يا أم امين وين راه الغلطة مادام جيست هدرت معاه في السكايب ولا حاجة كيما هاك وراكي تقولي خليه تعرفه بعد الخطبة ايا نفترضو انه خطبها بوي حكاو كيف كيف ايا كاين الطرف لي ماعجبهش الطرف الاخر الور شا غادي يصرا ؟؟؟؟؟؟؟ تتفسخ الخطوبة عمبالك ساهل هاد الشيء
شوفي يا ولدي هاد الكلام ماشي من عندي اسأل اي شيخ او اقرأ اي فتوى راح تلقى بلي هاد الشيء ما لازمش يكون في دينا ايه تحكي معاه في اطار رسمي والا ما تفاهموش يتفارقو وكل الناس عارفين كانت مخطوبة وراه تهدر معاه بعلم والديها والا تتعرف عليه بأي وسيلة ولا قدر الله طلع وليد حرام وكان في الامور امور شكون الي راح يوقف معاها؟؟؟
انا بور موا لا مييو صوليصيون في وقتنا هادا انو يكون فيه كلام مسبقا في حدود طبعا هادي هيا
في حدود يا وليدي بصح شكون هاد الي راح احط الحدود لا تنسى ما اجتمع اثنان الا وكان الشيطان ثالثهما حتى لو كان التواصل بالكلام فقط وديننا لا يرفض شيئا الا وكانت فيه مضرة
وادا ولينا لمشكلة أختنا دروك يا أختي اهل مكة ادرى بشعابها دروك نت علابالك شا كنتو تحكو و من وينت ونت تعرفي عقلية يماك كيفانش دايرة ياك الور كاين حاجة مادامكم عجبتو بعضكم خليه يجي يخطب ياك ويبقى الامر لعند الوالدين فلربما يقد يقنعهم هو ولا حاجة كيما هاك
وربي يسهل لأختي
