ممكن وصفات اطباق نجمدها في الفريزر

[omalbatoul]

السلام عليكم

طلبي واضح من العنوان من بعد اذنكن

اريد وصفات لاطباق شهية و فاخرةلكن نعملها ونخبيها في الكونجيلاور حتى يرجع زوجي من السفر:$

زوجي مسافر و يجينا يومين خفاف و يعاود يرجع مانلحقش نقعد معاه و مع خروجات الاولاد و بالتالي المطبخ ياخد كل وقتي باش نعملوا اكلات مميزة و منوعة و نحب ننوع في الاكل و في نفس الوقت نحب نقضي اكبر وقت معه و مع الاولاد هوما يومين فقط ههه :d

و لهذا قلت بالاك خواتاتي عندهم كاش وصفات جربوهم و كي خباوهم في الكونجيلاتور قعدت البنة و الشكل كيما راهم

اللي جربت اي طبق خباتوا في اللكونجيلاتور و جبداتوا لقاتوا مسقم ماتبخلش عليا

هاذ الساعة راني نكونجلي في الكسرة:-r:-oالمطلوع و خبز الدار ههههههه

اي طبق او اكلة او تحلية المهم حاجة ناقصة توفرلي شوية وقت باش نخطي الكوزينة و يعطيكم الصحة

راني نستى ردودكم :up:

 

[فايزة1207]

ان شاء الله تلقاس مساعدة ونستفادو معاك اختك طيب للغداء وتزيد العشاء

 

[عفاف الجزائرية]

اختي كيفاه تقصدي في اطباق حابة اطباق رئيسية او جانبية او تحلية يعني واش بالضبط
​

 

[omalbatoul]

اختي كيفاه تقصدي في اطباق حابة اطباق رئيسية او جانبية او تحلية يعني واش بالضبط
​

حبيبتي ابحث عن اطباق رئيسية و اذا ماكانش نقنع بالموجود اي طبق ممكن نطبخوا من قبل و نكونجليه

 

[omalbatoul]

ان شاء الله تلقاس مساعدة ونستفادو معاك اختك طيب للغداء وتزيد العشاء

ان شاء الله شكرا انا ايضا لما كان زوجي مقيم معنا نطبخ للغداء و نزيد العشاء احيانا قليلة واين نطيب غداء و عشاء

 

[عفاف الجزائرية]

درك نبحثلك بين اطباقي اليومية واطباق الدورة ونشوف الاطباق اللي كنت احتفظت بيهم من قبل نوافيك بيهم
ان شالله خير
ربي يهنيك اختي
​

 

[omalbatoul]

درك نبحثلك بين اطباقي اليومية واطباق الدورة ونشوف الاطباق اللي كنت احتفظت بيهم من قبل نوافيك بيهم
ان شالله خير
ربي يهنيك اختي
​

يعطيك الصحة حنونة الله يحفظك راني نسنى فيك خودي راحك

 

[samah06]

مساء الخير اختي
انا عن نفسي اجمد اي شيء لاني املك مجمد خاص ما يخسرلي والو
وهده بعضها ادا غليتي المقرونة صفيهامليح وضعيها في اكياس وجمديها
ادا طبخت اللحم اقسمي المرق امسكي واش يكفيكم والباقي جمديه
المهميوجد في الاسواق علب محكمة الغلق
ادااستعملت صفار البيض البياض جمديه حطيه في كيس بلاستيكي وجمديه
الليمون اغسليه ونشفيه وقطعيه ارباع ادهنيه بالزيت وضعيه في علب وجمديه
المهم مجم مستقل عن الثلاجة راهو شيء ما يضيع
ولا للتبدير وعود روحك تجمد تلقاي نفسك تعودتي
ولو الطبخ اي شء يجمد
بالتوفيق ولا للتبدير

 

[عفاف الجزائرية]

اختي اذا بيك علىا لوصفات التقليدية كيما الشخشوخة تقدري تعمليها في المجمد
شخشوخة بكل انواعها تطيبي المرق وتخبيه في المجمد وتديري الفتات والرقاق تاني وتخبيه في المجمد وكي يجي زوجك تنحيه ساعتين قبل الوقت برك وتستعملي
تقدري تاني تخدمي الحميص بكميات كبيرة وتخبيها في علب وكل ما تحتاجي تديكونجلي برك وتستخدمي
الزيتون بكراتا للحم اولشومبينيون تاني تقدري تطيبيه وتجمديه وكل ما تحتاجي تنحي تستعملي
الجلبانة تاني مرقة تطيبيها وتخبيها وتستعمليها وقت الحاجة
الهريسة تاني تطبيهيا وكي تكوني رح تديري الغدا تديري حاجةخفيفة برك هريسة وسلاطة كوكتال ومرقاز مقلي ولا ستاك او حاجة خفيفة هك
حتى المحاجب انا ماولفة نطيبهم ونخبي كي يبقاو ووقت نحتاج ننحيهم يذوبو وحدهم ونسخنهم في مقلات تيفال والله تقول هاذاك وين طابو يزيدو يقرمشو
كشما نزيد نتفكر نجي نشيخ عليك
ربي يهنيك اختي
​

 

[omalbatoul]

واووووو راكم فرحتوني ربي يخليكم

الاخت سماح بارك الله فيك الصراحة اول مرة نسمع بالمقرونة تتجمد رايحة نديرها ان شاء الله زوجي يحبها بزاف و شكرا على نصائحك ان شاء الله مانكونوش مبذرين و نحافظوا على نعم الله علينا

اختي عفاف الله يعطيك ماتتمناي راكي فدتيني بزاف من غدوة نبدى نطيب ههههههه و اولها غراتان الزيتون

لكن فكرة لمحاجب مليحة بزاف كنت نظنها تفسد كي نكونجليها ديما نديرها و تبقالي شكرا على نصيحتك

بارك الله فيكم راكم فدتوني بزاف يعطيكم الصحة

 

[عفاف الجزائرية]

اختي ام الباتول بما انه فات العيد تقدري تاني تخدمي البوزلوف وتجمديه الوقت اللي تحتاجي تجبديه
تحبي تطيبيه ماء وملح وتجمديه وكل تجبدي تدوزني برك
ولا تدوزنيه وتجمديه وكي تجبدي تطيبي
ولا تخبيه طايب تجبدي تسخني برك
مجرد راي ..
​

 

[ام سلمان و اسامة]

السلام عليكم ورحمت الله وبركاته
اختي الله يحفض ليك زوجك
عن نفسي كنكونجلي فيها كولشي مثل الجزر كنجيب من السوق بكتير كنقيه ونقطعو ونعملو في بلاستيكات+شمندر نقيه ونفورو في الكسكاس ملي ينضج نعملو في بلاستيكات نعزل العاصيربحديتو وديال سلطة وحدو وكنكونجلي وحتى المعدنوس+القزبور نغسلو مزيان ونقطعو ونعملو في بلاستيكات ونكونجليه نجيب البرتقال نعصر ونعمل في بلاستيكات ونكونجليه نجيب الحامض ونقطعو ونعمل في بلاستيكات ونكونجليه الكورجيت حتى هوا نفوره في الكسكاس ملي تنضج نعزل ديال سلطة +ديال العصير ونعمل في بلاستكات وندخل الكونجلي نجيب طماطم نزول منها زريعة ونفورها ونطحنها ونعملها في اكياس بلاستيكية ونعمل في الكونجلي نجيب دجاج نغسلوبالحامض ونخليه يستقطر مزيان ونقسم ديال كباب نعمل ليه توابل ديالو ونعملو في بلاستيكات وندخل الفريكو ونعزل ديال الكغطان في بلاستيك وندخل الفريكو ونعزل ديال نصيب بلاستيك وندخل الفريكو كدالك الحم كنعملو حتى هوا ونعمل بسطيلات صغار في بلاستيك وندخل الفريكو +طورطات صغار+بيدزات صغار+بسكوي+فرماج احمر نحكو في الحكاكة ونعمل في بلاستيكات وندخل الفريكو يتكونجلا نجيب الكروفيط نسلقو ونعزل الماء لي نضج فيه ونكونجليه حتى نعمل بيه شوربة نعجن الخبز بكترا وندخل الفريكو نكونجليه نعمل الفطائر حتى نحتاج ليهم ونجبد نسخن ونحط تعملي الهمبورغل دخليه الفريكو تعملي العصير بكتر +شهيوات بانواعها نتمنا نكون فدتكم ولو بلقليل حبيباتي
​