حصريا وخاص باللمة حلوة البابا من مطبخي

[رضوة الجزائرية]

اليوم احبتي جبت ليكم حلوة البابا لي صنعتها بنفسي وخاصة بالمنتدي
المقادير
25غ سكر زوج ملاعق سكر
درة ملح
100ملل ماء دافي انا عملت تقريبا كاس ماء
ملعقة كبيرة خمارة العجين
2 ملاعق زبدة دايبة
2 بيضات
وكاس ونصف فرينة
الشربات
هي حسب الدوق عملي شربات عادي او ضيفي عليه الفاكهة لي حبيتها المهم انا عملت بالشربات او السيرو بالبرتقال
الطريقة
تخلط كل المقادير السائلة تم تضفي الفرينة مع العلم تكونو دوبتي الخميرة بالماء الدافئ وتتحصلي على عجينة سائلة بصح ثقيلة على عجينة البغرير وتبدي الضربي فيها بيدك تقريبا 5د :$اسفة هي تطولي بزاف ولا تعملي العجانة بصح يدي وجعتني برك عملت 5د
المهم تدهني القوالب وتوضعي العجينة فيها ومين تكوني تهزيها الاحسن استعملي الزبدة

ماتوضعيش بزاف لانها رايحة تخمر
طريقة التخمير توضعي الماء فالفرن وتسخنيه حتى يطلق البخار وتطفي بعدها لما تشوفي السخونة معتدلة تحطي القوالب تخمر مدة 45د بما انو قوالب نتاعي صغيرة
بعدها تتنفخ
توضعها بفرن درجتو 170د رجة وتخليها 45د قيقة هي حسب الفرن انا نتاعي سخن بزاف ورفعتها بزاف على النار مين تخرج
شربها مليح المرة الاولي وبعدها عاودي الكرة بزاف حتي تشرب البابا لازم تكون طرية بزاف
صحة وعافية بصحتكم خواتاتي



​

 

[la_safa]

يمممم بآينة هآيلة فِ الطعم ..
يعطيكـ الصحة اختي رضوة ~
​

 

[ندى الورود]

يعطيك الصحة اختي خرجولك هايليين
بانتظار جديدك
ينقل الموضوع الى ركن وصفات الحلويات الحصرية و المجربة​

 

[رضوة الجزائرية]

خواتاتي الديكور لي حيبتوه عملوه اما بالشكلاط ولا الكريمة او الفواكه ممكن في العجينة تعملو الفواكه لي حبيتها المهم شربها السيرو مليح امانة شربها حتى تشبع اللدة مين تكون شاربة السيرو ماشي الخمرة ههههههههههههههههه روعة نحبها بزاف جربوها وردو عيليا ​

 

[SAMIRA25]

بارك الله فيك اختي

 

[àMoµNà HàBoBà]

الله يعطيكـ الصخ‘ــة ح‘نونة
تشهي
في انتظآآآآر المزيييد منكـ
​

 

[serinee]

بارك الله فيكي حبيبتي جاوك يهبلو
​

 

[رضوة الجزائرية]

جاو هايلين لي تحب الناشف مثل امي ماتشبهم السيرو ولي يحب لحلاوة مثلي يعطيهم السيرو بصح دوقهم هايل مشكورين على الردود​

 

[نبض الحياة]

يعطييييييييك الصحة يآ الشآطررة
يهببل
شكرآآ​