مانيش عارفة واش زهري ميت ولا حي

[رضوة الجزائرية]

مرات نتسائل وين زهري ادا مات ربي يرحمو وادا حي وين راهو الكل يقول انسانة مليحة وتستاهل كل خير بصح زهري مدود سبحان الله وين ما ضربتها ما تصيبش تقدم لي غير لي يشوف منفيعتو فيا برك
المهم
حبيت نفرغ قلبي كما العادة كل يوم نعاني كنت مسافرة وقبل ما نروح جاني وحد قال لي حاب نتزوج قلت ليه بعد مانرجع المهم مين رجعت كلمتو قالي انا متزوج وعندي بنت وحدة فايت 15سنة زواج بصح امنيتي نتزوج وحدة تانية (هو يحق ليه ربعة حسب الشرع )بصح علاش انا ديما زهري ملتو نتمني شي يجيني شي تاني وكل مرة هكدا المهم راني نفكر ماتنسوش راني نكبر بلعمر وعييت وجيتكم تشورو عليا مشكورين على ردودكم وتفاعلكم



​

 

[sahiko hamza]

ماتقولش زهرك يا رضوة ..
كانو المتكوب مش مكتبلك غي مكلاه تحاولي
بالعقل برك والصبر ويجبها ربي ..
​

 

[أم راضية ~_]

السلام عليكم
وما ابتلاكِ إلاّ لأنه يحبكِ
سبحانه وتعالى
دايما الانسان يصراولو امور و إبتلاءات سواء خير ولا شر باش يصبر عليها و يثقل ميزان حسناتو
والصبر صبران , صبر على ما تحب وصبر على ما تكره
وما تنسايش الجنة راهي غالية وباش الانسان يدخللها لازم يصبر و يحتسب الأجر
وماتنسايش الدعاء في آخر الليل و الإكثار من الإستغفار
وربي يرزقك الزوج الصالح الي يحفظك و يصونك و يسترك و تقر عينك بيه ويكون قائدك إلى الفردوس الأعلى يا رب

 

[la_safa]

السلآم عليكم ..

اختي رضوة , شهدي و استغفري خلي يبعدكـ الشيطآن ..
شوفي معآيآ مليح .. هآذي هي الدنيآ و مآكآنش وآحد عندو الزهر في هآذ الدنيآ ..
كل وآحد وين تسلكلو في حآجة تعكسو في اخرى .. انت مؤمنة بالقضآء و القدر !!
اذآ ايه و تآمني بيه من قلبكـ .. مآتقوليش هآذ لكلآم مرة اخرى ..
ربي كي يحب وآحد يبتليه .. و دريتي انت الخير وين مكتبهولكـ ربي .. !!
و بآلآكـ تتزوجي وآحد وحدو و بجآهو و و طول عآيشة فِ مشآكل !
قدآه من وحدة قآلت يآ ريت بقيت فِ دآر بآبآ معززة مكرمة خير .. هذي الدنيآ ..
يعني المطلوب منكـ ذركـ , انكـ تدعي و تستخيري و تشآوري أهلكـ ..

و اذآ فيهآ خير ربي يكتبهآلكـ .. و أكيد ندعي لأختي ربي يهنيهآ و يسعدهآ ..
و خلي ثقتكـ بربي كبيرة ..
​

 

[M3TaZ eLLMa]

السلام عليكم

أولا نرحب بأخت الطيبة رضوة


ونشكرك لأنك فتحتي قلبك للإخوتك هنااااا

ثانيا نبدأ

أخت الطيبة أولا راك دخلتي نفسك في دوامة و وسوسة الشيطان لعنة الله عليه انت صنعت لنفسك جداااار من اليأس وهذا راجع للعوامل التي تمرين بها ربما تكون قاسية عليك ..

نرجعو لكلامك الاول وهو انو زهرك معوج بالعمية وين تضربيها تلقايها معوجة وناااس تقول ربي يبارك عندك عقلية ماشاء الله عليك ..

قضية الزهر يأخت راه كل شيء مكتووووووب ممكن الانسان تتعوج معاه الدنيا لكن دائما تتحسن عندما نلجأ إلى الله عز وجل وندعوه ليل نهار حتى يفرجها علينا راكي عارفة نحن ظيوف هذه الدنيا لا غير يعني عندنا امتحان نجوزه يا نجحنا فلحنا في أخرتنا وإذا خسرنا خسرنا اخرتنا انزعي من قلبك هذه الشكوك التي تروادك بأنك غير محضوظة وووووو لأنها وسوسة الشيطان لعنة الله عليه راكي تتعبي لا غير يا طيبة وتعبي قلبك وتدخلين دوامة لن تخرجي منها لهذا ارجعي امرك وسلمي امرك لله تعالى ودعيه لكي يستجيب لك وأن يفرجها عليك لأنو راه يختبر فيك ومن يختبره الله فإنه يحبه يا طيبة لهذا اقرئي القرآن ودعي الله في كل صلاتك حتى يفرجها عليك وكلما جائتك تلك الشكوك ألعني الشيطان الملعون وستغفري ربك وإن شاء الله سيازول عنك الهم .

نعود للقضية الثانية الزواج :

يأخت كلنا نعلم بأنو زواج مكتوب من عند الله لهذا لا تتقلي ابدا ابدا ابدا . تقليلي راني رايحة للكبر نقلك نعم راه مكتوب اصبري مكتوبك ضرك يجي لعندك كيما قتلك يا طيبة ادعي ربي سبحانو يفرجها عليك ويرزقك زوج الصالح لي تحلمي به يا طيبة راني قتلك ربي راه يختبر فيك لهذا أمني بقدر الله ومكتوبه ..


حولي تتناسي هذه المشكلة وتبتعدي عليها لأنها تضرك ودعي ربنا بالفرج وإن شاء الله تفرج عليك يا طيبة ..

وفي الاخير أتمنى لك التوفيق وربي يفرجها عليك دنيا وأخرة يارب

وربي يقبل منك ويستجيب لدعواتك يارب

وربي يرزقك إنسان صالح لي يسعدك ويعوضلك لي فااات يارب


وربي يسمعنا بأخبار عليك تفرحك وتفرحنا يارب


تحياتي​

 

[Djamel.Dz]

أختي رضوة صلي صلاة الإستخارة
وشــوفي إذا تقدري تزيدي تصبري أفضــل ، لأنه مكانش كيما تكونالبنت هي الزوجة الوحيـدة لزوجها ، لانها تختلف كثيـراُ عن الزوجة الثانية و الثالثة ... ، وربي سبحانه خلق عباده و فرق بيناتهم في كل شيء الرزق ، العلم ، الصحة ...إلخ ، المشكل مرهش في الزهر تبقى مسألة مكتوب و قــدر ، ممكن تحدث لأي إنسان أشياء حسنــة و ممكن العكس لسبب واحد وهو إختبار الله سبحانه و تعالى لعباده و بشــر الصابرين بثواب عظيم ، فالصابر له العاقبة الحميدة في الدنيا والآخرة، أو له العاقبة الحميدة في الآخرة إذا صبر على تقوى الله سبحانه وطاعته وصبر على ما ابتلي به من شظف العيش والفاقة أو الفقر والمرض . قال صلى الله عليه وسلم:((ما أعطي أحد عطاء خيرا وأوسع من الصبر))،

ربي يفرج عليك اختي لا تنســى ذكرالله
​

 

[السلطانة]

وعليكم السلام

صبرًا يااختي

ان شاء الله يرزقك ربي بالزوج الصالح

متقلقيش روحك


​

 

[هند تلمسان]

salam khti wlh ghir hadretek touchatni mbesah n9oulk beli li yesbar ynal whad denya ilama yji nhar tefna whna rahna hna bech nerdwiw rabi wkima raki t9ouli ness chahdin 3la akhla9ek machae lah ma3andek 3lech tkhafi sabri wnchlh rabi yjiblek lifiha lkhir wmat9al9ich kaml khti
rabi yefta7 3lik wyfaraj 3lik

 

[رضوة الجزائرية]

شكرا ليكم خوتي واخوتاتي مين رجعت من السفر صارو لي مشاكل ومرتحتش حسبت روحي مين نغير لبلاد نرتاح للاسف رجعت مدمرة عليها كتبت هكدا راني نستخير ربي وندعوه ليلا نهارا ان يرفق بي ويفرج كربي غير ربي لي يعلم ما بيا استغفر الله العلي العظيم واتوب ليه دعولي ربي ربي يخليكم ​

 

[حورية الجزائر]

مساء الخير اختاه

لازم تعرفي انو هدا مكتوب ربي

وبما اننا مسلمون والحمد لله لازم ما نعترضوش ومنقنطوش لانو هدا كلو من نفوسنا او من وسوسة الشيطان

لازم نكونو راضيين بالخصوص في مسائل الزواج

ان شاء الله تنالي مرادك وتحققي امنياتك

 

[سمسم السمسومة]

روحي أقراي الموضوع تاع الأخ_محمد امين _في 'عالم المرأة الصفحة الأولى' بعنوان (نصائح الى كل فتاة تأخرت في الزواج أختاه أقول لك).......موضوع رائع جدا.............

 

[قناص الغرام]

و الله ماتعرفي الخير وين

 

[رضوة الجزائرية]

لماقصد تاخري بالزواج قصدت هل اوافق على الرجل الدي طلبني وكون له زوجة تانية هنا المشكل ​

 

[M3TaZ eLLMa]

أخت رضوة الطيبة

هنا يأخت القرار هو عندك انت ولا احد يستطيع ان يقول يتدخل في قراراتك لأنو

مهما اعطينا لك القرار لربما نكون مخطئين

يعني يأخت إذا فيه إخوة قالوا لك ازوجيه وهو عندوا عيلة أخرى ولربما حصل مشاكل وووو هنا ربما ترجعين عليهم وتقلي ياريت ما تبعت قرارهم والعكس صحيح يا طيبة


شوفي نقلك هنا

انت من يقرر يا طيبة لأنها حياتك وانت ادرى بها


لهذا حبيت نقلك اقعدي مع نفسك وقرري وفكري مليح في هذا الرجل


وعندها قرري

تبقى هذه وجهة نظري لي نشوف فيها بكل صراحة ما نقدرش ندخل في قرارتك الشخصية

وربي يوفقك يا طيبة


وحولي تفكري مليح مليح قبل إتخاذ أي خطوة

تحياتي

​

 

[*RAHMA]

ختيتو شدي في ربي البنات كامل راهم هكا
كل شي مكتوب عند ربي ان شاء الله ربي يفتح عليك و ينورك
بصح بلاكي تزوجي و جي تشكي عندنا اوكي
ختيتو اذا سحقيتي صديقة راني هنا و فرغي قلبك اوكي
ربي يحفظك
سلام

 

[رضوة الجزائرية]

ربي يخليكم لي سند ديما غير هنا نفرغ قلبي لانني خجولة بالواقع ما نتكلمش غير مع القلم وهنا يا سيد معتز كلامك اقنعني بزاف وندير به ان شاء الله وختي نجي نشكي ليك بصح عندي تقول لي عييت صبري معي ربي يخليكم ليا يارب
اغلق الموضوع من صاحبة الموضوع ​

 

[Silent Hill]

ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ
لا يغير الله ما بقوم حتى يغيروا ما بأنفسهم ...
فقط راجعِ نفسك اخيه
ورح ندعي لاختى باه يفرج عليها ربي
من قلبي
نتمنى تصيبك كل السعاده
جزاك الله كل الخير
في رعاية الرحمان
سلامـــــــــــ

وراء كل امرأة رجل عظيم و ان لم تكن لكان أعظم
Catch Me If You C`an
●|ღ الحمد لله رب العالمينے ღ|●​

دعاء قمه ​