الى كل المراقبات او لى عندها خبرة تفيدتى

[oum rahil]

السلام عليكم اطلب من كل وحدة عندها خبرة مع هذا النوع من pate a glacer تفيدنى جزاكن الله كل خير و هذه نوع من الشكولا لglacage



http://http://www9.0zz0.com/2012/12/15/10/127998664.png

 

[عفاف الجزائرية]

اختي الصورة اللي نزلتيها في رابط ماكانش عاودي نزليها
وواش حابة تعملي بالضبط
​

 

[oum rahil]

http://upload.4algeria.com/do.php?img=4791

شكرا لكى اخت عفاف اريد عمل القلاصاج للحلوة لكن استعملت هذا النوع و زدتلو الزبدة والحليب و مخرجليس مليح ما السبب يمكن معرفتش طريقة استعمالها

 

[عفاف الجزائرية]

مرحبا اختي ام رحيل
الصراحة اختي انا هاذ النوع عمري ما استعملتو
لكن شوفي ننصحك ذوبي منو شوي في حمام مائي وزيديلو الماء يعني زيدي شوي ماء فقط وخلطي مليح حتان تلحقي للكثافة اللي تحوسي عليها
اذا كان هاذ القلاصاج كي الشيكولا انا نزيدلها الماء في مكان الزبدة والحليب
جربي شوي برك وشوفي
درك نبحثلك ممكن كشما افادة اخرى

 

[hasna23]

اختي ام رحيل هاد القلاصاج اسمو Glaçage chocolat miroire

وطريقته :

100غ شوكولاتة سوداء pur cacao كاينة مايسترو مليحة

100غ كريمة سائلة créme liquide

100غ سكر ارطب sucre glace
1م ص جيلاتين petite c à café de gélatine

تحطي ملعقةصغيرة جيلاتين بودر في ملعقتين ماء بارد تخليهم 5 دقايق ومبعد تسقطري الجلاتين

على نار هادية حطي الكريمة والسكر والشكولاتة كي تذوب الشوكو وتبدا الكريمة تغلي زيدي الجلاتين وخليهم نصدقيقة على نار هادئة والقلاصاج يكون حاضر

 

[oum rahil]

شكرا اخواتى على التوضيح و لمعلوماتكم هذه القلاصاج راه شكولا بير مشي بودرة

 

[عفاف الجزائرية]

جربي اخيت ام رحيل كيما قلتلك اعملي شويا برك دوبيها وخففيها بشوييي ماء يا لوكان ملعقة وشوفي
واذا ما صلحلكش ديري كيما قاتلك الاخت
نتمنى تكوني لقيتي افادتك
​

 

[ندى الورود]

أختي أم رحيل انا حسب معلوماتي هذ النوعية بصفة عامة la pate à glacer
يحطولها شوي حليب برك يعني ما يضيفولهاش الزبدة
يذوبوها فوق حمام مائي ومن بعد يضيفولها الحليب بشوي حتى الحصول على خليط
كثيف شوي اللي تقدري تغلاسي بيه وفي نفس الوقت ما يسيحش
وثاني كيما قالتلك الأخت عفاف كاين اللي يضيفولها الماء
وجربي شوي وشوفي
​

 

[oum rahil]

جزاكم الله كل خير على هذه المعلومات وان شاء الله نجرب

 

[ندى الورود]

انتهى