هل انا كائن من كوكب اخر؟؟؟؟

الحالة
مغلق ولا يسمح بالمزيد من الردود.
S

sousou28

:: عضو منتسِب ::
إنضم
27 جوان 2008
المشاركات
13
نقاط التفاعل
1
النقاط
3
السلام عليكم اخوتي....
اولا يسرني ان افضفض بينكم والله احلى لمة ....ربما عنوان الموضوع غريب لكن متاكدة بعد قراءة الموضوع سوف تفهمون العنوان...
كل واحد مننا عندو هموم و مشاكل احلام تنتظر عندو امل بغد يكون افضل لكن عندي حاجة في قلبي راها توجع بزاااااااااف ...اكيد كل واحد و المكتوب تاعو في هاد الدنيا و الحمد لله راضية و قانعة بالمكتوب تاعي و الحمد لله ....يا جماعة من الاخر بلا مانطول صحاباتي كامل الي تزوجو ولاو يتكبروا عليا و شايفين رواحتيهوم وكي نتلاقاو يحوسوا كيفاش يتجنبو يهدروا معايا ؟؟؟ يحسسوني بلي راني انسانة ناقصة كي مكتوبي مازال ماجاش و صراتلي مع بزاف حتى مع فاميلتي.....حبيت نعرف es-ce_que الي ماجاش مكتوبها كائن من كوكب اخر؟؟؟ فهموني الله يستركم
 
ماكاين حتى مشكل فيها انا نعرف وحدة تخدم معايا على 29 سنة باه تزوجت وزينة لاباس بيها ومتربية وكلش شاف فيها ربي خير اللي يصبر ينال ما تتقلقيش منهم وما ديري في بالك والو العبيها شغل ماسمعتيش وربي معاك ونشاء الله يجيك مكتوبك في اقرب وقت
-مع تحيات الجنرال- نرجو لكم التوفيق-
​
 


هاذو نافصات عقل متبعيهمش اختي هذا مكتوب ربي و نصيبك مزال مجاش و هذا مش بيدك ولا يدهم
اسال الله لكي الزواج الحلال و الزوج الخير
اعانك الله

​
 
أهلا بيك اختي
مادام نتي مقتنعة بلي المر هاذا مكتوب ماتقلقيش روحك
وربي بارك مازلتي صغير والدنيا قدامك
الله يرزق كل مومنة بولد لحلال
 
يآآآ اختي الزوآج مكآتيب , و اذا دآرو هكآ اتجنبيهم انت ثآني
عآدي ديري روحك عآيشة كيفكـ كيفهم
هآذو لبنآت كآين منهم زعمآ انآ سعيت رآجل و نتي لآلآ ..
مي مآعلآبآلهآش الخير وين مكتبو ربي ..
انت ادعي ربي يقدملكـ لي فيه لخير و مآزآلكي صغيرة ..
كآين حتى لي وصلو لـ 40 سنة و تزوجو و نعرفهم و الحمد لله ..
قضية مكتوب لآ أكثر ْ
المهم انت رآضية بروحكـ و وآثقة من نفسكـ و هومآ خلي يعومو بحرهم
بالطريقة لي حبوهآ ْ~

و ربي يعطيكـ على قد قلبكـ و تفرحينا كي ليوم ْ
​
 
ربي يهديهم برك
انا ثاني لاحظت هذا على صحبتي اللي عاشرتها كثر من 8 سنين سماتني غيورة هه
ربي يوفقك ختي
 
اهلين بالاخت العنوان قلقني شوي قلت ندخل نشوف

ايا لاباس يااختي الزواج قسمة ونصييب يعني كيما قلتي انت راكي راضية
ولي مكتوب فوق الجبين يلزم تشوفوا العينين

صحاباتك هادوما ربي يهديهم شوفي من وجهة نظري ان الزواج ماهوش يتحصل ع اهتمامي يعني ماهوش اداي كل اهتمامي ومع انوا خطبوني اكثر من شخص مازالني نحس روحي مازالني ماتعرفتش ع واحد يقدر يخليني نكمل حياتي معاه وممكن يسعدني

ديري ثيقتك بربي ماشي الزواج لي يحدد المراة
المراة هي لي تحدد شخصيتها بنفسها وكي اتجي اتشوفي هادوك لي يتكبروا عليك
والله مايستهلوا تقولي عليهم صحابات
ربي يهديهم برك ويفرج عليك اختي
ورانا كامل هنا وقت ماتحبي تفضفضي رانا هنا نسمعوك كامل

سلامي
 
مزلتي صغيرة أختي
لبنات هاذو ناقصيـن بزاف ،هاذي حاجة بيد ربي سبحانو
اني حايرة كيفاه هاذي العقلية مزالت تدور في 2012
​
 
مرحبا بكي علئ كوكب الارض
ههههه
مايدري والو في بالك
كيما ايقولو
الي حبك ما بنالك قصر
و الي كرهك ما حفرلك قبر
ديري ربي في بالك
 
ياختي ما تتقلقي ماديري حتا حاجة في نالك الصابر دايمن ينال دك لبنات ولاو يتزوجوا اي انسان ايلا بغا ماشي مقتنعين بيه المهم يقولو الناس راهي متزوجة ونتي ياختي بالاك ربي راهو كاتبلك واحد خرمنهم راني فولتلك ان شاء الله ان شاء الله من لغدوة يجو لخطابة لعند الباب وفقك الله
 
اهلا سوسو راكي جديدة تشعلي فالنيلو 4 مشاركات برك خخخخخ
يشرفنا تكون أولى مشاركاتك في منتدانا الغالي فرغ وش كاين في قلبك

بالنسبة لهاد الظاهرة لي تحكي عليها متستغربيش لما قلت ظاهرة لاخاطر كانت ومزالت منتشرة
المزجات هادو كي يفوتو ويزوجو يحطو روحهم سي بون انا دركا مرأة منحطش راسي براس وحدة سيليباطار
هاد العقلية انا لاحظتها في بنات لافامي تعنا اما صحاباتي الحمدلله مزال مكانش
مرة (لما كان عمري 18) كنت في عرس قاعدة انا وبنت عمي مع وحدة فامليتنا هي قدنا فالعمر مي مزوجة
نحكيو ونضحكو عادي
حتى جات ليها وحدة قالتها ارواحي اقعدي معانا علاه راكي قاعدة مع الدر
شعب مريض تحيري كيفاش يخمو

انتي لي تكبر عليك متقيميهش والزواج مكاتيب
وربما ربي أخرلك زواجك ومخبيلك حاجة مليحة بزاف أحسن منهم
فخلي إيمانك بربي كبير ووكلي ربي على كل اللي ظلمك وقهرك من داخل وسبحانو هو اللي يجيبلك حقك

سلامي
​
 
مديريش عليهم مدام مكتوبك راه بين يد ربي سبحانه
هادوك ناس معقديــــــن...
ديري ربي في بالك تربحي ان شاء لله...
ربي يهنيك ويوفقك ختي...​
 
الي يدير على هدرة الناس عمرو ماراح ينجح في حياتو
أنا نقولك نحيهم من بالهم وماتعمريش راسك بيهم .. و ماتخليش الزواج هو الهدف رقم 1 في حياتك لخاطرش كاين بزاف ماكتبلهمش ربي يتزوجو بصح ناجحين في حياتهم بزاف
اخطيك من هدرة الناس و ارضاي بواش كتبلك ربي و ماتحسيش كامل بالنقص
ولازم تكون عندك ثقة في نفسك
هدا واش نقولك وانشالله ربي يهنيك و يرزقك بوليد لحلال و يعطيك ماتتمناي​
 
السلام عليكم...
مرسي بزااااااااف ليكم كاملين بأسمائكم واحد واحد متخيلتش كل هاد الردود....شكرا على المرور و الرد و الكلمات الجميلة و دعواتكم الاجمل....سبحان الله تلقى الخير في واحد جامي شفتو و ماتلقاهش في واحد تعرفو .....ربي يخليكم و يجمعنا ديما على الخير و المحبة....
تحية من القلب...
 
هوما لي جايين من كوكب اخر ماشي نتيا ردي بالك تغلطي روحك...و بالاك نتيا مكتوبك خيير وخيير منهم و ربي يرزقك بولد لحلال لي يهنيك. امين
 
و عليكمـ السسلـآمـ :

شوفي أختــي ادآ بقيتي ديري على هدرة النـآس مآرآحش رآيحة تكوني هآنية بحيآتكـ
ألــوغ قيسيهمـ في التقيل , و طيشيهمــ
الزمان رآح يدور عليهمــ , و يومهمـ قريبــ ان شاء الله
ديري حآجــة في بآلكــ بلي كآين رب قآدر على كل شيء ,
يآ أختي الصآبر ينــآل , و ماتقنطيش من رحمة ربي حنونــة أوكي ,
و رآح تشوفي اذا كنتي صابرة و تاقية ربي سبحانه و متمسكة بيه و الله راح يعطيك ربي اروع شريك لحياتكـ
الدنيـآ امتحـآنــآتـــ من الله و ممكن يكون امتحان لكـ , فعليك بالدعاء و الاكثار من الادعية و ربي راح يستجيبلكـ ان شاء الله ,,
رآح يحسدونكــ قريبــآ ,,, ديري نية و راح تنجحي

ربي يوفقكـ حنــونـــة , و يجيبلك مكتوبك على حسآب قلبكـ ​
 
و هل هذا كلاام و انا موجود هه راني هناا نتزوجوووو لووول ههه تبا انا ايضا انسان من كوكب اخر مثلا من زحل زحلي ههههه المهم انا ايضا اعاني من عدم الزواج كل جيراننا متزوجين الا انا علاه باسكو مازال صغير هههه

ماديريش عليهم اختي
 
سمسم السمسومة مرسي حنونة ربي يخليك
prïηςεšše ŝóÛsỐυ كلامك جميل و قاسني بزاااف والله راني فعلا في احلى لمة وبين احلى ناس ....ربي يخليك و يهنيك اختي
karim milano هههه والله كلامك عسسسل .....





:
 
السلام عليكم ورحمة الله
ما أقسى قلوب الناس كي تولي كي الحجرة,,,
معليش أختي الدنيا هذه ضيقة والي يعمل الشر بالخف يتفضح
أنت عملتي معاهم خير وماأسأتيش ليهم وهوما تزوجوا ربي يهنيهم
هذه مرحلة راهم يفوتوا بيها مازالهم فارحين بالزواج يحسابوا الدنيا
من بعده تخلاص,,,وأنت الي كنتي صديقتهم يحسابوك بلاك علاقة من الماضي
ماتقلقيش روحك بيهم وماتفكريش ياسر هذه الدنيا وهذا حالها
ربي يسهلك ان شاء الله ويرزقك ربي بالزوج الصالح الطيب
مازلتي صغيرة والخير مازال القدام إن شاء الله,,,ماديريش عليهم
وإلا زادوا عليك ماتزيديش تقولي كلمة صديقاتي,,,خاطر الصديق الصح
معاك في المليحة والخايبة مش كي يتزوج يشوف روحه فوق منك
إحنا الكل التحت وربي فوق كل شيئ ,,,ربي يهنيك ويوفقك أختي الكريمة
كوني قوية وشجاعة فأنت جوهرة فلا تجعلي رياحهم تكسرك



​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top