الدزيرييييييين و التراموااااااي .. لوووووول

[aMiNa-K]

السلام عليكم و رحمة الله و بركاته
وشراكم جماعة اللمة
عندي بزاف مادخلتش لهنا راني حاسة روحي برانية

**************************

المهم
توحشت نحط موضوع هنا .. ان شاء الله يعجبكم الموضوع هدا

مش ارح نحكي على الترامواي كتكنولوجيا جديدة دخلت للجزائر .. راني حابة نحكي على لامونتاليتي تاعنا مع الترامواي (المسكين)

كنا نشكو من زحمة السير دارونا ترامواي زعمة باش ينقص شوية من زحمة السير .. بعدما مرضونا و مازالهم يمرضونا مع اعمال التشغيل تاعو .. دشنوه مع الاول من "برج الكيفان" الى "باب الزوار" .. ومنبعد integraweh avec le metro راهو لاحق لحتى رويسو ..و هكداك مازالو بزاااااااااااف خدمة
(لا علينا رانا كامل عارفين كيفاش يمشو البروجيات في بلادنا:down

و اللي زادو المشاكل فيه تصرفات المواطنين مع الترامواي .. نمد شوية امثلة باش تفهموني

* مرة خرجت لقيت الناس كامل تتمشى في الراية تاع الترامواي .. واش كاين غير الخير حتى نسمع بلي الترامواي راهو دحس واحد ..و راهو حابس و الناس راهي روطار عالخدمة و انا تانيت عشيت روطار
زعمة كاين رقابة بصح ليزاكسيدون راهم تقريبا كل يوم

* مرة تانيت سمعنا بلي الترامواي دخل في ماروتي ماخلا فيها والو .. هنا زعمة كانت الرقابة بصح كيفاش صرا لاكسيدون .. كي تسمعو الحكاية تدوخو .. الراية تاع الترامواي تجوز على الطرقات و وين يكون تقاطع نلقاو بوليسي يعس الحالة و ينظم حركة السير .. الترامواي كان جاي و البوليسي حبس كامل الكرارس بصح واحد مول ماروتي يلعبها مارق قال لالا يجوز قبل الترامواي و تراااااااااااااخ الماروتي مابقا فيها والو

* و لوكان تشوفو الناس كيفاش تقطع الراية .. جاي يجري و الناس تقطع في غرضها .. مسكين اللي يسوق الترامواي تشوفوه عينيه يخرجو :scared01: و هو يصوني و يروش بيديه "ياو بعدو بعدووووووو" ههههه .. هدو الكبار يديرو هكدا .. الدراري صغار مساكن يخافو :love01:

هدو شووووووووية حكايات مع واش راهو يصرا كل يوم .. كل يوم كاين ديكالاج في التوقيت .. علاش حنا انتحاريين هكدا .. عاد راني ماحكيتش واش راهو صاري داخل الترامواي و كيفاش الناس تتبلى في الشوفور مسكين :d

******************************

الترامواي اللي راهو عندنا هو نفسو اللي راهو يدور في مارسيليا علاش عندهم يمشي نورمال و احنا لالا
علاش عندنا بزاف ليزاكسيدون .. الناس راهي تسويسيدي
نقولو غياب الرقابة يمكن في الاول ماكانتش رقابة مي دوكا راهي كاين
بالاك مكانش توعية .. مكانش منها واحد كبير يرمي روحو للهلاك

***************
هيا قولولي وعلاش احنا انتحاريين قاع هكدا :s
​

 

[ماكانش]

أهلا بيك امينة
يعطيك الصحة على الموضوع الباهي
ههههههههه
والكاروات تاعو مازال ماكسروهمش ولا حتى تخسر ليازما ؟؟ ههههههههههه
الله غالب شعب ماهوش مثقف وجاهل ومخلوع وناقص تربية ووعي ...
من المفروض مانسمعوش خلاص واحد عفسو ومات ولاخر قاسو وو
حاجة باينة انو الواحد مايقطعش ومايلعبهاش قافز وو بزاف امور داخلة في الثقافة ...
ومازال نسمعو عامين يقلك حبس وفسد ووو

يعطيك الصحة

+ تقييم​

 

[aMiNa-K]

أهلا بيك امينة
يعطيك الصحة على الموضوع الباهي
ههههههههه
والكاروات تاعو مازال ماكسروهمش ولا حتى تخسر ليازما ؟؟ ههههههههههه
الله غالب شعب ماهوش مثقف وجاهل ومخلوع وناقص تربية ووعي ...
من المفروض مانسمعوش خلاص واحد عفسو ومات ولاخر قاسو وو
حاجة باينة انو الواحد مايقطعش ومايلعبهاش قافز وو بزاف امور داخلة في الثقافة ...
ومازال نسمعو عامين يقلك حبس وفسد ووو

يعطيك الصحة

+ تقييم​

صحيت خويا سفيان .. على قبول الموضوع و على الرد الباهي .. كما تقول نتا هههههه

اواه مايكسرولوش الكاروات .. تفكرت نهار ناضو المظاهرات في الدزاير جماعة تاع ليجان حبو يزدمو عالترامواي باش يكسروه .. بعتولهم وحد الجماعة نسيت كيفاش يسموهم .. بصح تسمع ليجان يقتلوك بالضحك واحد يقول " ياو قاسني بكتفو برك طيرني في السما " و وحداخر يقول " عطاني بكف عينيا دارو " هههههههههههه .. لي سونسيال الدولة تاعنا ماشكيتش تخلي اعمال الشغب تلحق ليه راهو اسقاملهم غالي :down:
​

 

[فوفو الجميلة]

 

[عليلو 24]

ههههههه الشعب يحب اللعب
مزالو فرحانين بيه​

 

[انتصار*]

***************
هيا قولولي وعلاش احنا انتحاريين قاع هكدا :s
​

ممكن الجواب موجود داخل بيوتنا وعلاش يخرجو كي لمهابل من الدار:s:s
​

 

[brahim tiniri]

ياو راها العقلية نتاعنا هكذا وينقصنا شوية وعي شكرا على الموضوع امينة
-مع تحيات الجنرال- نرجو لكم التوفيق-
​

 

[═♥.ЈŪšť_ màn.♥═]

راكـــــــــــــــــي ما شفتـــ والو ياا شريكـــي
ماشي غيـــــــــــــــر واااشـــ راهــو يصرى برأأأ
كنتــ حابكــ تحكي على واااااااااشــ راهو صاااري لداخل و الله غير دوخـــ يااا خو
المهمــ الحمد لله لي دشنوهــــــ تحياااتي:$

 

[Estrella]

لله غالب يا ختي الشعب ماشي مثقف ويحب يخسر
زيد بزيادة مكانش رقابة
حتا مشروع ماينجح مع هاد الشعب المستهتر
واش نحكو واش نخلو خلي البير بغطااااه
لله يصلح الاحوال
بارك لله فــــــــــيك​

 

[abidou 20081]

صحيتي أمونة ههههههههههههه هذي غيبة ومنين جيتي جيتي رافدة الهم تاع لي مراض مالاد مونتال

نقولك حاجا في مرسيليا ولا في أي بلد أوروربي منين يديرو بروجي يدرسو كامل الجزانب تاعو حنا منين نديرو بروجي
نديروه وخلاص أو مبعد نبداو ندرسو فالمشاكل تاعو أنا منين حبط لدزاير وشفت الترومواي والطريقة
لي خدموه بها بقى فمي محلول والله مخي حبس وبقيت نخمم وعلاش دارو هكذا وعلاش داروه منا هذو مهابل حبو يقتلو الغاشي
ولا كيفاش والنتيجة كيما راكي تقولي رحمة على باباك وجدك وجد جدك والراسا تاع جد جدك هذا يسموه ترومواي ولا
إنتحارواي هذا من ناحية لبروجي من ناحية عقلية الجزائريين راكي عارفة يخلي الكرسي ويريح فوق حديدة
يخلي الطريق ويمشي فوق البارووات وإذا كان شعل في روحو ليسونس أنا نقول زادولة عفسة شابة
باش يسويسيدي شعب مقلق وزادولو التقلاق
المهم نقولك ربي يجيب الخير برك وبالبركة عليكم الترومواي سنقصولكم شويا السيركيلاصيون ومعاها ينقصولكم شوية عباد ههههههههههههههههههههههههه​

 

[miss marou]

ههههههههههههههههههه ماعندك ما تقولي اختى الشعب يلعبها فايق والحكومة تحاول دير كلشي باش يرضى هاد الشعب
قالك القطة جات تبخر حرقت ذيلها هههههههههههه هادي هي الحكومة تاعنا حبو يطورو على حساب الشعب :down:
يعطيك الصحة اختىعلى الموضووع :regards01:

 

[somariyo]

:d: d: d
شكرا على الموضوع

 

[lizou]

مرسي بزاف على الموضوع الشباب بصح الشعب تاعنا مازال ماولفش الحطة والتقدم ههههههههههههه

 

[aMiNa-K]

[/QUOTE
]

:s :s :s
merci en tout les cas
​

ههههههه الشعب يحب اللعب
مزالو فرحانين بيه​

ماشي حكاية فرحانين
الله غالب هدي هي العقلية تاعنا
​

ممكن الجواب موجود داخل بيوتنا وعلاش يخرجو كي لمهابل من الدار:s:s
​

صحا صحا
شكون راني نشوف .. انتصااااااااااااااااار :d
اهلا يا بنتي .. واش رجعك للمة .. خطرة شفت البروفيل ديالك مبلوكي مت بالسعادة :p ههههههههههههههه

عاش من شافك انتصار .. كي نتفكر يامات زمان نبدا نضحك .. ان شاء الله تكوني بخير و عافية و امورك ماشية مليح

بصح ماقلتيليش وعلاش حنا مهابل دوريجين :s

​

ياو راها العقلية نتاعنا هكذا وينقصنا شوية وعي شكرا على الموضوع امينة
-مع تحيات الجنرال- نرجو لكم التوفيق-
​

صحيت خويا ابراهيم عالرد
صح لازمنا بزاف توعية
​

راكـــــــــــــــــي ما شفتـــ والو ياا شريكـــي
ماشي غيـــــــــــــــر واااشـــ راهــو يصرى برأأأ
كنتــ حابكــ تحكي على واااااااااشــ راهو صاااري لداخل و الله غير دوخـــ يااا خو
المهمــ الحمد لله لي دشنوهــــــ تحياااتي:$

صحا شريكي ..
ايه لداخل راهو صاري لعجب .. فيه دي كاميرا مخبيين .. و خطرا واحد سرق بورتابل و شافوه بلي كاميرا .. حبس الترامواي و دخلو ليه سيفيل .. السراق قلبزوه بالضرب .. وجهو رجع خبزة مطلوع :d و رجعو البورتابل لمولاه ..
و الله غير راهو صاري لعجب في الترامواي يا خو ههههههههه


لله غالب يا ختي الشعب ماشي مثقف ويحب يخسر
زيد بزيادة مكانش رقابة
حتا مشروع ماينجح مع هاد الشعب المستهتر
واش نحكو واش نخلو خلي البير بغطااااه
لله يصلح الاحوال
بارك لله فــــــــــيك​

لالا هو مشروع ناجح .. الترامواي مسكين راهو رافد العجب .. بصح الشعب تاعنا وحدو :-h
on est unique :up:

صحيت خويا
​

 

[aMiNa-K]

صحيتي أمونة ههههههههههههه هذي غيبة ومنين جيتي جيتي رافدة الهم تاع لي مراض مالاد مونتال

نقولك حاجا في مرسيليا ولا في أي بلد أوروربي منين يديرو بروجي يدرسو كامل الجزانب تاعو حنا منين نديرو بروجي
نديروه وخلاص أو مبعد نبداو ندرسو فالمشاكل تاعو أنا منين حبط لدزاير وشفت الترومواي والطريقة
لي خدموه بها بقى فمي محلول والله مخي حبس وبقيت نخمم وعلاش دارو هكذا وعلاش داروه منا هذو مهابل حبو يقتلو الغاشي
ولا كيفاش والنتيجة كيما راكي تقولي رحمة على باباك وجدك وجد جدك والراسا تاع جد جدك هذا يسموه ترومواي ولا
إنتحارواي هذا من ناحية لبروجي من ناحية عقلية الجزائريين راكي عارفة يخلي الكرسي ويريح فوق حديدة
يخلي الطريق ويمشي فوق البارووات وإذا كان شعل في روحو ليسونس أنا نقول زادولة عفسة شابة
باش يسويسيدي شعب مقلق وزادولو التقلاق
المهم نقولك ربي يجيب الخير برك وبالبركة عليكم الترومواي سنقصولكم شويا السيركيلاصيون ومعاها ينقصولكم شوية عباد ههههههههههههههههههههههههه​

صحا عبيدو :-h.. اونفان لحقت للرد ديالك :d
ياودي هنا و لا مارسيليا ولا نيويورك .. واش فيهم زيادة علينا و فاش هوما خيرمنا .. ياك عباد كما حنا
علاش هوما نورمال و متقدمين و حنا لالا
ياك ترامواي برك .. ديجا يشبه للمشينة :d .. انا طلعت في الترامواي قبل المشينة .. كي طلعت اول مرة في المشينة قلتلهم يااااااااه تشبه للترامواي .. ناضو يضحكو عليا هدوك الناس
​

انا عجبني كيفاش خدموه .. سورتو كي يجوز على الطريق تاع الكرارس :d و لا يجوز في وسط رومبوا :-h و الكرارس ماشي سامعين بيه يحبو يجوزو قبلو و يصراو ليزاكسيدون .. حالة علابالك هيهيهيهييييييي
و منقص بزاف لا سيركولاسيون .. كنت نضرب زوج سوايع باش نلحق لباب الزوار بورتون ماشي بعيدة عليا بزاف .. درك راني في مامبا ساعة نلحق لباب الزوار .. بصح خسارة كي كملت قراية و عانيت سنوااااااااااات في باب الزوار دارونا الترامواي

ايبارك فيك .. و لعثوبة ليكم يديرولكم ترامواي يدحسلكم شوية غاشي هيهيهييييي
صحيت عبيدو

​

 

[abidou 20081]

صحا عبيدو :-h.. اونفان لحقت للرد ديالك :d
ياودي هنا و لا مارسيليا ولا نيويورك .. واش فيهم زيادة علينا و فاش هوما خيرمنا .. ياك عباد كما حنا
علاش هوما نورمال و متقدمين و حنا لالا
ياك ترامواي برك .. ديجا يشبه للمشينة :d .. انا طلعت في الترامواي قبل المشينة .. كي طلعت اول مرة في المشينة قلتلهم يااااااااه تشبه للترامواي .. ناضو يضحكو عليا هدوك الناس
​

انا عجبني كيفاش خدموه .. سورتو كي يجوز على الطريق تاع الكرارس :d و لا يجوز في وسط رومبوا :-h و الكرارس ماشي سامعين بيه يحبو يجوزو قبلو و يصراو ليزاكسيدون .. حالة علابالك هيهيهيهييييييي
و منقص بزاف لا سيركولاسيون .. كنت نضرب زوج سوايع باش نلحق لباب الزوار بورتون ماشي بعيدة عليا بزاف .. درك راني في مامبا ساعة نلحق لباب الزوار .. بصح خسارة كي كملت قراية و عانيت سنوااااااااااات في باب الزوار دارونا الترامواي

ايبارك فيك .. و لعثوبة ليكم يديرولكم ترامواي يدحسلكم شوية غاشي هيهيهييييي
صحيت عبيدو

​

ربي يسلمك أمونة وربي ينورك

راكي من جهة تدافعي ومن جهة تناقضي من جهة تقولي كيفاش هما باش فايتينا مرسليا ولا نيويورك
ولا فاش خير منا ومن جهة تقولي أنا عجبني كيفاش خدموه يفوت فالسيركيلاسيون وفي وسط الطريق
والجواب هذا في واش فاتونا هما منين خدموه قراو لزمان عقوبة وخافو على شعبهم من ليزاكسيدون وحنا منين خدمناه قلنا بالاك ينقصلنا شوية شعب الشغل لمليح مليح ونحب منين تزيد حاجا في بلادي راهي زايدة فيا بصح تغيضني منين يخسرو لملايير على حاجا من اللول غالطة وعلى بالك بلي هذي لوكان تسقسي عليها تلقايها كنت زمان ونحوها درك تاني هذي يزيدو بها وقت وينحوها غير ماتخافيش شوية ملايير نضحو بيهم برك
ربي ينورك وربي يجازيك دمتي بمواضعك القيمة تشاوووووووووووووو

 

[aMiNa-K]

ههههههههههههههههههه ماعندك ما تقولي اختى الشعب يلعبها فايق والحكومة تحاول دير كلشي باش يرضى هاد الشعب
قالك القطة جات تبخر حرقت ذيلها هههههههههههه هادي هي الحكومة تاعنا حبو يطورو على حساب الشعب :down:
يعطيك الصحة اختىعلى الموضووع :regards01:

هديك هيا بالدات اختي
شعب مرنك و الدولة كترمنو .. و النتيجة رانا نشوفو فيها كل يوم لول
صحيتي اختي عالرد
​

:d: d: d
شكرا على الموضوع

العفوووووووو
ميرسي عليك
​

مرسي بزاف على الموضوع الشباب بصح الشعب تاعنا مازال ماولفش الحطة والتقدم ههههههههههههه

ميرسي اختي
درك مع الوقت يوالفو بالسيف عليهم :d
​

 

[aMiNa-K]

ربي يسلمك أمونة وربي ينورك

راكي من جهة تدافعي ومن جهة تناقضي من جهة تقولي كيفاش هما باش فايتينا مرسليا ولا نيويورك
ولا فاش خير منا ومن جهة تقولي أنا عجبني كيفاش خدموه يفوت فالسيركيلاسيون وفي وسط الطريق
والجواب هذا في واش فاتونا هما منين خدموه قراو لزمان عقوبة وخافو على شعبهم من ليزاكسيدون وحنا منين خدمناه قلنا بالاك ينقصلنا شوية شعب الشغل لمليح مليح ونحب منين تزيد حاجا في بلادي راهي زايدة فيا بصح تغيضني منين يخسرو لملايير على حاجا من اللول غالطة وعلى بالك بلي هذي لوكان تسقسي عليها تلقايها كنت زمان ونحوها درك تاني هذي يزيدو بها وقت وينحوها غير ماتخافيش شوية ملايير نضحو بيهم برك
ربي ينورك وربي يجازيك دمتي بمواضعك القيمة تشاوووووووووووووو

مكاين لا تناقض لا والو
الترامواي يجي هكدا .. deja son role est pour le tourisme
يمشي بالعقل و يدخل داخل المدن .. و اللي يكون داخل الترامواي يشوف كامل المناظر:-h لووووول .. يليق يكون للسياحة
و الخدامين و المزروبين "نورمالموووووووون" كاين الميترو " اللي راهو يمشي 9 كلم في بلادنا" هههههههه
هدي حاجة مليحة داروها في بلادنا .. لوكان تكون برك شوية توعية و الشعب يكون مسؤول
je vois pas بلي رايحين ينحوه ..و ان شاء الله برك ياكتيفيو في الخدمة تاعهم راهم رقدو
​

 

[abidou 20081]

مكاين لا تناقض لا والو
الترامواي يجي هكدا .. Deja son role est pour le tourisme
يمشي بالعقل و يدخل داخل المدن .. و اللي يكون داخل الترامواي يشوف كامل المناظر:-h لووووول .. يليق يكون للسياحة
و الخدامين و المزروبين "نورمالموووووووون" كاين الميترو " اللي راهو يمشي 9 كلم في بلادنا" هههههههه
هدي حاجة مليحة داروها في بلادنا .. لوكان تكون برك شوية توعية و الشعب يكون مسؤول
je vois pas بلي رايحين ينحوه ..و ان شاء الله برك ياكتيفيو في الخدمة تاعهم راهم رقدو
​

صبري روحك برك قالوا المناظر واش يخزر سيرتو جيهة لعقيبة يمشي قدام الحيط
لازم يديرولكم التصاور فالحيوط هكذا تولي سياحة ولا خلينا لي يسمعك تهدري على السياحة
يقول راه في ماليزيا هههههههههههههههههههه
بزاف 9 كلم وين راهم رايحين يطلعو لقمر ماقعدلهومش بزاف 50 سنة ب 9 كلم هههههههههههههههه
منا على 50 أخرى 18 كلم
التوعية راهي في الملصقات والفوط والمسؤولية راكي عارفة لمن خلاوها مالا ماتطمعيش
فالشعب يكون مسؤول

نرجع للمفيد الموضوع مليح صح بصح النقطة السلبية باش نحافظو على مشروع ولا كيما راكي تقولي
يكون الشعب مسؤول لازم شوية إنضباط في حوايج بزاف ولا مانقولش شوية إنضباط نقول بزاف الإنضباط على خاطرش رانا نمشو بوزهرون برك وهذي رؤية كامل الناس ماشي غير تاعي
نتمناو الخير برك وربي يحفظك على الموضوع ودمتي وفية لمواضعك القيمة ​

 

[براءة مسروقة]

ههههههههههههههههههههههههههههههههههههههههههه