bac 2013 تسيير و اقتصاد مترشح حر هل من مساعدة؟

[chemssou007]

السلام عليكم

اخواني اخواتي ان شاء الله تكونو كاملـ لابــاس؟؟

رانا زعما سجلنا في الباك كمترشح حر ( retour d'age lol)، رغم أني ناجح في بكالوريا 2007 تخصص علوم طبيعة بتقدير قريب من الجيد و أنهيت دراستي الجامعية (نظام كلاسيكي ههه 4 سنوات)، و راني خدام حاليا في احد المديريات، جاتني النفحة العام هذا تاع القراية ربي يستر هههه رحت سجلت الباك و كور دو سوار و تكوين عن بعد اضافة الى مسؤوليات العمل الكثيرة

المهم، أنا راني هنا اذا حجتو مساعدة في تخصص علمي و اللغات و الفلسفة ، لكن راني محتاج مساعدتكم في شعبة تسيير و اقتصاد (راني معلاباليش اصلا وش هوما المواد و المعاملات)....
يعني عرفوني بالشعبة هاذيـ، المواد المعاملات، تعطونا شوي دروس تمارين، كاش سكان تاع كتب مدرسية) راكم تعرفو هذا بهذا و هذا بربي هههههه
+
ضك أنا كي سجلت حر نقرا نظام جديد او قديم خاصة المحاسبة ...

المهم عاونوني يا خاوتي و راني هنا اذا حتجتوني في حاجة آخرىــ


تحيـــاتي​

 

[السلطانة]

وعليكم السلام ورجمة الله وبركاته

أهلــا شمســو


مالا راكي ناوي تعاود هاد العام

كي بدلو الوزيــر :d

بالتوفــيق ان شا ءالله

معنديش علم بالشعبة هادي
لوكان عاونتك

البروغرام الجديد تاعهم يختلف على لي قرينا بيه حنا

ان شاء الله يعاونوك الاعضاء
​

 

[الورد الأحمر]

السلآم عليكم ورحمة الله وبركآته ,
بالتوفيق ان شآء الله ,
وأنآ نآوية نعآود البآك مي العآم الجآي ,
ان شآء الله إذآ كتبهآ ربي ,
أمآ عن الشعبة ,
فيهآ الموآد التآلية : ,
ريآضيآت / ريآضيآت مآلية / إحصآء / قآنون / اقتصآد ,
محآسبة / تآريخ / جغرآفيآ / لغة عربية / لغة انجليزية / لغة فرنسية ,
فلسفة / تربية إسلآمية أم مآ بقآوش كيفنآ يفوتو عليهآ تآني ,
هذو هومآ الموآد إذآ مآ نسيتش وحدة ,
وإذآ مآ تبدلوش ومآ زآدوش وحدة ,
أمآ على السيستآم أكيد تقرآهم بالسيستآم الجديد ,
والبرنآمج الجديد ,
أونكوغ بالتوفيق ,
سلآمي ’
​

 

[الورد الأحمر]

أمآ على المعآملآت فالله أعلم إذآ تبدلو ,
مي كآن مآزآل كيف بكري معنآهآ ,
ريآضيآت + ريآضيآت مآلية + إحصآء + تآريخ + جغرآفيآ + عربية + فرنسية + انجليزية + فلسفة = 3
قآنون = 1
محآسبة = 5
اقتصآد = 2
والتربية إسلآمية معرف أنآ وقتي ,
مآ كآنتش دآخلة مع الموآد لي نُختربوآ فيهآ ,
هذآ التوزيع التقريبي للمعآملآت في وقتي ,
شآكة في البعض منهآ ,
مي تكون متقآربة يعني مش بموديفيكآسيون كبيرة ,
سلآمي ’
​

 

[chemssou007]

وعليكم السلام ورجمة الله وبركاته​

أهلــا شمســو

أهلا ختي ان شاء الله راكي بخير؟​

مالا راكي ناوي تعاود هاد العام

و الله راني ناويـ نقرا قداه من حاجة دعواتكم بالتوفيق
و الباك هذا مش ليا و الله والو
راح نهديه هدية لبعض الاشخاص الاعزاء​

كي بدلو الوزيــر :d

فقتي بياااا هههههه
ياو لي مداش الباك في وقت عمي بوزيد ما يزيد يديـ​

بالتوفــيق ان شا ءالله

ربي يوفقنا أجمعين​

معنديش علم بالشعبة هادي
لوكان عاونتك

معليش الاعمال بالنيـــات كي دخلت الموضوع ديجا فيها الف بركة​

البروغرام الجديد تاعهم يختلف على لي قرينا بيه حنا

صح، رغم أنو نشوف انو البروغرام الجديد يبانلي اسهل
الكتب و الالوانـ و التزرقيط و و و و
مش كيما كنا حنا نص كتاب محكوم بسكوتش نوار ايـ بلو هههه​

ان شاء الله يعاونوك الاعضاء


ان شاء الله
مرسي​

 

[chemssou007]

أهلا أختي Moon Light
ان شاء الله راكي لاباس؟؟؟
عاش من شافك

شكرا على كل المعلومات
فقط عندي تضارب في المعلومات كل واحد وش يقولك رانا نستناو في الرسمي

رغم أنو معظم المعلومات تاعك صحاح
الا انه باك ما فيهش اللعب
نزيدو نشوفو ردود أخرىـ
و دعواتكم نكون من الاوائل على مستوى الوطـ .... قصدي على مستوى الحي ههههه

تحيـاتي​

 

[benali17]

شوف هذا بالاك يساعدك:

http://www.4shared.com/office/vj3tVOT-/coefficients-3as.html?

 

[lalakarimanouri]

انا عقبت باك 2008 مش كيما تحكي الاخت بالنسبة للمواد
محاسبة 5
اقتصاد 4 + قانون 2
رياضيات 5
اجتماعيات 4
عربية 3
فرنسية انجلزية فلسفة الكل2
شريعة 2 رياضة 1
درك تبالي يقراو محاسبة الجديدة

 

[chemssou007]

شكرا للجميع بارك الله فيكم​