خطر يحوم على الأسرة ..

[أم راضية ~_]

ان شاء الله راكم ملاح؟؟؟
---
في كل بيت كاين لاتيلي و تقريبا كاين في كل دار ميكرو وعن قريييييب رح يكون الانترنت كيما الكوزينة لازمة فالدار..

وكي نقولو لاتيلي نقولو برابول و لي شان بزااف و خير واختار و تضياع الوقت و البعد بين افراد الاسرة
كل واحد واش يحب يشوف و كاين برامج ما تتشافش مع العايلة و حتى وان كانت مستوى و فيها فايدة
لازملنا غض البصر ولا صم الأذن باش ما نسمعوش المياعة و ما نشوفوش هاديك اللبسة و هادوك لي جاست و هاديك الهدرة المايلة ...

دونك لازم كل واحد تيليفيزيون وحدو يشوف واش يحب و يتحمل مسؤوليتو وحدو
وراهي ديجا دوكا 3 تيليفزيونات فالدار الوحدة

والمشكل ماهوش غير فاضرار لاتيلي و لا الانترنت -الي ماهوش موضوعي اليوم-

*وإنما راهو فالتباعد الاسري الي يكون من ورا هاد التكنولوجيا وجهل الانسان في التعامل معاها
----هل كاين جزائري او اسرة جزائرية تحترم كيان الاسرة و تبعد او تقلل كل حاجة تقدر تدير فيها فجوة و تعمل فيها فراااغ ؟؟؟

لوكان تولي ليا في لي شومبر ماكانش ني لاتيلي ني لميكرو ني والو
و تيليفزيون واحد برك و كل واحد و وقتو , ولا يتفاهمو يشووفو كامل كيف كيف
من جهة يتلمو على حاجة و يجتمعو و يشبعو من بعضاهم
و من جهة اخرى والي هيا الأهم باش ينقصو من كوارث المعاصي الي رانا نديرو فيها من لاتيلي و الميكرو ...
و من جهة أخرى شوية اقتصاد ياك المعيشة غالية و التريسيتي تانيت

إن شاء الله وصلت الفكرة
وادا ما وصلتش رانا هنا نوصلوها لحتى باب الدار .. :d
ومرحبا بتعليقاتكم و اقتراحاتكم
---
واللهم صل على محمد وعلى آله و صحبه والتابعين ​

 

[أم راضية ~_]

شكرا لاعتماد الموضوع :regards01:​

 

[إلين]

كل وقت ووقتو يعني زمآآآن كآآنو النآآس تبانلهم هذيك رآآهي معيشة مي دوكة
ماتقدريش تمنعيهم كل وآآحد ولا يقلك نحوس على تلفزيون وحدي ونت وحدي ولاب توب وحدي...
التكنولوجيآآ كل يوم تزيد وتتطور وكل ماطورت
كل ماتباعدنآآ أكثر على بعضآآنآآ سيرتو النت حبيبتي الوآآحد ولا يهدر ومش يهدر
يعني رآآني نهدر معآآك كي رآآني نرد عليك مي نبآآن سأأكتة قدام بابا وماما
الوآآحد يلزم ينظم روحو وقتآآش يدخل للنت ووقتآآآش يقعد يتفرج
كآآين أمور نحب نتفرجهآآمع بابا وماما وكآآين أمور نحب نتفرجهآآ وحدي كما المسلسلات التركية:d
الله غآآلب صحينآآ لقينآآ أرواحنآآ في هذ الوقت يلزم نعيشوه
مي نعرفو كفآآش نعيشوه يعني مانمرقوهاش ونبأألغو في تصرفآآتنآآ واستعمآآلنا للتكنولوجيآآآ
شكرا اخيتي على الموضوع

 

[بنت الـ25]

عجبني الموضوع لي عودة
​

 

[hadil2044]

عندك الحق
ومشكووووووووووووورة على الموضوع الاكثر من رائع
​

 

[mohgladiator]

انا الصرااحة
والله ملي ندخل للدار
دييييراكت للبيسي
هههههههههه
عارفها مش ملييحة
مي اله غاالب
ماكاش البدييل
نقعد مع الدار نشوف التيلي
اسمحييلي فيها مابقااش تيلي
ندير لخبار غي اخبار الهم نلقا
ندير فيلم وثائقي نلقاه معاود
ندير فيلم نورمال
ملي يبداو و هوما احبك وتحبني
و خنتني وووووو
فيلم اكشن اجنبي
لا راحتلك منو لقطة يتلفلك الفيلم
والله يا ختي كلللللش سمااط
الواحد عاد هات يفوت النهار برك
...................

موووضوع شباااب ختي
++
​

 

[سمسم السمسومة]

كاينة منها كي كنا صغار كنا نتلموا مع والدينا و نشوفوا برنامج واحد...التكنولوجيا جابت معاها هاذ الانقسام ..كبرنا و كل واحد فينا رجع عندوا ميول لحاجة معينة و كل واحد يحوس على الخصوصية تاعوا...

 

[ЯǾᵯẫḭṧşẰ]

 

[بنت الـ25]

رجعتلك يلدز
تعرفي قبيل برك يما عقابي قاتلي انتوما بسبة هاد التريكة مبقيتوش تقعدو مع بعضاكم
تقصد الميكرو :$
وعندها الحق
هاد التكنولوجيا صح مليحة مي عندها سلبيات وديفوا سلبياتها اكثر من ايجابياتها
خاصة إذا لم نحسن استعمالها أو استعملناها بإفراط
القضية قضية تقسيم وقت
وقت للعايلة ،، وقت للترفيه سواء تفريجة فالتيلي ولا قعدة فالنت
والإنسان هو لي بيدو يحقق هذا التكامل
تحياتي لك
​

 

[أم راضية ~_]

كل وقت ووقتو يعني زمآآآن كآآنو النآآس تبانلهم هذيك رآآهي معيشة مي دوكة
ماتقدريش تمنعيهم كل وآآحد ولا يقلك نحوس على تلفزيون وحدي ونت وحدي ولاب توب وحدي...

ما اختلفناش على هادي وماناش ضد هادا وانما رانا ضد مخلفات هاد الشي
​

التكنولوجيآآ كل يوم تزيد وتتطور وكل ماطورت
كل ماتباعدنآآ أكثر على بعضآآنآآ

هادا هو الي راني نهدر عليه
​

سيرتو النت حبيبتي الوآآحد ولا يهدر ومش يهدر
يعني رآآني نهدر معآآك كي رآآني نرد عليك مي نبآآن سأأكتة قدام بابا وماما

الوآآحد يلزم ينظم روحو وقتآآش يدخل للنت ووقتآآآش يقعد يتفرج

ايه هادا حل مليح​

كآآين أمور نحب نتفرجهآآمع بابا وماما وكآآين أمور نحب نتفرجهآآ وحدي كما المسلسلات التركية:d

ايييييييه وهادا سوجي وحدوخر ​

الله غآآلب صحينآآ لقينآآ أرواحنآآ في هذ الوقت يلزم نعيشوه
مي نعرفو كفآآش نعيشوه يعني مانمرقوهاش ونبأألغو في تصرفآآتنآآ واستعمآآلنا للتكنولوجيآآآ
شكرا اخيتي على الموضوع

هادي هيا ماشي نعيشو ونتعمقو في متطلبات وقتنا و ننساو الحاجات لوخرين الاهم دنيا وآخرة
الشكر ليك على المرور والردّ
​

 

[أم راضية ~_]

عجبني الموضوع لي عودة
​

اهلا بيك​

رجعتلك يلدز

اهلا بيك للمرة الألف ^^
​

تعرفي قبيل برك يما عقابي قاتلي انتوما بسبة هاد التريكة مبقيتوش تقعدو مع بعضاكم
تقصد الميكرو :$
وعندها الحق

بيانسور عندها الحق متلا دوكا ديكونيكتيت قبيل شوية رحت لقيت كل واحد مبرونشي مع ميكروه و ماما و بابا مع لاتيلي عاودت وليت للميكرو ما بيد يجي خويا لوخر يريح فيه نطير انا نرقد ما وليناش نتلاقاو وقللييييل الي ما حكمتش عليهم النت هكدا
​

هاد التكنولوجيا صح مليحة مي عندها سلبيات وديفوا سلبياتها اكثر من ايجابياتها
خاصة إذا لم نحسن استعمالها أو استعملناها بإفراط

صح وهادا الي كامل نعرفوه بصح شكووون يطبق؟؟
​

القضية قضية تقسيم وقت
وقت للعايلة ،، وقت للترفيه سواء تفريجة فالتيلي ولا قعدة فالنت
والإنسان هو لي بيدو يحقق هذا التكامل

اييييه ويد وحدة ما تصفق لازم تانيت يكونو عارفين روحهم و عارفين بالغلطة وين
​

تحياتي لك
​

يعطيك الصحة مينات :regards01:
​

 

[أم راضية ~_]

عندك الحق
ومشكووووووووووووورة على الموضوع الاكثر من رائع
​

نتمنى تكوني استفدتي منا ماشي ضيعتي معايا وقت باطل كنتي قادرة تجوزيه مع العايلة على مائدة تاع تاي و جوز هههههه ^^
صحيتي هدووولة​

 

[أم راضية ~_]

انا الصرااحة
والله ملي ندخل للدار
دييييراكت للبيسي
هههههههههه
عارفها مش ملييحة
مي اله غاالب

مليييييح كي راك مستعرف
​

ماكاش البدييل
نقعد مع الدار نشوف التيلي
اسمحييلي فيها مابقااش تيلي
ندير لخبار غي اخبار الهم نلقا
ندير فيلم وثائقي نلقاه معاود
ندير فيلم نورمال
ملي يبداو و هوما احبك وتحبني
و خنتني وووووو
فيلم اكشن اجنبي
لا راحتلك منو لقطة يتلفلك الفيلم

وشكون قالك البديل غير فالاتيلي؟؟!!! لالا ماشي شرط , تقدر الأسرة تجتمع يقعدو يقصرو مع بعضاهم
يقصر الأخ مع أختو كيما يقصر في مواضيع المنتديات و يكومونتي على أفكارها و حكاياتها كيما يدير فالفايس , قادر الأب يحكي مع وليدو على أمووووور كتيييرة , قادرة يماهم تحكيلهم و تعطيهم عفايس يفيدوهم والأمتلة كتيييرة و كل أسرة و طموحها ​

والله يا ختي كلللللش سمااط
الواحد عاد هات يفوت النهار برك

هنا لازم نحبسو شوية وعلاش سماطت الحالة؟؟؟؟ كاين كلش عندنا كلش كاين فاش نحكيو
انا نقولك سماطت الحالة على خاطر بعدنا على بعضانا على خاطر الواحد منا يخمم بلي والديه و خاوتو و خواتاتو دايما اون لين توجور فالخدمة كلما يتفكرهم يلقاهم , مي نسينا بلي كاين حاجة اسمها الموت ​

...................

موووضوع شباااب ختي
++
​

صحيت على الرد والتقييم
​

[/color]

 

[أم راضية ~_]

كاينة منها كي كنا صغار كنا نتلموا مع والدينا و نشوفوا برنامج واحد...التكنولوجيا جابت معاها هاذ الانقسام ..كبرنا و كل واحد فينا رجع عندوا ميول لحاجة معينة و كل واحد يحوس على الخصوصية تاعوا...

ايه ماناش ضد الاختلاف فالميولات و الاختلاف فالآراء وكلش مي رانا على الخصوصية هادي و الفردية الي طاحت علينا هكدا!!!! مهما اختلف الانسان على اهلو لازم دايما كاين امور تربطو بيهم العلاقة الأسرية الي ما تتمحاش ما تتنساش ما تخفش قوتها باختلاف فالميول ولا ضيق الوقت ولا وجود بديل من نت و تيلي و غيرها .. المهم شكرا على المرور والرد
​

 

[أم راضية ~_]

صحيتي مي حبيت لوكان هدرتي شوية ’ حبيت لوكان شفنا خط يدك و سطور تعبر عن رأيك مي شكرا على كل حال :-r​

 

[قناص الغرام]

عندك الحق
مشكور على الموضوع
​

 

[**خاطب الحور**]

من جهة يتلمو على حاجة و يجتمعو و يشبعو من بعضاهم
و من جهة اخرى والي هيا الأهم باش ينقصو من كوارث المعاصي الي رانا نديرو فيها من لاتيلي و الميكرو ...
و من جهة أخرى شوية اقتصاد ياك المعيشة غالية و التريسيتي تانيت


ما شااء الله كلاااام في القمة والله و شااامل

وكل لي صاري في وقتنا مصدرو الاستصغاار , كلش نقولو عيله معليش


موسيقى عري رقص حظن ولاو عااادي حتى الزنا و الخمر و النميمة و السرقة و تفرقة و و و ,,,,,

ولاو بأسامي

خــــــــــــــفااااف

نسمعوهوم يوميا ,, رغم انهم اكبر الكبائر و شكون لي صنفهوم ؟ خالقنا سبحاانوو لي عايشين لعبادتو وفقط




الله يجااازيك كل الخير

 

[أم راضية ~_]

عندك الحق
مشكور على الموضوع
​

وما عندك حتى اقترااح ؟؟؟
مشكور على الرد والمرور :regards01:​

 

[00 جمانة 00]

السلام عليكم
و الله غير عندك الحق ,, عندي مدة و انا نخمم في هذا التشتت اللى ألمَ بأسرنا و انتي ذكرتي أهم الاسباب اللي هي التلفزيون 2-3 في المنزل الواحد و سورتو النت و المصيبة الكبرى الويفي !!!!! و خصوصا لا الدار كبيرة و كل واحد الغرفة تاعو
معادش كاين تحاور بين أفراد الاسرة يعني في بلاصت باش تقسر مع باباك و امك تدخل تشاتي مع اصحابك في الفيس بوك ,, بلاك تصرى أحداث لأخوك و أنت لا تدري عنها شيئا و بلاك ماتشوفوش خلاص حتى يجي وقت النوم
و الحلول في رأيي هي أنو تكون تلفزة واحدة في البيت و كل واحد وقتو و النت كيف كيف و العايلة لازم تخصص أوقات لتجتمع سواء كان على مائدة الطعام و لا في السهرة الكل يجتمعوا في الصالون و يقسرو شويا و لا يشوفو كاش حاجة تصلح في التلفاز الكل مع بعض يعني علابالي حاجة صعيبة لاخاطاش كول واحد وشغالاتو مي لازم تسيو نطبقوها قدر المستطاع
و ربي يوفق الجميع و يجمع شمل الأسر و يقوي الصلة بيناتهم

 

[nina usma]

تامني بربي ختي خاوتي من السمانة للسمانة باه نشوفهم و عايشين فدالر وحدا مي الله غالب و تمشي الرياح بما لا تشتهي السفن هدي هي التكنولوجيا
​