إياو نهدرو على واش رانا نشوفو فالظلام والبرقوق..

[أم راضية ~_]

السلام عليكم ورحمة الله وبركاته
إن شاء الله لاباس؟؟
---
واش رانا نشووفو فالنهار و الشروق ؟؟؟
ياك كي يجي منتوج جديد زعمة دايما يتوشيو لي سونتيمون و يعوضو الي فات المستهلك من حرمان والي يحوس عليه وهادا شي طبيعيي الى حد الأن
لما فتحت هاد القنوات الجديدة حطت روحها بشعارات حرية التعبير و قالك يسمعو و ينقلو كلام الشعب مباشرة
وصح راهم ينقلوه وزايدين فيه ويكثر خيرهم !!
قولولي وين راهي الفايدة كي من الصباح للعشية وهوما يهدرو غير على المشاكل بلا حلول ؟؟؟
وزيد كثرو بزااف من حرية التعبير هادي حتى ولات تلحق للفتنة والله يستر
باختصار راكم راضيين على برامج هاد لي شان؟؟
والله غير يجيبو المرض بهادوك الحكايات :cray02:
بصح ساعات نقول هاد انعكاس للمجتمع تاعنا وعندهم الحق كي يحطوه فلاتيلي​

مي مع هادا كان من الأولى انهم يعالجو الشي الي يدفع لواش راهم يورو و يلقاولو حلّ خير من كثرة الهدرة بلا فايدة
و دوكا المجال ليكم
------------------------------------>
السلام عليكم
----
واللهم صل على محمد وعلى آله وصحبه و التابعين

 

[ماكانش]

لي رجعة بحول الله

 

[أم راضية ~_]

شكرااااا لقبول الموضوع و أهلا بكم​

 

[!≈[سُِـِيٌــِـِفّ اٌڷِخً‘يٌـرُ]≈!]

معاك لحق

و لكن لا تنسي يا اختاه انو لي كل حركة محرك

مدام الجزائر سمحت بفتح القنوات الخاصة إلا لغرض

و لي حساب الشك انتاعي

الغرض من هذه القنوات هو انو يخلو الشعب يخرج في واش كاين في قلبو بلهدرة

يعني يمتصو الغضب انتاعهم

شكرا لك على الموضوع الرائع
​

 

[أم راضية ~_]

معاك لحق

و لكن لا تنسي يا اختاه انو لي كل حركة محرك

مدام الجزائر سمحت بفتح القنوات الخاصة إلا لغرض

و لي حساب الشك انتاعي

الغرض من هذه القنوات هو انو يخلو الشعب يخرج في واش كاين في قلبو بلهدرة

يعني يمتصو الغضب انتاعهم

شكرا لك على الموضوع الرائع
​

صح وجهة نظر صائبة
ما خممتش بلي ممكن يخممو يمتصو غضب الشعب :up:
شكرا على المرور والرد :regards01:​

 

[همس الوُرود]

ملاحظة : من قبل قدرت نقرا مي دوكا و فليل عيانة عينيا حومر ولكتيبة بلخضر بارد عماتلي عينيا ماعليش تبدلي اللون ؟؟؟
​

 

[أم راضية ~_]

ملاحظة : من قبل قدرت نقرا مي دوكا و فليل عيانة عينيا حومر ولكتيبة بلخضر بارد عماتلي عينيا ماعليش تبدلي اللون ؟؟؟
​

:-o
:s
دعوني وأخضري نعش بسلام
--
ماكانش الي زربك و جبرك تقراي وتردي اليوم
كي تريحي و تولي تشوفي مليح مرحبا بيك :-r​

 

[بنت الـ25]

اهلا يلدز
القنوات هادو كنت متشوقة نشوف واش رايحين يبثو فيهم
لاخاطر جابوها وقت طويييييييل وهوما يناديو بفتح المجاال السمعي البصري الخاص في الجزائر
مع اللول صح بداو بداية مليحة طرحو انشغالات المواطن والحلول في اعتقادهم انهم لما يوصلوا صوت الشعب النظام والمسؤولين يتحركو (زعما يتبهدلو كي يتفضحو) لكن نشوف فيهم ما حققوش الهدف المنشود
اما دركا تقدري تقولي انهم ولاو نسخة شاحبة عن اليتيمة اللهم إلا بعض الأخبار اللي متنقلهمش اليتيمة ولا بعض الحصص اللي تعالج قضايا سياسية واجتماعية
تعالج يعني تطرح ماشي تحل المشكلات :-h
مزلنا بعااااااااد بزاف على الشي لي نحلمو نحققوه في هدا المجال
​

 

[نسمات إيمانية]

هذا اختيار الشعب وهم حققوا له رغبته تحبوا الهدرة تفضلوا هاكم قنوات المهم تخطونا املأ بطنك وثرثر أمور أخرى لا تتدخلوا فيها وماطالبوا بوالو وراهي ماشي الدنيا _ روتين ياكلوا ويهدروا حتى تقوم الساعة _ الهدرة باطل وراهم يجوزا في التلفاز شكون بحالهم هذه القنوات مسكن باه يخرجوا وش كاين في قلبهم كنوع من السولاجمو

 

[أم راضية ~_]

اهلا يلدز
القنوات هادو كنت متشوقة نشوف واش رايحين يبثو فيهم
لاخاطر جابوها وقت طويييييييل وهوما يناديو بفتح المجاال السمعي البصري الخاص في الجزائر
مع اللول صح بداو بداية مليحة طرحو انشغالات المواطن والحلول في اعتقادهم انهم لما يوصلوا صوت الشعب النظام والمسؤولين يتحركو (زعما يتبهدلو كي يتفضحو) لكن نشوف فيهم ما حققوش الهدف المنشود
اما دركا تقدري تقولي انهم ولاو نسخة شاحبة عن اليتيمة اللهم إلا بعض الأخبار اللي متنقلهمش اليتيمة ولا بعض الحصص اللي تعالج قضايا سياسية واجتماعية
تعالج يعني تطرح ماشي تحل المشكلات :-h
مزلنا بعااااااااد بزاف على الشي لي نحلمو نحققوه في هدا المجال
​

وبيك أهلا
إيه كامل كنا نيماجينيو كيفاش رح يكونو خاوة المحتمة :d ؟
ممبعد ظهرت سم بيان كونسوتري مشبحينو من لفوق بصوت الشعب و رأي الشعب و الخرطي على الشعب ...
مازلنا بعااااااد كيما قلتي
بويسك مازال كاينين الشياتة بزاف ومازال ما تربيناش على المصلحة العامة
صحيتي مينات :regards01: ​

 

[أم راضية ~_]

هذا اختيار الشعب وهم حققوا له رغبته تحبوا الهدرة تفضلوا هاكم قنوات المهم تخطونا املأ بطنك وثرثر أمور أخرى لا تتدخلوا فيها وماطالبوا بوالو وراهي ماشي الدنيا _ روتين ياكلوا ويهدروا حتى تقوم الساعة _ الهدرة باطل وراهم يجوزا في التلفاز شكون بحالهم هذه القنوات مسكن باه يخرجوا وش كاين في قلبهم كنوع من السولاجمو

إيه صراتلهم كيشغول
حبيتو هادي هاي ليكم و نشوفو إدا تخرجكم ..
معنتها راهم مخلينا ننبحو -أكرمكم الله - غير باش ينقصو من حدة الغضب كيما قال aRm_07 يمتصو غضب الشعب وكيما قلتي نتي سولاجمون :d
لوكان جاو مخلينها غير لهاد الشي نقولو مي راني نشوف بلي راهو تحريض انديغاكتومون وشعل لنار الفتنة
ربي يستر و يحفظ بلادنا منهم
صحيتي :regards01:​

 

[نسمات إيمانية]

خاوة المحتمة :d ؟ اضحك الله سنك أختي يلديز
​

 

[ليديا المتفائلة]

يعطيك الصحة على هذا الموضوع كان شاغلني لكن صدقيني هاذ القنوات ماعندهم حتى معنى وراهم داروهم باش يعرفو الجزايري كيفاش قاعد يفكر برك هذا مكان مي لي يقعد يتفرجهم يحس بالتفاهة والتخلف على خاطرراهم صورة طبق الاصل من الارضية وانا سميت هاذالقنوات اليتيمة واخواتها

 

[nina usma]

عندك الحق ختي

بدون تعلييييييييييق​

 

[أم راضية ~_]

يعطيك الصحة على هذا الموضوع كان شاغلني لكن صدقيني هاذ القنوات ماعندهم حتى معنى وراهم داروهم باش يعرفو الجزايري كيفاش قاعد يفكر برك هذا مكان مي لي يقعد يتفرجهم يحس بالتفاهة والتخلف على خاطرراهم صورة طبق الاصل من الارضية وانا سميت هاذالقنوات اليتيمة واخواتها

مزية مانيش وحدي الي نشوفهم جايحين :-r
جبتيييها اليتيمة وأخواتها :up:
وما تفعله في الجملة الجزائرية : تكسر الأمل , ترفع الضغط و تنصب السم
ومحلها في المجتمع : (جملة من المشاكل و ملأ الفراغ التعبيري بخلق مواضيع حارّة تودي بحلق و معدة المستهلك )
صحيتي أختي على المرور والردّ
:regards01:​

 

[أم راضية ~_]

عندك الحق ختي

بدون تعلييييييييييق​

ما لقيتيش المساسك ؟ :p
إيه واش تحبي تروحلنا الهدرة في حاجة كيما هادي .. وبالسيف لا قدرت نكتب الموضوع هادا
صحيتي على المرور :regards01:
​

 

[بنت الـ25]

وبيك أهلا
إيه كامل كنا نيماجينيو كيفاش رح يكونو خاوة المحتمة :d ؟
ممبعد ظهرت سم بيان كونسوتري مشبحينو من لفوق بصوت الشعب و رأي الشعب و الخرطي على الشعب ...
مازلنا بعااااااد كيما قلتي
بويسك مازال كاينين الشياتة بزاف ومازال ما تربيناش على المصلحة العامة
صحيتي مينات :regards01: ​

عجبتني خاوة المحتمة ههههههههه:up:
وي تقدري تقولي الشياتة وتقدري تقولي تاني خوافين
ما همش قد المسؤولية ومعندهمش ثقة في "ديمقراطية " الدولة
ودولتنا الله يبارك متقصرش مع مالين الحق خلاااااص لا ما سكتتهمش
بطريقة تسكت حسهم بطريقة اخرى وانت ادري
صحيتي يلدز :p
​

 

[أم راضية ~_]

عجبتني خاوة المحتمة ههههههههه:up:
وي تقدري تقولي الشياتة وتقدري تقولي تاني خوافين
ما همش قد المسؤولية ومعندهمش ثقة في "ديمقراطية " الدولة
ودولتنا الله يبارك متقصرش مع مالين الحق خلاااااص لا ما سكتتهمش
بطريقة تسكت حسهم بطريقة اخرى وانت ادري
صحيتي يلدز :p
​

وي معاك خوافين
إيه فهمتك كل الطرق تؤدي إلى التسكات
شكرا مرة أخرى مينات و ربي يسترنا برك​

 

[همس الوُرود]

:-o
:s
دعوني وأخضري نعش بسلام
--
ماكانش الي زربك و جبرك تقراي وتردي اليوم
كي تريحي و تولي تشوفي مليح مرحبا بيك :-r​

ههههههههههههههه خلاص خلاص أسمحيلي وأسمحلي يا أخضرها لم أكن أعرف أنك محبوب عندها لهده الدرجة بلييييييييييييييييييييييييييز أسمحولي ياك ماشكالكش عليا برك ختي؟؟؟
ههههههههههههه المهم أني قريت الموضوع اليوم
والله يا ختي ربي يهدينا واش رايحة نقولك يديرو غير فالفتن حابين يطيحو بينا ختي والله ما طالقينا سيرثو حنا الجزائريين هادي وجهة نظري​

 

[*RAHMA]

نورمالمو هما راهم الرابط بين الشعب و الحكومة
بصح واحد من هذو الزوج مراهمش يشوفوا هذو القناوات
المهم راهي تخبر فالشعب واش راهو صاري و هنا غافلين عليه
سلامي موضوعك قيم خويا يعطيك الصحة و ربي يحفظك