محتاجة رايكم انصحوني

[خديجة محمد]

السلام عليكم
انا عرسي راهو قريب وراني حايرة في السكن انا نسكن في العاصمة وزوجي من قالمة بصح يخدم هنا
انا الحمدلله تاني نخدم بصح معرفتش كيفاش ندير زوجي قالي نسكنو مع عايلتو في قالمة يولي يخدم شهر ويجي 5 ايام برك يجوزهم معايا يعني هو معندوش منزل مستقل باني غرفة برك في الطابق التاني اما المطبخ والحمام عافاكم الله راح يكونو مشتركين مع عايلتو عندو زوج خاوتو ساكنين في هديك الدار انا راني متخوفة علابالي بلي مراحش نكون مرتاحة في لبسي ولا في طريقة عيشي
علا هدا يما قالتلي مدام راكو تخدمو حوسو علي كرية هنا واسكنو منها تكونو دايما مع بعض ومنها تكونو علي راحتكم انا عجبتني الفكرة لكن المشكل راجلي خسر كامل دراهمو في هديك الشومبرة هو يخلص 3ملاين وان تقريبا كيفو كي قلتلو نكريومراهوش رافض الفكرة بصح علابالكم لازم نخلصو عام ولازم تان نشرو شوية قش انا قلتلو يسلف من جهة من بعد نرجعوهم وشهرية نخبوها وشهرية نصرفوها هكا باش نشرو قطعة ارض ونبنوها بشوية
علي هاد الشي حبيت تنصحوني وش رايكم في هاد الفكرة يعني نقدرو نطبقوها علي ارض الواقع ولا 3 ملاين متكفيناش حنا زوج مع العلم بلي الكرا يتراوح بين 15000 و 20000​

مادابيا لوكان تنصحوني اذا سكنت مع بيت زوجي وهو بعيد نورمال مش حيكونو مشاكل راني خايفى يدورو عليا مكي نكون وحدي

 

[lalakarimanouri]

انا من رايي تكري احسن لكن حسب ظروف زوجك و العرس ساعفيه و لو لمدة 6 اشهر مع انك تتفقي معه على الكراء من وراها و السكن في بيت العائلة من وجهة نظري جحيم خاصة مع عباد خاسرين و انت شوفي لي يخرج عليك

 

[oum djawad]

سعفيني اكري لخطرش غدي يوقعو مشاكل سبري شوية لمي فيها درهم وبعد كري تشري رحتك اتمنى حياة زوجية ﺳﻌﻴﺪﺓ

 

[خديجة محمد]

يعطيكم الصحة

 

[mirna cool]

انا حقيقة من رايي انك تعيشي مع والديه بما انه راهو نااااقص ماديا ، وشوفي ربما انت راكي خايفة ما تصيبيش راحتك مع العائلة نتاعو و ربما هي العكس : (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)انا من راي انك تحترمي ظروفه خاصة حاليا وهو اكيد كي يولي قادر على الكراء اكيد رح يكري وخاصة انه الخدمة نتاعو في العاصمة ورح تكوني انت بعيدة عليه صافي رح يولي اوبليجي عليه يكري في العاصمة

وانت جربي تعيشي مع والديه وشوفي ربما من بعد تقوقليو ما نخرجش ويعجبك الحال ثما

انا هذا هو راي وانتي شوفي وش ريحك ويساعدك

اختك من بسكرة :: ميرنا

 

[mimika03]

ديري اللي يخرج عليك و يواتي ظروفك و حتى اذا تحتمت و سكنتي مع دارهم باذن الله مايكونوش المشاكل خاصة اذا اخواتو ذكور . و ربي يكمل على خير