بنات ادخلوا بسرعة رايكم يهمني

[iman88]

سلام عليكم بنات كيف الاحوال

شوفو هذا الموديل اذا شباب الله يخليكم . ..

لقيته في leboncoin.fr وحد السيدة عارضاتو للبيع عجبني بزاف :up: my style

و لكن prix قاتلي € 250 اي تقريبا 3 ملايين و 500 . .. ما عييت نقاشح فيها مابغاتش تنقصلي

قاتلي موديل 2013 و خدمتو في المغرب :s

انا جاني غالي شويه . .. واش رايكم .و اذا راكم شايفين دي موديل هكا عندنا شحال البري نتاعهم

meriiiiiiiiiiiiiiii :regards01:














​

 

[iman88]

حتى وحدة ما عندها فكرة :s

اعقلووووووووووووووا فيها




​

 

[SAMIRA25]

مودال شباب بزاف بصح ما نقدرش نفيدك فى السعر
انشاء الله يفيدوك الاخوات​

 

[shéryfa luna]

ana ma3jabniiiich ​

 

[شجـ الروح ـون]

مساء الخير
صراحة انا المودال جاني بسيط
وماش نتاع 3 ملاين وزييادة
وزيد ماوش متناسق بين الفوق والدونتال اللي لتحت
والله اعلم..انا مانحبش هاذ الستيل
و مادام عندك صورة المودال
يعني اي خياطة هنا تقدر تعملولك
ومايتكلفش اكثر من نصف السعر المطلوب
وبالقماش اللي حبيتيه
ونزيد نخلي لبنات يفيدوك
على فكرة 250 اورو تقريبا 2ملاين ونص ماش 3 ونص
​

 

[سمية25]

موديل شباب مي سعره يفوقه
انتي ادي هذا الموديل لاي خياطة ورايحة تعملولك وماشكيتش تخدمولك ب 3 ملايين
علاش هذا يمشي وحدو ............
المهم مليح مي ماهوش نتاع السعر نتاعو
هوما غير يقوللك برك بلي مخدوم بالمغرب علاش كايننين هنا خياطات ماشاء الله فحلات والله تقولي عليهم هوما اصحاب الحرفة الاولى
ميرسي ختي

 

[joumane]

نقولك حاجة مودال هايل ولبري تاعو هاااايل
احنا في باتنة سيرتو لي يقولك من مغرب الرخيس فيهم 4ملاين

 

[samah06]

المودال جديد الالوان روعة الفستان كلاس
لكن السعر مش معقول
روحي هزي عدة اغراض وراك تلقاي اللي ملاح
من قنادر واحدية وصيكانهم

 

[♥♥ياسمين♥♥]

ana teni ma3djabnich surement talkay khir manou

 

[iméne09]

ختي اسمحيلي غالي مي مايستاهلش ينباع هكدا عندنا قفاطن ستيل ماغوكان يديرو 3 ملاين بصح بشانهم تخو شاغجي وتقال سيختو قفاطن بالقطيفة راهم دايرين حالة مي هدا يبان طايح لوكان كنت في بلاسك والله مانشريه ​

 

[iman88]

بارك الله فيكم

شكراااا جزيلا على النصائح و الارشادات و التوجيهات و التنبيهات :regards01:

ربي يخليكم ان شاء الله

 

[نسمات إيمانية]

الى لتصديرة لالا لكن اذا عجبك باه تحضري بيه اشريه الدارهم يجو ويرحو لكن لازم شوفيه قدامك ممكن الصورة مبيتاتوش مليح

 

[خولة الصحراوية]

مساء النور اختي في الحقيقة المودال بصح السومة ماشي نتاعو كاين لي مودال فور عليه يستاهلو السومة هاديك و تقدري حتى تخيطيه انا نقول تصبري و خمي و بلاك تصيبي ما احسن.