واش دورنا حنا كمربيين أمام هذه الظواهر؟؟؟

[حكايا الورد]

السلام عليكم
ان شاء الله الجميع بخير
أول أمس حدث معايا مشكل في القسم و أثناء الحصة فحبيت نتشاركو معاكم وهو فالحقيقة موضوع مهم و مهم جدا ..حابة نوصل من خلالو رسالة لجميع الأمهات خصوصا...
كنت نشرح في درس الجملة الشرطية لتلاميذ السنة الرابعة متوسط وهو درس صعب شوي لازم التركيز من التلاميذ والتطبيقات حتى يفهموه..وأنا نشرح ونشرح ناضت معركة ومناوشات كلامية بين تلميذتين ... جبتهم لقدامي واش صرا..واش كاين ؟؟؟..والو لا اجابة ...يا بنات خير تتعاركو؟..
تخيلو واش كان الرد..تخيلو برك ..وحدة قالتلي ..استاذة هي طيحت عليا ..واش قاتلك؟..قاتلي المعوق المنغولي تاعكم ..نطقت الأخرى قالتلها انت اللي بديتي قتلي تاعكم مانعرف واش حاسب روحو..يا بنات بلعقل وفهموني..
تصورو علاه راهم يتعاركو ...على رونالدو و ميسي.....الله أكبر....كراس اللغة العربية اللي فنيت عمري فيها أنا ..حاطينلي تصاور رونالدو و ميسي على الكراس وزيد بورط كلي...وزيد وزيد.
وكون جات المعركة شكون اللي يعرف يلعب كنا سكتنا...يا جماعة المعركة راهي شكون اللي راهو زين...تصورو اخوتي اخواتي واش شعوري أنا في هذيك اللحظة ...الجملة الشرطية..والبنات راهم في شكون اللي راهو الزين؟؟؟؟؟؟؟
الصراحة ..خفت لا نتصرف كانش تصرف نندم عليه..هزيت حوايجي وخرجت في وسط الحصة-بكل روح رياضية-
المشكل اللي حابة نطرحو اليوم ...طفلة..مايش طفل نخص بالاخص طفلة ..أولا ..ثانيا عمرها 15 أو 16سنة ..والأهم من هذا الكل ..مقبلة على أهم مرحلة في حياتها *شهادة التعليم المتوسط*
أين المشكل بالضبط هل هو من الأسرة أو منا حنا كأساتذة و مربيين أو من المجتمع في حد ذاتو والعقل و الفكر الغربي اللي طغى علينا....
أنا والله بقيت حايرة أمام هذه الظاهرة اللي صراحة راهي جديدة في حصصي بالمؤسسة التعليمية....

 

[sima1980]

سلام
موضوع جميل حقاللنقاش وهي ظاهرة كثرت عند تلميذاتنا
خصوصا وهن على حافة bem
الله يستر و يعينكم يا أساتذة والله صح صعيبة انت تشرح و الغاشي في عالم خلاف

 

[ahlam02]

مانكدبش عليك انا نورمالمو استادة حضرت مرة وماوليتش بدلت المهنة سامحولي ربي معاكم مع هاد الجيل التافه إلا من رحم ربي.

 

[mohgladiator]

و عليكم السلاااام
ختي
الله اعلم حااجة كيما هك
مش نتوما اللي تتلامو عليها
الوااالدين ربي يهدييهم يرجع علييهم اللوم
باش يقوولو لــــولييدهم يروح يرااجع و يقرا
عادو هم يقوولو اليوم الماتش الفلاني و الكلاسيكو
اروااح اتفرج
ولا يقوولو فكرني كي يلحق الوقت
الشعب الدزيييري راح فيها
من عام طلعت الدزاير لكأس العالم
عادو كااامل لاعبييين و كامل مدربيين
وكاااااااااااااااااااااامل يعرفو للسبور
ربي يستر برك
​

 

[lemia]

ربي يكون في عونكم برك هدا جيل صعيييب ياسر

 

[ياقوتة الصحراء]

اييه ولات الجملة الشرطية كورة بين ميسي و رونالدو..... ربحت الدزاير ​

 

[virus2015]

كان الله في عونكم أختي
التدريس في هذا الوقت صعيب بزاف
ولي يخدم بضمير أكيد رايح يتعب

والمشكل أن بعض الأولياء ربي يهديهم
هوما بذاتهم مخصوصين تربية

كيما واحد الأب لي من المفروض القدوة
كي المعلمة شتكات من لباس بنتو غير المحتشم
تصورو واش قالها؟؟؟

قالها : بنتي أنا نشريلها الحوايج :down: :down: :down:
ربي يهدي الجميع
شكرا على الموضوع​

 

[ماكانش]

أهلا بيك مشرفتنا الكريمة
نتي في واد وهوما في واد هههه
المشكل ماتعرفيش منين
حتى لوكان الأسرة تربي المجتمع يفسد
مام ماعندهمش تيلي فالدار وماتتفرجش ليماتش وماتسمعش برونالدو بصح لبرا صاحبتها عندها ايفون تجيبلها فليفوطو ...
ماتقدري تقولي الدار ماتقدري تقولي المجتمع كاريثة وخالوطة وخلاص
​

 

[BARCA232]

السلام عليكم ورحمة الله تعالى وبركاته
هذا موضوع أمتـــــداد لموضوعي السابق أستاذتي
لقد اخطأت في تصرفـــــك،ماتخرجيش من القسم
كان واجب عليك حط النقاط على الحروف والصرامة مع التلاميذ
الكلمة الطيبة والمتابعة اللصيقة والدائمة
ماتنحطي في هذا الموقف
لي موضوع عتاب من طرف التلاميــــــذ عن التقصير في حقهم من طرفكم أساتذتنا
وليس الجميع يعني كان واجب عليك مواجهة الموقف لا الخروج
سأعود بإذن الله
​

 

[السلطانة]

وعليكم السلام

ياي انا لقيت طفلة سنة اولى متوسط ملصقتلي صور فاضحة تاع مغنية امريكية كون ماحكمتش في روحي نقطعهولها

:s

ياي كي خرجتي يعطيك الصحة يكون المدير تاعكم ناس ملاح لوكان حنا يبهدلك تبقالك حريقة في قلبك

نرجع لموضوعك

والله ياختي راهي كوارث كبيرة
التلاميد مخدرين تاع الصح
اضافة الى علاقات الحب والغرام
يتبعو تاني في ميسي ورونالدو
العايلة والمجتمع
وووو مالقيناش واش نقولو

نجاوبك على سؤالك
دورنا حنا كمربيين نقدمو درسنا +نصلحو سلوك التلميد في الحصة


.........................

تقبلي مروري

رد مزروب


​

 

[BARCA232]

عيشوش ناقشتك في موضوعي قلت ليك من بين التسيب الحاصل في المؤسسة
وهي هروب الأستاذ من المواجهة
لازم تواجه على الرغم من جيل اليوم جيل قبيح
لكن حتى الاستاذ إذا حضر الضمير تاعه والشخصية
والله يقدر يتحكم في الموضوع
++++++
وين راه المراقبة اليومية للدفاتر وماشابههـــا
رايح ندير فيكم حالة يالآساتذة
:graduation::regards02:
مي حاشى ماشي كامل
في وفي
​

 

[Yacine333]

آسمحولي خآوتي آلمشكل مآشي في آلآستآذ وألا آلأوليآء

آلمشكل في مجتمعآتنآ آلي آعطآت قيمة فآت عن كل آلحدود

لكرة آلقدم خآصة آلبرصآ وآلريآل ..

دمتم وشكرآ على طرح آلموضوع




​

 

[السلطانة]

عيشوش ناقشتك في موضوعي قلت ليك من بين التسيب الحاصل في المؤسسة
وهي هروب الأستاذ من المواجهة
لازم تواجه على الرغم من جيل اليوم جيل قبيح
لكن حتى الاستاذ إذا حضر الضمير تاعه والشخصية
والله يقدر يتحكم في الموضوع
++++++
وين راه المراقبة اليومية للدفاتر وماشابههـــا
رايح ندير فيكم حالة يالآساتذة
:graduation::regards02:
مي حاشى ماشي كامل
في وفي
​

:pحتى المساعدين يعطيهم الصحة
والله حنا معاونينا ضابطينهم
وفي القسم نخوفهم بالاستدعاء يخافو
المهم تمشي الحصة كما يجب ونلقاهم فهمو
كاين تلاميد الله غالب
والله ظروفهم تخليك تتراجع في قرارك ألف مرة
عندنا متخلفين عقليا هادو حالات خاصة متنجمش تجرحهم
تاني تلميدة متسمعش عندي تغيضني مسكينة ديما نعاودلها وحدها ويزيدو عليها التلاميد تحب تشارك وكي نقولها اقراي يبداو يضحكو عليها تتعقد هي
هنا واش دوري من غير ننصحهم وننبهم بعدم الاستهزاء بزميلتهم

مي عندي قسم لدرك مالقيتلوش حل
منين نردعهم حصة زوج يرجعو لعوايدهم
واحد في الفرض هز يدو قالي استادة جارنا سرقولو 48 مليون
دارلي شلل جزئي:s

ملاحظة: دفتر النصوص+الكراس اليومي
غير هوم لي مننساهمش :p

 

[سمسم السمسومة]

انا شخصيا راني نخمم في un autre projet q التعليم.....هدا هو الجيل لي راح يزيد يعقدها كثر و اكثر..ربي يجيب الخير..

 

[بنت الـ25]

هزيت حوايجي وخرجت في وسط الحصة-بكل روح رياضية-

كيفاش عندك روح رياضية وانتي ضد ميسي ورونالدو
هههههههههههه :p
نضحك برك :d

///

بون نقولك زوج أمور ختي لعزيزة
لبنات تع درك راح من وجهم لحياء نكان المفروض يأجلو العركة لبعد الدرس
ونوغمالمو انتي كي سقسيتيهم ما يقولولكش وش صارا
صحانيت لوجه تعهم خلاتني مشوكية وبصراحة لي مراض بهذا الأمور ويحبو يبينو بلي راهم
انتيغيسي بالبالون وأحداث الساعة يجيوني كواvـا :down: ومتخرجش عليهم
لا علينا
ونرجعو للمهم
انتي غلطتي كي خرجتي من القسم كان الأجدر تفرزيهم تم تم
تطراسيلهم زوج كفوف على خدودهم
وتخرجيهم وتبعتيهم للإدارة يحكمهم المراقب العام يديرهم طوط عالحيوط
وتكملي الدرس عادي سينو وش ذنب التلاميذ لوخرين يروحو بين الرجلين
هكدا لبنات هدوك الزوج يترباو ويربيو معاهم الباقيين ويكونو عبرة لمن يعتبر
ومن جهة اخرى يوليو يهابوك

هذا رأيي الشخصي
المربي لازمو يكون صارم مش دايما مي في أوقات معينة

انتي راكي رميتي الكرة في ملعبهم
علاه؟
خاطر كي خرجتي المرة هادي
أوطوماتيكمو لجاية رايحين يتفرعنو كتر بارسكو علابالهم رايحة تلمي دوزانك وتخرجي ككل مرة
وتما مراحش تقدري تسيطري عليهم من جديد سيغتو مع العام مزالو طويل
////
الجيل تع درك جيل التكنولوجيا والأيفون ربي يعينكم عليه برك

سلامي

​

 

[حكايا الورد]

عيشوش ناقشتك في موضوعي قلت ليك من بين التسيب الحاصل في المؤسسة
وهي هروب الأستاذ من المواجهة
لازم تواجه على الرغم من جيل اليوم جيل قبيح
لكن حتى الاستاذ إذا حضر الضمير تاعه والشخصية
والله يقدر يتحكم في الموضوع
++++++
وين راه المراقبة اليومية للدفاتر وماشابههـــا
رايح ندير فيكم حالة يالآساتذة
:graduation::regards02:
مي حاشى ماشي كامل
في وفي
​

السلام عليكم

أخي انا لم اهرب من المواجهة ولكن هذا المشكل بالذات أول مرة يحصل معايا
والمشكل انو صراو مشاكل من قبل و لكن كان بعد ما نكمل الدرس
وحد المرة بعد ما خلصت الدرس كانت طفلة و طفل يتراسلو بلي ميساج فالبورطابل و الضحك وكلش
ولكن بعد انتهاء الدرس هادو الحوايج ولاو عادي جدا
بصح فالدرس فالجملة الشرطية
انا يا اخي والله تشوكيت علاه الكذب مالقيتش روحي خلاص
وبعد ماخرجت درتلهم استدعاء للام على خاطرش انا نحب نكلم الام لانها هي المسؤولة بالدرجة الاولى
وارواح تسمع واش قاتلي:
ايه خلعتيني قلت كاش حاجة خلاف ....ايه واش تحبي اي صغيرة المهم كي جات هاكا مالش حاجة خلاف
هيا قولي انت ماتروحش تلوح روحك من كانش مرتفع كاينة حاجة اكثر من هاك

​

 

[حكايا الورد]

:pحتى المساعدين يعطيهم الصحة
والله حنا معاونينا ضابطينهم
وفي القسم نخوفهم بالاستدعاء يخافو
المهم تمشي الحصة كما يجب ونلقاهم فهمو
كاين تلاميد الله غالب
والله ظروفهم تخليك تتراجع في قرارك ألف مرة
عندنا متخلفين عقليا هادو حالات خاصة متنجمش تجرحهم
تاني تلميدة متسمعش عندي تغيضني مسكينة ديما نعاودلها وحدها ويزيدو عليها التلاميد تحب تشارك وكي نقولها اقراي يبداو يضحكو عليها تتعقد هي
هنا واش دوري من غير ننصحهم وننبهم بعدم الاستهزاء بزميلتهم

مي عندي قسم لدرك مالقيتلوش حل
منين نردعهم حصة زوج يرجعو لعوايدهم
واحد في الفرض هز يدو قالي استادة جارنا سرقولو 48 مليون
دارلي شلل جزئي:s

ملاحظة: دفتر النصوص+الكراس اليومي
غير هوم لي مننساهمش :p

السلام عليكم
والله كيما قلت يغيضو برك اللي حابين يقراو
انا والله دايما نتراجع غير في جالهم
والله يا ساندريلا ولات الرحمة في الاولاد خير من البنات صححت الكراريس تاع الاولاد رحمة ربي
وتاع البنات ارواحي تشوفي هادا رونالدو هادي اليسا و شاكيرا
والله كرهنا مع الجيل هادا​

 

[حكايا الورد]

كيفاش عندك روح رياضية وانتي ضد ميسي ورونالدو
هههههههههههه :p
نضحك برك :d

///

بون نقولك زوج أمور ختي لعزيزة
لبنات تع درك راح من وجهم لحياء نكان المفروض يأجلو العركة لبعد الدرس
ونوغمالمو انتي كي سقسيتيهم ما يقولولكش وش صارا
صحانيت لوجه تعهم خلاتني مشوكية وبصراحة لي مراض بهذا الأمور ويحبو يبينو بلي راهم
انتيغيسي بالبالون وأحداث الساعة يجيوني كواvـا :down: ومتخرجش عليهم
لا علينا
ونرجعو للمهم
انتي غلطتي كي خرجتي من القسم كان الأجدر تفرزيهم تم تم
تطراسيلهم زوج كفوف على خدودهم
وتخرجيهم وتبعتيهم للإدارة يحكمهم المراقب العام يديرهم طوط عالحيوط
وتكملي الدرس عادي سينو وش ذنب التلاميذ لوخرين يروحو بين الرجلين
هكدا لبنات هدوك الزوج يترباو ويربيو معاهم الباقيين ويكونو عبرة لمن يعتبر
ومن جهة اخرى يوليو يهابوك

هذا رأيي الشخصي
المربي لازمو يكون صارم مش دايما مي في أوقات معينة

انتي راكي رميتي الكرة في ملعبهم
علاه؟
خاطر كي خرجتي المرة هادي
أوطوماتيكمو لجاية رايحين يتفرعنو كتر بارسكو علابالهم رايحة تلمي دوزانك وتخرجي ككل مرة
وتما مراحش تقدري تسيطري عليهم من جديد سيغتو مع العام مزالو طويل
////
الجيل تع درك جيل التكنولوجيا والأيفون ربي يعينكم عليه برك

سلامي

​

السلام عليكم
شفتي الحياء تاع دوك والله واجهوني كي شغل راهم عندهم الحق
بالنسبة للخروج مانكذبش عليك كنت نغلي و خفت لا ندير حاجة على هادي خرجت عند مستشار التربية و درت الاستدعاءات فورا
ربي يستر برك
​

 

[حكايا الورد]

كان الله في عونكم أختي
التدريس في هذا الوقت صعيب بزاف
ولي يخدم بضمير أكيد رايح يتعب

والمشكل أن بعض الأولياء ربي يهديهم
هوما بذاتهم مخصوصين تربية

كيما واحد الأب لي من المفروض القدوة
كي المعلمة شتكات من لباس بنتو غير المحتشم
تصورو واش قالها؟؟؟

قالها : بنتي أنا نشريلها الحوايج :down: :down: :down:
ربي يهدي الجميع
شكرا على الموضوع​

السلام عليكم
هذا هو المشكل الأولياء باش يتعاونو معانا يد في يد راهم هوما اللي يشجعو في ولادهم
انا شخصيا صرا هادا المشكل معايا وحد الأم قلتلها لبس بنتك ماهوش يعجب قاتلي اني كبيرة و نعرف صلاحي بنتي راهي تلبس واش نشريلها.... يا مدام بنتك راهي صغيرة بزاف بزاف على هاد اللبس ومادامني قتلك ماهوش مليح يعني ماهوش مليح ..هيا واش تتصرف هنا ...يعني راهي تبارك لبنتها فاللبس هادا,,يا والله صاري العجب فالمؤسسات التعليمية الله يرحم التعليم

​

 

[حكايا الورد]

أهلا بيك مشرفتنا الكريمة
نتي في واد وهوما في واد هههه
المشكل ماتعرفيش منين
حتى لوكان الأسرة تربي المجتمع يفسد
مام ماعندهمش تيلي فالدار وماتتفرجش ليماتش وماتسمعش برونالدو بصح لبرا صاحبتها عندها ايفون تجيبلها فليفوطو ...
ماتقدري تقولي الدار ماتقدري تقولي المجتمع كاريثة وخالوطة وخلاص
​

اهلين يا أخي
ان شاء الله احوالك بخير
صح ماعرفناش وينو المشكل بصح الحالة والله ماتعجب راهي مخلطة


​