كيفاش اطيبو المقرونة- وصفة خاصة مني-

[أم أمين23]

اليوم بعذ اذن المشرفات راح نحط الموضوع هنا لان الوصفة تاعي وحبيت نضرب عصفورين بحجر يعني نحط الوصفة ونفس الوقت نكمل في سلسلة كيفاش اطيبوها

اليوم جبتلكم طريقتي الخاصة لعمل المقرونة اتعلمتها من زوجي
شوفو او شيء تحطو الزيت زيتون يسخن شوي وتزيدو الثوم مفروم كما في الصورة

تخلوه يتقلى شوي وتجيبي الزيتون بلا علف وتقصوه دوائر اوك واضيفوه
وتزيدو الملح شوي برك لخاطر فيها الزيتون مالح ديجا
وفلفل اكحل وفلفل احمر وتقدري ما اديريش اي بهارات برك الملح كما في الصورة

ومن بعد تجيبي الطماطم الا كانت عندك هاديك تاع القارورة الي تكون جارية شوي خير وباركة والا بالكونسارف تاعنا العادية وحليها في الماء باش تكون جارية وضيفيها للتقلية تاعك كما في الصورة

خليها تغلي وفي الاخير زيدي الحبق basilico والزعتر origano مجففين كما في الصورة

وثاني الطونة تاع الزيت ولو اني انا اليوم عملتها بسمك السلمون شوفو الصورة

بعد ما طيبتو فتتو وزدتو لللاصوص

غلي المعقورنة تاعك انا استعملت تاع الروسول انت استعملي الي تحبي
ضيفيها للاصوص وهي سخونة يعني صفيها وزيديها للاصوص وحطيها في الصحن وزيدي الفرماج وهاي ليك

ومستنيا طبعا طرقكن لعمل المعكرونة

​

 

[fatouma2012]

chokraa om amin 3la l wasfa bayna bniina,allah yjaazik

 

[ريمو]

يعطيك الصحة ام امين تبان تشهي ومع سلمون اممممم

 

[SONYA25]

يسلم ايديكي يا الفحلة تبان بنينة امممممممممممممممممممممممم

 

[أم أمين23]

تبان بنينة هه جربوها ومن بعد احكمو بصح وين طريقتكم ما تنساوش اصل الموضوع واش كيفاش اطيبو انتو المقرونة يا لفحلات ؟؟؟

 

[joumane]

يعطيك الصحة ام امين سامبل وبنينة اكيد
انا ثاني نديرها كيفك وفي بلاصت الطن نديرها بالفيونداشي
وفي الاخير نديرها في مول زجاج مدهون بالزبدة وندير فوقها البيشاميل ونلوحها في الفرن تحمار البيشاميل من فوق ونخرجها
يمي يجي تهبل سيرتو مع انا نموت في البيشاميل

 

[om abdulhadi 2011]

هاهي الباستا نتاعي وخطرات نديرها باصابع السمك FISH FINGER

 

[samah06]

اممممممممممممممممم يسلم يديك جاتك روعة

 

[أم أمين23]

يعطيك الصحة ام امين سامبل وبنينة اكيد
انا ثاني نديرها كيفك وفي بلاصت الطن نديرها بالفيونداشي
وفي الاخير نديرها في مول زجاج مدهون بالزبدة وندير فوقها البيشاميل ونلوحها في الفرن تحمار البيشاميل من فوق ونخرجها
يمي يجي تهبل سيرتو مع انا نموت في البيشاميل

ايه جوجو انت اعطيتينا طريقة اخرى يعني تاع الكوةشة تولي طيق اخر انا ثاني كي نحب نبدل نديرها في الكوشة بالبيشاميل وكيما قلتي في بلاصة الطونة نحط اللحم مرحي او بلا والو هاكاكا برك وللكوشة مي تزودي الفورماج تجي هايلة
نورتيني حنونة

 

[أم أمين23]

هاهي الباستا نتاعي وخطرات نديرها باصابع السمك FISH FINGER

شكلها اشهي حنونة مي ما قلتيلناش كيفاش الطريقة يلا شطورة كملي مزيتك وقوليلنا كيفاش اديريها

 

[روعة2005]

ماشاء الله طريقتك تشهي

 

[ندى الورود]

يعطيك الصحة يا أم امين
طريقتك تشبه شوي لطريقتي بصح نديرها بالطون
بالنسبة لموضوعك متأسفة يا أم امين مكانه منتدى المطبخ العام
وهو تابع لسلسلتك مواضيعك كيفاش اطيبو وأكيد حقوق صورك محفوظة

​

 

[أم أمين23]

اهلا روعة نورتيني بمرورك
ندى او ك حبوبة انت المشرفة وانت ادرى اكيد مشكورة حبوبة للمرور نوتيني