قولولي كيفاش تقدر تسمحلوا..................

[وصال]

السلام عليكم ورحمة الله تعالى وبركاته

اليوم حبيت نحبسلكم راسكم :d:d:d اه كنت غير نزعق نخدملكم راسكم بواحد القصة لي انا كوداتلي مخي يا خاوتي .

هاذي واحدة خطبوها:bravo01::bravo01: ......تزوجت:regards02::regards02:........ايا اوكي مبروك لعقوووووووووبة ليكم ان شاء الله وبيان سير ليا انا ثاني :$:$

المسكينة قعدت 3 سنين ربي مرزقهاش بالولاد جرات بزاف للطبة وراجلها يقوللها نورمال منيش مقلق و.....و.....و......
هي تخلعت كيفاه يعني راجلها متقلقش ومعروفة المجتمع ديالنا دايما يعيب في المرا حتى في امر كاتبوا ربي سبحانوا .
اتخيلوا هذا الراجل واش دارت عيلتوا الدار كامل عارفين بلي وليدهم مستحيل يصبح اب على خاطر قبل لي يتزوج ربي قدرلوا المرض والطبيب قالوا اذا درت هاذي العملية كاين حقنة لازم يديروها راح تكون سبب في العقم .يعني نتاع الصح دار العملية ونجح والحمد لله .

بصح هو كيراح خطب بنت الناس ماقاللهاش الحقيقة لوكان كانت تقبل بيه بالرضا التام وتكمل حياتها معاه ونورمال هو خلاها في نيتها وزيد اون بليس خلاها محروقة تجري للطبة ودايما حاسة بالنقص حتى وين قاتلها سلفتها بلي متزيديش تعيي روحك جامي ويلا راح تقدري تولي ام وحكاتلها الحكاية المخلوقة تصدمت ماشي عيبت راجلها هو معندوش ذنب انو مرض ,المرض من عند ربي سبحانو انصدمت على الكذبة لي عاشتها 3 سنين وعذبتها 3 سنين .
تتخيلوا حبيبتي قاتلي راهي تقول لوكان قالي والله نقبل بيه ونورمال بصح علاش كذب عليا وخلاني نتامل .

يا خاوتي واش رايكم في انسان يكذب كذبة تحطملك امالك ؟
انا راني متاكدة لوكان المراة هي لي كذبت كذبة كيما هاذي مش راح يسامحها الى يوم الدين ويجيبها في دار باباها نورمال بلا حشمة بلا سيدي زكري .
لوكان نتومه تقدروا تسمحوا ؟
بكل صراحة انا مشكيتش نقدرنسامحوا على الخداع لكن المراة متقدر دير والوا لانها امراة وفي مجتمعنا دائما مذنبة هذا رايي واتمنى ان تتحفونا بارائكم .
هذه مني لكم لتكون عبرة لمن يعتبر فالحقيقة بالرغم من مرارتها تبقى اريح .

تقبلوا تحياتي :regards01::regards01:.​

 

[sahiko hamza]

هو ربي سبحانوا ويسامح
خلي يا العبد ...
لاحول ولا قوة إلا بالله
ربي يسترنا ويهدينـا
​

 

[dana1993]

السلام عليكم
هو كان يقولها من الاول بارسكو لوكان جات العكس راو طلقها فالبلاصة
كل انسان بطبعو اناني و لكن مش لدرجة انو يقضي على حلم انسان و لا يحرقو
على كل حال يقدرو يربيو اولاد يصح مش كيفكيف خلاص
ربي يهدي و يصلح حوالهم يارب
​

 

[سارة6]

مرحبا انا نقوللك ختي هادي المراة لي راكي تهدري عليها تسامحواو تبقى تعيش معاه بصح ماشي كيما ليامات لي فاتوا puisque الكدب هو اصعب حاجة يتقبلها الانسان اما بالنسبة ليا نسامح بصح نفقد الثقة psq الزواج ماشي لعبة ويلا بدا بلكدب كيفاه حبيتيه يخلاص ربي يسترنا و وفقنا اجمعين ان شاء الله

 

[روز]

ذركة تكسرلو راسو يطلقها ويزوج غيرها
وتخرج تــــــــــاني هيا الغالطة في الاخير

هكذاصارت الدنيا
المفاهيم تعكست وصار الظالم هو المظلوم وخصوصا لما تكون الضحية مرأة
يستقوى الكل عليها سبحان الله
ربي يفرج عليها
​

 

[TeNtOuNa]

اهلا اختي وصال
راهم كترو عليك المشاكل
معليش ربي يفرجها
نرجع للقصة كيما فهمت المخلوقة لعبوهالها فاميلة الراجل زما خبروهاش الحقيقة تاعو الي هو تاني يدي مسؤولية كبيرة فيها بصح الا كان الي يهدر مهبول الي يسمع يكون عاقل انا لوكا كنت في مكانها ما نسامحش العايلة كامل ونصلي وندعي ربي ينتقم منهم واحد واحد خاطر دعاء المظلوم مستجاب وكيما حطمولي امالي ربي يحطم امالهم وتاني ما نزيدش نقدر نعيش معاه وحتى لوكان نسامحو ما نقدرش نساممح عايلتو وفي هاد الحالة الانفصال يكون هو الحل الي يريح الطرفين
ربي يكون معاها ختي ويعوضها هادوك تلت سنين الي سوفرات فيهم
​

 

[سمسم السمسومة]

المرا توجور تسامح كان العيب فيها ولا في غيرها..لوكان جات الحكاية العكس كان الراجل و ماليه قلبوا الدنيا فوق راسها مخلاولها مبقاولها ...االانسان مع الوقت ينسى و تسامحوا...درك ليها الحق تبقى معاه ولا تخليه ترجع ليها..و علاه متسامحش و تنسى و تروح تجيب يتيم تتكفل بيه تربحها دنيا و اخرة...

 

[soussou.95]

99/100 لا

1/100 نعم

3 سنين عاشت على الكذب

على الاقل يخبرها ماشي ساهلة تعيش على الامل

 

[العاشقة لبلدها]

قال صلى الله عليه وسلم: استوصوا بالنساء خيرا.

إن العيون التي في طرفها حور... قتلننـا ثم لم يحـيين قتلانـا
يصرعن ذا اللب حتى لا حراك به... وهن أضعف خلق الله أركانا (( جرير.))

لكـل حديـث عنـدهن بشاشـة ... وكـل قتيـل بينهـن شهيـد ((جميل بن معمر.))

وراء كل رجل عظيم امرأة عظيمة ((. نابليون.))

المرأة هي النصف الأفضل سواء أكانت ظالمة أم مظلومة
ما من رجل عظيم يصادفني في الحياة إلا وأجزم في الحال إن والدته أكثر عظمة منه

عظمة الرجل من عظمة المرأة وعظمة المرأة من عظمة نفسها
كل عقل الرجل لا يساوي عاطفة من عواطف المرأة

يحتاج الرجل للعاطفة أكثر من احتياج المرأة لها لنقصانها عنده وازديادها لديها

عندما تسمو عاطفة الحب عند المرأة تصبح حنانا

الحياء والصمت أجمل زينات المرأة

المرأة أبهج شيء في الحياة

المرأة تحفة الكون الرائعة

المرأة الهادئة تفرض الاعتبار

قلب الفتاة وردة لا يفتحها إلا ‏الحب

النساء أشجع مما نتوهم

المرأة كوكب يستضئ به الرجل ودونه يبيت في الظلام

المرأة تكتم الحب أربعين عاما ولا تكتم البغض يوماً ( أعرابي )
أجمل امرأة هي المرأة التي ترتعد كلمات الحب على شفتيها (شوبان )

في الحب تنسى المرأة كرامتها وفي الغيرة تنسى حبها (بلزاك )

المرأة كالقمر تعكس ضوء الرجل الذي تحبه ( مثل أمريكي )

المرأة قلعه كبيره إذا سقط قلبها سقطت ( مثل انجليزي )

مهما تكن المرأة ثرثارة ..الحب يعلمها السكوت (روشبرن )

المرأة رقيقة ..شفافة.. هادئة إن أحبت الهدوء..عاصفة إن جرح كبريائها.
بركان إن حطم شموخها...شمعه ذائبة إن فقد حبها

من الممكن أن تشعل المرأة أصابعها العشرة للرجل شموع...
في حاله واحده فقط ..
إذا أحست انه يستأهل إن تحرق أصابعها من اجله..
ولا يكفيها إحراق الأصابع ..
بل من الممكن أن تحرق عمرها من اجله..

المرأة كالوردة ..إن أحبت بصدق نجدها تكبر وتنمو وينتشر عبيرها لمن حولها..
وان كرهت تجد العبير يتحول إلى أشواك تؤذي نفسها قبل أن تؤذي من حولها ..

المرأة كالبركان ..بهدوئها يظل خامد ..وعندما تتعرض لأي هزه..
ينفجر هذا البركان
​

 

[la_safa]

لآ حول و لآ قوة الا بالله ,
اختي مآنكذبش عليكـ مآنقدرش نسآمح على كذبة كيمآ هآذي
خآصة انهآ تتعلق بالمستقبل و بحلم اي وحدة انها تجيب ولاد و تعيش و تكون ام
ببسآطة هذآ الزوج قضى على احلامها بلاما يراعي مشاعرها ,,
لانو كون جا الراجل و كذبت عليه مرتو راهو شوه سمعتها و طلقها و هذا ابسط شي ,
مي وش رآح تدير تصبر و تتوكل على ربي و ماتدري وين هو الخير ,
ربي يهنيهآ و يفرج عليهآ ~
​

 

[سارة 196]

اختي وصال الوقت اللي رانا فيه الله يستر منو
هو فالحق ما حقوش يخبي امر كيما هدا بصح نروحو ونرجعو ما نقولوش كون نشوفو للمستقبل
شوفي المطلقة هادو اليمات لا مجتمع يرحمها ولا اهل لازم تخمم في هدا الامر مليح
شوفي انا بديت نامن بوحد الحكمة
لا تنظر الى الماضي هناك جرح يألمك
ولا تنظر الى المستقبل فهناكامر يقلقك
انظر الى السماء فهناك رب يسعدك

 

[serinee]

لا حول و لا قوة الا بالله العلي العظيم
حرام عليه
​

 

[قناص الغرام]

ربي يهدي ما خلق
خذا واش نقدر نقول هكدا و لا اكتر
تقبلوا مروري
​

 

[رضوة الجزائرية]

عندك الحق في كلامك لو لمرا العالم كلو ضدها بصح من اصول الزواج حتى في دينا لازم مصارحة وقول الحق با مرض او اي شي هنا الزواج غير صحيح بما انو بني على الكدب ماريحش يستمر لو هي كدب ما نقولكش واش يصير فيها بصح منهو ربي يستر عليها وعلينا يزرقها الدرية الصالحة​

 

[lizou]

بارك الله فيك على الموضوع الاكثر من رائع بصح ما عندي مانقول راني مصدومة والله​

 

[makour]

nn manasmahlouch hadi kebda grave hatmatha ..méme tfawathalou mii impssible ykamlou normale rah ykounou ls problem ila hadi ou khabaha wach rah testana menou mn ba3d...c pa facile ou hada sayid machi rajell

 

[־●ـ‗غمــــوض ــالــورد_ـ●־]

لاحول ولاقوة إلا بالله
هادي هي الدنيا 82.63% مبنية عالكدب
مي فالحاجة هادي نورمالمو ماكانش كدب باسكو راهو زواج مشها لعبة نورمالموا يصارحها من الاول وهو بدا حياتوا معاها بالكدب كيفماه راح يتفاهمو مبعدا مام كي تسامحوا تبقى في قلبها حرقة باسكو حطملها الامل تاعها
مي وش راح نقولوا ربي يهدي.

 

[عابر سبيل12]

اختي صراحة موضوع حساس وواقعي فعلا
وصادف اني شفت قصة مثل هاذي تماما في الحقيقة

لاكن مش راح نقدر نجاوبك على خاطر الموضوع يخص المراة
كاتب الموضوع مراة والفكرة من منطلق عقل المراة

موضوع حاد قليلا عن طرح الفكرة واخذ ابعاد اخرى
منها ...انك ركزتي على نضرة المجتمع للمراة والرجل في حال الخطا

موضوعك ليس لنقاش فكرة هاذا الخطا والكذب المتعمد من طرف الرجل
انما هو للمقارنة بين الرجل والمراة

لهاذا مهما طرحت من افكار او تحليلات فلن تجد الصدر الرحب والذي يستقبل
فعذرا

​

 

[roudi92]

كي ما قالهاش كوم و كي خلاها مسكينة تجري 3 سنين كوم زاد هردها كي خلاها تجري للطبة هكاك ربي يهدينا برك

 

[yasser-tlm]

its not his fault he was affraid him self the ideal thing was to speack about this when the time has come but now the only thing she can do is to forgive and try to keep her life and her husbend
for the record truth sometimes destroy more then it builds in our society so i can understand him