الي تحب قهوتي تدخل واللي ماتحبش كاين واش تشرب

[samah06]

السلام عليكم ورحمة الله وبركاته حبيباتي صحى عيدكم وتعيدو وتزيدو وسنين دايمة ان شاء الله
هده قهوتي اللي عرضتكم وانشاء المولى نزيدلكم عشاء
هدو هوما مقرقشات المروحة حلوى السيار

ايضا حلوى القطيفة وصحن التمر سنة لقول رسول الله (بيت لا تمر فيه جياع اهله)وايضا صحن تفاح مع القازوز وايضا تارموس قهوة ثقييييلة تنحي التعب كلوههههههههه
هيا بصحتكم والي تردلي الاولى تدي هاد الفنجال تاع القهوة

​

 

[السلطانة]

وعليكم السلام

جيت نشرب قهوتك ياطاطا
يممممممم ماحلاها قهوة وقاطواتك
يعطيك الصحة
الله يزين قعدتكم
ويزين ايامكم
كل عام وانتم بألف خير
​

 

[àMoµNà HàBoBà]

السَلآلآلآمـ/ عَليكمـ
وأنآ تآني جيـــــت نشرب القهوة
اممممممم شحآآآل بنينة هذيك القهوة ومحلآلآلآه هذآآآك قآآآطوآ
الله يع‘طـــــيك الصحة حنونة
وصَحَ عِ‘ــــيدكـ
​

 

[la_safa]

يمممم الله الله على قهوتكـ يآ خآآلتو
أنآ نعود توجور هنآ
ديري حسآبكـ نشرب القهوة صبآح و عشيآ
و لآ على ذآكـ القآطو الله يبآركـ هآآيل
يعطيكـ الصحة و صح عيدكـ
كل عآم و انت بألف خير يآآآآ رب ~
​

 

[samah06]

مرحبا بيكم بناتي الحبيبات وافضل تقولولي ماما مش طاطا
وهاهي عاوت وجدت السينية ليكم وللباقي ماكم واعدروني ماحطيتش القاطو بزاف لحباب يدخلو بالواحد وادا قعد القاطو امام اشواق عليه السلام تاكلو وتخرجو لصحباتها

 

[la_safa]

مرحبا بيكم بناتي الحبيبات وافضل تقولولي ماما مش طاطا
وهاهي عاوت وجدت السينية ليكم وللباقي ماكم واعدروني ماحطيتش القاطو بزاف لحباب يدخلو بالواحد وادا قعد القاطو امام اشواق عليه السلام تاكلو وتخرجو لصحباتها

ههههـ أشوآق أكيد بنتكـ ! ربي يحفظهآ و يخليهآلكـ ..
فكرتيني كي كنت صغيرة مآم انآ نخرج القآطو لصحبآتي ..

يممممم يعطيكت الصحة والله السينية تشهي يآ مآمآ سمآح ..
ربي يخليكـ و يحفظكـ على الضيآفة الطيبة منكـ :up:
​

 

[كوكب الشمس]

يعطيك الصحة على العرضة
كل شيء بالطبع
ربي يدومها نعمة

​

 

[أطياف]

يم يم
خالتو انتِ شلون تسوين قهوتك
انا اشرب قهوه سعوديه هههههه

 

[ندى الورود]

امممممممممم قهوة تسخف مع قريووش قتلتينا
يعطيك الصحة على العرضة
وصحا عيدك وكل عامن وانت بخير
​

 

[samah06]

بصحة كل بناتي وحباباتي وانشاء الله تكونو عيدتو بخير والله حسيتكم بناتي
انا ابني لكبير عمرو 16سنةاسمه محمد ضياء الدين
وعندي انيس تقي الدين وعمرو11سنة اما اشواق الدين كيما تقول
هي عمرها5سنوات
مشكووووووورين على الردود
اطياف حبيبتي انا نطيب قهوة براس
والقهوة تتباع في الاسواق
نفتح العلبة ونكون حضرت الماء في اناء البراس ونحط القهوة او البن ثم نغلق ونحطها على نار هادئة ونرو ح نكمل شغل البيت
ولما نسمع الصوت تاع لبراس نروح نحها ونحطها في التارموس اللي كنت حطيت فيها الماء الغالي من فترة لكن راني نسيحو ونحط القهوة هكا تبقا القهوة سخونة
والقهوة الثقيلة هي اللي نحبها
وانتضرو مني سينية اخرى
ومادا يتحط فيها

 

[omarwa]

صحيتي اختي بارك الله فيك

 

[ندى الورود]

المواضيع التي تحتوي على صور فقط دون الوصفة مكانها ليس الأركان الحصرية
ينقل الموضوع الى ركن التطبيقات الشخصية لرائدات منتدى المطبخ​

 

[أطياف]

بصحة كل بناتي وحباباتي وانشاء الله تكونو عيدتو بخير والله حسيتكم بناتي
انا ابني لكبير عمرو 16سنةاسمه محمد ضياء الدين
وعندي انيس تقي الدين وعمرو11سنة اما اشواق الدين كيما تقول
هي عمرها5سنوات
مشكووووووورين على الردود
اطياف حبيبتي انا نطيب قهوة براس
والقهوة تتباع في الاسواق
نفتح العلبة ونكون حضرت الماء في اناء البراس ونحط القهوة او البن ثم نغلق ونحطها على نار هادئة ونرو ح نكمل شغل البيت
ولما نسمع الصوت تاع لبراس نروح نحها ونحطها في التارموس اللي كنت حطيت فيها الماء الغالي من فترة لكن راني نسيحو ونحط القهوة هكا تبقا القهوة سخونة
والقهوة الثقيلة هي اللي نحبها
وانتضرو مني سينية اخرى
ومادا يتحط فيها

ماشاء الله ربي يخليهم لك
بتعرفي حنا تقريبا نفس القهوه
بس بعد ماتغلي ونحط القهوه نتركها على النار شوي
نحضر ترمس القهوه او الثلاجه تاع القهوه ونحط فيها حب (الهيل المطحون ) ونضيف احيانا قرنفل
وزنجبيل وبهرات تاع قهوه ...ونصبه القهوه المغليه عليه
بس السكر ابدا مانضيفه

 

[ام اسحاق]

سماح انا جيت نطل عليك برك ....
وش حبيتي سربيلي .....
ربي يحفظ اولادك ...ما شاء الله تبارك الله ربي يفرحك بيهم

 

[ام اسراءواسحاق]

نحب على القهوة سيرتوووووووووووووووووو نتاع البراس .
ربي يحفظلك وليداتك و جميع المسلمين.
قوووووووللللووووووو اااااامممميييييييينننننن

 

[samah06]

اميييييين ويحفض ما عندكم حباباتي
مشكورين على التفاعل

 

[نور الرحمان]

يعطيك الصحة اختي

 

[ام انس الحبيب]

انا جيت لحقت متاخرة صح بصح
عجبتني قهوتك قلت ندخل بلاك يصحلي
فنيجيل قهوة نحي بيه التعب
هههههههههههههه
بارك الله فيك سماح سنين دايمة
وربي يدوم اعيادنا ولمتنا ان شاء الله

:up::up:
​

 

[samah06]

يعطيكم الصحة اخواتي على الردود
ام انس من بعد ادخلى الى ركن مادا ستطبخين اليوم سيدتي راكي معروضة وابتسام وباقي الاخوات على قهوتي وهكا انا اللي نلمكم مش اللمة هههههههههههههه

 

[ام انس الحبيب]

ربي يبارك فيك اختي سماح
ان شاء الله دايما عامر بالخير
و ربي يحفظك
​