حلوى سهلة من مطبخي

[أم راضية ~_]

السلام عليكن يا سيدات و يا أوانس
هادي أول مرة نشارك هنا مالgغي نحب هاد الركن مي ماكانتش كاينةالشجاعة :$
المهم جبتلكم غوسات ساهلة إن شاء الله تعجبكم
​

المكونات :
2 حبات بيض
كاس "اينوكس" زيت
كاس عسيلة
كاس حليب
ملعقة صغيرة بيكاربونات
2 كيسان ونص الى 3 كيسان فرينة حسب نوعية الفرينة نفسها ادا كانت تشرب ولا لالا
2 كيسين خميرة الحلوى
2 ملاعق كاكاو
و للGلاصاج : سكر ناعم , حليب , و كاكاو ادا حبيتوه ماغون
الطريقة:
نبداو في إناء نحطو العسيلة و الزيت والحليب و نخلطوهم مليح هكدا

​

ممبعد نزيدولهم البيض ونخلطو
على جنب نسّيرو ( نغربلو )الفرينة و نخلطوها مع البيكاربونات و الخميرة والكاكاو وحدهم
ممبعد نضيفوهم على الخليط السائل تاعنا
​

​

كي نحسو بيها ولات شوية تقيلة ماشي بزااف كيشغول تولي كيما تاع الموسكوتشو وادا جات خفيفة نقدرو نزيدولها شوية فرينة المهم ما لازمش تجي تقيلة و يابسة
نحطوها في سنيوة (صينية) ​

​

ندخلوها للفرن تطيب وكي ندخلو فيها موس ويخرج ناشف نعرفوها بلي طابت
ونكونو وجدنا الGلاصاج بالحليب والكاكاو وسكر ناعم
نحطوه على القاطو تاعنا بالطريقة الي حبيتو و كي تنشف شوية نقطعوها مربعات و لا معينات و حتى مستطيلات كيما درتها وهادا هو شكلها :​

ان شاء الله تعجبكم وتجربوها
​

اللهم صل على محمد وعلى آله وصحبه و التابعين
​

 

[المشتاقة للجنان]

يعطيك الصحة باينة مليحة و جاتـك هايلة
إن شاء الله نجربها
مشكــــورة​

 

[السلطانة]

وعليكم السلام

اهلا بيـــك يالدز نورتي الركن

عجبتني لاروسات روعة روعة

يعطيك الصحة
​

 

[أم راضية ~_]

يعطيك الصحة باينة مليحة و جاتـك هايلة
إن شاء الله نجربها
مشكــــورة​

^^
ان شاء الله
شكرا لمرورك ​

وعليكم السلام

اهلا بيـــك يالدز نورتي الركن

عجبتني لاروسات روعة روعة

يعطيك الصحة
​

وبيك اهلا
فرحت كي عجباتك
ان شاء الله تجربيها ^^ :-r​

 

[ندى الورود]

وصفة ساهلة وشكلها يشهي يعطيك الصحة
بانتظار جديدك
ينقل الموضوع الى ركن وصفات الحلويات الحصرية و المجربة​

 

[nada242008]

جاتك هايلة يعطيك الصحة

 

[♥SaMoù Là MoDèsTe♥]

،’
وصفهـ رآئعهـ و نتيجهـ أروع
يعطيكـ الصحهـ أختي
وآصلي ولآ تبخلي بالمزيد من إبدآعآتكـ لأنهآ تستحق النشر و التطبيق
,’
​

 

[ام شيماء]

تسلم ايديك جاتك روووووووووووووووووووووووعة

 

[أم راضية ~_]

وصفة ساهلة وشكلها يشهي يعطيك الصحة
بانتظار جديدك
ينقل الموضوع الى ركن وصفات الحلويات الحصرية و المجربة​

:regards01:

سررت بمروركِ كثيرا
​

جاتك هايلة يعطيك الصحة

يسلمك سييها و قوليلنا

​

،’
وصفهـ رآئعهـ و نتيجهـ أروع
يعطيكـ الصحهـ أختي
وآصلي ولآ تبخلي بالمزيد من إبدآعآتكـ لأنهآ تستحق النشر و التطبيق
,’
​

ان شاء الله نزيد نحط ما يفيد
صحيتي نتي على التشجيع اختي

​

تسلم ايديك جاتك روووووووووووووووووووووووعة

شكرااااااااااا لكِ أم شيماء
​

 

[ام انس الحبيب]

بارك الله فيك جاتك
هايلة ربي يبارك​