دبرو عليااا واش ندير

[BiG JoE]

سلام عليكم
راكم سافا انشالله ؟
أنا حبيت نعاود باك لعام هدا كمترشح حر
بالصح أنا قريت النظام القديم
والنظام الجديد هدا ما عنديش عليه أي فكرة :s:s
لهدا ...أنا راني حاير واش نخير ؟؟:s
إلا أداب وفلفسفة هدي لي ما نديرهاش بالصح هههه :p:p
أنا حاب نخير بين لغات وبين اقتصاد !!
أيا ترا يا جماعة الباك دبرو عليااا
الشعبة لي نقدرلها وما تكونش معقدة ؟
أنا باك 2005 علوم طبيعة وحياة :regards01:
أرجو التفاعل ... وشكرا

:regards01:
​

 

[يونس الصديق]

كوني درست اللغات الاجنبية

اللغات تحتاج فطنة وذكاء وفهم اكثر من حفظ وجهد
اللغات عنصر مهم وعالم جميل

ام الاقتصاد فلا معلومة

ونصيحة عاود العام راك تحتاجه يوما ما

 

[BiG JoE]

شكرا لك أخي يونس على النصيحة
​

 

[يونس الصديق]

واجب علي

 

[mimi-ba]

الاقتصاد مش مليح ليك راهم زادو فيه مواد جديدة ومانعرف...
يبانلي صعيب ومش مفهوم ديجا أنا نكرهو
مي اللغات تعجبني ساهلة و لي يعرفلها يجيب فيها بيااان
النظام الجديد عندو منهجية جديدة ممكن ماتفهملهاش
سقسي كاش من تعرف من الأساتذة وهوما يشرحولك
هذا رايي
ربي يكون ف العون خوياا
سلام
​

 

[BiG JoE]

الاقتصاد مش مليح ليك راهم زادو فيه مواد جديدة ومانعرف...
يبانلي صعيب ومش مفهوم ديجا أنا نكرهو
مي اللغات تعجبني ساهلة و لي يعرفلها يجيب فيها بيااان
النظام الجديد عندو منهجية جديدة ممكن ماتفهملهاش
سقسي كاش من تعرف من الأساتذة وهوما يشرحولك
هذا رايي
ربي يكون ف العون خوياا
سلام
​

مممم وأنا هدا لي مخوفني تاع المواد لي زادوهم جدد
تباااا لهم
جابلي ربي ندير برايك وندير لغات باش ندير بيها أنجليزية
..... شكرااا على المعلومة والنصيحة
:regards01:
​

 

[السلطانة]

وعليكم السلام أخي

بالنسبة لشعبة اللغات الأجنبية تبدو لي الأفضل
الاختلاف بينها وبين شعبة الآداب والفلسفة في المعاملات

+دير في بالك بلي الشّريعة ماكانتش في البرنامج لقديم وفي الجديد كاينة
تسمى انت كنتي علمي
الجديد بالنسبة ليك الفلسفة
مع المنهجيّة تاع النظام الجديد
بالتوفيق لك في الشعبة التي ستختارها
سلامي

​