استفسار من فظلكم خاصة بنات العاصمة و البليدة

[وردة غرداية]

السلام عليكم
كيف الاحوال ان شاء الله بخير
احباباتي السبت ان شاء الله ناوية نروح للعاصمة حابة نشري تصديرتي من ثمة:$
مي مانيش عارفة وين تتباع اللبسة الحطة و تاني تكون السومة معقولة
و لي لانجري انا رحت للساحة الشهداء مي صراحة ماعجبنيش:p
و تاني رحت للمركز التجاري حمزة مي رحت غي للحوانت تاع اللبسة نورمال ماشفيتش اسكو كاين صوالح التصديرة
و مادابيا تاني بنات البليدة يقولولي وين كاين بالاك نفوت لثمة
و اسمعت انو فاميلي شوب فيها حوايج مليحة:up:
نتمني تعاونوني قبل السبت
ربي يهنيكم كامل
​

 

[***سوسن الجزائرية]

شوفي حنونة فالعاصمة ماكاش بلاصة يبيعو فيها حوايج التصديرة و بسعر معقول كيما باب الزوار و بالضبط فالجرف كاين واش تحبي تماك و بأسعار معقولة جدا..
أما في البليدة ماكاش خير من باب السبت تحفة مام أسعار مليحة .
أي استفسار أنا في الخدمة.​

 

[وردة غرداية]

الله يحفظك حنونة
اتمنى دخول باقي الاخوات
​

 

[دمعة اشتياق]

انا من الغرب منقدرش نساعدك

نقولك ربي يتمم لك بخير و ان شاء الله ترجعي لغرداية بالسلامة

 

[أم راضية ~_]

السلام عليكم
على الدزاير نقولك تماك السومة غالية شوية والله أعلم
مي البليدة شوية رخاس باغابوغ ألجي
وفالبليدة باب الرحبة تلقاي فيها الي حبيتي سيغتو الي يحطو فالطوابل
وكاين تانيت فالبليدة بلاصة سقسي عليها يوروهالك ماهيش بعيدة على باب الرحبة وسمها باب الدزاير فبليدة سونتر فيها كلش كلش ومام على حساب ما يقولو السومة مليحة و تلقاي حوانت يبيعو سبيسيال قش العرايس مالا نصيحتي إدا جيتي لتماك دوريها زنقة بزنقة باش ما يكلخولكش فالسومات و تشوفي مودالات شابين
طولت عليك :p ربي يتمملك بخير ختي وبالبراكة
​

 

[***سوسن الجزائرية]

السلام عليكم
على الدزاير نقولك تماك السومة غالية شوية والله أعلم
مي البليدة شوية رخاس باغابوغ ألجي
وفالبليدة باب الرحبة تلقاي فيها الي حبيتي سيغتو الي يحطو فالطوابل
وكاين تانيت فالبليدة بلاصة سقسي عليها يوروهالك ماهيش بعيدة على باب الرحبة وسمها باب الدزاير فبليدة سونتر فيها كلش كلش ومام على حساب ما يقولو السومة مليحة و تلقاي حوانت يبيعو سبيسيال قش العرايس مالا نصيحتي إدا جيتي لتماك دوريها زنقة بزنقة باش ما يكلخولكش فالسومات و تشوفي مودالات شابين
طولت عليك :p ربي يتمملك بخير ختي وبالبراكة
​

صح باب الرحبة فيها صوالح ماشاء الله
وعلى دزاير يبيعو فيها غالي سي فغي بصح فالجرف السعر أحسن من باب الرحبة و باب الدزاير و باب السبت..

 

[أم راضية ~_]

صح باب الرحبة فيها صوالح ماشاء الله
وعلى دزاير يبيعو فيها غالي سي فغي بصح فالجرف السعر أحسن من باب الرحبة و باب الدزاير و باب السبت..

هايا مليييح
انا ما نكدبش عليك
مانروحش لهاد البلايص كامل
باب الدزاير و بلاصة العرب و لا واش يقولولها كي نروح ليها نتلاقى بالحوانت الي يبيعو هاد الصوالح
أنا خاطيني
إن شاء الله عروستنا تلقى واش حابة بالسومة المناسبة و ربي يفرحها و نتي تانيت سوسن :-r​

 

[وردة غرداية]

الله يحفظكم احباباتي
ربي يعطيكم ما تتمناو