طاجين الشوفلور بطريقة جديدة و لذيذة

[ام وليد و ايوب]

الطريقة
خدي صدر دجاج انزعي منه العظم و ارحيه
خدي اربع او خمس زهرات شوفلور اغسليهم و ارحيهم
خلطيهم مع الدجاج المرحي و زيدي مغرفة فرينة
دبشة مقطعة رقيقة
ملح
فلفل اسود
راس الحاوت
ثوم
بيضة
اعمليهم كريات كبيرة شوي

رمديهم في الفرينة و حطيهم في الثلاجة
في طنجرة حطي العظم نتاع الصدر الي نزعتيه
ملح بصل مفروم و ثوم
زوج ورقات رند او غار
فلفل احمر مرحي
دبشة مقطعة وزيت

فوق نار ضعيفة خليها تتقلى

خدي شوي طماطم مصبرة دوبيها في شوي ماء مغلي و ضفيها للطنجرة

ممبعد امرقي بماء مغلي

حدي اربع او خمس حبات بطاطا متوسطة قشريها و اغسليها و قطعيها على اربعة
سخني زيت و اقليها
ضفيها للمرق
في نفس الزيت اقلي كريات الشوفلور و ضفيهم للمرق و خليه حتى يتشرب
صحتين و هناء

 

[sou sou ta]

وصفة تشهي
لاتبخل علينا بمواضيعك المميزة ...
​

 

[ام وليد و ايوب]

شكر اختي تسلمي

 

[لمسة من الماضي]

شكلها يشهي

تسلم الايادي

استفسار : الشفلور تغليه و الا ترحيه اخضر

و الدبشة ؟؟؟ ما عرفتها

 

[dahbia2009]

شكرا على الوصفة الرائعة ​

 

[عائشة333]

يعطيك الصحة

 

[nina usma]

sa7a stayfi sa7a mrc​

 

[loubna2]

وصفة رائعة جداا

 

[iman88]

بارك الله فيك

 

[ندى الورود]

امممممم يشهي يعطيك الصحة اختي
برك سؤال هل انت هي أم وليد وأيوب اللي كاتبة الاسم في الصورة
أم الموضوع منقول
باش ننقل الموضوع لركن الوصفات الحصرية
​

 

[ندى الورود]

شكلها يشهي

تسلم الايادي

استفسار : الشفلور تغليه و الا ترحيه اخضر

و الدبشة ؟؟؟ ما عرفتها

بالنسبة للدبشة ناس الشرق يقولو الدبشة وناس الوسط يقولو الحشيش مقطفة
باللغة العربية الكزبرة الخضراء

 

[الاخت دلال]

الف شكر على الوصفة

تسلم اياديكي

 

[طيور الجنة21]

شكرا على الوصفة الرائعة

 

[ام وليد و ايوب]

اولا شكرا لكل من مرت بموضوعي و كتبت ردا ربي يخليكم

ثانيا للاخت الي سالت عن الشوفلور نقول ارحيه نيء يعني اخضر و الدبشة هي لحشيش


اما عن الاستفسار انا هي ام وليد و ايوب يعني الموضوع مش منقول حنونة


شكرا اخواتي

 

[ام وليد و ايوب]

شكرا اختي ندى عن الاجابة ربي يعيشك

شكرا لبنات ربي يحفظكم و جربوها صدقوني لذيذة جدا

 

[Emily]

مشكوووووووووووووووووووووووورة
الله يعطيك الف عافية
​

 

[samah06]

هاداك الصحن راهو ليا وبصحتي
متقولي حتى لوحدة باه ما يزعفوش
يعطيك الصحة حنونة الطاجين تاعك نجربو

 

[somo_81]

يشهي عندي الشوفلور و معرفتش واش ندير بيه غدوة نجربها و نردلك بالخبر إنشاء الله تخرجلي كيما تاعك :$

 

[*RAHMA]

يعطيك الصحة ختي

 

[־●ـ‗غمــــوض ــالــورد_ـ●־]

يعطيك الصحة اختي وصفة هايلة باينة عليها بنينة بزاف
​