واش رايكم في.........

[سمسم السمسومة]

بلا منطول عليكم قصدني وليد عمي باه نسلفلوا دراهم ...مقدرتش نهز من لابوست عطيتو _لاكارت مانيتيك_ تاعي باه يهز بيها و خلاها عندوا تلاقيتوا هديك النهار قتلوا اعطيهالي راهي دخلت لاباي....وكي العادة درت لافوار باه نشوف كشما نقصولي هاد الشهر و ادا بي نلقا....(52الف)....كي زدت شفت لقيت بلي السلاك تاعي تهز..معليش...عيطت لوليد عمي قوتلوا نتا هزيتها قالي لالا قتلوا شكون قالي لاكارت كانت عند صاحبي قالي كوبي درك نعاودلك..شوي عاودلي قالي محبش يهز عليا..دبرت شوي دراهم من جهة أخرى و هو درب النح على لحكاية زدت عيطتلوا اليوم باه يفهمني قالي كاين منها هو لي هز الدراهم..قتلوا هو شكون عطاه الكود تاعي قالي نهار معطيتيهالي و عيطتلك باه تعطيني الكود كان معايا هزوا...والله يا خاوتي مارهم غايضيني الدراهم غايضتني الجاست..كيفاه انا درت فيه الثقة و هو عطاها لغيروا...والصراحة مقدرتش تدخل لراسي صاحبو يهز الدراهم بلا ميقولوا.....وقولولي دركا واش ندير..

 

[ماكانش]

أهلا بيك اختي الكريمة
كاريثة
أولا
الغلطة تاعك ألي مديتي لاكارت مانيتيك تاعك
هاذي حاجة شخصية ماتتمدش إلا لباباك ولا لخوك كي يكون راجل
ثاني
مانقدرش نتخيل روحي نعيط لبنت عمي ونسلف عليها دراهم ؟؟؟؟؟؟؟؟؟؟؟؟
نسرق ناgريسي وماتسلفليش بنت عمي
ثالثا
أكيد هوا ألي زاد هز الشهرية الثانية تاعك ولصقها في صاحبو
ولا قادر يكون صاحبو ألي هزها لنو يبان هوا وصاحبو ماهمش رجال واسمحيلي على التعبير هذا
واش علاقة صاحبو بلاكارت مانيتيك تاعك وعلاه عطاهالو ؟؟؟؟؟؟؟؟؟؟؟؟
فيلمات تاع لولاد الصغار لقاك نتي نية راهو يحكيلك فيهم
جيبي لاكارت تاعك والغلطة ماتعاوديهاش ختي

الله غالب نتقلق كي نقرا مواضيع على ناس كيما هاذو
​

 

[سمسم السمسومة]

قصدني قالي عندوا دين لازم يسلكوا و انا محبيتش نردوا و مادامني قادرة علاه نبخلوا...صح ندمت تاع الصح على خاطر طاح من عيني تاع الصح...شكرا اخي على الرد

 

[غزاوية و افتخر]

اسمحيلي اختي نتي نية بزااااااااااااااااااااف لوكان حتى خوك يجي يسلف من عندك و ما تمديلوش نصيحة مني خطراكش في هذي الدنيا ما تديري ثقة حتى ف راجل غير باباك لانو غير هو لي يستاهل .....و صراحة لاكارت ديالي نمدها غير ل بابا رغم انو ما ياحذ من عندي و لا دينار اما الناس تانيين فيطمعو فيك تقبلي مروري​

 

[إلين]

ياختي النميرو هاداك خآآآص جدآآ وسري
مافهمتش كفآآش مديتيهولو
خلآآص لي فآآت خرج الدرآآهم أنسآآي الموضوع
وهنا إسمحيلي تولي نتي الغآآلطة مآآشي هو..
بدلي الرقم وماتزيديش تمديه
الثقة مآكآآشها دوكة

ربي يخلف عليك إنويهم صدقة وفرآآت​

 

[بنت الـ25]

شوكيتيني بحكايتك سمسومة؟
والله الشي لي درتيه انتي موحال يصرا
أولا نحيي روحك الطيبة وحبك لمساعدة الناس والأقربين منهم
وثانيا ولد عمك قصدك يسلف وهدا مشي عيب
العيب لي دارو صاحبو لا ثقة لا هم يحزنون
واسمحيلي لاكان قتلك ممكن يكونو متفاهمين عليك شافوك نية صحروك في لاباي تاعك
السذاجة ممكن تدينا للهاوية وانتي غلطتي كي مديتي لاكارط مانييتيك تاعك
هادي حاجة très personnel وانا شخصيا حرت كيفاش مديتيهالو
خوك اللي هو خوك ديفوا متديريش فيه لامان بارسكو النفس أمارة بالسوء
انتي الدراهم لي راحو انساي لاكان يرجعو
وكلي عليه ربي اللي داهم
ومتزيديش تتكلحي كيما هكا ؟
​

 

[Adel Sereir]

----------
​

 

[la_safa]

السلآم عليكم ..

اختي نورمآلمون رآكي علآبآلكـ بلي رآنآ ..
فِ زمآن انعدمت فيه الثقة ..
ووآحد مآعآد يقدر الخير تآع لوخر ..
مهمآ وش تديري .. و رآكي جربتي و شفتي ..
تجي تديري الخير تحصلي

~
​

 

[قناص الغرام]

هذا ولد عمك دار كيما هك مالا اختي ماتغيضكش كي تجيك من واحد براني
الله غالب الدنيا راحت سمسومة الثقة ماعادش
تقدري تعطيني لاكارت مانيتيك حتى انا نجبد راهي الشهرية مازال مطولة
هههه
​

 

[سمسم السمسومة]

وين راه المشكل..نعطيك لا كارت و الشاك و نزيدلك الدراهم مدورش عليا برك...على خاطر35000 لي داهم راهم خلاصو...لمرة الجاية كي طيح بيه مكان لاه يديرني في بالو..............................................................................................................................................

 

[fufa22]

مازال كاين لي نية كيما هاكا ’؟؟ الله يبارك​

 

[سمسم السمسومة]

يبارك فيك....

 

[أم عبد الله]

ضاعت الثقة يااختي

 

[منايا الجنة]

مالغري وليد عمك ماشي حتى تعطيلو لاكارت يا اختي الغلطة راهي منك لوكان خرجتي انت دراهم و سلفتيلو على كل حال ربي يصلح الاحوال

 

[لمسة من الماضي]

ما عساني اقول لك اختى و قد قيل ما فيه الكفاية من قبل الاخوة

و الله انت نية و اصبحت الثقة معدومة في البعض

لكن ما زال هناك من هم اولى بالثقة و النية التى تركتك تقدمي بطاقتك لا تحتاري فيها لان كيما قلت لك ما زال هناك ناس مخلصين و نيتك الصادقة لا تغيريها و لا تجعليها لكل من هب و دب

المهم الغلطة صارت و الحمد لله فقدان دراهم و لا يء اعظم

حاولي تسترجعي بطاقتك بهدوء و حاولي تغيري الرقم ان امكن و من جهة حرصي و لا تمتنعي على فعل الخير لكن اعرفي الطريقة الصح

و الله يعوضك خير

 

[عازفة الاحزان]

ياأختيـ جاتـ فيـ الدراهمـ

المهمـ عرفتـ معدنـ وليد عمكـ

غضتينيـ خيتو

المرة الجاية ديريـ حسابكـ

وهذيـ الغلطة أتعلميـ منها
​

 

[largo19]

بكل صراحة أختي .. نقلّك ما كان لا صاحبو لا والو !!!!!!!!! هاذاك را كومبلس معاه و خدموها كيفكيف ولعبوها عليك .... ربي يخلف عليك أختي

 

[ام أمينة]

سبحان الله
رانا في وقت الثقة فيه نقصت
هاد المرة فاتت المرة الجاية ديري حساباتك مليح قبل ما تديري اي حاجة
تحياتي
​

 

[قناص الغرام]

وين راه المشكل..نعطيك لا كارت و الشاك و نزيدلك الدراهم مدورش عليا برك...على خاطر35000 لي داهم راهم خلاصو...لمرة الجاية كي طيح بيه مكان لاه يديرني في بالو..............................................................................................................................................

الله غالب سمسومة جيت نخلص اكثر منك 52000 :p كون جيت نخلص اقل منك نديهم

كي يخصك راني هنا
مرسي اختي
:regards01:
​

 

[سمسم السمسومة]

لاكارت جبتها و راني درت طلب باه نبدل الرقم السري تاعي...وليد عمي تلاقيتو لبارح و حبيت نفهم لحكاية وجها لوجه مقدرش يحط عينو في عيني..منعرف حشم منرعف خاف يحط عينو في عيني و نكشفو بلي كدب عليا....قالي دراهمك درك نرجعهملك متوكليش عليا ربي بك و بيضي قلبك....و الصراحة انا بيني و بين روحي قلت_اللهم من اراد بي سوءا فاجعل تدبيره في تدميره_ merci bien ليكم كامل ....و راني هنا كشما حتجتوا قولولي برك...ولي قالي كي يخصك راني هنا نقولوا..........هات لي عندك كامل........