وين جاية لاصال؟ الحانوت قدام الميكانيسيان ,والقهوة...

[أم راضية ~_]

السلام عليكم ورحمة الله وبركاته
إن شاء الله لاباس وبخير؟
----
موضوع اليوم الي جيت نهدر عليه هو البلايص الي نديرو فيهم لحوانت !!!
راني حابة نشوف كاش نهار حانوت و لا صال دي فات جاية في بلاصة مصاوبة و توالم ..
يا جماعة مالgري من (البليدة و الدزاير و شوية من المدية ) من هاد الولايات ما خرجتش , بصح كامل حكاية وحدة روماركيتها فيهم ومن خلال ردودكم نشوفو ادا في قاع الدزاير ولا لالا

تجي في بالكم حانوت تاع الماعن قدام قهوة !!!​

ياك الماعن شكون رايح يشريهم النسا هوما الي يهتمو بيهم مالا وعلاش يا مول الماعن تدير حانوتك قدام القهوة ؟؟؟ ولا يا مول القهوة تخير بلاصة قدام حانوت وين يدورو فيه النسا ؟؟؟ (ساديبون شكون اللول الي كان تم )
ولا صال دي فات " قاعة الحفلات" مقابلة سبيطار (ما جاياش كامل)
ولا صال دي فات قدام جامع !! (ساعات يلحق الكوغتاج مع صلاة العصر ,الي يصلو مساكن كل واحد و همو, ,, كيفاش يديرو!! )​

ولا صال دي فات تانيت في وسط الحومات ولا بجنبهم كيما حنا (دايرين وحدة على طرف الطريق قدام الجامع )* الحالة اللولة* و تحتها دايرين وحدة صغيرة -تاع فيونصاي زعمة :p -يدخلو ليها من حومتنا , (و كي نقولكم حومة اعرفو بلي تقرعيج و الطلان من التواقي كل ما يجوز كورتاج يطلو gاع) :d ههههههههه
ولا ليسي مقابلو لاvاج 'غسيل السيارات ' !!!! (بلا هاد لاغونجمون كاين تماك ديرونجمون :s )
و مانيش عارفة ادا عندكم كاينة هادي فالمارشيات , مول السردين مع القماشات (ماكانش الهربة من ريحتو فالقماش )
عندكم في جوايهكم هاد الحالات؟
واش معنتها gاع واش قلت ؟​

التاجر كي يحب يخدم ما يخيرش البلاصة ؟ وين لقى كرية 'كراء' بسومة مليحة وفيها الغاشي هاديك هيا بغض النظر عن واش قدامو ؟؟؟
ونتوما صراتلكم ما تروحوش لكاش حانوت غير على جال واش كاين قدامو ؟
صحيتو على المتابعة
---
​

السلام عليكم
في أمان الله
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصحبه أجمعين​

 

[بنت الـ25]

اهلا يلدز
عجبتيني زدمتي عليها روس وجبتي موضوع آني
عندك الحق في كل شي قلتيه
مام احنا في قسمطينة عندنا هاد الظاهرة
مي مش بزااااف
مثلا السونطر فيل مقسمينو
تلقاي بلاصة اسمها الجزارين فيها غير الجزارة وروايح الدم تما تعيف خخخخخ
رحبة الصوف (بكري كانو يبيعو تما الصوف دوكا مكانش فيها دوروها حوانت
الرصيف ورود فرانس والطريق الجديدة ... تلقاي فيهم الأكثرية قش النسا والقماش والكوسميتيك ...
اما لافير تع لي صال دي فات صدقتي
ولاو ارواح ودير صال ديفات اشري الفيلا هديك وردها قاعة حفلات ولا
الجواب على سؤالك راكي جاوبتي عليه انتي

وين لقى كرية 'كراء' بسومة مليحة وفيها الغاشي هاديك هيا بغض النظر عن واش قدامو

منقدروش نقولو غيبا الرقابة بل غياب التنظيم
من الجهات المختصة
والشعب تعنا يتبع فالخبزة ميهموش حاجة اخرى وهي تخلطت
مرسي موضوعك عجبني ورايحة نبقى فالمتابعة ان شاء الله ...
​

 

[bilale-007]

وي ختي عندك الحق نظن بارتو هادي الظاهرة
زيدي بلادنا كما هاك وش نفحتلك تفتح تفتح وتاني وين تحب تفتح
لا دراسة للمشروع لا تخطيط لا سلطات معنية لمراقبة هذه الظاهرة
وشراح نقولو ونخلو هاذي بلادنا وهذي اوبسيون من بزاف من بلادنا
هههههههه
تقبلي مروري الاخت :regards01:

 

[أم راضية ~_]

اهلا يلدز
عجبتيني زدمتي عليها روس وجبتي موضوع آني
عندك الحق في كل شي قلتيه
مام احنا في قسمطينة عندنا هاد الظاهرة
مي مش بزااااف
مثلا السونطر فيل مقسمينو
تلقاي بلاصة اسمها الجزارين فيها غير الجزارة وروايح الدم تما تعيف خخخخخ
رحبة الصوف (بكري كانو يبيعو تما الصوف دوكا مكانش فيها دوروها حوانت
الرصيف ورود فرانس والطريق الجديدة ... تلقاي فيهم الأكثرية قش النسا والقماش والكوسميتيك ...
اما لافير تع لي صال دي فات صدقتي
ولاو ارواح ودير صال ديفات اشري الفيلا هديك وردها قاعة حفلات ولا
الجواب على سؤالك راكي جاوبتي عليه انتي



منقدروش نقولو غيبا الرقابة بل غياب التنظيم
من الجهات المختصة
والشعب تعنا يتبع فالخبزة ميهموش حاجة اخرى وهي تخلطت
مرسي موضوعك عجبني ورايحة نبقى فالمتابعة ان شاء الله ...
​

أهلا بيك مينات
فالحقيقة لعشية كتبتو مي ما كملتوش وكي قريت موضوعك راحولي الأفكار ألوغ قلت نخليه هكدا لوكان كاش ما نزيد فيه يولي درامي ههههههه
إيه نلقاو بلايص مخصصين لامور بصح وهكداك و نلقاو الخلاط هاداك
غياب التنظيم و تبع الخبزة وين جات كلات المهم نلحقها وخلاص
صحيتي على الاعتماد والرد ومرحبا بيك في أي وقت​

 

[أم راضية ~_]

وي ختي عندك الحق نظن بارتو هادي الظاهرة
زيدي بلادنا كما هاك وش نفحتلك تفتح تفتح وتاني وين تحب تفتح
لا دراسة للمشروع لا تخطيط لا سلطات معنية لمراقبة هذه الظاهرة
وشراح نقولو ونخلو هاذي بلادنا وهذي اوبسيون من بزاف من بلادنا
هههههههه
تقبلي مروري الاخت :regards01:

مالا راهي في كامل التراب الوطني
ماكانش دراسات ماكانش تخطيط
و زعمة راهي غير فالجزائر برك ؟
شكرا على المرور والرد​

 

[loula2]

كاينة صح هاذي
حنا عندنا في الكارتي وحد البلاصة دايما يـgـاريو فيها les fraudeurs وبلاصة مليانة غير رجال
السيد تع لماعن ما لقى وين يحل الحانوت غير ثم وين كاين عرش تع رجال
والمشكل وين انو النساء والله يدخلو وما هامهم وااااالو
انا ساعات نفوت ملثم كي نجي رايحة نقرا نفوت بالذراع لأني نتكومبلاكسا

هاذي هي ثقافة الجزائري وش تحبي

 

[bilale-007]

مالا راهي في كامل التراب الوطني
ماكانش دراسات ماكانش تخطيط
و زعمة راهي غير فالجزائر برك ؟
شكرا على المرور والرد​

اذا حبيت تقولي راها في الجزائر برك نقلك لالا بصح ديما شوف لخير منك وفوقك مش تحتك
على سبيل المثال لخلاتنا هاك فرنسا - عندهم اجراءات تتمثل في انك
متقدرش تفتح مشروع تجاري حتان تقدم دومند للسلطة التجارية بالمدينة المعروفة عندنا بمديرية التجارة
الي تقوم بدراسة المشروع زائد المنطقة الى راح تقوم بها بالمشروع اذا كانت تستوفي الشروط الكاملة على سبيل المثال صال دي فات متكونش في منطقة سكنية فوسط حي + ميكونش مساميها مستشفى
+ ميضرش المحل بالمنظر العام للحي الذي يقام فيه + متفتحش مسامي واحد يمارس نفس النشاط ... الخ

 

[أم راضية ~_]

كاينة صح هاذي
حنا عندنا في الكارتي وحد البلاصة دايما يـgـاريو فيها les fraudeurs وبلاصة مليانة غير رجال
السيد تع لماعن ما لقى وين يحل الحانوت غير ثم وين كاين عرش تع رجال
والمشكل وين انو النساء والله يدخلو وما هامهم وااااالو
انا ساعات نفوت ملثم كي نجي رايحة نقرا نفوت بالذراع لأني نتكومبلاكسا

هاذي هي ثقافة الجزائري وش تحبي

مالا راهي ظاهرة منتشرة
اااااه لازم نحاربوها
نفهمو حاجة يا الرقابة ما تخدمش خدمتها ولا المعريفة الي تسمحلهم بهاد الشي
و رانا هنا نوعو الناس :-r
صحيتي أختي على المرور والرد​

 

[أم راضية ~_]

اذا حبيت تقولي راها في الجزائر برك نقلك لالا بصح ديما شوف لخير منك وفوقك مش تحتك
على سبيل المثال لخلاتنا هاك فرنسا - عندهم اجراءات تتمثل في انك
متقدرش تفتح مشروع تجاري حتان تقدم دومند للسلطة التجارية بالمدينة المعروفة عندنا بمديرية التجارة
الي تقوم بدراسة المشروع زائد المنطقة الى راح تقوم بها بالمشروع اذا كانت تستوفي الشروط الكاملة على سبيل المثال صال دي فات متكونش في منطقة سكنية فوسط حي + ميكونش مساميها مستشفى
+ ميضرش المحل بالمنظر العام للحي الذي يقام فيه + متفتحش مسامي واحد يمارس نفس النشاط ... الخ

إييه باينة هاديك فرانسا يطبقو القانون على جال هاديك الحالة منظمة
قصدي أشقائنا العرب و جيرانا الي قدامنا
هادوك هوما القوانين الي ما يخلوش هاد الخلاط يكون ونظن ماشي هادو الي خاصينا وإنما خاصتنا الرقابة و الصرامة في تطبيق القوانين
شكرا مرة أخرى​

 

[bilale-007]

إييه باينة هاديك فرانسا يطبقو القانون على جال هاديك الحالة منظمة
قصدي أشقائنا العرب و جيرانا الي قدامنا
هادوك هوما القوانين الي ما يخلوش هاد الخلاط يكون ونظن ماشي هادو الي خاصينا وإنما خاصتنا الرقابة و الصرامة في تطبيق القوانين
شكرا مرة أخرى​

العفو خيتي :regards01:

 

[!≈[سُِـِيٌــِـِفّ اٌڷِخً‘يٌـرُ]≈!]

لوكان مول القهوة ما يفتحش قدام مول لماعن شكون رايح إيجيه


ربي إيجيب الخير


سلام
​

 

[أم راضية ~_]

لوكان مول القهوة ما يفتحش قدام مول لماعن شكون رايح إيجيه


ربي إيجيب الخير


سلام
​

هههههههههه
صح كاينة
اللهم آميييييييين
شكرا للمرور والرد​

 

[Nada Asma]

عندك الحق اختي يلدز.
احنا تاني شايعة عندنا هذه الظاهرة.
احنا لقهاوي منتشرين في كل ابلاصة .
كاين عيادة انروحو ليها دايما بين زوج اقهاوي ما نلقاوش حتى كيفاه اندخلو ليها.
صدقيني كي يهرب لوحدة ا بنها الصغير ما تلقاش كيفاه اتجيبو امناه يدخل لوحدة من الزوج ا قهاوي.

ولا الي يبيعوا الخضرة على الرصيف ولا لقماش وايعيطو تلقايهم دايرين بمسجد ولااحدى مدرسة. احيانا فالامتحان ما انقدروش اخلاص انركزو ولا في صلاة الجمعة.................... هل هذا معقووووووووووووووول .
​

وييييييييييين هي السلطات انتاعنا؟؟؟؟؟؟؟؟؟؟؟؟

 

[أم راضية ~_]

عندك الحق اختي يلدز.
احنا تاني شايعة عندنا هذه الظاهرة.

راهي منتشرة بارتو
​

احنا لقهاوي منتشرين في كل ابلاصة .
كاين عيادة انروحو ليها دايما بين زوج اقهاوي ما نلقاوش حتى كيفاه اندخلو ليها.
صدقيني كي يهرب لوحدة ا بنها الصغير ما تلقاش كيفاه اتجيبو امناه يدخل لوحدة من الزوج ا قهاوي.

ههههههههههه حصلة والله ما تجيش كامل :down:
​

ولا الي يبيعوا الخضرة على الرصيف ولا لقماش وايعيطو تلقايهم دايرين بمسجد ولااحدى مدرسة. احيانا فالامتحان ما انقدروش اخلاص انركزو ولا في صلاة الجمعة.................... هل هذا معقووووووووووووووول .
​

وييييييييييين هي السلطات انتاعنا؟؟؟؟؟؟؟؟؟؟؟؟

صح الجهات المعنية غايبة او هلكوها بالرشاوي والمعارف و ولات ما عندها حتى قيمة لا هيا لا القانون الي تمشي بيه :down:
نتمناو تتحسن الحالة شوية على الاقل نحاولو نشوفوها من الجانب الاجتماعي يا سيدي خلونا من الجانب الجمالي للمكان
شكرا على المرور والرد
​

 

[فتاة حساسة]

èèèèèèèèèèèèèèh tassraa tassra.hna lyçè ta3na m9blatou 2 9hwaiiiii .... wmazaal wa9fin hhhhhhhhhhhhhh merci 3a lmawdou3 ^^

 

[la_safa]

لي عدوة آ عودة :d
​

 

[angel]

كاينة بزاف الله غالب هادا كامل بويسك ناقسين ثقافة

ومزاااااال مهدرناش على كلش

مزلنا بعاد بعاااااااااااااااااااد بزاف باش تلحقنا شوية حضارة

شكراا ليك موضوعك هادف

ونعانيو منو كامل


​

 

[أم راضية ~_]

èèèèèèèèèèèèèèh tassraa tassra.hna lyçè ta3na m9blatou 2 9hwaiiiii .... wmazaal wa9fin hhhhhhhhhhhhhh merci 3a lmawdou3 ^^

ايه القهاوي هوما اكتر المصايب ينحطو في بلايص ما يوالموش كامل
يسلمك و مازال واقفين​

لي عدوة آ عودة :d
​

أهلا وسهلا بيك صفاء
الوقت الي حبيتي ارواحي , بلاكي برك ما تكونش العودة حتى نبعتولك دعوة سينو راهي تولي عدوى تاع دوك نولي ولي عودة :d ركزي مليح تفهميها ان شاء الله هههههههههه​

كاينة بزاف الله غالب هادا كامل بويسك ناقسين ثقافة

ومزاااااال مهدرناش على كلش

مزلنا بعاد بعاااااااااااااااااااد بزاف باش تلحقنا شوية حضارة

شكراا ليك موضوعك هادف

ونعانيو منو كامل

​

التقافة ماكانش , الصرامة اولاش , المعريفة كلاتنا , وبالتالي الحضارة هربتلنا
صحيتي يا انجل = angel :regards01:​

 

[la_safa]

أهلا وسهلا بيك صفاء
الوقت الي حبيتي ارواحي , بلاكي برك ما تكونش العودة حتى نبعتولك دعوة سينو راهي تولي عدوى تاع دوك نولي ولي عودة :d ركزي مليح تفهميها ان شاء الله هههههههههه​

:$ فهمت فهمت حبيبتي ههههه
رآو وليت الصبآح كتبت رد و تروديمآرآ الميكرو ..

بون نرجعو للموضوع , يعطيكـ الصحة عليه رآكي قستي الوآقع ..
و هآذآ لعوج رآهو بآرتوو , كيمآ لآحظتيه عندكم رآهو عندنآ و ثآني لهيه
مآدآم فِ حدود دزآآيرنآ الحبيبة طبعآ :d ..

حنآ كآين وحد الروستورون 5 ايتوآل قدآمو ميكآنيسيآن خلآه يولي ايتوآل وحدة :s
للأسف مآنعرفوش مآمبآ ننظمو و نربطو احترآم الاشخآص عالاقل ..
كيمآ كآين ثآني مقبرة طويلة عريضة مقآبلتهآ جيست صآل تآع عرآس !!
بينآتهم طريق :s ..

رآنآ بعآد كل البعد على الاحترآم و الثقآفة ,
يآ ختي هذآ القمآش لي كآين العبد في روحو مخلط خلي يآ يفرز روحو لبرآ !

كآآآآآآآآآآآآآآرثة , و ربي يكون في العون ~

بوركتِ صدقتي
​

 

[SAMIRA25]

يعطيك الصحة اختي على الموضوع كل شيء قلتيه صحيح
و ما شفتيش حمام تاع النساء و قريب ليه قهوة تاع الرجال و قاعة حفلات في محطة المسافرين و ......
هدا راجع حسب رايي لفوضى الافكار و غياب الرقابة و ايضا متلقايش planing من الاول يعني داخلين عليها تخلاط برك كيما جي جي