اختي بصحتكم الزيتون
الله اسلم
على بالك انا عندي 20 سنة خبرة فيه والله يبارك عمرو ماخطى داري ونموتو عليه بالمطلوع شوفي اذا راهو مشلط كيما راني نشوف في الصورة تهنيتي ناقص تعب
خص البارح من 6 لل10 باش كملت فرزتو وشلطو وراني درتو في الماء والصباح بدلتو
لوحيه في الماء وبدليلو الماء كل يومين ولا 3 وابقاي غير تبدلي في الماء حتى تذوقيه وتلقايه ولا مليح
ضرك نخليه يومين ان شاء ونعاود نبدلوونقفلو مليح والا عادي نقفل البيدونة عادي ؟؟؟
في التبديلة الاخيرة تاع الماء زيديلو الملح وخليه 3 ايام بعد ما يطيب نزيدلو الملح؟؟؟؟
ومنبعد احكمي بيدون مليح ويتقفل مليح وديري فيه الماء والملح والخل القارص معصور والخضرى الليتحبوها زرودية لفت بسباس ثوم رند وكرافس وانا كنت ندير حتى البروكلو بصح وليت نكره ريحتو وانت الوذوق انتاعك ودوقي الماء واقفلي عليه وبعد يومين ولا 3 حلي وذوقي كاشما خاصو زيدي ملح خل او قارص والقارص اللي تعصريه لوحي راهو يطلق بنة ونسيت نقلك الخضرة مغسولة ومقطعة طولي ولا عرضي وتكون رقيقة باش تزرب طيب على خاطر انا كلش مزروب عندي الله يبارك ليها ليها ههههههههههه وبصحتكم وكاشما ستحقيتي قولي
شحال المدة الي يقعد فيها مليح بعد ما تزيدي عليه الخضرة بالتقريب هكاكا؟؟
واذا عندك كمية كبيرة تاع زيتون وحبيتي تخبيها بعدما تتناحالو المرارة عمري بيدون تاع الزيت ولا تاع الماء بالماء والزيتون طبعا وديري بزاف الملح واقفلي عليه وخليه نهار تحبي تستعمليه نحيه من هذاك الماء وداويه ان شاء الله فدتك
ايه ربي اعيشك اكيد فدتيني ومستنيا تكمليلي
طلبي منك دعوة مليحة في هذا الايامات المباركة ربي يصلح ولادي
