وعلاه اللي قلبو حنين يعيش حزين

[bakhta11]

السلام عليكم خاوتي و خواتاتي
يا أنا سموني بختة ومعنى اسمي البخت يعني الزهر
يانا ما عنديش الزهر ولا في حاجة ......
حتى الصحابات و ما عنديش الزهر معاهم وحدة قطعت البحر و نساتني و وحدة هناي و ما تتفكرني
كيما تقولي ماما يعطوك حبة زيتون يعصروا منك بيدون زيت هذي هيا حالي pas de chance
حتى الدنيا ما نصفت في حقي
من صغري عشت يتيمة مشتاقة أب يحن عليا
الحمد الله بقاتلي ماما لوكان ماشي هيا كان رحت فيها
عشت بزاف خيبات أمل في حياتي
تعرضت للكذب و الخدع
كبرت بلا وقت
شاب راسي بلا وقت
خويا اللي كان قريب ليا حرق و خلانا
ايييييييييه يا دنيا حمبوك خبريني واش خليتيلي ؟؟؟
من غير الدمعة اللي tjr في عينيا

 

[BARCA232]

وعليكم السلام ورحمة الله تعالى وبركاته
من كان لك اختي لن يفرط فيك
وكل واحد وله ظروفه
أولهم رحمة الله على الوالد وأن شااء الله تلقى الحنان عند الوالدة ربي يحميها
الأخ ممكن الظروف هي التي حتمت عليه العيش بعيدا عنكم
لكن يالرايح وين رايح تروح تعيا وتولي
سيعود بإذن الله
أما عن الصديقات فأحسن صديق أنصحك به اليوم وهي الأم ستجدين فيها كل الرعاية التامة
وربما هنا لعلك تجدين ماتبحثين عنه من صديقات
المهم التواصل الدائم هو من يعطيك ذاك الفراغ الذي وجدتيه في العالم الحقيقي
فلربما العالم الإفتراضي سيكون لك خير صديق
مثلك كنت انا
واليوم الحمد لله
بالتوفيق أختي
لاتحزن ان الله معنااااااااااااا
​

 

[بيكهام]

سلام عليكم

ربي يرحمو ويوسع عليه

شدي في ربي ميسنى حتى واحد

ربي يدواي لحوال

تحياتي ورانا خاوتك

هنا
​

 

[عازفة الاحزان]

سلامـ أختيـ
أولا أريد الترحمـ على والدكـ
رحمه الله واسكنه فسيحـ جنانه
لاأريدكـ أن تقنطيـ منـ رحمة الله
وأنـ تكونيـ كالبحر يحملـ ولا يحتاجـ أحدا ليحمله
وهذا لايعنيـ أني أقولـ أن الصداقة لانحتاجها
ولكنـ لا نحتاجـ منـ يحبنا لمصلحته

أقولـ لكـ الله معكـ
اعتنيـ بنفسكـ وبدلـ لعنـ الاقدار
تنهديـ وأنتـ تخرجينها
قوليـ
الحمد للـــــــــــــه
وليسـ فينا منـ يعيشـ حياة مثالية
ولكنـ لا بد أنـ أن ننظر للجانبـ الممتلأ منـ الكأسـ

تقبلي مروريـ وأتمنى أن تقبليـ
صداقتيـ ​

 

[assinat]

ربي اللي بلاك و ربي اللي رح يفرححك
اصبري برك
​

 

[barca.moha]

ربي سبحانه يمهل ولا يهمل
والله يرحم باباك وشدي في يماك تبانلي محروقة كثر منك انت
تلهاي بقرايتك ولا خدمتك احسن
​

 

[BlackFlower]

رب سبحانو قادر على كلشي
اصبري وان شاء الله يفرج رب

 

[قناص الغرام]

خويا اللي كان قريب ليا حرق و خلانا
علاه حنا ماناش خاوتك رانا في بلاصتو حتى يرجع
الحمد الله بقاتلي ماما لوكان ماشي هيا كان رحت فيها
ربي ايطول في عمرها و بعيد عليك الشر اختي
ايييييييييه يا دنيا حمبوك خبريني واش خليتيلي ؟؟؟
خلاتلك خاوتك في اللمة
وسعي قلبك اختي اضحكي لدنيا تضحلك
كون تشوفي هموم الناس تنساهي همك

 

[زَخّآتُ آلمَطَر~]

آهْلًآ ~

آفْهَمُكِ آختِيْ ، كنتْ قَدْ مررتْ بِـ نفسُ حَآلهْ آلآكتئآبْ هذهْ
لَكنْ ، لآ جدوَى صدقيْنيْ ...

أيقَنْتُ تمآماً , أنْ اليأس أبداً
* لَـاَ يليقُ بأروآحَ الْمُؤمّنَيْن ")
فَـ بدلْ آلتذمّرْ ، تدبريْ فيْ خلقِ آلله ومَشَآكلهمْ
سَـ تدركينْ حينهَآ آنّكِ فيْ نعمَــهْ منْ خَآلقِكِ
وكمَآ سَبَقُوآ آلآخوَهْ آلذّكرْ - بَآركهمْ آلله - " آلليْ خلقْ مَآ يضيّعْ "

و آذَآ فيْ لَحْــــظَـهْ مَآ مِن أوْقـَــاتـِــكَـ ..

آحتجْتِ بِـ شدّهْ انْ تسْمعَيْ هَذهِ الكَلِـــمَــهْ ! ♥

فَـ كلّنَــآ سَـ نصرُخُ { آننَآ معَكِ }


​

 

[love papitou]

يا حنونتي ربي يرحم باباك و ربي يوسع عليه
نورمال هذي هيا دنيا تدي و ماتعطيش
ربي معاك

 

[dana1993]

سلام حبيبتي
قال تعالى°وبشــــــــر الصابريـــــــــــــن°
نورمالمو حبيبتي تقراي هاذ الاية خلاص متبقاي هازة حتى هم
مدام ربي لي يقسم الارزاق و كلشي بيد سبحانو معندك متخافي
عيشي حياتك و لي باعك بيعيه و لي نساك انسيه
ربي يرجعلك خوك بالسلامة والحمد لله لي امك معاك ربي يطزللها في عمرها
اهم شي الثقة في النفس حبيبتي دزي للقدام متشوفيش كامل موراك
خلي كل يوم يكون صفحة جديدة في حياتك____ اي كي تغمضي عيتيك سيبريمي الشي لي قات فنهارك مش مليح
و كلي تحليهم تلقاي روحك في يوم جديد نقي و نظيف
ربي يعاونك​

 

[العاشقة لبلدها]

السلام عليكم
شكرا ليك اختي على الموضوع ومليح الي فتحتي قلبك احسن ملي تخلي كلش فيه حتى في الاخير تتفر فيك
المهم ما اديريش في بالك حنونة وخلي كلش على ربي
الدنيا ما ادوم اعملي لاخرتك وربي هو الي راح يجازيك حنونة
وانشاء الله كيما راكي صابره على فراق الاب والاخ
ربي يعوضلك فراقهم
وربي يحفظلك الام ديالك ويطول في عمرها -أمين-
وفي الاخير لكي مني السلام وتقبلي مروري
​

 

[سيمات عاشقة]

سلام حنونة ربي يرحم الأب نتاعك و يخليلك الام ،ونقولك شوفي للجانب المشرق من حياتك ربي يكون معاك .

 

[bakhta11]

بارك الله فيكم كامل حتى أنا نلقى راحتي غي في هذا العالم الافتراضي اللي هربت من واقعي و جيت ليه صحيتو كامل

 

[امال نسيم]

مادام كاين ربي ماتحتاجي حتى شي من الدنيا سقسيه يعطيك وشكيلو يفرج عليك ديري ربي في بالك راه حنن من لميمة عليك

 

[bakhta11]

سبحانه لا يضر مع اسمه شيء لا حول و لا قوة الا بالله

 

[رضوة الجزائرية]

يالحبيبة ممكن راني كبيرة عليك لحد الان راني عايشة الازمات والظلم وديما نقول انا صابرة ومصنوعة من الصبر صبري من الان فصاعدا راني صاحبتك وتلقي مني كل الخير والمساعدة ادا كتب ربي قلبي ورحي ليك ختي ومرحبا بيك باي وقت راسليني نكونو مع بعض على الهم هدا ونقتلوه​

 

[HAMOUDI2000]

ربي يكون معاك

 

[ЯǾᵯẫḭṧşẰ]

السلام عليكم
اختي الحبيبة
لا تحزني وهناك رب رؤوف رحيم بعباده هادي غير مجرد تجربه ربي حب يمتحنك فيها ويشوفك لا تصبري ولا لا ان الله مع الصابرين ديري ربي و النبي في قلبك ختي ولي كاتبها ربي توصل حبيتي حنينة ولا ماكيش حنينة
ربي يحفظلك الوالدة ويخليهالك كي الشمعة فوق راسك
تقبلي اجمل وأـرقى تحية
سلااااااااااام

​

 

[سمسم السمسومة]

باباك ربي يرحمو و وسع عليه ان شاء الله...._خوك_انا راني حاسة بيك على خاطر عندي خويا راهو فالخارج malgré عندي خاوتي خرين mais هو لي راني محتاجاتو على خاطر هو انا_حنا توام_ماماك ربي يطولها في عمرها و يحفظها و حنا هنا بلاك منعرفوش بعضانا رانا خاوة كامل و لي حتجتيه رانا معاك...ديري في بالك بلي انا وحدة راني حاسة بيك..ربي حنين كريم و انشاء االله يفرجها.امين