:
[FONT=&quot]في كل بلاصة كاين الزين :up: والشين[/FONT] :down:
[FONT=&quot]ربي يهدينا برك[/FONT][/FONT]
:regards01:



​

 

[ROMAISSA alg]

انا رايي الناااااس كاامل فيهم وفيهم ...... ومتقدريش تحـــكمي على إنسان من ولايتو psq كل وااااحد وعقليتو وكل واحد كيفاش يخمم

 

[صدى القلوب]

سلام ختي هذي مهيش غير فالجزاير راهي في العالم كامل حتا بالغرب كامل يقوقلو على الاسلاميين المتشدين بالارها كل منطقة تشيع عليها صفة مهيش مليحة وكل واحد يتعرف بتخمامو

 

[brahim tiniri]

هذو هوما عربنا كي تثيع في واح يشيعوها في عرش كومبلي وهذي العقلية ما نحبهاش وما هيش مليحة ( خالط تعرف) امنيتي اننا نكونو يد وحدة حنا الجزائريين نشاء الله تتحقق الامنية

-مع تحيات الجنرال-نرجو لكم التوفيق-
​

 

[انتصار*]

السلام عليكمـــ
كيما راكم تشوفو خاوتي عنوان الموضوع غيــــــر أخطيك....؟؟؟
هاد الكلمة سمعتها 100مرة لعام لي فات كي كنت راح نقرا في la fac
la plupart من الناس لي نعرفهم كان عندهم نفس الفكرة ونفس النظرة ولعبارة لي سمعتها من عندهم(راكي رايحة للجامعة...وتلقاي ناس جدد...أحكي مع شكون تحبي..وخالطي وش تحبي mais كي توصلي عند ناس اسمهم * لقبايل* حطي croix rouge
attention تخالطيــــهم ولا تحكي معاهم...
وغيـــــــر أخطيك منهم....؟؟؟

أختكم bouthaina19

على خاطر لقبايل يتكلمو كثير في السياسة وينتقدو كثير السلبيات لي موجودة حولهم ...يحبو التغير لأن عقلية تخطي راسي هي لي خلات النظام يعفس على كل شيء جميل فينا
​