100 مليون مهر وسكن.. للزواج من "سوريات الجزائر"

[ĂÝǾΰb]

السلام عليكم ورحمة الله وبركاته
صافا ناس اللمة ؟ :up: ان شاء الله تكونو بخيرو عافية
دخلت الصباح لأحد الصحف الجزائرية لقيت هذا العنوان
​

100 مليون مهر وسكن.. للزواج من "سوريات الجزائر"

و لقيت في قلب المقال " ومن ذلك المهر بمقدمه ومؤخره، فضلا عن سكن شرعي يليق بمقام البنت السورية. " :s

فهمت من صاحب المقال أنو البنت السورية اكثر و أكبر مقاما من البنت الجزائرية :s
لا والله مرحبا بأخواننا السوريين فهم في بلدهم

أما وان تعزز بناتهم و تكرم و تهان بناتنا فهذا أمــــر لا نقبله

رانا كونتر لي يهين بناتنا لانو قبل كـل شيء المرأة الجزائرية اختك واختي وأمك و أمي

لا نقبل الاهانة كيما

و بناتنا ما يخصهم والو الزين والتربية و الأخلاق وتلقاها معاك في اليسر و العسر

يعززو بناتهم و يقولو بلي من لم ينكح شامية مات أعزب انا نقول بلي رقبة المرأة الجزائرية تعادلها الف رقبة مرأة أجنبية

و هذا فداء الملوك وبنات بلادي كامل ملكات :regards01:



​

 

[حفيد هواري بومدين]

كلامك رزين وباهي أكبدي ... بناتنا مايخصهم والو لاه نروحو للبراني ​

 

[ربيع19]

راني نشوف هذا المهر قليل بزااااااف على أخواتنا السوريات ...ولي ما يعرفش السوريات الحقيقيات ما يقدرش يحكم .....السورية زيادة على جمالها وزينها اللي ما يختلفوش عليه إثنان ....هي طباخة شاطرة ...ومرا تاع دار ..وتعرف توفق بين جمالها ونظافتها وبين الشغل تاع دارها ...+ فور في الحلويات ....+ حنينة وشاعرية بزاااااااااااااف كي تهدر معاها تحس أنك تتكلم مع (بنت أنثى) ...وزيد الزواج مع سورية رايح يعزز الروابط والعلاقات التاريخية بيننا وبين خاوتنا ...
فمرحبا بخاوتنا في بلدهم الجزائر ...ومبروك على كل واحد رزقو ربي ووفقو للزواج مع سورية يرضى دينها وخلقها ...
هذا رايي الشخصي قلته بكل صراحة

 

[شجـ الروح ـون]

كيكانو يمدو في بناتهم بمهر رمزي
كانو ملاح وبنات البلاد مايصلحوش
وكي قاسولكم الجيوب
ولاو خايبين
مليحتلهم عبادنا باسكو يستثمرو في مصائب الناس
حتى النية الصافية مكاش باش ربي يباركلهم
خلي يستاهلو
100 مليون غير شوي
كان دوبلاوها ولا تريبلاوها خير
:d
​

 

[نبض الحياة]

كيكانو يمدو في بناتهم بمهر رمزي
كانو ملاح وبنات البلاد مايصلحوش
وكي قاسولكم الجيوب
ولاو خايبين
مليحتلهم عبادنا باسكو يستثمرو في مصائب الناس
حتى النية الصافية مكاش باش ربي يباركلهم
خلي يستاهلو
100 مليون غير شوي
كان دوبلاوها ولا تريبلاوها خير
:d
​

والله غير عجبني هاد الرد حنونة :bravo01:
ما عندي ما نزيد عليك
يعطيك الف صحة وعافية​

 

[ربيع19]

 

[programmeur]

كي جزائرية كي سورية
أنا ماني متزوج

و100 مليون نزيدها في روحي احسن

وعلابالي بلي طيحو السوق على الجزائريات مع اللي كثرت العنوسة
سيرتو السوريات عندهم وحد option شابة تاع الصباح
تقولك "شووووو حبيبييييي نمت منيح"
انت تقوللها "واه رقدت غايا"
هي تقولك "تأبر قلبي ياحبيب روحي"


ههههههههههههههههههههههههههه

 

[virus2015]

السلام عليكم ورحمة الله وبركاته
بارك الله فيك خويا بيبرس على الموضوع القيم
أنا شخصيا قريت الموضوع في الجريدة وصح استغربت من ارتفاع السعر " ما نقولش المهر"
لكن لي اسغربتلو أكثر هو رد فعل الفحولا دياولنا
أنا لست ضد الزواج من سوريات أو عراقيات أو مصريات أو خليجيات،
فكلنا مسلمون بغض النظر عن البلد

وأن يضع الأولياء السوريون سقفا للسعر فهم أحرار
ربما الظروف التي يمرون بها تجعلهم يبحثون عن الأمان لبناتهم،
أو أنهم يريدون إبعاد الذئاب البشرية التي تزخر بها الجزائر والتي تحوم حول بناتهم
ويفهمونهم أن بناتهم شريفات وحتى وإن كانو لاجئين فقيمتهم مصونة محفوظة
وهذا حقهم

لكن ما يندى له الجبين هو قيام الرجال الجزائريين بمقارنة المرأة السورية بالمرأة الجزائرية:

هل أمك التي حملتك تسعة أشهر ليست جزائرية؟؟؟
هل أختك التي تتقاسم معك الحلو والمر ليست جزائرية؟؟؟
هل زميلتك أو معلمتك ليست جزائرية؟؟؟

صحيح أننا هنا في الجزائر بلد المعجزات يوجد من البنات من كل الأصناف
لكن حتى الرجال الله يبارك كاين المنقوشة والسلسلة والتاي باس وخلي وخلي

وياخويا لي راهو قادر الله يسهل عليه

ولي غلباتو كرشو وحب يتزوج على جال الماكلة كاين مطاعم سورية يروح وياكل حتى يشبع
ويخبي دراهمو ولا يدير بيهم كاش مشروع

ولا ما عندوش حق الريسطو نخلصولو ماكاش مشكل

سلام






​

 

[مسيلية فوور]

100 مليون ؟؟؟
وعلاه خلاصو بناتنا؟؟؟:s
اصلا اللي جاو من سوريا معضمهم غجر واكراد ومتسولين
شفتو دارولهم السكنة في سيدي فرج هربو وخلاوها محبوش يسكنو وراحو يطلبو



​

 

[الحق سلاحي]

ههههههههههه


​

 

[Yacine333]

حبيبي منحبش نتكلم يآسر على بنآتنآ والآ آلسورين

بصح آلي كآتب آلمقآل برك وش رآه يقصد ؟؟

يكذب عليك بنت بلآدك غير هي إلــي تفهمكـ

سلآم
​

 

[MANEL10]

sabhann llaaah jyaha wala khali lghachi rah yantahar 3la jal sokna normalement yhawsou soutraaaaaa hada makan.

 

[naGam]

قالك اقلهن مهرا اكثرهن بركة
​

 

[صراحة]

شكرًا موضوع ظاهرة جديدة لكن لازم قبل الرد لازم كل واحد يعرف انه لديه اخوات وعمات وخالات وانه في الجزاير وانه. كل دولة ربي عطالها نسوة حسب عقلية رجالها يفهموهم غير هوما وبين قوسين انه لولا الأزمة التي حلت بسوريا متحدث الذي حدث وانه رغم ما مرت به الجزاير من ازمات ما حدث الجزائريات مزايدة من هذا النوع في الاخير نقولكم ما قال النبي عليه السلام ما أكرمهم الا كريم. راي خاص شكرًا لصاحب الموضوع *

 

[serinee]

شكرا اخي لموضوعك
و انا اوافقك الراي و نقول واش يخصهم بنات بلادنا مع كل احترامي للسوريات و لي عندي هدو الشروط يروح يتزوج بسورية و ربي يسعدهم و يهنيهم
​

 

[hiba14]

السلام عليكم ورحمة الله وبركاته
بارك الله فيك خويا بيبرس على الموضوع القيم
أنا شخصيا قريت الموضوع في الجريدة وصح استغربت من ارتفاع السعر " ما نقولش المهر"
لكن لي اسغربتلو أكثر هو رد فعل الفحولا دياولنا
أنا لست ضد الزواج من سوريات أو عراقيات أو مصريات أو خليجيات،
فكلنا مسلمون بغض النظر عن البلد

وأن يضع الأولياء السوريون سقفا للسعر فهم أحرار
ربما الظروف التي يمرون بها تجعلهم يبحثون عن الأمان لبناتهم،
أو أنهم يريدون إبعاد الذئاب البشرية التي تزخر بها الجزائر والتي تحوم حول بناتهم
ويفهمونهم أن بناتهم شريفات وحتى وإن كانو لاجئين فقيمتهم مصونة محفوظة
وهذا حقهم

لكن ما يندى له الجبين هو قيام الرجال الجزائريين بمقارنة المرأة السورية بالمرأة الجزائرية:

هل أمك التي حملتك تسعة أشهر ليست جزائرية؟؟؟
هل أختك التي تتقاسم معك الحلو والمر ليست جزائرية؟؟؟
هل زميلتك أو معلمتك ليست جزائرية؟؟؟

صحيح أننا هنا في الجزائر بلد المعجزات يوجد من البنات من كل الأصناف
لكن حتى الرجال الله يبارك كاين المنقوشة والسلسلة والتاي باس وخلي وخلي

وياخويا لي راهو قادر الله يسهل عليه

ولي غلباتو كرشو وحب يتزوج على جال الماكلة كاين مطاعم سورية يروح وياكل حتى يشبع
ويخبي دراهمو ولا يدير بيهم كاش مشروع

ولا ما عندوش حق الريسطو نخلصولو ماكاش مشكل

سلام






​

يعطيك الصحة على الهدرة الزينة
و باش نتفاهمو ما عجبتنيش باسكو انا مرا مي الراجل تاع الصح يليق يليق يليق يكون هادا هو الرد تاعو

حبيبي منحبش نتكلم يآسر على بنآتنآ والآ آلسورين

بصح آلي كآتب آلمقآل برك وش رآه يقصد ؟؟

يكذب عليك بنت بلآدك غير هي إلــي تفهمكـ

سلآم
​

و حتى حان غير ولد بلا دنا اللي يفهمها شعار طالما رددته

 

[hiba14]

المهم دروك نرجع ليك دخلت للمنتدى باش نكتب على هاد الموضوع قريتو دروك في الشروق هادا تاع 50 مليون مقدم و 50 مؤخر و سكن يليق بالبنت السورية
انا اللي نوضتلي الحمان في راسي مين كاتبين البنت السورية زعمة زعمة خير من الجزايرية الله لا توصلهم

 

[ĂÝǾΰb]

كلامك رزين وباهي أكبدي ... بناتنا مايخصهم والو لاه نروحو للبراني ​

أهلا بيك خويا العزيز
أولا شكرا على الاعتماد :regards01:
مرسي خويا راني معاك ميشان
شرفتنا بمرورك

​

أهلا بيك خويا نورت
​

راني نشوف هذا المهر قليل بزااااااف على أخواتنا السوريات

اي السوريات على العين والراس أخواتنا نعم رح نسألك سؤال وهل السوريات خير من الصحابيات ؟ شوف : بالصحابي الذي أراد الزواج من امرأة على عهد رسول الله صلى الله عليه وسلم فلم يجد ما يقدمه مهراً لها، فقال له الرسول الكريم: « التمس ولو خاتماً من حديد » فالتمس فلم يجد شيئاً، فقال له النبي صلى الله عليه وسلم « هل معك من القرآن شيء؟ » قال: نعم، سورة كذا وسورة كذا- لسور يسميها- فقال له النبي صلى الله عليه وسلم: « اذهب فقد ملكتكها بما معك من القرآن »
​

...ولي ما يعرفش السوريات الحقيقيات ما يقدرش يحكم .....السورية زيادة على جمالها وزينها اللي ما يختلفوش عليه إثنان ....هي طباخة شاطرة ...ومرا تاع دار ..وتعرف توفق بين جمالها ونظافتها وبين الشغل تاع دارها ...+ فور في الحلويات ....+ حنينة وشاعرية بزاااااااااااااف كي تهدر معاها تحس أنك تتكلم مع (بنت أنثى) ...وزيد الزواج مع سورية رايح يعزز الروابط والعلاقات التاريخية بيننا وبين خاوتنا ...

أنا نحب الشعب السوري شعب طيب :regards01:
هذا الزين شفتو ؟ و الطبخ تاعهم ذقتو ؟ و أنت حكيت معاهم ولا شفت باب الحارة كي تقول شلونك ابن عمي ؟ :s
هذاك مجرد تمثيل الممثلات السوريات يديرو فلعام زوج عمليات تجميل تلقاها 50 سنة تبان ملات 20 سنة ما تنساش بلي امك جزائرية
​

فمرحبا بخاوتنا في بلدهم الجزائر ...ومبروك على كل واحد رزقو ربي ووفقو للزواج مع سورية يرضى دينها وخلقها ...
هذا رايي الشخصي قلته بكل صراحة

مرسي على رايك خويا وعلى الصراحة حتى وان اختلفنا
نورت الصفحة بارك الله فيك :regards01:
​

 

[ĂÝǾΰb]

أهلا بيك اختي نورتي


كيكانو يمدو في بناتهم بمهر رمزي
كانو ملاح وبنات البلاد مايصلحوش
وكي قاسولكم الجيوب
ولاو خايبين
شكون قال على بنات البلاد ميصلحوش ؟
و شكون قال على السوريات خايبين ؟

مليحتلهم عبادنا باسكو يستثمرو في مصائب الناس
حتى النية الصافية مكاش باش ربي يباركلهم
خلي يستاهلو
100 مليون غير شوي
كان دوبلاوها ولا تريبلاوها خير
بزنسية شكون زاد شكون قال
تريبل 300 مليون و خوفك أنت المبلغ هذا
ياو ندي لي يحبها خاطري بمال الدنيا ومنديش السورية باطل :p
:d
​

أنا نحامي عليكم انت خرجتيهالي غربة ههههههه
مرسي على المرور اختي نورتي
​

والله غير عجبني هاد الرد حنونة :bravo01:
ما عندي ما نزيد عليك
يعطيك الف صحة وعافية​

اهلا بيك
مدام عجبك يعني ردي رح يكون كيف كيف
حقرتونا غادي ندي شامية ههههههه
مرسي على المرور نورتي :regards01:

:p:p:p:p:p:p

​

 

[بنت الـ25]

حالياً الأعضاء النشيطين الذين يشاهدون هذا الموضوع : 12 (8 عضو و 4 ضيف) ‏Mïŋěţţe, ‏bibars125, ‏docteur abdou 24+, ‏MANEL10, ‏ربيع19, ‏صراحة, ‏soumaya01, ‏virus2015

راني نشوف فالموضوع تحول لسخرية من إخوتنا اللاجئين:down:
كون ملقاوش ملجأ هنا عندنا ما يجيوش
هداك نهار قريت ارتيكل فالشروق قالك جزائريين (ربي يهديهم)
يقصدو العائلات السورية لخطبة بناتهم مقابل مهر قليل و"زواج عرفي"
لا حول ولا قوة إلا بالله ... علاه هدا الاستغلال البشع لحاجة الإخوة السوريين للمأوى والستر
ودركا كي غلاو مهر بناتهم ولاو ميسواوش
خلي هكدا خير باش يوقفوا كل من حب يكشر على انيابو عند حدو

السوريات ماهمش خير من بناتنا وبناتنا ماهمش خير من السوريات
هادي حاجة منقدروش نقيسوها لاخاطر في كل بلاصة كاين الزينة والشينة
فلا فضل لعربي على أعجمي إلا بالتقوى
سلام

​