---- وقفـــــــــــــة اعتـــذار ----

[شجـ الروح ـون]

السلام عليكم ورحمة الله تعالى وبركاته
ان شاء الله يكونو كامل خاوتي بخير ولباس عليهم وماخاصهم حتى شيء
وتكونوا هانيين وفرحانين يارب
ممكن مواضيعي فهاذ القسم قليلة او حتى معدومة
لاني من النو اللي يخبي وقلييييل وين ينطق ههه
البارح وصلتني رسالة من عند اختي وحبيبتي ونور عيني بشرى
قاستني بزااااف بزاف
ومنها قررت اني نكتب هاذ الخربشات
في هاذ الموضوع
من هنا حبيت نوقف وقفة اعتذار
لانو احلى شيء فالدنيا انك ترقد هاني ومكان حتى انسان قلبو معمر عليك
والا زعفان عليك.....
أولا وقبل كل شيء
واول همسة اعتذار نوجهها للخالق
غفرانك ربي
لا اله الا انت سبحانك...اني كنت من الظالمين
اللهم اني اسالك عفوك يا ارحم الراحمين
.......
عذرا من كل اخوتي قد اخطأت وتكاثرت اخطائي في غفلة مني
عذرا لتقصيري في حق اي منكم
عذرا لأني كنت أنانية بعض الاوقات
عذرا لكل من قسى عليه قلبي...رغم انه يتبرأ من القسوة
عذرا لكل من اخطأت في حقه
عذرا لمن احتاجني يوما ولم يجدني بجانبه
عذرا لكل من خيبت ظنه
عذرا لأني انشغلت بنفسي في حين انه لم يكن من حقي
....
سامحيني بشرى انت ادرى بمكانتك عندي
ولوكان تطلبي عيني علبالك نعطيهالك بلا مانفكر لحظة
برك مرات الدنيا تغلطنا وتلعب بينا وتسرقنا
وماكيش انتي برك اللي قصرت في حقها
بزاف ناس لكن انت الوحيدة اللي كلمتيني
ممكن الباقي بقات في قلوبهم
وكل واحد فسرها كيما حب......
ابدا عمري ماننسى خاوتي
وابدا ماكنتش ومانكونش متكبرة ان شاء الله
لكن مؤخرا برك عرفت انو ماش من حقي نعيش لنفسي برك
وانو كاين ناس حبيتهم وحبوني ليهم حق عندي...
صح ماعنديش عذر فواش درت ومرانيش نبرر
لكن محبتكم في الله ومعزتكم في قلبي خلاتني نكتب هاد الكلمات
ويارب كل واحد فيكم يتفهمني ويسامحني
ووو بزايد كتبت بزاف هههه
وكان نكمل نكتب مدونة
:regards01:

​

 

[sahiko hamza]

آااااه يا سامية
شكون مايعرفكش وشكون مايعرفش القلب الابيض لي عندك
انا عن نفسي نقول عليه راه طرونسبارون من الطيبة لي فيه

اختي من عندي راكي مساحمة دنيــا وآخرة وسامحينا احنا كشما غلطنا معاك
وان شاء الله يوصل ميساجك

فرحتيني كي خربشتي هنــا ..
​

 

[βïģ βôşş]

وعليكم السلام
ماشفنا منك غير الخير
ونتمنى الكل يفهم ويقدر الظروف ال العبد ممكن يمر بيها و واحد ماعلابالو بيها وتخليه يبعد ولا يقصر في حق واحد اخر

شكرا لك بزااف
​

 

[شجـ الروح ـون]

آااااه يا سامية
شكون مايعرفكش وشكون مايعرفش القلب الابيض لي عندك
انا عن نفسي نقول عليه راه طرونسبارون من الطيبة لي فيه

اختي من عندي راكي مساحمة دنيــا وآخرة وسامحينا احنا كشما غلطنا معاك
وان شاء الله يوصل ميساجك

فرحتيني كي خربشتي هنــا ..
​

الله يخليك حمزة
ربي يكبر بيك خيي
ويعلي شانك
ماتتخيلش فرحتي بكلماتك هدوا
وأكيد انو الانسان الطيب هو اللي يشوف الناس ملاح وطيبين
الف شكر خيي ربي ينورك
ويحققلك كل واش تتمنى
.............

وأنا فرحت كي قدرت نخربش هنا :-r
​

 

[شجـ الروح ـون]

وعليكم السلام
ماشفنا منك غير الخير
ونتمنى الكل يفهم ويقدر الظروف ال العبد ممكن يمر بيها و واحد ماعلابالو بيها وتخليه يبعد ولا يقصر في حق واحد اخر

شكرا لك بزااف
​

شكرا خويا نعيم
ربي يخليك
ربي يجعل الخير ان شاء الله
فرحتني بزااااااف بردك الطيب
الف شكر
​

 

[إحســاس بــراءة]

السلام عليكم ورحمة الله تعالى وبركاته
اهلا بحبيبتي الغالية سامية
صح الانسان في الدنيا هاذي تواجهو ظروف ومصاعب كبيرة
وتخليه يلهى شوية على الناس
انت صرالك الشئ هاذا وصرا ليا انا ولكل واحد فينا
سامية كيما قتلك في الرسالة لولا محبتي ليك ومعزتك عندي
ماكنتش راح نبعثلك وراح نعرف سبب تصرفك هاذا
كنت راح نخليك
ولكن ماقدرتش نخليها في قلبي
كفاش سامية اختي العزيزة والغالية عليا ماتردش عليا كل مانبعثلها
التصرف هاذا يخلي الواحد حاير في روحو ويتوقع اي شئ
وصراحة حسيت روحي اني غلطت معاك وانا ماعلاباليش
المهم ماحبيتش نخلي الشكوك في راسي وماحبيتش نبقى نطلع ونهبط في الافكار
وقررت اني نكلمك ونعرف منك السبب
والحمد لله واخيرا خليتك تنطقى وتهدري
............
ممكن تكون رسالتي قاستك
مالا انا تاني نطلب منك تسامحيني انتي كذلك
ربي يحفظك غاليتي ويخليك
ملي عرفتك عرفت فيك الطيبة والمحبة والوفاء
بصح لوكان تعاوديها مرة اخرى راني نجيك حتى لداركم ونجيفك ههه
ربي يخليك لينا
وربي يكون معاك في كل خطوة
سلامي لك غاليتي
​

 

[الحياة كلمة]

تحية لك من القلب لم ارى واقرى..شكرا لك لانك كنت شجاعة...شكرا لك لانك كنت امراة حقيقية..

شكرا لك لانك سامحتي كل من هنا

ياليت كل من اخطا ولو كان عن دون قصد ان يفعل الصواب مثلما فعلت

فبارك الله فيك واثابك على فعل الحق وعدم اللغو في الباطل

مرت من هنا الحياة كلمة
​

 

[بنت الـ25]

السلام عليكم أختي شجون الروح
نحيي فيك صراحتك
الاعتذار ليس عيبا العيب أن لا نعترف بأخطاءنا
ربي يخليكم لبعضاكم ويكثر من أمثالكم
كنت أحبذ لو عملتي الموضوع في جاك المرسو-ل
ولكن المهم حققتي الهدف منو
من عندي راكي مسامحة دنيا وآخرة ههههههه
تحياتي القلبية
​

 

[الورد الأحمر]

ياو غير اطلبي السماح راكي عميتيني باللون لي تكتبي بيه :p
ربي يهنيك اختي وربي يعفو عنا كامل ,,,
مجرد تسجيل مرور
ســلآمي
​

 

[شجـ الروح ـون]

السلام عليكم ورحمة الله تعالى وبركاته
اهلا بحبيبتي الغالية سامية

اهلا بيك قطيطة

صح الانسان في الدنيا هاذي تواجهو ظروف ومصاعب كبيرة
وتخليه يلهى شوية على الناس
انت صرالك الشئ هاذا وصرا ليا انا ولكل واحد فينا

احــــــــــم

سامية كيما قتلك في الرسالة لولا محبتي ليك ومعزتك عندي
ماكنتش راح نبعثلك وراح نعرف سبب تصرفك هاذا
كنت راح نخليك
ولكن ماقدرتش نخليها في قلبي

علبالي والله علبالي بشرى
وانا قلتهالك قبيل قتلك مازعفتش بالصح فطنتيني
ووريتيلي شي حاجات كانو غايبين عليا
وعملتي مليح كي هدرتي معايا


كفاش سامية اختي العزيزة والغالية عليا ماتردش عليا كل مانبعثلها
التصرف هاذا يخلي الواحد حاير في روحو ويتوقع اي شئ
وصراحة حسيت روحي اني غلطت معاك وانا ماعلاباليش

مرات تغيبلو الواحد والله يا بشرى
مايوليش يميز والا يدير شي حاجات بلا مايفيق لعمرو
وبلا مايحسبلهم حساب

المهم ماحبيتش نخلي الشكوك في راسي وماحبيتش نبقى نطلع ونهبط في الافكار
وقررت اني نكلمك ونعرف منك السبب
والحمد لله واخيرا خليتك تنطقى وتهدري

ههه هيه عملتي مليح خير ماتبقاي موسوسة
وراكي نطقتيني من جنابي ههه
جبدتي اللي كاينة

............
ممكن تكون رسالتي قاستك
مالا انا تاني نطلب منك تسامحيني انتي كذلك
ربي يحفظك غاليتي ويخليك
ملي عرفتك عرفت فيك الطيبة والمحبة والوفاء
بصح لوكان تعاوديها مرة اخرى راني نجيك حتى لداركم ونجيفك ههه
ربي يخليك لينا
وربي يكون معاك في كل خطوة
سلامي لك غاليتي
​

مالا وراسك غير نعاودها كي عاد فيها مجي هههه
ربي يخليك ليا بشرى
راني فهمتك وكل مرة نقولك مانعاودش بالصح....
ماتديريش عليا حبيبتي
وراكي عارفة واش تكونيلي وتعرفي مليييييييييييييح بلاصتك عندي
راني شرحتلك علاه كنت هاربة هههه
ومدام فهمتي ماوليتش نهرب خلاص
ربي يعطيك حساب قلبك بشبشتي
وماوليتيش تقوليلي سامحيني وقستك بكلامي
قولي واش حبيتي
ووقتاه بغيتي ووين بغيتي
كلامك عالعين والراس يا لحبيبة
عمرك شفتي شي واحد يزعف من روحو ؟
حبيت نقولك برك يا طفلة
البارح اول مرة نشوفك مقلقة
يابنتي تخلعي موالفة عاقلة هههه
ماتتخلطيش خير ههههه
نضحك معاك برك خيتي
ربي يخليك ليا
وهذي بوسة من راسك
ارضاي برك ههه
​

 

[شجـ الروح ـون]

تحية لك من القلب لم ارى واقرى..شكرا لك لانك كنت شجاعة...شكرا لك لانك كنت امراة حقيقية..

شكرا لك لانك سامحتي كل من هنا

ياليت كل من اخطا ولو كان عن دون قصد ان يفعل الصواب مثلما فعلت

فبارك الله فيك واثابك على فعل الحق وعدم اللغو في الباطل

مرت من هنا الحياة كلمة
​

الله يخليك كليمة
ماهي شجاعة ماهي بطولة
غلطت لازم نعتذر
ان شاء الله برك
كل اللي غلطت معاهم يسمحولي
سبحان الله هذي دنيا
مايعرف الواحد واش كاتبلو ربي في ساعة جاية
ربي يخليك خيتي
فرحتيني بردك
تحية طيبة
​

 

[شجـ الروح ـون]

السلام عليكم أختي شجون الروح
نحيي فيك صراحتك
الاعتذار ليس عيبا العيب أن لا نعترف بأخطاءنا
ربي يخليكم لبعضاكم ويكثر من أمثالكم
كنت أحبذ لو عملتي الموضوع في جاك المرسو-ل
ولكن المهم حققتي الهدف منو
من عندي راكي مسامحة دنيا وآخرة ههههههه
تحياتي القلبية
​

الله يخليك امونة الف شكر
ابدا ماهوش عيب انك تطلبي السماح
بالعكس
العيب انك تغلطي وتتماداي فالغلطة
وتقنعي روحك انك ماكيش غالطة...
فكرت في جاك المرسول
لكن لقيت انو موضوع عام هكدا احسن
صح سميت بشرى بالاسم
لكن كاين بزاف اللي كيفها ورافدين في قلوبهم عليا...
ان شاء الله ربي يصلح لحوال برك
ربي يعلي شانك اختي
اطيب تحية ليك يا بنت قسنطينة
:regards01:
​

 

[شجـ الروح ـون]

ياو غير اطلبي السماح راكي عميتيني باللون لي تكتبي بيه :p
ربي يهنيك اختي وربي يعفو عنا كامل ,,,
مجرد تسجيل مرور
ســلآمي
​

اذا عاللون غير ماتسمحيش ههه:p:p
اللهم امين نور
حاجة ماتدوم يا اختي
الدايم ربي سبحانو
والواحد لازم يخلي ذكرى طيبة فالقلوب
نورتيني بمرورك خيتي:-r
تحية طيبة
​

 

[عفاف الجزائرية]

حيح فيك انا مانيش مسامحة :p
يا خآآه عليك اسمسم من جيهتي انا كي نتغاض من الناس كامل نجي نشكي عندك ولا نقلق منك
روحي راكي طالقة قصدي راكي هانية
مسامحة اختي دنيا وآخرة
ما تعاوديش هاذ الكلام وكامل راها صايرتلنا
شاغلتنا الدنيا من غير شغالات
الوقت يجري من يدينا واحنا ماناش لاحقين عليه
نقولو ربي يجعل الخير برك ويسهللنا احوالنا هاذا ماكان
​

 

[°/°مبدعة اللمة°/°]

عزيزتي
ربما القدر لم يكتب لنا ان نتعرف او ان نتبادل الاخوة والصداقة
ولكن:
هذه الوقفة جعلتني اكن لك مشااعر محبو وود وطيبة ..
احييك على ثقتك العالية وجرأتك التي من الارجح ان الكثير منا يفقددها
اختك في الله ضحى​

 

[أم عبد الله]

السلام عليك اختي
مع اني لااعرفك جيدا ولم التق بك في اي موضوع يعني :dالا اني تفاجئت بصراحتك وقوتك نعم كنت قوية
فالاعتذار يتطلب قوة وانت اعتذرت ع الملئ
التمست طيبة في قلبك عكستها كلمااتك . . . اتمنى ان يصل اعتذارك للاشخاص المعينين
ويقدرو فيك قوتك والشيء الجميل ان هناك من نبهك لخطاك ولم ينسحبوا بصمت
فشكرا للاخت التي واجهتك بغلطك قبل كل شيء
اطلت الكلام فعذرا منك سيدتي

سلامي واحترامي
دمت بخير

ممكن تغيري لون الخط
في الليل والله يعمي :p​

 

[عفاف الجزائرية]

​

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏عفاف الجزائرية, ‏═♥° شجـ الروح ـون °♥═+

التصاور معاك ديما يخرجو واضحين تقول علينا فوطو جينيك مع بعضانا
​

 

[شجـ الروح ـون]

حيح فيك انا مانيش مسامحة :p
يا خآآه عليك اسمسم من جيهتي انا كي نتغاض من الناس كامل نجي نشكي عندك ولا نقلق منك
روحي راكيطالقة قصدي راكي هانية
مسامحة اختي دنيا وآخرة
ما تعاوديش هاذ الكلام وكامل راها صايرتلنا
شاغلتنا الدنيا من غير شغالات
الوقت يجري من يدينا واحنا ماناش لاحقين عليه
نقولو ربي يجعل الخير برك ويسهللنا احوالنا هاذا ماكان
​

:-o:-o:-o
يالهوي وتهون عليكي عشرة سنين ؟
كده تسيبيني بالساهل ؟؟
هههههه يعطيك النو اطفلة
شوفي كان مسامحونيش الناس الكل
علبالي فوفتي هازة قلوب الناس كاملين في قلبها
وماتزعفش حتى باش تسامح
ربي يخليك ليا يا القمرة
ويعطيك حساب قلبك عمري
وكيما قلتي
ربي يسهل الاحوال ان شاء الله
ويفرج علينا كل ضيقة يارب
:love01:نحبك أطفلة
​

 

[شجـ الروح ـون]

​

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏عفاف الجزائرية, ‏═♥° شجـ الروح ـون °♥═+

التصاور معاك ديما يخرجو واضحين تقول علينا فوطو جينيك مع بعضانا
​

معلابالكش اللي فينا شبايه من بعض ول ؟ هههه
شوفي فالمراية وحطي فوطويا وحوسي عالاخطاء السبعة ههه:p
​

 

[شجـ الروح ـون]

عزيزتي
ربما القدر لم يكتب لنا ان نتعرف او ان نتبادل الاخوة والصداقة
ولكن:
هذه الوقفة جعلتني اكن لك مشااعر محبو وود وطيبة ..
احييك على ثقتك العالية وجرأتك التي من الارجح ان الكثير منا يفقددها
اختك في الله ضحى​

اهلا اهلا
ممكن انتي ماتعرفينيش
لكن انا نعرفك ومن زمااااان
نعرف ضحى طيوووووبة المنتدى
ربي يخليك ختيتي
ويوفقك وينجحك مينوشة
فرحتيني بردك الطيبة
الف شكر
​