حكايتي مع الزهر

[lamis42]

السلام عليكم خاوتي اعضاء اللمة
والله حابة نفش قلبي وملقيتش لمن نهدر قلت كاين غي لمة لي نقدر نفاجي على روحي شوي قصتي ياخاوتي مع الزهر
راني شافية من لي خلقت وانا نعاني معرفت مكتوب عليا شقاء من صغري بلاك منكدبش ونقول بلي مشفتش حاجات مليحة في حياتي مي لي مشي ملاح كثر ياخاوتي مفلحت في والو لا في قراية ....تعبت وجبت لباااااك وامبعد ررحت جامعة دبليت عامين صحباتي هاد لعام يتخرجو وانا قعدت جيت لوحيدة في دار واماما معندهاش من لي طلقت وبابا تزوج شكون :s:s:s:s:s:s:s صحبتيييييي لي كانت تقرا معايا جات سكنت معانا لتم كرهت الدار كرهت كلش وليت كي نروح للأقامة نخمم في ماما ولبروبلام انو جينا لوحدنا انا وماما خوالي وخالاتي بعاد بلا ناحية المادية منحكيش عليها قلت نخدم ادماج مقبلوليش بسكومسجلة بلي طالبة جامعية من ناحية العاطفة تانيت مكاش زهر لي حبيتو وقلت ندير معاه لافونير :down::down::down: استغل ضعفي والحمد الله لي جازت على خير ملgري قع واش صرالي مزالني عندي أمل لغد افضل امنيتي في الحياة انو يكون لي حظ صغير في الحيااااة هدا مكان واسمحولي ازعجتكمممممممممممم

 

[عليلو 24]

ربي يفرج عليك
وشوفي قدامك ماتشوفيش للي فات عليك
حاولي تنساي وماتخميش فيه خمي في القادم
​

 

[بياديق الشطرنج]

ماتقنطيش من رحمة ربي سبحانه يمهل ولا يهمل وانتي لازم تنساي الماضي وتبداي تخططي لمستقبلك وادعي ربي يفرج عليك ومهما واش صرا ماتنسايش بلي يجي يوم وتفرحي وتشرق الشمس من جديد

 

[بنت الـ25]

السلام عليكم ورحمة الله وبركاته
اختي العزيزة الحظ ولا الزهر لي تحكي عليه معندوش علاقة بمشاكلك
انا نقلك هدا قضاء وقدر ومكتوب ربي وابتلاء من عندو سبحانو
خلي نظرتك تفاؤلية دايما "لأن الله اذا أحب عبد ابتلاه"
وحطي ربي ديما في قلبك واتوكلي عليه، وربي سبحانو يقول في سورة يوسف
" وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ"

وتوقيعك بينلي راكي مؤمنة

والله يا ختي لعزيزة لو عرفنا وآمنا بلي البلاء حق والموت حق
وبلي هاد الدنيا راهي غير جسر للعبور للحياه الحقيقية
والله ترتاح نفوسنا
دايما كي يداهمك الهم الجئي لربي لاخاطر هو لي كتبهولك
وهو اللي القادر ينحيه عليك
اقنعي بلي عطاك ربي
وحاولي تعيشي اوقاتك سعيدة متحدية الدنيا وضغوطها واهوالها
لاخاطر مراحش تغيري حاجة من القدر ولا المكتوب كيما نقولو

​

 

[زهرة البحر]

مـــــــــــادام مازال عندك أمل أكيـــــــــد تقدري تصنعي المستحيل
ربي معاك وربي يفرج عليك​

 

[amel amoula]

ختى كملى حياتك وقرايتك بشكل عادى ومتخزريش هادى تخرجت انا مازلت لخاطر ادا حطيتهم فى بالك متنجحيش والعام راهو يجوز بلخف وتتخرجى وان شاء الله تصيبى خدمة وتفرجى على ماماك

انا تانى راحولى عامين فى الجامعة
وصحاباتى تخرجو وخدمو وانا كنت نقرا ونتلاقابيهم صح تزعفى على روحك مى ربى كتب هكا وش ديرى

لازم تلتاى غير بقرايتك فى هدا الوقت وتديرى البوسيبل تاعك باه تكملى وتتخرجى وان شاء الله ربى يفرج عليك وعلى يماك وتخدمى ومتشوفيش لهدو لبنات لانو ربى كى قسم الارزاق كل واحد وش مدلو لا اعتراض على حكم الله
وعسا ان تكرهو شيئ وهو خير لكم

وهدا الى كنتى معاه اخطيك منو ومن الرجال كامل تتخرجى وتخدمى والف واحد يتمناك لانو فى حالتك كامل يحبو يستغلو الضروف واهم شيء ننصحك بيه

متبين الحتى واحد بلى ماكيش مليحة عيشى نورمال وادا تقلقتى رانا هنا والله انا ندمت الى معرفتش اللمة من قبل

مى معليش وش ستحقيتى رانا هنا حنونتى ومتقلقيش كامل روحك
واى حاجة انا وحدة رانى هنا

 

[sahiko hamza]

لا حول ولا قوة إلا بالله


ننصحك بحاجة وحدة
هو انك ماتبعديش على الدين تاعنا وبلاك على روحك من الشارع
ديري برك هدف في حياتك هو انك تنجحي في قرايتك وتخدمي بديبلومك دوك ربي ان شاء الله يسهلك في كلش

قالك الصابر ينال مالا حتى انتي اصبري ودوك تنالي ان شاء الله


حطي هاد الآية بين عينيك

بسم الله الرحمـــ ـا ن الرحيم

" وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي "

صد الله العظيــــــــ ــم
​

 

[♥SaMoù Là MoDèsTe♥]

الله يفرج همك أختي

و توقيعك يبين بلي رآكي مومنة بقضآء الله

إذن أحييكـ على إيمآنك ومآدآم رآكي وصلتي للجآمعة فـ
مآ بقآلكش بزآف وتكملي قرآيتكـ
رآكي قآرية وتعرفي بصح نزيد نقولك وهذآ هو الإنسآن دآيمآ يحتآج لنآس ينصحوه
إمآلآ اصبري وكملي هآذو لعوآم لي بقآولك بآش تصيبي خدمة وبآلآكي تقطعي ليآس
ورآني متأكدة أنو يجي يوم من الأيآم و تنفتحلك الأبوآب
وتفرحي يمآك وتفرحينآ معآك حنونة

...
​

 

[ندى البيضية]

ما ديري والو ف بالك و متعمريش gاااااااااااااااااع راسك ربي فيه لخير و الحاجة لي ديريها كي تكوني مغمومة ولا بعيد الشر على حنونتي صلي 2 ركعات ودعي ربي هادا مكان و كبري بالك على خاطر مكانش ف هاد الدنيا لي معندهش مشاكل

 

[°/°مبدعة اللمة°/°]

7nouna ida heba venir plus beau que ton present
il faut que tu as une descision +3azima
w hed bydk enti psk nti li tethakmi fi tassaroufetk illi mnhom tasn3i w twajdi lmosta9bl y3jbk w ycharfk
alors etwakli 3la rabbi w diri nya

 

[lamis42]

ربي يخليكم وسي فري مغلطش بلي هاد المنتدى رو دار تانية لي واالي فيه اخاوتي لي معنديش سي فري انحرمت من اخوة مي الحمد الله انو صبتكم يا احلى اخوةةةةةةةة شكراااااااااااااااااااااااا

 

[βïģ βôşş]

شوفي للقدام وخليك ملي فات وخليك من البكاء على الاطلال الي راح ربي يريحو والله لا يردو كيما يقولو
خمي في غدوة لانو راح يكون غد مشرق وفال خير عليك ان شاء الله

 

[بنـ MaPa ـت]

شوفي اختي ايدا راكي تعطي حق ربي
تصلي وتقراي القرآن وديري الخير في حياتك
اكيد ربي ماراحش يتخلى عليك
ومايجي يفتحلك باب حتى يفتحلك 10
ماتنسايش لي الشي هادا ماشي بيدك مهما صرالك خير ولا شر ماشي نتي لي درتيه
كنتي السبة برك هادا كامل مكتوب عليك مقبل ماتتولدي نتي
مي عجبتيني كي مازال عندك امل في الغد خليك هكدا اختي وراح تنالي لي ماتوقعتيش تناليه في حياتك
ومازال العمر قدامك ان شاء الله + ديري واش ديري في الدنيا هادي لوين راح تديه معاك؟
الدنيا هادي فانية شغل مخبر تجارب الصح كامل في الآخرى هي لي راح تكون منزل راحتنا في الجنة ان شاء الله
ناكدلك برك يا اختي قراءو القرآن مرة على مرة وحافظي على الصلاة في وقتها اعطي حق الله يعطيك اكثر من حقك

ونوصيك تاني حاولي تعيشي على نياتك وماديري حساب لحتى حاجة خليها على الله والله راكي تتعبي بزاف لا وليتي لكل شي ديري حساب وتخمي وطلعي وتحبطي بزاااف وتاني ماتفقديش الامل ابدااااااا وكي تدعي عمرك ولا تقولي ماراحش نال مي معليش ندعي بالاك هنا كيما يقولو دعوتك مرفوضة عند الله توصل للبلافو وترجع ليك
دعي وشدي في ربي
فان الدعاء يغير القدر باذن الله

وربي يكون معاك​