نــــورمـــآل , يخي النـــآس كــــآمل .. !

[la_safa]

السلآم عليكم و رحمة الله و بركآته ..

وآش احوآلكم يآ نآس وآش رآكـ تهدر ! ان شآء الله بخير ..

توحشتكم برشآآآ برشآآآ

, و جو سوي سير بلي توحشتوني ثآني

..

و علآبآلي بلي هآذي غيبة مي البآكـ و مآدآير فينآ , تعرفوني تلميذة مجتهدة

..

بون اليوم العضوة la_safa جآبتلكم موضوع من قلب المجتمع

..

نتمنى يكون في المستوى و توصلكم الرسآلة و يكون مفيد و نستفآدو مع بعض

و يكون مش غير وآش رآك تهدر

.. موضوع اليوم يقول :


نــورمـــآل , يخي النــآس كـــآمل .. !



°°°

يآ سيدي و يآ ستي هآذ اليومين وين تنفست ضربت طلة للآفآمي ..

و منهآ خرجت للبلآد زعمآ نحي على بآلي

,

حسيت روحي آنورمآل تآلمون من الصيف مآخرجتش و لعبآد زي اوخر

..

بون نرجعو لموضوع اليوم , و بمآ انو الشعب الجزآئري يحكي فِ الطريق بلعقل
و بكل لبآقة احممم يعني اذا حكى مآيسمع غير لي يحكي معآه

....

°°°

جبتلكم شوي أمثلة ملي سمعت لأنو الامثلة كثيرة ..

هآذي وحدة بآه تشري سروآل قآسآتو قآلتلهآ اُمهآ جآكـ فور و منآ

قآلتلهآ مآشي شوي سيري يآ مآمي ردت عليهآ مآميهآ

...

انووووو نورمآل ميمي يخي البنآت كآمل هكــآ !

+

وآحدة تحكي فِ التلفون قآلت سير لصحبتهآ

أروآحي بركـ مآشي شرط كلمآ تخرجي تقولي ليمآكـ

نورمآآل يخي لبنآت كآمل يخرجو مآشي عيب الحقي و خبريهآ

..

+

و وصلنآ للكآرثة .. أيوآه وش هآذي الكآرثة !

.
.
.
.
.
.
.

يآ خآوتي و الله غير صح مآم انآ كون يقولوهآليمآ نصدقش !

يآ سيدي مرآ + كبيرة .. بآه تشري خيمآر , نحآآآآتو فِ الحآنوت بآه تجرب لوخر ,

زعمآ درت الشجآعة و تفكرت النهي عن المنكر لي غآب فِ وقتنآ

و قربت قلتلهآ جربيه من فوق بركـ حرآم عليك تنحيه , وآش قآلتلي

! ! ! ! !

.
.
.
.
قآتلي يآ بنتي الخيمآر كي رآكي دآيرآتو انت خير و بركة انآ وليت هكآ

مبعد كملتلي قآتلي هدآ رآهو قد ولدي أنآ وليت هكآ

و طبعآ الجملة الشهيرة أصلآ استغربت كي مآ قآلتهآليش ,

نـــــورمآل يآ بنتــــــي كآمل تلقيهم هكآ هنآ وليت

°°°

وليت نهدر مع روحي قلت آسكو نورمآل هآذي رآهي موضة و أنآ لآخبر

ولآ النآس هبلت

!


و كي جينآ مروحين زآد كملهآ وحد الفصعون ولد خآلي , مع ديمآرينآ قآل لخويآ

لآكآن لقيت نآس قدآمكـ قلقوكـ اعفسهم و زيد لآ فيتآس و اهرب وآحد لآ يفيقلكـ

شوي و خبطتو

,

زآد سكتني قآلي نــــورمآل آ بنتي ( انآ وليت بنتوو شفتو كيفآه

)

هكآ يديرو في وحد اللعبة وآقيلآ اسمهآ GTA

°°°

و كآين يآسر أمثلة عليهآ , المهم حبيت اليوم نوصللكم أنو كلمة

نــــورمـــآل توجور نستعملوهآ فِ غير محلهآ و كي مآنلقوش حجج

تغطي أخطآئنآ نستعملوهآ غير بآه نسكتو الطرف الثآني ! ..

يعني وعلآه مآنحوهآش و كل وآحد يلتى بروحو و بلحوآيج لي ترضي ربي ..

كلنآ نعرفو بلي كي نتبعو النآس وآحد مآ رآح ينجى

!

و عآرفين ثآني بلي الفسآد رآهو غلب على الصلآح ,

يعني كل وآحد فينآ عالاقل مآيتبعش النآس و يحآول يشوف لي يخرج عليه


و لي يرضي ربي .. مآشي أي حآجة نربطوهآ بالنآس سينون مآنآش عبآد ..

°°°

عآبآلي طولت عليكم , مي والله غير حرت فِ هآذ النآس ..

نتمنى يكون عجبكم محتوى الموضوع و مبعد الشكل

كُل الحقوُق محفوُظة لمنَتدَىَ اللَّمَّة
مِنْ الفكرَة
للكتَآبَة :up:
للاِعتمَآدْ ​

 

[ماكانش]

أهلا بيك صفصف
يعطيك الصحة على الموضوع الباهي
كيما قلتي الناس راهي تخلط وحافظة نورمال
هاذي كامل تصرا كي يكون الواحد عايش بلا مبادى وحاجة ماتحبسو ولا تردعو
كي الحيوان اكرمكم الله كلش عندو عادي ونورمال
لا دين يحبسو لا اخلاق لا تربية تردعو لا حشمة لا والو عايشين وخلاص ياكل يشرب وايدير واش طلعلو فراسو ونورمال
يعطيك الصحة
​

 

[السلطانة]

وعليكم السلام
موضوع في القمة أختي صفاء
كيما قلتي كلمة نورمال الشعب تاعنا يغطي بيها النقص تاعو كيما يلقاش باه يبرر الموقف والموقف هادا يكون عارف بلي راه غالط

تجي تنصحيهم يعطيوك نشعة
تفهميهم يقولولك بديتي تفتي
كنتي وكنتي
وي كنت مي هداني ربي
ولأني غلطت وعرفت غلطتي حابتكم أنتم تاني تصلحو روحكم
مي هوما يقولولك نورمال
عاش من تقبّل النصيحة المفيدة
والله يهدي اللي ينشع لي يجي ينصحو

تقبلي مروري
سلامي
​

 

[Ma$Ter]

وعليكم السلاااام
فعلا اصبحنا في زمن انعدم به الحياء
هدا كامل من الوالدين و الرباية
شكرااا على الموضوع المميز
مهما تكلمت لن اعطي موضوعك حقه
بارك الله فيك
ونسالو الله الهداية




​

 

[iman88]

بارك لله فيك

موضوع من واقعنا المعاش و تلاقيت كثير من هذا المواقف . .

يعني من تناقشي موضوع و الطرف الثاني يكون مقتنع من كلامك و عارف الحكم الشرعي او العرفي انو راه غالط يقولك نورمال

و الجملة الشهيرة المتداولة الان اذا عمت خفت

ربي يهدينا اجمعين​

 

[la_safa]

أهلا بيك صفصف
و أهلآ بيكـ خويآ سفيآن :yahoo01:
يعطيك الصحة على الموضوع الباهي
كيما قلتي الناس راهي تخلط وحافظة نورمال
هاذي كامل تصرا كي يكون الواحد عايش بلا مبادى وحاجة ماتحبسو ولا تردعو
صح خلآو جآنب المبآدئ آبآر و رآحو يتبعو فِ الغآشي ..
و أي حآجة نورمآل ,
كي الحيوان اكرمكم الله كلش عندو عادي ونورمال
لا دين يحبسو لا اخلاق لا تربية تردعو لا حشمة لا والو عايشين وخلاص ياكل يشرب وايدير واش طلعلو فراسو ونورمال
نورمآل هآذي مآكآنش في الدين تآعنآ , لآزم الوآحد قبل
مآ يجي يدير حآجة يحسبلهآ دينيآ و مبعد خلقيآ و مبعد
يعممهآ على النآس ’ مآشي يقرب النآس و البآقي يمحيه :down:
يعطيك الصحة
​

مشكور عمو سفيآن ع مروركـ و ع اعتمآد الموضوع :d
​

 

[أم راضية ~_]

السلام عليكم
واش بيك صفا ياااو نورمال :p
يديرو في حاجات أنورمال و يقولك نورمال وكي نحوسو نفهمو يقولك بديتي تتفلسفي ( زعمة انا قريت آداب و فلسفة )
خليهم يقولو نورمال وانا نقولهم النورمال فالبومبة تاع ليسونس يسكتو :d​

 

[ĂÝǾΰb]

في بلادي راه كلش عادي
ما تكسري راسك اختي
يا رجع لي تهدر معاه يقلك او انت مفتي الديار ؟؟
ولا يقولك راني عارف وش ندير مش انت لي رح تنعتلي صلاحي
ولا كيما قلتي انت كلش في بلادي نوورمااااااال
مرسي على الموضوع اختي
​

 

[عفاف الجزائرية]

وعليكم السلام
على هاذ لي جاست جاية تحطي في موضوع
او كلش نورمال اصفصف ما شفت حتى حاجة انورمال :p
هاذي يسموها بلاد العجب
كل ما يزيد الواحد يكبر في عمرو يزيد يشوف العجب المعجب
والله انا رجعت كي نخرج نبقى هك :-o
ربي يستر علينا ويهنينا برك
وينحجك هاذ المهم
اما الباقي او نورماااال
بصح عندهم برك :regards01:
​

 

[بنت الـ25]

اهلا صفصف والله زمان يا ضرسانة ههههههههههه
ايه والله هاد العقلية ولات بارتو
نشفى كي كنت فالجامعة قرينا على وحد النظرية تحكي على عقلية القطيع
اسمها لا كان ما كذبنيش ربي "نظرية العقل الجمعي"
بمعنى يولي الإنسان يتبع برك صحيح ولا غالط
يخالف الدين والشرع ولا لالا
يخالف العادات والتقاليد ولا لالا
كلشي نورماااااااااااااال
واللي ما يتبعش يولي آنورمال
وهادا اللي هلكنا كشعب جزائري
البسي السيري ياك اللبنانيات يلبسوه نورمال
ديري لوحة زيتية في وجهك ياك الخليجيات يديرو نورمال
هادي بلا ما نحكيو على الموضة تع الـgوَرّ وخلي وخلي
انا الإنسان لي يتبع نعتبرو عديم شخصية
ديفوا تلقاي الطفلة كي يعلقولها على حجابها المتحضر
(الخمار والسروال سيري والبودي قصير بععععع بوكيمونة :down
تقلك هدا وش لقيت فالمرشي ..
يا ختي روحي خيطي المهم تلبسي زي لوخرين؟
عقلية مقلية وش نقلك
قلبي او معمر قستيني فالقلب حتى تملمز صفصف هههههه
لي عودة ان شاء الله الحوووووووب
​

 

[la_safa]

وعليكم السلام
موضوع في القمة أختي صفاء
:yahoo01::yahoo01:
أهلآ باختي سندريلآ ..
كيما قلتي كلمة نورمال الشعب تاعنا يغطي بيها النقص تاعو كيما يلقاش
باه يبرر الموقف والموقف هادا يكون عارف بلي راه غالط
:down: شفتي كيفآه , عقلية خآسرة , مآ يعرفش مآمبآ يركب جملة
يسكتكـ بـ : نووووووورمآل
تجي تنصحيهم يعطيوك نشعة
كيمآ لي ديتهآ انآ عمري لآ ننسآهآ :cray02:
تفهميهم يقولولك بديتي تفتي
كنتي وكنتي
وي كنت مي هداني ربي
ولأني غلطت وعرفت غلطتي حابتكم أنتم تاني تصلحو روحكم
هآذي هي اوموآ الوآحد فآق بالغلطة تآعو و حآب يرجع للصوآب
هومآ لآلآ يبقو حآكمين الغلطة و يزيدو يشنعوكـ بيهآ
مي هوما يقولولك نورمال
عاش من تقبّل النصيحة المفيدة
والله يهدي اللي ينشع لي يجي ينصحو
اللهم آمين ~
تقبلي مروري
سلامي
​

مروركـ زي العسسسسسسل
منووورهـ حبيبتي :$ ~
​

 

[la_safa]

وعليكم السلاااام

فعلا اصبحنا في زمن انعدم به الحياء
أمر بالفعل مخز ٍ و غير مرضي :down: ~
هدا كامل من الوالدين و الرباية
طبعآ , مي المشكل ولآو مآم الوآلدين مش مربيين للأسف
شكرااا على الموضوع المميز
العفو اختي ~
مهما تكلمت لن اعطي موضوعك حقه
بارك الله فيك
و فيكـِ البركة اختي , انت لي منورهـ بردكـ :up:
ونسالو الله الهداية

​

اللهم آمين , مشكوووورهـ ع مروركـ :-r ~
​

 

[mimi-ba]

هلووولو
درك ومبعد نرجع نقول رايي
خليلي بلاصة ياااااو
بايووو درك

​

 

[la_safa]

بارك لله فيك
و فيكـِ البركة ~
موضوع من واقعنا المعاش و تلاقيت كثير من هذا المواقف . .
طبعآ و هذآ للأسف :down: ~
يعني من تناقشي موضوع و الطرف الثاني يكون مقتنع من كلامك و عارف الحكم الشرعي او العرفي انو راه غالط يقولك نورمال
و هنآ المشكل , أنو الوآحد يعرف الغلطة تآعو و من فوق يقلكـ نورمآل
مآفهمتش أنآ وشمن وجه قآدر يقآبل بيه :s , !!
و الجملة الشهيرة المتداولة الان اذا عمت خفت
أيوآه عندكـ الحق
ربي يهدينا اجمعين​

اللهم آمين ~ منوورهـ اختي :$ ~
​

 

[la_safa]

السلام عليكم
و عليكـِ السلآم ~
واش بيك صفا ياااو نورمال :p
هههه
يديرو في حاجات أنورمال و يقولك نورمال وكي نحوسو نفهمو يقولك بديتي تتفلسفي ( زعمة انا قريت آداب و فلسفة )
شفتي كيفآه يجهلو العبد
خليهم يقولو نورمال وانا نقولهم النورمال فالبومبة تاع ليسونس يسكتو :d​

هآذي عفسة مليحة ذركـ نجربهآ و نرجعلكـ لخبر هههه

منورهـ ~
​

 

[NABILA NIHAL]

يا مينات يا الحلوة كل يوم راهي تزيد حلاوتك الله يبارك ربي يحفظك مالعين :bye01::bye01::bye01::bye01::bye01::bye01::bye01::bye01::bye01::bye01::bye01::bye01::bye01:

 

[mimi-ba]

هلوووو راني وليت
صفاء قولي الحق درتي الشك والظن وقلتي في قلبك درك ماتوليش ؟؟
ايييه راني نفهم ههه

والله واش رايحين نديرو ؟؟
ومام لكان ماحبيناش المجتمع راح فيها و نقدرو غير نتفرجو و نسكتو
هديك الطفلة زعما تقدر امها تدير رايها قدام بابات الطفلة ؟؟
ياو الوالدين فازدين واش تحبي من الولاد ؟؟

وهديك العجوزة مسكينة بلاك عندها مراهقة متاخرة ؟؟
عند بالها درك هداك الطفل لي يبيع يقيمها وممكن مام يقوللها محلا الشيب في راسك ؟؟ هه

والله قتلونا هف برك تفهم تعيا وتعيا تفهم
خليها على ربي برك
هيا صحيتي عالميضوع
دمتـــــــ]ـــــي
​

 

[la_safa]

في بلادي راه كلش عادي
وي رآني نشووووف :down:
ما تكسري راسك اختي
رآسي تكسر و صآيي ههههه
يا رجع لي تهدر معاه يقلك او انت مفتي الديار ؟؟
شفت كيفآه سيرتو النشعة لي ديتهآ
ولا يقولك راني عارف وش ندير مش انت لي رح تنعتلي صلاحي
هآذيكـ هي ~
ولا كيما قلتي انت كلش في بلادي نوورمااااااال
والله يآ النووورمآل وين رآح توصلنآ
مرسي على الموضوع اختي
​

العفو خيو ,
انت المشكور ع مروركـ الي :up:
​

 

[mimi-ba]

هلوو من جديد
حبيت برك نقولك موضوع 444 من جديد هه

[باه نقولك برك غدو الروحة معايا نفوت عليك ]
​

 

[la_safa]

هلوو من جديد
حبيت برك نقولك موضوع 444 من جديد هه

[ باه نقولك برك غدو الروحة معايا نفوت عليك ]
​

هآلآ من جديد :d , عينيكـ لي 444 ..

< دآكور مآكآنش مشكل , و سون روطآر هههه >
​