السلام عليكم ورحمة الله وبركاته
واش راكم يا ناس الغربة ويا ناس البلاد
اليوم راني راح نحكي على واحد القصة صراتلي الصيف الي فات وفكرتني فيها واحد الاخت ربي يجزيها الخير وحبيت نطرحها كموضوع نهدرو فيه ونحب نشوف رد ولاد البلاد وناس الغربة في هاد القصة والا جرات معاهم والا لا وطبعا ضروري ناس البلاد يقولولنا الا كاين منها هاد النظرة للمغتربين والا لا؟؟
بلا ما نطول راني حكيت بالدارجة بالدمة لخاطر القصة جرات بالدارجة واد حولتها للفصحى راح تفقد كثير من معناها:
روحت للبلاد الصيف الي فات وحبيت نروح للحفافة - الحلاقة - قاتلي اختي ارواحي عندي نديك عند الحفافة تاعي تحت مني في البطيما راني نعرفها مليح وقلتلها عليك
قلتها اوك راني نجيك النهار الفلاني المهم في هاداك النهار عيطتلها اختي قاتلها كاين الغاشي عندك والا لا باش نقدر نروحلها وما نطولش لخاطر كان وليدي صغير وما نقدرش نخليه وحدو بزاف قاتلها هيه قلها تجي
لبست قصابية اختي وطرباقة حاشاكم في رجي ونزلت يعني هي تحت البطيما قد قد ما سقمت روحي ولا شي عادية جدا ودخلت قلت سلام عليكم وقعدت لقيت شيء 2 والا 3 قبلي
وبدات واحدة تخدم معاه في الهدرة:
ما نعرف ماش يخسابو في رواحهم هما الشر قاتلهم لهيه ويجيو عندنا هنا يوريو في رواحهم
وتقول لمولات المحل :
شفتيها واش مدايرة في روحها جاية تفخر وتزوغ علينا وهي حتى الماكلة ماشي لاحقة عليها وبالاك راهي حتان تخدم عند القور وارخصو فيها وتجي تهز في روحها علينا
اختكم بالعادة ما تحبش تدخل في سوجي خاطيها حتى لو مسها وخصوصا انهم كانو يهدرو بلا ما وجهولي الكلام انا بقيت ساكة ما هدرت والو مع اني كنت متأكدة انو الكلام كان شرة عليا لخاطر انا كي دخلت هما بداو بالهدرة وثاني كانو عارفين بالي جاية مع اني ما نعرفهمش وهاد اول مرة نروح فيها عندهم بصح هما شافوني شحال من مرة كي نعدي مع اختي قدام الحانوت يعني حتى لوكان ما كانوش قاصدين يحترمو اني انا ثاني مغتربة بصح انا ما حبيتش نمشي معاهم فواش حبو وحسبت روحي ما على باليش حتى اني ما قلتلهاش اني اخت فلانة كي دخلت
وهي باش يكشفها ربي بلي كانت عارفة بلي اني اخت فلانة المغتربة بعد ما كملت هدرة وتبهديل في الزماغرة قاتلي:
ماشي انت اخت فلانة الي عايشة في الطليان
قلت لها : ايه وسكت انا اصلا قليلة هدرة خصوصا مع الي ما نعرفمش
ما تشوفونيش في النت نكتب بزاف ههههه
بصح الهدرة والو ربي اجيب
علاش ما شي ربي والا الزهر في دالتي سوطا الكنتور وعمل ماس وعيطت لخوها كهربائي قالها مستحيل اليوم تقدرو تخدمو فأنا قلت جات من عند ربي وقلتلها مالا مرة اخرى ان شاء الله غدوة والا بعدو نولي ومن هاداك النهار قلت لاختي هادي انسانة ماهيش تاع ثيقة والا خديتي رايي ما بقيتيش تروحيلها لخاطر هي ما احترمتكش وبهدلتني بطريقة غير مباشرة
المهم حصول الموضوع هو علاش هاد النظرة السلبية للمغتربات وعلاش ناس البلاد يشوفو فينا متكبرات وهازين رواحنا مع انهم ما يعرفوناش مجرد انك تقولي مغتربة يبداو بالحط والحطيط
انا من يومها واصلا من قبل ما كنتش نقول راني مغتربة والي يسألي خصوصا انو وليدي يتكلم العربية الفصحى نقولهم راني ساكنة في الصحرا فمستحيل يقدرو يشكو اني مغتربة هكدا باش يعاملوني عادي
يلا اليكم الخط للكلام وهل فعلا حدثث لكن انتن كمغتربات هاد المواقف ؟؟؟
وبالنسبة لغير المغتربين هل فعلا ترون ان المغتربين ناس جايحين ومتكبرين في الغالب ؟؟؟
واش راكم يا ناس الغربة ويا ناس البلاد
اليوم راني راح نحكي على واحد القصة صراتلي الصيف الي فات وفكرتني فيها واحد الاخت ربي يجزيها الخير وحبيت نطرحها كموضوع نهدرو فيه ونحب نشوف رد ولاد البلاد وناس الغربة في هاد القصة والا جرات معاهم والا لا وطبعا ضروري ناس البلاد يقولولنا الا كاين منها هاد النظرة للمغتربين والا لا؟؟
بلا ما نطول راني حكيت بالدارجة بالدمة لخاطر القصة جرات بالدارجة واد حولتها للفصحى راح تفقد كثير من معناها:
روحت للبلاد الصيف الي فات وحبيت نروح للحفافة - الحلاقة - قاتلي اختي ارواحي عندي نديك عند الحفافة تاعي تحت مني في البطيما راني نعرفها مليح وقلتلها عليك
قلتها اوك راني نجيك النهار الفلاني المهم في هاداك النهار عيطتلها اختي قاتلها كاين الغاشي عندك والا لا باش نقدر نروحلها وما نطولش لخاطر كان وليدي صغير وما نقدرش نخليه وحدو بزاف قاتلها هيه قلها تجي
لبست قصابية اختي وطرباقة حاشاكم في رجي ونزلت يعني هي تحت البطيما قد قد ما سقمت روحي ولا شي عادية جدا ودخلت قلت سلام عليكم وقعدت لقيت شيء 2 والا 3 قبلي
وبدات واحدة تخدم معاه في الهدرة:
ما نعرف ماش يخسابو في رواحهم هما الشر قاتلهم لهيه ويجيو عندنا هنا يوريو في رواحهم
وتقول لمولات المحل :
شفتيها واش مدايرة في روحها جاية تفخر وتزوغ علينا وهي حتى الماكلة ماشي لاحقة عليها وبالاك راهي حتان تخدم عند القور وارخصو فيها وتجي تهز في روحها علينا
اختكم بالعادة ما تحبش تدخل في سوجي خاطيها حتى لو مسها وخصوصا انهم كانو يهدرو بلا ما وجهولي الكلام انا بقيت ساكة ما هدرت والو مع اني كنت متأكدة انو الكلام كان شرة عليا لخاطر انا كي دخلت هما بداو بالهدرة وثاني كانو عارفين بالي جاية مع اني ما نعرفهمش وهاد اول مرة نروح فيها عندهم بصح هما شافوني شحال من مرة كي نعدي مع اختي قدام الحانوت يعني حتى لوكان ما كانوش قاصدين يحترمو اني انا ثاني مغتربة بصح انا ما حبيتش نمشي معاهم فواش حبو وحسبت روحي ما على باليش حتى اني ما قلتلهاش اني اخت فلانة كي دخلت
وهي باش يكشفها ربي بلي كانت عارفة بلي اني اخت فلانة المغتربة بعد ما كملت هدرة وتبهديل في الزماغرة قاتلي:
ماشي انت اخت فلانة الي عايشة في الطليان
قلت لها : ايه وسكت انا اصلا قليلة هدرة خصوصا مع الي ما نعرفمش
ما تشوفونيش في النت نكتب بزاف ههههه
بصح الهدرة والو ربي اجيب
علاش ما شي ربي والا الزهر في دالتي سوطا الكنتور وعمل ماس وعيطت لخوها كهربائي قالها مستحيل اليوم تقدرو تخدمو فأنا قلت جات من عند ربي وقلتلها مالا مرة اخرى ان شاء الله غدوة والا بعدو نولي ومن هاداك النهار قلت لاختي هادي انسانة ماهيش تاع ثيقة والا خديتي رايي ما بقيتيش تروحيلها لخاطر هي ما احترمتكش وبهدلتني بطريقة غير مباشرة
المهم حصول الموضوع هو علاش هاد النظرة السلبية للمغتربات وعلاش ناس البلاد يشوفو فينا متكبرات وهازين رواحنا مع انهم ما يعرفوناش مجرد انك تقولي مغتربة يبداو بالحط والحطيط
انا من يومها واصلا من قبل ما كنتش نقول راني مغتربة والي يسألي خصوصا انو وليدي يتكلم العربية الفصحى نقولهم راني ساكنة في الصحرا فمستحيل يقدرو يشكو اني مغتربة هكدا باش يعاملوني عادي
يلا اليكم الخط للكلام وهل فعلا حدثث لكن انتن كمغتربات هاد المواقف ؟؟؟
وبالنسبة لغير المغتربين هل فعلا ترون ان المغتربين ناس جايحين ومتكبرين في الغالب ؟؟؟
