2وصفات للوجه والرقبة عن تجربة وادعولي

[sara arab]

السلام عليكم ورحمة الله

حبيت نفيدكم معايا ب وصفات للوجه والرقبة مجربتهم انا والله فادوني بزاف مع اني انا وجهي صافي لكن كيما تقولي ماما لوكان ماتلبزيش وجهك ماتهنايش هه

راح نقولكم على الوصفة الاولى هادي شفتها في حصة الدكتور اوز الله يهنيه والله غيل روعة وهيا القهوة مع زيت الزيتون وكامل عندكم القهوة وزيت الزيتون فلدار راح يعطيكم نضارة للوجه روعة والله صدقوني نديرها كل ساع بصح ماتشوفيش وجهك فلمرايا باسكو تهربي هههههههه ماتديروش تحت العينين هاديك منطقة حساسة ومانبغيش نجرب فيها لوصفات مي ديريها لكامل وجهك جيبي ملعقة قهوة ورونيها بزيت الزيتون تحصلين على كرام ديريها لوجهك وخليه شوية برك وغسليه مسحي وجهك ورديلي لخبر

والوصفة التانية هادي نبغيها بزاف بزاف باسكو انا ندير وناكل ههه وهيا شيكولا شكلاطة تجيبي شيكولا تاع مينا او اي نوع شيكولا مي تكون كيما مينا مافيها لا لوز ولا جوز ول حتى حاجة لافضل ديري مينا لاني انا ندير فقط مينا تدوبيها وتحطيها على وجهك مين تيبس في وجهك روحي غسليها ولاحضي وجهك راح تشوفيه بيض وصافي انا نبغيها بزاف هاد لوصفة نديرها ونبقا ناكل ههههههه تتنحا من وجهي قبل مانغسلها ههه

ادعولي ربي يحفضكم ويخليكم ادعولي ربي يهنيني ويعطيني واش متمنيا ​

 

[{مُدَلَّلَتُهُ}]

تاع القهوة جربتها مرة دخل خويا الصغير عليا قريب حكمو السكر هههههه

مشكورة على الوصفات حنونة نجربهم ان شاء الله
​

 

[sara arab]

تاع القهوة جربتها مرة دخل خويا الصغير عليا قريب حكمو السكر هههههه ​

مشكورة على الوصفات حنونة نجربهم ان شاء الله ​

ههههه مام انا كانت عنا بنت خويا صغيرة ودرتها هربت تجري:-o ورا ماماها وبدات تبكي مين تدير لمشاكل تقول ماماها سارة ارواحي تسكت هيا هههههههههههههه ايه مليحة تاع لقهوة بزاف ربي يحفضك على الرد :$​

 

[حكايا الورد]

ربي يحفظك و يخليك...مشكورة

 

[sara arab]

ربي يحفظك و يخليك...مشكورة

امين ياربي دعوتكم الدنيا ومافيها :$​

 

[الحياة كلمة]

وصفاتك خفاف وهايلين وساهلين والله فضلتني علينا اختي سارة
راح نجربهم كـــــــــــــــــــــــــــامل
والله ياطيك واش تتمنيا في متابعة مواضيعك
تحياتي
​

 

[sara arab]

وصفاتك خفاف وهايلين وساهلين والله فضلتني علينا اختي سارة

راح نجربهم كـــــــــــــــــــــــــــامل
والله ياطيك واش تتمنيا في متابعة مواضيعك
تحياتي​

اميــــــــــــن ياربي هادا واش لي نتمناه دعائكم جربيهم مش راح تندمي وكاين تاني لحاجة لي نديرها في وجهي دايمن لانها بعد وقت ماراحش تخلي تجاعيد يجوني لعسل لحر نديرو في وجهي وحدو ونخليه ومرة درت لعسل لحر مع الزرودية الجزر رحيتو ودرت معاه لعسل ودرتو في وجهي هادو مايخلولكش من بعد وقت التجاعيد يضهرو بزاف يشد البشرة لاخاطرش جاي لوقت وين نكبرو ويبانتو تجاعيد فيها فيها مي راح يكونو خفاف بلعسل لحر هوا الحل نديرو وتديرو ماما وناكلوه هههه الحاجة لي نحطها في وجهي اني نهرقمها :d​

 

[السلطانة]

شكرا على الوصفات المفيدة
ان شاء الله يستفادو منهم الصبايا

​

 

[sara arab]

شكرا على الوصفات المفيدة

ان شاء الله يستفادو منهم الصبايا​

شكرا ليك على ردك ايه ان شاء الله يستفادو منهم كامل :love01:​

 

[الورد الأحمر]

مغسي اختي وصفات سهلة وخآصة أنها مجربة
تعرفي منهم الخوف الوصفات المش مجربة ,,,
يعطيك الصحة ونجرب ونقولك ...
سلآمي
​

 

[طيور الجنة21]

هاذو هوما الوصفات ولا خلي


شيئ طبيعي ومايخوفش


شكرااااااااااااااااااااا

 

[sara arab]

مغسي اختي وصفات سهلة وخآصة أنها مجربة

تعرفي منهم الخوف الوصفات المش مجربة ,,,
يعطيك الصحة ونجرب ونقولك ...
سلآمي​

شكرا ليك عل ى الرد ايه جربيها واحرزي تقابل كاش واحد تخلعيه بويسك في زوج تخوفي ههه قبل ماتغسلي يقولو خلطها تصفا مي حنا نقولو كحلها تصفا كحلي وجهك يصفا هه​

 

[sara arab]

هاذو هوما الوصفات ولا خلي


شيئ طبيعي ومايخوفش


شكرااااااااااااااااااااا

يقولو الناس لا شكر على واجب لواحد يمد ويستنا الاجر من عند ربي هادا ماكان​

 

[shosho.21]

مشكوووورة اختي

 

[رضوة الجزائرية]

merci bcp​

 

[sara arab]

مشكوووورة اختي

:up:جربي ودعيلي واش يفيدنا حنايا برك دعوة شخص​

 

[sara arab]

merci bcp​

:$دوغيان​

 

[روعة2005]

يعطيك الصحة اختي سارة القهوة قصدك نية ولا طايبة
وربي يجازيك كل خير

 

[Ĉoĕǔŕ Dề Ḟľeuŗ]

مرسي على الوصفات وربي يكملك واش راكي باغية

 

[sara arab]

يعطيك الصحة اختي سارة القهوة قصدك نية ولا طايبة
وربي يجازيك كل خير

لا القهوة غبرا البن هاكداك ديري مغرف مع زيت الزيتون ​