سلطة شهية ومغذية

[nada242008]

السلام عليكم ورحمة الله وبركاته
دايما نديرو سلاطة خضرا ولا سلاطة بالروز والجلبانة يعني ماسيدوان .. المرة هذي قلت نبدل ونجرب تاع القمح جات هايلة في البنة قلت نصورهالكم خلي تجربو وتنفعو رواحكم ههههه
المكونات
قمح راهو يتباع في علب طايب نحطوه في الما يغلي 10 دقائق ويكون واجد
فينيقرات
مايوناز
بيض مغلي
زيتون
ذرى
جبن مقطع
طون

الطريقة عادية كيفها كيف اي سلاطة نخلطو المقادير
والبيض غليتو ومن بعد قسمو الى انصاف نحيت الصفار ومرستو مع شوية مايوناز وعاودت عمرت حبات البيض
ان شاء الله تجربوها وتعجبكم

​

 

[SAMIRA25]

واو يعطيك الصحة راني ديت الصحن كله
و جزاك الله خيرا​

 

[نبض الحياة]

يعطيك الصحة الزينة
كي العآدة متالقة دآئمآ
​

 

[mimi53]

يعطيك الصحة سلاطة خفيفة وصحية تسلم ايدك

 

[oumsif]

تسلم ايدك ام ندوش سلاطة خفيفة وباهية مرسي حبوبتي علي الوصفة

 

[iman88]

بارك الله فيك

و القمح عندو بنة هايلة لذيذ جدا و مغذي

حنا نديروه شرشم برك
شكرا

 

[عفاف الجزائرية]

يعطيك اصحة عفوف
كل مرة نشوفو حوايج ملاح وماكانوش في البال
القمح عندي شكارة درك نغلي ونعطيهم حتاني رجعو يقوقو كي الجاج هههههه
بصحتك حبيبتي

 

[nada242008]

يعطيك اصحة عفوف
كل مرة نشوفو حوايج ملاح وماكانوش في البال
القمح عندي شكارة درك نغلي ونعطيهم حتاني رجعو يقوقو كي الجاج هههههه
بصحتك حبيبتي

ههههههههههههههههههههههههههههههه قتلتيني بالضحك
اسمعي القمح اليابس هذاك يقعد يومين ولا 3 وانتي تطيبي فيه اشري الواجد خيرلك
الله يسلمك فوفة
والله يسلمكم لبنات كامل ... يعطيكم الصحة على الردود

 

[ام سلمان و اسامة]

شكرااان حنونتي
ماشاء الله عليك
سلطة شهية

 

[ندى الورود]

سلاطة جديدة وتشهي يا أم ندوش
يعطيك الصحة
يعجبني القمح اللي طايب نموت عليه
وأكيد كسلطة يجي بنتو أممممممممممممم

​

 

[حكيك]

يعطيك الصحة ندوش صح التغيير مليح صوريلي العلبة الا ما رمتيهاش هههههههه
باش نروح نشريها منقعدش نفتش عليها

 

[nada242008]

يعطيك الصحة ندوش صح التغيير مليح صوريلي العلبة الا ما رمتيهاش هههههههه
باش نروح نشريها منقعدش نفتش عليها

العلبة فيها كيلو درت غير كاس هههههه ضرك نصورهالك

 

[hadda0425]

هايلة يا ام ندى انا ذقتها مرة صح بنينة يعطيك الصحة باذن الله نجربها
عفاف المسيلية حنا تاني عندنا القمح تاعنا من ارضنا يبالي انا تاني ندير كيفك ونطيب القمح ونحطلهم ينقبو هههههههه
​

 

[imane27]

امممممممممممممم راهى تشهى تسلم اديك

 

[Djazaire-El-Ghalia]

ya3tik essaha nadoucha twahachte tyabek mmm

 

[أم راضية ~_]

السلام عليكم
تبان خفيفة
ممكن سؤال: القمح يجي في باطة كيما تاع الماييس ؟؟ وإدا كان خضر ولا يابس كيفاش تجي؟؟
صحيتي على الفكرة :up:​

 

[ام ريهام]

يعطيك الف عافية والله سلاطة مغذية من حيث محتوياتها الف شكر على الفكرة

 

[Ĉoĕǔŕ Dề Ḟľeuŗ]

اممممممممممممم شهيتيني سلاطة جديدة مرسي عليك ويعطيك الصحة حبيبة

 

[serinee]

ممممممممممممممممم
يعطيك الصحة حبيبتي
راهي تشهي و زيد صحية
ربي يعطيك ما تتمناي حبيبتي
​

 

[ام قصي]

يعطيك الصحة القمح هو البرغل

​