جيتي في وتر حساس
واش حنقول لاختي
رح نحكيلك وننصحك كاني نتصرف انا بعقلي
قلتي تقدملك واحد لاباس عليه وانتي تحبي واحد
واش حنقولك
اذا شايفة هاذا اللي تحبيه يبادلك نفس الشعور ووعدك ومتاكدة من مشاعرو وعارفاتو يعني من مدة تخليه تعرفي طبعه ووعودو
قوليلو يتقدم ولو ولو جيناكم بالحسب والنسب يعني ماش شرط يعلمك بخاتم ولا حاجة بقصد انه بيت فلان خطبو فلانة وداركم يهنيو روحو مهنيين وكي ويجد روحو راه يتقدم يحط الخاتم يا لوكان صغير يعلمك بيه باه تبقاي ليه وكي يكمل كل ماشغلو ويقدر روحو مليح ربي يسلكها ويهنيكم
اما اذا كان شفتي روحك غير قلبك اللي يقول راه رح يتقدم وراه يحبني وما شفتيش حتى حاجة ضامنتلك هاذ الشي يا اختي اغمضي عينك ووافقي بالشخص اللي تقدملك وربي ما فيه غير الخير يعني ماش شرط دايما نمشيو بالقلوب نخدمو شوي العقول واكيد الحب رح يجيك من بعد وربي يطرحلك الهناء خصوصا انه في الحلال ما يغلق ربي باب حتان يفتح ابواب
والراي الاول والاخير رح يكون ليك لانك انتي اللي عايشة في الوضع وتعرفي تحكمي
نوصيك وصية واحدة اعملي ستخارة مرة واثنان وثلاثة الى سبع مرات وربي يسهللك فيها كل شي
موفقة اختي وربي يجييبلك الخير
