هكذا حُلت هذه المُشكلة التي حَدَثت أمامي

[السلطانة]

السّلام عليكم ورحمة اللّه وبركاته

رجعتلكم بمُشكلة جديدة وهاد المرّة هي مشكلة صرات قدّامي ماش ليّا وكنت شفتها كيفاه وقعت وتاني شفت الحلّ تاعها كيفاه كان يعني كُنت شاهد عيان :d.
******************
بين جدّاتي ومرت خالي لعروسة الجديدة كان واحد الكورون كيما تعرفو لاتفاهمت لعجوز والكنّة بليس يدخل الجنّة
لبّ المشكل:
مرت خالي طيّبت ماكلة معجبتش جداتي
والطريقة لي مدتلها بيها الملاحظة ماعجبتهاش
كانت طريقة استهزاء من طرف جداتي.

*مرت خالي تنشعت سيرتو من الضياف لي كانو يعني انا وماما ولافامي فماتقبلتش الملاحظة بصدر رحب وبان عليها الغش طلعت شومبرتها وزعفت وبدات تبكي

*جا خالي بيان سير حكاتلو مي مزعفش قالها أمّا ومرا كبيرة وسايسيها برك وان شا ءالله توالفو ببعضاكم مع الوقت
مممم اكيد اي وحدة في بلاصتها يمكن يصرالها هك
ديجا حست بروحها بلي خايبة ومتعرفش تطيب
والنشعة لي هلكتها.
من مباعد جداتي فاقت بيها بلي زعفت وهنا بدا الشيطان يلعب لعبتو

هي تظنّ بلي الطفلة بدات في المشاكل من نهارها وهك معولة تمشيلها دارها ومباعد تديلها ولدها

والكنّة تقول بلي اسلوب الوالدة ماش اسلوب وكيفاه راح تعيش معاها بالعقلية هادي .

كيفاه تحلّ المشكل ؟
كان من اقتراح والدتي
انها تكلمت مع جداتي على انفراد وقاتلها ياماما هادي بنت الناس وجاتك من دارهم داروها امانة عندك بشوي برك معاها ولاماطيبتش هاد المرة مليح المرة الجاية تطيب حاجة تعجبك ايمالا الاسلوب تاع الهدرة ميكونش هك لازمك تهدري معاها بلعقل باه تتقبل النصيحة وترضيك وترضي زوجها.
وتاني تكلمت مع مرت خالي على انفراد وفهمتها في قضية الجدّة وانها لازم تدير في حسابها بلي اي أم تحس بلي ولدها راح تديه مرتو وتبدا تدير في ليمانيار هادو من اللخر تاع الغيرة ومتلوميهشا راها كبيرة وجاهلة والله غالب عليها انتي حاولي تعامليها بلمليحة وكوني ذكيّة باه تكسبيها وترضي زوجك وتعيشي آلاز ومهنيّة.
بعد ذلك هبطت مرت خالي وتكلمت مع جداتي وتحلّ المشكل.

العبرة من المشكلة :
بين العجوز والكنّة ديما يدخل الشيطان وعلى كلّ زوجة تعرف كيفاه تتعامل مع عجوزتها وتدير حساب أنها تزوجت بشخص عاش مع امو حياتو كاملة وتحسب بلي جات هي تديهولها
مالا عاملي امّو بالتي هي احسن باه تلقايه ديما مرتاح وفرحان وراضي عليك .


***************************
مشكلة ديت منها عبرة على المباشر نتمنى تعجبكم
سلامي
​

 

[MĺŹǾ žĕĥÔŖ]

السلام عليكم

شوشو موضوعك هااااااااااااااااااايل


واي وحدة قادرة تصرى معاها نفس المشكلة ولا نقولك كل وحدة عايشة مع عجوزتها صرالها هكاااا

قريت ليستوار الي صرات بين العجوز والكنة مي الي عجبتني اكتر الطرف الي حل المشكلة وهي ماماك ربي يطولك في عمرهااااااااا قولي آآمين...

كانت قادرة ماماك تشعلها بينهم وتزيد في الطريق لجداتك وتقلها كيفاش كنتك تزعف منك وتتنشع منك ماهيش مربية و.....و..............و...........مي هي خمت بالعقل ودارت حل الي يرضي الجميع هدرت مع العجوز والكنة ورضات بيناتهم أكيد انو الطفلة دك اي جاست ما يعجبهاش من لعجوز تغيدها بزااااااااااف تحس روحها وحدها والعجوووز ديما تبقى تحس بلي الكنة مايش رح تتهنى حتى تديلها وليدهاا هادي الفكرة الي لازم نحوها من بالنااااااااااااااا....


ياريت ديما نلقاو ناس هكاا الي يحلو المشاكل بلعقل مش بلعياط والتحراش

أمك كانت قاضي في هاد المشكة وبارك الله فيهااااااااااااا راجعت بين زوج وهي العجوز والكنة

موضوعك في القمة يا لعميرا قتلك راكي تخلعي بمواضيعك ماشاء الله عليك

دمت متميزة

ننتظر جديدك حبيبتي


تقبلي مروري

zehor

​

 

[الورد الأحمر]

السلآم عليكم ورحمة الله وبركآته ,
يعطيهآ الصحة مآمآك حبوبتي ,
عملت مليح كي رآضآت الطرفين ,
وفهمتهم كل وحدة على حدآى ,
هكذآ مآ كبرش المشكل .
وطبعآ هذي المشكلة ,
عبرة لكل بنت ,
سلآمي ’
​

 

[sahiko hamza]

وانتي جبتيها سخونة طووووول هههه
مارسي واني راجع نعقب كي العادة .
​

 

[زهور الشوق]

شُكْرآآآآ غَآآلِيَتِي أَنْ أَهْدَيْتِنَآآآ عِبْرَةً حَيَة جَلِيلَة كَهَذِهْ
وَلَوْلَا رَزَآآنَة أُمِكِـ اَلْغَآآلِيَة حَفِظَهَآآ اللهْ لَمَآآ حُلَ اَلْمُشْكِلْ وَرَضِيَ الطَّرَفَيْنْ
وَأَنَآآ عَنْ نَفْسِي تَعَلَمْتُ مِنْ قِصَّتِكِـ اَلْكَثِيرْ
رَبِي يخَلِيكـِ لِينَآآآ يَآآ رَبْ
شُكْرآآآ عَزِيزَتِي
سَلَاآآآمِي​

 

[sara 92]

جزا الله امك خيراااااااااااااااا
فأجر من يصلح بين اثنين عند الله سبحانه وتعالى
تصرف جميل وحكيم من ام عاقلة
وموضوع جميل ومعبر من بنت مربية
مرسي​

 

[sahiko hamza]

بسم الله
نرجع دوك نعقب ...

وي هاد النوع من المشاكل يصرى
والمشكل الكبير والغالب من الأم كي تعود تشوف في ولدها راح ينسى خيرهــا


مايقولوش راه عريس عندو ايام يزهى فيها
مايقولوش نخلو وليدنا يفرح بمرتوا
لا يعرفو كان يشعلو النار .....

الله غالب واقع مر رانا نعيشو فيه ويصرى في كامل لبلايص .....

ديفوا تلقى لعروس تاني تشعل الام من نهارها
تحط نار خفيفة وتلعبها خاطيها
وهك وهك حتان تشوف دار وحدها ...

لعريس هنا عود باه يفرح راسو يتقسم على الف
يا يما يا مرتي يا خاوتي يا بابا يا .............

راسي يسطر ...

شكرا موضوع فالقمة والاحسن منو العبرة .
​

 

[بنت الـ25]

اهلا بشوشو نورتيني منتدى أهنا فرغ وش كاين في قلبك بمواضيعك الراقية والهادفة
اممممممممممممم
بالنسبة للمشكلة اللي صرات بين جداتك ومرت خالك تصرا في أي دار وقدام الضياف
يا يماااااااا داك البخص
نقلك حاجة يغيضك الحال ولا ميغيضكش الجاست تع جداتك ليس جميلا بالمرة
عجبتني مرت خالك كي مردتش الهدرة لجداتك سيرتو كي تشوف روحها ما غلطتش
ومهما تكون غلطت ميليقش تتبخص قدام الضياف حتى لو كانو من اهل البيت هذا أولا
وثانيا موقف شهم ونبيل من ماماك ربي يخليهالك
لو وحدة اخرى كانت رايحة تشجع امها وتقولها وش هاد العروسة
اللي توخد فيها خويا ربي يصبرو ...الخ من كلام السلافات
لكن امك ما شاء الله هدأت الأمور وحلت المشكل باتزان
ان شاء الله هاد الحكاية تكون عبرة للجميع
يفهمو لبنات أنو العجوزة لازمها تتسايس
طبعا لعجايز رهم مقطوعين تو معدومين منقدروش وجهولهم نصيحة هههههه
ولكن رسالة تاني لكل رجل:
شد الحبل مرة وارخيه مرة حتى المركب تسير
وفق الله الجميع

تحية خاصة لحبيبة قلبي شوشو على القصة والعبرة
فعلا استفادة عظيمة:up:
لا حرمنا الله من وجودك العطر دوما
تحياتي
:regards01:
​

 

[makour]

ouéé c vrais méé yamak allah ybarek chatra 3arfet kifach thalha
mmmm yamak ylik tkoun 3jouztii hhhh kechma 3andkoum fedar hhh

 

[السلطانة]

السلام عليكم

شوشو موضوعك هااااااااااااااااااايل
وعليكم السلام
هايل بتواجد الناس الرائعة فيه

واي وحدة قادرة تصرى معاها نفس المشكلة ولا نقولك كل وحدة عايشة مع عجوزتها صرالها هكاااا
ايه وبزاف تاني يصراو مناوشات كيما هادو
هادي كانت قدام عينينا وماخٌفيَ أعظم
قريت ليستوار الي صرات بين العجوز والكنة مي الي عجبتني اكتر الطرف الي حل المشكلة وهي ماماك ربي يطولك في عمرهااااااااا قولي آآمين...
آأمين ياربّ:$
كانت قادرة ماماك تشعلها بينهم وتزيد في الطريق لجداتك وتقلها كيفاش كنتك تزعف منك وتتنشع منك ماهيش مربية و.....و..............و...........

ايه كانت قادرة تحرضها عليها وتصرا حرب كبيرة على جال حاجاة تافهة مي هي خمت بالعقل ودارت حل الي يرضي الجميع هدرت مع العجوز والكنة ورضات بيناتهم أكيد
الحمد لله انها تدحلت وجابت المفيد
انو الطفلة دك اي جاست ما يعجبهاش من لعجوز تغيدها بزااااااااااف تحس روحها وحدها والعجوووز ديما تبقى تحس بلي الكنة مايش رح تتهنى حتى تديلها وليدهاا هادي الفكرة الي لازم نحوها من بالنااااااااااااااا...
ايه دركا هادي الافكار لي ماحبتش تتبدل من مجتمعنا ومن مباعد من حاجة تافهة تتطور المشاكل وتوصل لمواصل كبيرة لعجوز ماتسبّل والكنة ماتسبّل

​

ياريت ديما نلقاو ناس هكاا الي يحلو المشاكل بلعقل مش بلعياط والتحراش
ياريت تكون كل كنّة تقدر تحل المشكل وحدها ولا كل عجوز مي هوما يقولولك كون جيتي في بلاصتنا تديري نفس الشي
أمك كانت قاضي في هاد المشكة وبارك الله فيهااااااااااااا راجعت بين زوج وهي العجوز والكنة
كانت الفيصل الحاسم
موضوعك في القمة يا لعميرا قتلك راكي تخلعي بمواضيعك ماشاء الله عليك
العفو اختي لعزيزة الحمد لله انو عجبكم
دمت متميزة

ننتظر جديدك حبيبتي


تقبلي مروري

zehor

​

مشكورة على هذا المرور العطر
الذي اسعدني كثيرا
تحياتي

​

 

[السلطانة]

السلآم عليكم ورحمة الله وبركآته ,
يعطيهآ الصحة مآمآك حبوبتي ,
عملت مليح كي رآضآت الطرفين ,
وفهمتهم كل وحدة على حدآى ,
هكذآ مآ كبرش المشكل .
وطبعآ هذي المشكلة ,
عبرة لكل بنت ,
سلآمي ’
​

وعليكم السلام
ايه لوكان ماحلتش المشكل كانت صرات دبزة ودباغ
بين جداتي ومرت خالي وشكون الحكم
اكيد خالي خخخ
صحيتي على المرور الطيب
بشبش
سلامي

​

 

[السلطانة]

وانتي جبتيها سخونة طووووول هههه
مارسي واني راجع نعقب كي العادة .
​

:d:dايواه
الحمد لله ان الموضوع نال رضاكم

 

[السلطانة]

شُكْرآآآآ غَآآلِيَتِي أَنْ أَهْدَيْتِنَآآآ عِبْرَةً حَيَة جَلِيلَة كَهَذِهْ
وَلَوْلَا رَزَآآنَة أُمِكِـ اَلْغَآآلِيَة حَفِظَهَآآ اللهْ لَمَآآ حُلَ اَلْمُشْكِلْ وَرَضِيَ الطَّرَفَيْنْ
وَأَنَآآ عَنْ نَفْسِي تَعَلَمْتُ مِنْ قِصَّتِكِـ اَلْكَثِيرْ
رَبِي يخَلِيكـِ لِينَآآآ يَآآ رَبْ
شُكْرآآآ عَزِيزَتِي
سَلَاآآآمِي​

العفو حبيبيتي نشكر الله عزّ وجلّ على هذه الجوهرة
مشكورة على المرور الطيب
سلامي
​

 

[ام منصف]

مشكلة من قلب الحدث ومن اكثر المشاكل اللي يصراو في الحياة اليومية
يوميات عجوز وكنتها
وفي هذه الظروف لازم رجاحة العقل وواحد ينقص من روحو واكيد لازم الصغير هو اللي راح يسكت ويبلع لكن مش لازم الوحدة تقدم تنازلات حتى ما يعفسوش عليها
يعطيها الصحة مرة خالك اللي حملت روحها وطلعت يعني ديجا راهي بلعتها
ويعطيها الصحة ماماك اللي تدخلت بطريقة سلمية لانه لوكان جات وحدة اخرى ماعندهاش العقل تجي في صف يماها وتزيد تشعل النار
مرسي عليك شوشو وعلى مواضيعك القيمة والجميلة
وراكي ديتي درس لحياتك المستقبلية
وربي مايجيب مشاكل بين العباد
​

 

[عفيفة الحبوبة]

السلام عليكم
بون ختي ربي يعطيك الصحة على داك الطرح الرائع للمشكلة و حلها و العبرة
و انا على حساب اللي شفت مشكلة من هاد النوع خصوصا بين العجوز و الكنة يليقلها طرف ثالث فعال ايجابي كيما الوالدة تاعك يحفظها ربي ان شاء الله
و ان شاء الله تكون هادي عبرة لينا كامل سيرتو لبنات باه نبنو اسره سعيدة
شكرا ة تقبلي مروري​

 

[brahim tiniri]

ايا بيا كي تحل المشكل والقضية ما كبرتش نتمانلكم حياة سعيدة وبدون مشاكل وربي يبعد عليكم الحساد
-مع تحيات الجنرال- نرجو لكم التوفيق-
​

 

[السلطانة]

جزا الله امك خيراااااااااااااااا
فأجر من يصلح بين اثنين عند الله سبحانه وتعالى
تصرف جميل وحكيم من ام عاقلة
وموضوع جميل ومعبر من بنت مربية
مرسي​

آأمين ياربّ
الحمد لله انه نال اعجابكم والعبرة الموجودة ضمنه افادت المنتدى
مشكورة على المرور الطيب اختي
سلامي

​

 

[السلطانة]

بسم الله
نرجع دوك نعقب ...

وي هاد النوع من المشاكل يصرى
والمشكل الكبير والغالب من الأم كي تعود تشوف في ولدها راح ينسى خيرهــا

ايه هادا المشكل يبدى بعد ايام قليلة من زواج ابنها
لابداش في اول نهار بعد
مايقولوش راه عريس عندو ايام يزهى فيها
مايقولوش نخلو وليدنا يفرح بمرتوا
لا يعرفو كان يشعلو النار .....
يقولو راها جات لي تبدلو رايو وتصرّف فيه

الله غالب واقع مر رانا نعيشو فيه ويصرى في كامل لبلايص .....
ولي تحيّرني اكثر يقولو اي تسْحر فيه :s


ديفوا تلقى لعروس تاني تشعل الام من نهارها
تحط نار خفيفة وتلعبها خاطيها
وهك وهك حتان تشوف دار وحدها ...
ايه هادي لي تتمسكن حتّى تتمكنّ
وتطفرها بدار وحدها
تكون نتيجتها تدعيهم الوالدة وماتجي غير في ولدها


لعريس هنا عود باه يفرح راسو يتقسم على الف
يا يما يا مرتي يا خاوتي يا بابا يا .............
وي يعوديكره يدخل للدار
على التفاهات لي يلقاها في وجهو وتكبر حتى ترجع مشاكل
راسي يسطر ...
هههه هادا غير فكرتي فيها راسك سطّر :p
نهار تعود على ارض الواقع ربي يسترك مالا
شكرا موضوع فالقمة والاحسن منو العبرة .
​

العفو الموضوع اجمل بتواجدكم فيه
والفكرة رائعة نتمنى من الاعضاء المشاركة بقصص للعبرة
ماراكمش راح تخسرو والو :up:
فكرة تستحقّ الدّعم والمُواصلة

​

 

[sahiko hamza]

العفو الموضوع اجمل بتواجدكم فيه
والفكرة رائعة نتمنى من الاعضاء المشاركة بقصص للعبرة
ماراكمش راح تخسرو والو :up:
فكرة تستحقّ الدّعم والمُواصلة

​

نخلوهم برك دوك يخرو عن حشمتهم
نبداو احنا نكوراجيوهم ...
​

 

[السلطانة]

اهلا بشوشو نورتيني منتدى أهنا فرغ وش كاين في قلبك بمواضيعك الراقية والهادفة
اممممممممممممم
النور نوركم :$
بالنسبة للمشكلة اللي صرات بين جداتك ومرت خالك تصرا في أي دار وقدام الضياف
يا يماااااااا داك البخص
:cray02::cray02::cray02::cray02: بهادل ماتفضش
نقلك حاجة يغيضك الحال ولا ميغيضكش الجاست تع جداتك ليس جميلا بالمرة
خخخ مزية جات جداتي لوكان نطقت معاها هههه
:d
عجبتني مرت خالك كي مردتش الهدرة لجداتك سيرتو كي تشوف روحها ما غلطتش
ومهما تكون غلطت ميليقش تتبخص قدام الضياف حتى لو كانو من اهل البيت هذا أولا
مزية ماسنطحتش :-r
وثانيا موقف شهم ونبيل من ماماك ربي يخليهالك
لو وحدة اخرى كانت رايحة تشجع امها وتقولها وش هاد العروسة
اللي توخد فيها خويا ربي يصبرو ...الخ من كلام السلافات
وي صرات ديجا مع خالاتي لوخرين
لكن امك ما شاء الله هدأت الأمور وحلت المشكل باتزان
ان شاء الله هاد الحكاية تكون عبرة للجميع
يفهمو لبنات أنو العجوزة لازمها تتسايس
طبعا لعجايز رهم مقطوعين تو معدومين منقدروش وجهولهم نصيحة هههههه
ايه الكنة لازمها تفهم بلي حسن المعاملة يجيب نتيجة
لوكان ميتبعوش التفاهات يعيشو لاباس بيهم
ولكن رسالة تاني لكل رجل:
شد الحبل مرة وارخيه مرة حتى المركب تسير
وفق الله الجميع
ايواه شد لعصا من وسطها
تحية خاصة لحبيبة قلبي شوشو على القصة والعبرة
فعلا استفادة عظيمة:up:
لا حرمنا الله من وجودك العطر دوما
تحياتي
:regards01:
​

العفو حبيبتي
مشكورة علىالمرور الطيب
سلامي
​