كوكب الاعترافات // المشكلة 04 " معاناتي مع أختي !!"

[بنت الـ25]

​

السلام عليكم ورحمة الله تعالى وبركاته

مرحبا بكافة مرتادي منتدانا الكرام مثلما عودناكم في ركن:

[FONT=&quot]المشكلة رقم 04 :[/FONT]
[FONT=&quot] " معاناتي مع أختي !!"
[/FONT]

السلام عليكم
نشكركم بزااااااااااااااااااااااااااااااااااف على الموضوع
مشكلتي اني عندي ختي كتر عليا بـ04 سنوات متزوجة وعايشة بعيد خارج ولايتنا
جذور المشكل ترجع لزمان
كنت انا وهي كي القط والفار من الصغر دايما تحقرني وتضربني بسبب وبدون سبب
كي تزوجت انا قلت بالاك تتريقل طبايعها وتنحي لقباحة هادي شوية لكن لا جدوى
كل مرة تجي عندنا ضيفة تخلقلي ألف مشكل ومشكل غير باش تتعارك معايا
انا نقلها يا ودي احنا دوكا كبرنا مبقيناش تع هاد الامور وزيد انتي دوكا تزوجتي مبقيتيش كي بكري .. كبري عقلك .. اهدرو مع الحيط يتكلم وهي لالا
آخر مرة جات عندنا طولت قعدت تقريبا 20 يوم لان راجلها مسافر ومقدرتش تقعد وحدها في دارها
دات عندنا بيان سير دار باباها ومرحب بيها في اي وقت
مي من نهار جات تقلبت دارنا رأسا على عقب
الصراخ والعياط في كل وقت مع ولدها ولا معانا
بسبب وبدون سبب
تخلق المشاكل منين ميكونوش وفاللخر تغلق على روحها وتولي تبكي
هاد المرة كترت بزاف وكامل لي فالدار قلقو من تصرفاتها
ملقيتناش كيفاش نتعاملو معاها
وخصوصا انا
نحكي معاها تتعارك معايا منحكيش تقولي تشنفي عليا:-o
قولولي وش ندير معاها؟

 

[•мϊѕŝ Šрέсǐάł•]

امم ,, المناوشات بين الاخت واختها ,, دائما متوااجدة في كل بيت
لكن ان تصل الى هذا الحد حتى بعد الكبر ,, لم ارى مثلها = الصرااحة=
لكن ,, لا يمكنك تجنبها ,, لانها واقعيااا اختك ,,
لكن ان كان تعاملها معك فقط مختلف ,, فربما لاسباب من الماضي
يعني مثلا معاملة والديك او شيئ من هذا ,,
لكن ان كاان شاملا ,, فربما لديها مشاكل او ان نفسيتها مرهقة
,, ويبقى بعض الظن اثم ,,
تقبلي مروري البسييط على موضوعك اختي Mïŋěţţe
وتقبلي تدخلي في موضوعك اختي المجهولة هههه ​

 

[jiji la star]

ربي يهديها
كي بعدت عليكم حست بالوحدة وحست كي شغل نتوما تهنيتو منها علابيها راهي دير هاك
أنا تاني عندي ختي كبيرة عليا ب 5 سنين كليوم دباز و العياط منتفاهموش خلاص
مي مزال متزوجتش أيوا نشاء الله متكونش هاك
شوفي أختك تبغي غي رايها يتمشا و غي هي لي ف دار هذا يعني تحس بلي مزالت صغيرة عند والديها كي تجي يقلشوها مي هي دوك راهي بولدها
أختي حاولي تهدري معاها بلاك راهي عندها مشاكل مقدرتش تحكيهم
بلاك شي مشكل مع راجلها و تقولكم راني بخير و متفاهمين
ماكاش دار بلا مشاكل سيرتو الراجل و مرتو
إيمالا حاولي كيفاه تهدري معاها و تجبديها ليك
علابالي تقوليلي كاليوم دباز مي هدي ختك معندكي ماديري تضربك و نورمال
أنا راني كيما نتي مي قاع هي تغلط و أنا نطلب السماح بسكو هي لي تعرف مصلحتي و كبيرة عليا هكا يقولو الوالدين
قلشوها و تهلاو فيها روحو زوروها خطرة على خطرة
تفكروها في التلفون
تفكرو وليدها ب هدية صغيرة ولا لعبة و عرضوها تجي عندكم متحسوهاش بلي راهي عند راجل هو لي يتهلا فيها نتوما تانيك
عايلتها
تقبلي مروري​

 

[loca]

امممم 4 سنين مش بزاف راكم قد بعض مهم انا عجبتني حاجة فيك و هي عقليتك يعني راكي كبيرة و تفهمي ما شاء الله و عقلك يوزن و رزينة ايا صاي الحل عندك و انت تحوسي عليه من راكي عارفتها هي غالطة علاش تقلقي في روحك مام هي والله عارفة روحها غالطة و مش باغية تستعرف
ساعفيها و كبري قلبك راهي ختك و دنيا فانية ميدوم والووو و متلقي غير ختك لي توقف معاك ف كلشي زينةو حزينة
ساعفيها و حاولي تنحي على روحك و تمديلها و نويها صدقة و ربي يعوضك متقارعي منها والوو ديري كلشي في ربي والله غادي يكون معاك اقسم بي الله
ربي يكون معاك ختوو déjaشوفي غي قصة تاع سيدنا يوسف مع خاوتووو رماوه في بير و تباع ف سوق و دخل لحبس و صرا فيه ما صرا و finalment اسمحلهم و كان شيئ لم يكن
والله دنيا ما تسوى حاجة انا لي راني نحكيلك هكا مش معنديش اختي ولا معنديش معاها دي بروبلام لالا والله غير كانوو كاينين
و هي اكبر مني ب 7 سنين مي انا كبرت عقلي و اسمحتلها في كلشي والله نحي من عندي و نمدلها دايرتها خير من روحي و الحمدوو الله ربي معوضني و لي يشد في ربي قاع ميخافش والله
دمتي ختووو ​

 

[عفيفة الحبوبة]

السلام عليكم
اختي ربي يخليلك اختك و اهلك لانو مهما يصير و يكون خوك خوك لا يغرك صاحبك و غير هيا و اهلك اللي تصيبيهم في الحلوة و المرة
صحيح هي غالطة بزااف معاك و نتي راكي صابرة الله يكثر من امتالك
لكن اقعدي شادة في عقلك و رزانتك و دعي ربي يهديها و يصلحها
و انا تبالي راهي تحبكم على بيها دير هكا
و دوك تشوفي بشوية صبر منك و دعاء لربي و نصحك ليها راهي تولي باذن الله و تقولي كلي عمر ماكان هاد الصراع
و ربي يصلح احوالك و يحفظك ان شاء الله​

 

[السلطانة]

لاأملِكُ أُختا وكمِ تمنّيتُ لكن أمنيتي لم تتحقّق
الأخت نِعمة من الله عزّ وجلّ ومنِ لايملكها يعي جيّدا معناها
أتعجّب حين أسمعُ قصصا واقعيّة مثل قصّتكِ
أخت تتشاجر مع اختها وأخت تصنعُ مشاكلا مع أختها
*********
بالنسبة لموضوعك
انتي واختكِ تفتقدان لشيء جدّ مهم وهو الحِوار
مهما حدث بينكما من مشاكل
حاولي بما أنّكِ الأعقل والأرزن ان تتقرّبي منها وتفهمين ماتُعانيه
ربما انتما أُختان لكن لاتتكلّمان وبالتالي لاتفهمان بعضكما البعض
ربي يحنّن قلب اختك عليك ويحنّنك عليها
سلامي

​

 

[بنت الـ25]

السلام عليم اختي الكريمة ان شاء الله تكوني فالمتابعة
من جهة يقولو ميحس بالجمرة غير لي كواتو
يعني احنا ممكن نكونو مراناش حاسين "بمعاناتك مع اختك" لأني من كلماتك فهمت انك مهما حاولتي باش توصلينا هاد المعاناة خانتك الكلمات
ولو موصلتيش لمرحلة القطرة التي أفاضت الكاس مكنتيش رايحة تعترفينا هنا
ومع هذا نقلك:
اختك راهي الآن متزوجة
كون جات عايشة معاكم كيما بكري كنت عندي راي آخر
ولكن نقلك اتحمليها مزالها عندكم فالدار ومصيرها تروح لدار راجلها
حاولو تحكيو مع باباك يهدر معاها يوقعها يقلها تهني روحها ففي الأول والأخير الرجل
ميحبش المرأة النكدية لانو تزوج باش يتهنى وليس العكس
وانها بهاد العقلية رايحة تخرب حياتها الزوجية (لا قدر الله)
وكيما قالو الأعضاء قبلي ممكن يكون عند اختك مشاكل خاصة مقدرتش تحكيهم
وراها تفرغ بالتعارك معاك
ادعي ربي يهديها واتحمليها ففي النهاية هاد اختك
والظفر عمرو ما يطلع ماللحم

ابقي طمنينا ^^
​

 

[ام منصف]

باينة اختك عندها ما يسمى بالعدوانية الزايدة
بالاك راهي تفرغ في غشها بهذه الطريقة حاولي تهدري معاها وتستفسري علاه رهي تتصرف بهذه الطريقة
ممكن ما تنجحيش من اول محاولة بصح حاولي وزيدي حتى ترتاحلك وتفتحلك قلبها
اكسبيها كصديقة خليها تحكيلك واش راهي تعاني بالاك تقدري تعاونيها
حاجة برك نهنيك على طولة بالك وكبري عقلك معاها
وربي يكون في العون
​

 

[الورد الأحمر]

السلآم عليكم ورحمة الله وبركآته ,
الحقيقة أنو المنآوشآت بين الأخت والأخت ,
كآينة في كل دآر مي الظآهر أنو أختك ,
زآيدة فيهآ لدرجة درتي عليهآ موضوع ,
الحق كي قريت المشكل تآعك جآني سؤآل .
رآجلهآ كيفآش مستحملهآ ?
ولآ تدير هك معآكم برك ,
سآمحيني نقولك تبآنلي أختك عندهآ مشكل ,
في كآش بلآًصة من نفسيتهآ ,
تآع تدير لمشآكل وتطيح تبكي ,
هذي مش نوغمآل وتآع وحدة ,
مضطربة نفسيآ ,
علآبآلي أختك وتمآديت بآلآك ,
مي هذآ رآيي في مشكلتك ,
أمآ الحل نظن كآين وآحد مش زوج ,
تصبروآ عليهآ لأنو آخرتهآ يرجع رآجلهآ ,
وترجع عندو وتتهنآو من الحس ,
والسلآم عليكم ورحمة الله وبركآته ’
​

 

[همس الوُرود]

هههههههههههههههههه عجبتني هادي ختك هايلة :d بلاك دوكا متواحشة تضربك وتعيط عليك ساعفيها ختي ههههههه

 

[sahiko hamza]

باينة اختك عندها ما يسمى بالعدوانية الزايدة
بالاك راهي تفرغ في غشها بهذه الطريقة حاولي تهدري معاها وتستفسري علاه رهي تتصرف بهذه الطريقة
ممكن ما تنجحيش من اول محاولة بصح حاولي وزيدي حتى ترتاحلك وتفتحلك قلبها
اكسبيها كصديقة خليها تحكيلك واش راهي تعاني بالاك تقدري تعاونيها
حاجة برك نهنيك على طولة بالك وكبري عقلك معاها
وربي يكون في العون
​

كلامي حتى انا كيما الاخت ام منصف ...
بالسيف عليها لازم تدخلي فيها
والله انتي احمدي ربي بويسك كاين عباد اكثر منك يعانيوا ....
​

 

[عابر سبيل12]

انا نقولك الصراحة لوكان عندي اخت كيف هادي مانزيدش نحكي معاها ابدا لوكان تقول راهو يشنف والا يهز في روحو

المهم اني نجتنب اي سبب يوقع المشاكل

هي انسانة مانعرف صراحة ...مممكن مريضة نفسيا والا معقدة وهاد النوع معروف جدا ومنتشر بكثرة

تلقيها انسانة متسلطة تحب التجبر والقوة واحكام السيطرة ....عندها حب التملك والانفرادية في اي شيء

شخصية نرجسية ... كثيرة الشكوى والعدائية اتجاه الغير بسبب او دون سبب

احسن رد فعل مع هاد الشريحة من الناس هو التجاهل ...ادا تجاهلهم الانسان راح يطيرو يطيرو ويقعدو في الاخير

تغضب تبكي تعيط تضرب روحها ....تقطع قشها ....وكي تلقى الناس حقروها تسكت وترجع نورمال

الله يهديها هادي ازوجت ومازالها بعقلية تاع در ؟؟؟
​

 

[prïηςεšše ŝóÛsỐυ]

السلـآمـ عليكمــ ::

نعرفـ بنآتــ بزآفــ خوآتآتــ مايتفهموش مع بعضاهمـ , كيما حالتكـ أختـ و أختـ أكبر منهــآ ,
و كذلكـ 3 اخوآتــ , يكونو زوج ضد وآحدة و هادي بزآفــ وآعرة ,,
لكن بصرآحــة تصل الأمور الى العقلية هادي مازال ماشفتش ,
نورمالمو الطفلة كي تتزوج تزيد تترتب و تنضج بعقلها خاصة انها عندها اولـآد ,
لــآشكـ أن الأمر عآئد من الدآخل هادي البنت العدوانيـة ,
شيء مـآ خلـآهـآ تولي هكدا أو عآشت قصص ربمـآ أو مشاهدتها الكثيرة للافلام منذ صغرهـآ ,,
اختي اكيد حاولتي كثيرآ التكلمـ معهـآ لكن دون جدوى , اذن أعرضوها على طبيبة نفسانية و تعرف علاه تتصرف هكدآ و تعطيكمـ الحلول , بسكو هي تعرفـ أكثر و اختصاصهـآ حآلـآتــ كيمـآ هدو تعرف تتعامل معهمـ , ,
و زيدو ارقولهـآ , يآ أختي مكاش كيما الرقية الشرعية , أحسن دوآء لكل هم و مشكل و الله , هدا افضل حل سهل و الله
أكيد ماشي طبيعية و تصرفاتها ماراهيش حاسة فيهمـ لانه قلب البنت ديما حنين و رقيق بزآآآفــ و الله ,
ساعفوهــآ بركـ , و اعرفو كيفاه تتعاملوآ معهــآ حتى وين تولي رزينة مع الأيآمـ ,
بسكو اذا فقدتوهـآ رايحين تندموآ خاصة أنهـآ بنتــ , و هي و الله تحبكمـ و تفرغ غضبهـآ معاكمـ بسكو راهي عارفة حتى واحد ما يقدر يتحملها من غيركم و خاصة انتي اختي ,
و نصفقلكـ على ذكاءكـ و تعاملكـ معهـآ , رزينة الله يباركـ و قلبك وآسع بزآفــ ,
برآفـو عليكــ , و ربي يخليكم لبعضكمـ كلكمــ
ربي يهديها ان شاء الله , ​

 

[فتاة حساسة]

..ممممممممممممم مشكلة أختك كمشكلتي مع اختي الصغرى .فهي دائما تتعارك معي بدون سبب..وانا قلبي الحنون منقدرش ندربها والا.اله غالب ....وافت هوما يضربوني يعيطو عليا وانا منقجرش نجير زيهم ..منشتيش نعيط ومانشتيش نضرب....اعطوني حل انا ايضا ...

 

[NABILA NIHAL]

اختك غيورة حنونتي ربي يكون معاك :s:s:s:s:s:s