قلبي وجعني حابة نفاجي على خاطري....

[BlackFlower]

السلام عليكم
حبيت نفرغ قلبي ليكم يا اصدقائي
انا عندي عقدة نفسية كبييييييييييييييييييييييييييرة وحاولت نتخلص منها مي ما قدرتش ننسى يامات ونولي ليها ...

بون انا زدت عندي داء السكري بالانسولين كي كنت صغيرة ماعلاباليش..كنت في القسم في الروضة صحباتي كامل ياكلو الحلوى وكانت طاطا جميلة ماتخلينيش ناكل وكنت كي نعيا ندوخ ما كنتش فاهمة بلي السكر هو اللي راهو يدوخني
المهم كبرت هكدا بهاد العقدة....وزدت تعقدت كي قاتلي يمى حنا مربينك لخاطر عندي خويا 1 برك وانا وكامل ماشي مراض بالسكر...كي كنت في المتوسطة سنة 2 متوسط قاتلي يمى اللي نحبها بزاااااااااااااااااف بلي مربيتني المهم

انا مع الاول بكيت بزااااااااف وغاضتني عمري بزااااف بصح الحمد لله يمى وبابا عندي رباوني وكبروني احسن تربية ...

مي كلي نتوسوس منين داك تغيضني روحي بزاااف كي شغل يعاملوني معاملة خاصة بلي انا مريضة و مش بنتهم يعن....راكم فاهمين

حتى كي نكون برا خطرات ندوخ في الجامعة كي
يطلعلي السكر و السمانة اللي فاتت دخت يعني..حسيت باحراج كبير الاستاذ زادلي فالنقاط تع التيدي وانا ماحبيتش
وعداك ندي ماعيا الانسولين للجامعة 4 مرات فالنهار وداير ريجيم مي كي يتعمر قلبي ندوخ تماك
الحقيقة انو كرهت روحي بالدات

يمى كي تشوفني نبكي تحساب علي مش بنتها حسيت وانا والله حاجة على السكر برك مقلقني بزاااف وخطيبي تاني راهو مقلق منين داك يقولي يمى ماهوش عاجبها الحل كي سمعت بلي عندي السكر.........

كترت عليكم الهدرة اسمحولي حبيت برك نفاجي.

باي
​

 

[بنت الـ25]

لا حول ولا قوة الا بالله العلي العظيم
لي عودة اختي
​

 

[hadil2044]

قصتك اثرت فيا اختي
ربي يشفيك
وامك راهي تحبك بزاااااااف وراهي خايفة عليك بزاف غطاك مريضة مش حاجة اخرى وما ديري حاجة اخرى في بالك
اما بالنسبة لخطيبك لازم يفهم وادا ما قدرش موقفك ربي يعوضك ما خير منو
وما توسويش روحك وما تقلقيش

*وعسى ان تكرهو شيئا وهو خير لكم *
*قل لن يصيبنا الا ما كتبه الله لنا *

ربي يصبرك
واحنا الكل هنا معاك وحاسين بيك
اختك هديل
​

​

 

[نبض الحياة]

السلآم عليكم
والله يآ لحبيبة اثرتي فيآ بزآآف
ربي يشآفيك حنونة
الامر مآشي بيديك
الحمد لله على كل حآل
الحمد لله اللي ربي رزقك بوآلدين مربينك احسن تربية والحمد لله على كل حآل
هآد المرض رآهو مآ خلآ لآ صغير لآ كبير
لكن يآ حبيبتي تآبعي علآجك والبآقي على الله هو الشآفي المعآفي
امآ ام خطيبك ارى ان مرضك ليس بعذر
ربي يفرحك لحبيبة ويفرجها عليك في اقرب وقت
سلآمي​

 

[love papitou]

يا اختي ماديري والو في بالك لي مكتوب على الحبين لازم تشوفو العين
اوك و ماماك مايهمش لي ربى اكثر من لي جاب ديري ربي في بالك
و مخاليهاش تحس النقص في حياتها اوك ربي يخلي هالك
اتهالي في روحك​

 

[BlackFlower]

انا مانيش على يمى وبابا بالعكس أحسن والدين رباوني خير من والديا الحقانيين على فكرة عرفتهم شكون بصح مانروحش مشوفهم لخاطر سمحو فيا يمى الحقيقية توفات كي كانت تولد فيا وبابا عندو 5 اولاد في البليدة بصح مانروحش راحت يمى مي انا مانروحش ابدا ابدا ابدا يمى وبابا اللي رباوني واتحملوني وكبروني وقراوني نتمى أي حاجة تكون عندي يجيبوهالي وتكون وش تكون
مي مانيش على الوالدين على جال السكر كي شغل البنات نتاجاتي كامل لاباس بيهم.....الحمد لله
صحيتو بزاااااااف حبيت نحكي ونشرح قلبي ليكم ما عندي غيركم ....نتوما اصدقائي واحبابي
شكرا لكم جميعا.و نحبكم كامل:d:d:d:d:d:d:d:d:d:d
I LOVE YOU ALL MY FREINDS

 

[رضوة الجزائرية]

ربي يفرج عليك ياختي ويريح بالك ويسعدك ان شاء الله هدا ماعندي مانقول ليك​

 

[Taylor2013]

السلام عليكم
اختي العزيزة لا يجب ان تجعلي هذا المرض عائقا في طريقك ففي وقتنا هذا الكتير مصابون به . اما والداك فهما لا يشفقان عليك بل لديك مكانة كبيرة في قلبهما اما ام خطيبك فلا داعي لتقلقي نفسك بسبها لانك ستتزوجين به و ليس بها
فلماذا تحزنين فانتي افضل من 65 % من الناس فانت مصابة بمض لم يصبح بالخطير في وقتنا هذا
و ختاما شفاك الله و لا تنسي ان تحمدي الله على كل شيء
و شكرا

 

[Ma$Ter]

عليكم السلاام
الله يشفيك ويفرج عليك
اصبرى وادعى ربى وما تبكيش امام والديك راك تمرضيهم وتزيدي تمرضى روحك اكثر
هدا المرض بلاء من عند ربى اصبرى واحتسبى
ما تقارنيش روحك مع الناس كامل شوفى الناس اللى عندهم امراض اخطر من تاعك درك تقولى الحمد لله
نضمى الاكل تاعك وما تضغطيش على روحك وتعمرى راسك يالوسواس ودرك تعيشى عادية جدا
ربى يشفيك ويحفظ والديك

 

[love papitou]

ربي يشفيك اختي

 

[assinat]

السلام عليكم اختي

ربي بلاك و انتي اصبري حتى يفرج عليك

احمدي ربي كي تجي تشوفي كاين ناس حالتهم اسوء منك بزاف

معندهاش بزاف وين رحت للسبيطار شفت راجل معاه طفلة صغيرة سقسيتو وش بيها قالي عندها الجهة اليسرى كاملة ميتة متحركهاش و عندها 6 اشهر برك تغيض شحال راح تقاسي اكثر منك

و انشاء الله انتي متخليش هاد المرض يكون عقدة و عائق في طريقك

نتمنالك الهنا و الشفاء العاجل حبيبتي :regards01:


​

 

[سمسم السمسومة]

اصبري فالمرض ابتلاء من عند رب العالمين.......

 

[Houda Chaouienne DZ]

ختي ما تقلقيش روحك .. السكر صح مرض مزمن
مي ما يعيقش حياتك اليومية
تقدري تتعايشي معاه عادي جدا
كي تبعي الريجيم و ديري الانسولين
بربي ان شاء الله حاجة ما تخصك
و شحاااال من وحدة عندها السكر .. زوجو و ولدو نورمال
خطيبك اذا ما فيهش الخير .. ربي يعوضك لي خير منو
ماتقلقيش روحك .. سلام
​

 

[somo_81]

السلام عليكم
اإن شاء الله يشافيك يا أختي أنا أمي كانت تقولي الأم لي ربات ماشي لي ولدت و الله عندها الحق alors متقوليش مربيتني برك لالا هذيك يماك تاع الصح وخطيبك لازم يقتنع بيك كيما راكي و إذا كان كاتبهولك ربي و الله لا يماه و لا باباه يديك يديك alors متقلقيش روحك و إنشاء الله خير

 

[BlackFlower]

السلام عليكم
اإن شاء الله يشافيك يا أختي أنا أمي كانت تقولي الأم لي ربات ماشي لي ولدت و الله عندها الحق alors متقوليش مربيتني برك لالا هذيك يماك تاع الصح وخطيبك لازم يقتنع بيك كيما راكي و إذا كان كاتبهولك ربي و الله لا يماه و لا باباه يديك يديك alors متقلقيش روحك و إنشاء الله خير

لالا انا جامي نقولها يمى هي يمى وحنونتي وصديقتي ونموووووووووووووووووووووت عليها
ونحبها بزااااااااااااف وبابا نمووووووووووووت عليه ونحبو وخويا تانيك نحبو
مي انا مقلقتني يمات خطيبي قاتلو ناف ولاد وليدي يجيو فيهم السكر كي شغل......فهمتيني ؟؟؟
وانا تعقدت لخاطر ملي كنت صغيرة ندووووووخ بزااااااف حتى وندير الانسولين في الجامعة نحس باحراج كبير هادو عامين وانا نقرا فلجامعة ودخت بزاااااف حتى النهار اللي جاو خطبوني دخت كي خرجو يعني كي نفرح ولا نتقلق ندوخ وخطيبي يحبني بزاااف ويخاف عليا ديما يجي ليا للجامعة والله ماناكل كامل بزااااف قالي الطبيب دارك السكر هكدا لخاطر زدت بيه علابالك بلي الانسولين 4 مرات ولا 5 فالنهر والكاشيات تاني باش ما ندوخش..يطلع وحدو نضرب الشكة حتى في ظهري وكرشي ويديا وجعوني.......يعني هكا حالة نفسية برك ان شاء الله رب يشافي كل مسلم ويصبر كل واحد
ياودي كرهت صراحة شديت بزاااف وكرهت مي الحمد لله على كل حال .
كاين ما كتر مني الحمد لله نحمدو على كلش وما يصيبنا الا ما كتب الله لنا
الحمد لله الحمد لله الحمد لله الحمد لله الحمد لله
والله على كل شيء قدير.
شكرا لكم جميعا على رفع معنوياتي راني رايحة نقرا غدوة عندي 2 انيرو ادعولي .
بااااااااااااااي:regards01::regards01::regards01::regards01:

 

[وصال]

ربي يشفيك ويشفيني ويشفي جميع مرضى المسلمين

اختي المرض وانا راني فيه ابتلاء من الله سبحانه وتعالى للعبد المؤمن ، وجامي تقنطي من رحمة الله ، لازم تعرفي بلي كاين الملايين من الناس راهم اسوأ منك ومني ، انا ثاني عندي مرض القلب وياختي واش نقولك ، انا ندير عملية كل سبع سنوات اواكثر باش نبدل البيلا ، وهكذا والله في حياتي متضمرتش من هذا الشئ بالعكس حتى انو الناس ميامنوش بلي انا مريضة صوا في الخدمة ولا في الشارع ومين ذاك ندوخ ونورمال ، مالGري المجتمع صح ميرحمش بصح دايما في كلامي نقول الحمد لله لي جا الحكم لله ماشي للعباد ، اختي انت على الاقل لقيتي ليرضى ويضحي علاجالك كاين ناس مصابوش لي رفدهم ، ماصابوش لي يعطيهم ياكلوا وانت تاكلي وحدك تمشي وحدك زيد تقراي يعني غدو ان شاء الله متحتاجيش لي يعطيك دراهم ، احمدي ربي اختي وديريه في قلبك دايما ومتعمريش راسك بالناس الحابسين ابدا والحمد لله ربي عوضك بوالدين ماشاء الله يخافوا عليك ويتحيروا عليك ، اما نظرتهم ليك فاعذريهم ، حتى انا ماما تنظر ليا بنظرات خوف عليا لكن ، اسلوبي في التعامل معاهم خلاهم دايما يعرفوا بلي مرنيش متاثرة ابدا بواش عطالي ربي ،الحمد لله راني احسن من انسان عطالوا ربي كلش ، راكي عارفة علاش بويسك نشوف ناس ربي عطاهم الصحة والمال والاولاد ومرهمش حامدينو ، حنونة راني معاك وراني فاهماتك واذا كاش متستحقي اختك وصال هنا معك دائما . ربي يحفظك ويسترك ، اللهم رب الناس اذهب الباس اشف انت الشافي لاشفاء الا شفاؤك شفاءا لا يغادر سقما.

 

[BlackFlower]

ربي يشفيك ويشفيني ويشفي جميع مرضى المسلمين

اختي المرض وانا راني فيه ابتلاء من الله سبحانه وتعالى للعبد المؤمن ، وجامي تقنطي من رحمة الله ، لازم تعرفي بلي كاين الملايين من الناس راهم اسوأ منك ومني ، انا ثاني عندي مرض القلب وياختي واش نقولك ، انا ندير عملية كل سبع سنوات اواكثر باش نبدل البيلا ، وهكذا والله في حياتي متضمرتش من هذا الشئ بالعكس حتى انو الناس ميامنوش بلي انا مريضة صوا في الخدمة ولا في الشارع ومين ذاك ندوخ ونورمال ، مالGري المجتمع صح ميرحمش بصح دايما في كلامي نقول الحمد لله لي جا الحكم لله ماشي للعباد ، اختي انت على الاقل لقيتي ليرضى ويضحي علاجالك كاين ناس مصابوش لي رفدهم ، ماصابوش لي يعطيهم ياكلوا وانت تاكلي وحدك تمشي وحدك زيد تقراي يعني غدو ان شاء الله متحتاجيش لي يعطيك دراهم ، احمدي ربي اختي وديريه في قلبك دايما ومتعمريش راسك بالناس الحابسين ابدا والحمد لله ربي عوضك بوالدين ماشاء الله يخافوا عليك ويتحيروا عليك ، اما نظرتهم ليك فاعذريهم ، حتى انا ماما تنظر ليا بنظرات خوف عليا لكن ، اسلوبي في التعامل معاهم خلاهم دايما يعرفوا بلي مرنيش متاثرة ابدا بواش عطالي ربي ،الحمد لله راني احسن من انسان عطالوا ربي كلش ، راكي عارفة علاش بويسك نشوف ناس ربي عطاهم الصحة والمال والاولاد ومرهمش حامدينو ، حنونة راني معاك وراني فاهماتك واذا كاش متستحقي اختك وصال هنا معك دائما . ربي يحفظك ويسترك ، اللهم رب الناس اذهب الباس اشف انت الشافي لاشفاء الا شفاؤك شفاءا لا يغادر سقما.

رب يحفظك ويشافيك حنونتي
والله حاسة بيك وفاهماتك
راني هنا ان تاني كاش ما يخصك
رب يهنيك ويفرحك كيما فؤحتيني بهدرتك
مييييييييييييرسييييييي

 

[والدة فاروق]

ياختي انا نقولك الصبر ثم الصبر ما تنسيش المرض ابتلاء وربي مين يبغي انسان يبتليه لازم تشوفي الامور الاجابية في المرض و هي تكفير الذنوب سبب في دخول الجنة..لكن في المقابل عليك بالصبر وماتشكيش للغير باه ربي يجازيك وزيد كي قلتي بلي مربيينك حمدي ربي راكي احسن من ناس بزاف على الاقل لقيتي لي يحن عليك ويحميك وماشاء الله عليكي راكي في الجامعة يعني ماقصروش معاك وكاين لي عايشين مع والديهم ومشي هانيين لازم تحسني ليهم وماتحسيهمش بلي كل هذي السنوات راحت هباء على الاقل بكلمة طيبة

 

[الاخ الاصغر]

الله الله عليك اختي والله ان البلاء من عند الله هو إمتياز
با اختي راكي مميزة علينا قاع شوفي شحال محبة راكي ربحتيها من عند الناس خاصة والديك الله يخليهملك
يا اختي و الله العظيم لانك من فائزين من الدنيا و اتمنى ان تكوني من الفائزين في الآخرة و ان اردت ان تجتازي هذه العقدة احمدي الله و استغفريه و ابكي حمدا على نعمه و سترين النتيجة
اخوك عمر

 

[!≈[سُِـِيٌــِـِفّ اٌڷِخً‘يٌـرُ]≈!]

يا اختي ديري ربي في بالك

ما نقدرش نزدلك اكثر من هذا
​