اليوم نعرفكم بتصديرة العروس القسنطينية

[احلام القسنطينية]

السلام عيليكم واشم يا لبنات نتمنى تكونو bien
اليوم حبيت نعرفكم بتصديرة العروس القسنطينية
يعني واش لازم تدير في شورتها
bon اول حاجة و الي هي اساسية عندنا القطيفة هاذي اساسية عندنا ةو لازم نلبسوها
كاين الي يحبوها ثقيلة و كاين الي يديروها خفيفة مع السخاب لازم يتلبس معاها و التاج او خيط الروح





:up:





و الي بيها تحني العروس القسنطينية
و ثاني حاجة قندورة الكوكتال




و من بعد الكاراكو تحب يكون ثقيل كيما هذا





و تحب يكون خفيف ستيل تونسي كيما هكاو بسروال تزيري




و المنصورية او القفطان





ومن بعد la rob soiré تختم بيها السهرة




و الشامسة كانو يديروها بصح درك عادت ديمودي
المهم راني عرفتكم بتصديرة اعروس القسنطينية
و هاذ ليمودال دارت كيفهم عمتي تزوجت في الصيف
و بالتوفيق
​

 

[نورحنان]

يعطيك الصحه
​

 

[sandibelle25]

تصديرات هايلين يعطيك الصحة حبيبتي ربي يهني كل عروس و لعقوبة للي مازالوا قولوا امين
تقبلي مروري

 

[KAWTAR13]

رائع عقبال لجميع العزاب والعازبات

 

[*ANGEL]

rwooooo3a

 

[SAMIRA25]

يعطيك الصحه على الموضوع بصح الشامسه ما رحتش عليها ما زالهم يديروها بزاف لي يحبو يلبسوها
بارك الله فيك اختي

 

[ملكًة الاحسآس]

وعليــكم السلآآم
الله يبآآركـ ، بخاسكـ كمآآ عندنآآ بركـ حنآآ الكاراكو كآآين الي يدير في بلاصته القويط كمآآ دارت اختي بويسك قراب فالستيل
ولاغوب سواغي حنا مانختموش بيهآآ السهرة تلبسهآآ مورآآ الطايوغ الي تفتتح بيه السهرة
والشامسـة حنآ تاني نقصوهآآ ، كمآآ حنا دارت في بلاصتهآآ السطايفي قالتنآى مانحبهآآش :d
يعنــي تقريبآآ كيف كيف
يعطيكـ الصحة حبوبــة ، وان شآآء الله نشوفوكـ لآآبســة فيهم وانتي عروســة :-r​

 

[دمعة اشتياق]

هايليييييييين والكاراكو يشبه لتاعي شكرا

 

[عاصفة النار]

يعطيك الصحة شكرااا

 

[SONYA25]

يعطيك الصحة حلومة
كما قالت سميرة مزالت الشامسة بصح طورت في الرشمات تاحا وبيرلاج زادو حوايج فيها باه تعمريها وحتا كولار تاني
ميرسي عليك والعاقبة تلبسيهم في عرسك

 

[أم أمين23]

اعطيك الصحة وهي تشابه لتاعنا باختلاف صغير برك خاصة قندورة العالي او المجبود ولو انو الان ولى قليل الي يديرها

 

[::أبرار::]

ما شاء الله الله يبارك اختي الكريمة

و الله القسنطينية روووووعة هايلة نحبها بزاااااااااااااااااف

و الله عندي قطيفة رويال رائعة بلونين عندي الجمرية و الزرقاء

مي ما لقيتش خياطة تخيطلي كيف هاذو