ممكن تساعدوني وتقولولي واش نديير؟؟

[ђĩหđǿĉħǻ]

السلام عليكم
جماعة بصراحة ملقييتش واش ندير المهم نخليكم مع حكايتي

حكايتي هي مشكلة مع الاستاذة نتاع العربية هاد الاستاذة قراتني العام اللي فات ماشاء الله ماعندي مانقول فيها تقري مليح مليح
المشكلة هي انها تنوضني نكتب كل يووم الدرس ههههههه :-r
كل يوم العام اللي فات يوم بعد يووم كل يووم كامل السنة و هي هند نوضي تكتبي
انا منقدرش الوقت ميقدنيش باش نعاود نكتب الدرس في الدار و مرات اللي نقولو يقولي لالا خصني نراجع خصني نكتب و مرات يسلفولي
هاد الاستاذة العام اللي فات كنا في الفصل 2 وحد النهار قلتلها استاذة اسمحلي منزيدش نكتبلكم الدرس راني نقعد متاخرة في الدرووس قالتلي مكانش مشكل روحي اقعدي
الغدوة واش تقولي مين تدخل هند نوضي اكتبلي :-o انا استغربت قلت كيفاه انا نقول منزيدش نكتب و هي تنوضني قلت بلاك نسات املا واش تقولي غي نتي تقوليلي مانوضش و انا نوضك :s
و قعدت تضحك ولات تنوضني 4 حصص من 5
و تنوض وحدة تقرى معايا حصة من 5 :down:
المهم انا نحشم و نحشم منها ماقلت والو قلت معليش نكمل هاد العام و خلاص كملت الفصل2 و الثالث و منا و منا و تضحك معايا و تحبني :-r ههههه علاخاطر كنت نقرى مليح العام اللي فات
المهم دخلنا هاد العام و عاود طحت عندها :-o :-r
واش قالت لصحابين القسم قالتلهم هند هي الكاتبة نتاعي انا تبسمت ابتسامة
فات الاسبوع الاول
جا الاسبوع 2 و قالتلي هند نوضي لسبورة :s و مزال كل يوم تنوضني للسبورة نكتب الدرس
و نعاود نكتبو في الدار

و صدقوني الاستاذة اللي تدخل تقولي هند اكتبيلنا بزاااااف و الله بزااااف انا ماشي آآآلة
تاريخ+جغرافيا+مدنية+عربية+اسلامية+فيزياااء
:-o:-o
عندي امتحاااان منقدرش الله غالب

قولولي واش ندير معاهم و الله حرت انا نقول منكتبش و هي تقولي نوضي

تحياتي /
​

 

[sahiko hamza]

عندي بزاف مواضيع معليش تكتبيهملي هند ؟












::











::






مانقدر نقلك ولو
غي شوفي نصايح لي يقراو كيفك ...
​

 

[mohgladiator]

ياو انا عندي ميموار
و خوك مزلوط باش يامبريميها
و كي جيتي وحدك
واقيل نمدلك تكتبيلي وخلاص
و بدعوة الخير
هيهيهيهيهيهيهيهي
​

 

[touffik]

ههههههههههههههه هند تقدرى تكتبيلى :p




شوفى مع مدير ولا هدرى مع اب تعاك يروح يهدر معهم

 

[ام انس الحبيب]

اختي هند السلام عليكم ورحمة الله تعالى و بركاته
لازم عليك تفهميها بالعقل بلي انت كي تكتبي ايفوتك
باش تكتبي الدرس و الي يقراو معاك ما يحبوش يعطيولك
كراساتهم باش تكتبي درسك ولزمي عليها تلقالك حل يا اما
الكتابة في السبورة تعملها الدالة بين التلاميذ الي خطهم مليح او تقنع صحابك باش يعطوك كراساتهم
والله المستعان
​

 

[ђĩหđǿĉħǻ]

hhhhhhhhhh 3aklo 3aklo
بارك الله فيكم على المرور
​

 

[بنـ MaPa ـت]

وعليكم السلآم

اهلا اختي واش راكي؟

يا ختي واش ننصحك غير تعوجي خطك في الطابلو وين مايبانش ومايتفهمش ماتوليش طلعك هههه
ولا كي تكمل الحصة عاودي اهدري معاها وايدا عاودت طلعاتك زييييييدي اهدري وهي رايحة كيما ديرلك رديلها حتى تكره
ولا شوفي كاش استاذة قريبة ليك قوليلها تهدر معاها بالاك تحشم منها وتنعل بليس
....
ربي يوفقك حبوبة

سلآآمو
​

 

[la_safa]

السلآم عليكم ..

شوفي اختي نفس الحكآية صرآت معآيآ ..
مي بكري كي كنت في السيآم و كآنو يآمآت الطبآشير ههه
قبل مآيجي الـطآبلو مآجيكـ هذآ ,,
المهم كنت نقلق بزآآآف كيفكـ من هآذ العفسة وليت درت شهآدة طبية
بلي عندي حسآسية من الطبآشير و ديتهآ للاسآتذة لي كآنو يوقفوني
و من ثمآ تحل المشكل :d
---
مي انت ذركـ حآولي تفهميهآ بركـ
قوليلهآ يفوتني الحآل و صح كي تولو في وقت الامتحآنآت
وآحد مآ يحب يمد كرآسو قوليلهآ مآ نلقى كيفآه !!!
و اذآ مآ فهمتش قولي لبآبآكـ يروح يفهمهآ ..
---
مي عجب الأسآتذة كي تتفنين .. هومآ قآعدين و التلميذ يكتب !!!
+
ربي يعآونكـ و يوفقكـ ~
​

 

[رهف1]

هند ارواحي اكتبي في بلاستي في الفرنسية












انتي معندك متديري كون تقوليلهم منكتبش يوليو يكرهوك واش رايحة تديري

 

[ђĩหđǿĉħǻ]

شكرا بارك الله فيكم على الحلول المقترحة
​

 

[ماكانش]

أهلا بيك هند
الحل تاعك الوحيد نحي الحشمة وقوليلها مانزيدش نكتبلك الدرس
راعي مصالحك شويذالحشمة تهردك وتضرك
هيا المسؤولة على كتابة الدرس ماتجيش اطيش عليك مسؤولياتها ونتي تتمرمدي ثم كيما قلتي الأسات>ة كامل يوالفوذصارحيها ماشي في وجه التلامي> روحيلها وحدها وقوليلها هاهي لحكاية وهاهي لحكاية بجد نحي التبسيمة والحشمة وكوني صارمة حتى كي تزيد ماتفهمش روحها وتلعبها نسات ولا تتمهبل قوليلها مانيش قادر نكتب وكوني عازمة في امرك ولا جيبي باباك يتكلم معاها ا>ا حشمتي عادي جدا
ها>ا الحل الوحيد عندك وفقط
تحشمي تزيدي تضربي عام ونتي تكتبي بإسم الحشمة ....

 

[السلطانة]

وعليكم السلام
هند وجدي روحك راني جاية في بلاصة الاستاذة تاعكم ونعود نقولك تكتبيلي مام في دفتر النصوص
///////////////
بالنسبة لموضوعك هادي صح تقلق
وكاين اساتذة ميفيقوش مع روحهم
كي تطلعك انتي تكتبي هي واش خدمتها ؟؟؟؟؟؟؟؟؟؟؟؟؟؟؟
الاستاذ لي مطالب يكتب الدرس
اما التلميذ فمهمتو يحلّ التمارين
وحتّى امثلة الدرس مُطالبة باه تكتبهم هي بشكل واضح وبالشّكل
صراحة يظهرلي الاستاذة هادي تحب تبروفيتي
جربي اهدري معاها وقولها يااستاذة متعوديش تنوضيني نكتب باسكو بزاف اساتذة ينوضوني ومنجمش نلحق مباعد نحصل كي نعاود ننقل الدروس
واذا مافهمتش قولي للأولياء تاعك يهدرو معاها
هيا سلامي

​

 

[قناص الغرام]

الله غالب هند خطي ماهوش مليح تالي تعاون اختي

 

[brahim tiniri]

اخبطي يدك اللي تكتبي بيها على الحيط تتكسر اديري بلاط وفرات هههههههه راني نزعق معاك برك قوليلها راه عاد ماعنديش الوقت باه نكتب في الدار ولا ديري حاجة صغري كتبتك تولي ماتبانش وعوجيها تولي ماتتقراش وتفاهمي مع تلاميذ قسمك بلي يقولولها ما تزيدش تنوضك كي تقلك قوليلها الله غالب راح خطي في الصيف عندي بزاف ما كتبتش وفرات يعطيك الصحة هند
-مع تحيات الجنرال نرجو لكم التوفيق-
​

 

[بقايا إنسان]

السلام عليكم ورحمة الله وبركاته وبعد:اختي الكريمة عندك الحرف المنقذ لحالتكي الا وهو (لا) وقد حدث لي ما حدث لكي وكنت اعتمد على تلميذة لكن لما لاحظت عليها عندم الرضااستسمحتها وعفيتها من المهمة
ولو ان استاذتك تحبك بجد فكلمة لا متزعفهااذا كانت مببرة من عندك
تيحياتي لأخلاقك

 

[بنت الـ25]

السلام عليكم هند
مهما استاذتك نيتها صافية ولكن التفنيين هدا كاين في الأساتذة بزاف
وباش كل استاذ يدخل يقلك اكتبيلي ما فراتش
انتي احكي معاهم كل على حده قال يا استاذة انا نكتبلك ليك وللأساتذة لخرين
بزاف عليا راني نتعب في نقل الدروس فالدار
وخايفة هذا يأثر على مردودي وتحصيلي العلمي

وربي يكون معاك

​

 

[ђĩหđǿĉħǻ]

بارك الله فيكم
خاوتي
​

 

[aminas94]

السلام عليكم ورحمة الله

اختي نعطيك حل مجرب من طرفي انا

كي ينوضك الاستاذ تكتبي قوليلو راني عيانة اليوم
وغدوة قوليلو راني كارهة
وغدوة قوليلو انا نكتب في الطابلو وانت اكتبلي في كراسي بزاف انعاود

انا جربت الكل
والأفضل الاخيرة تبقالك ذكرى عندي خطوط كل الاساتدة

وما اتقوليليش تحشمي من الشيخ اتقوليلو راكي عيانة ولا اكتبلي نورمال
مادامك الاساتذة يحبوك كي اتقوليهم ما يديروش عليك

ويبقى القرار ليك

و ربي يوفقك

 

[ђĩหđǿĉħǻ]

هههههههههههه رايحة نجرب شكرا​

 

[prïηςεšše ŝóÛsỐυ]

ههههههههههههههههههههههههههههه
سور تقرآي في ليسي , مدنية تاع ليسي هههههههه
أنـآ و الله كنت نعاني مثلكـ و الله نفس المشكل
كانت اساتذة تاع العربية تشرح و كي تكمل تعطيني وحد الورقة محضرة فيها و تقولي اكتبيلهمـ
و كي نعيا مكامن حتى واحد يدير changement معيـآ ههههههه , بسكو كتيبتي كانت واضحة و كبيرة و ملونة ههههه
المهمـــ كاين حاجة شابة تختلف عليكـ , و هي استاذتي تاع العربية كانت تكتبلي في كراسي و الله العظيم هههههههههه
مالا ماكنتش نعاني من جهتهـآ مادامها تكتبلي ,
و باقي الاساتذة كنت نكتب شوية و يجيء كاش واحد يكمل بعدي , كنت نحط الطابشور و نقول : شكون يطلع ؟ ههههههه

مالا ديري كيما انا هههههههههه,
تاع العربية اعطيلها كراسك تكتبلكـ ,
و الباقي الاساتذة كي تعياي حبس الكتابة و اهبطي نورمال هههههههههه​