يا ختي ربي يشافيك إن شاء الله هو قادر على كل شي واك الدنيا هذي امتحان وربي يختبر في
عبادو فيه الي بلاه بالمرض يشوف ايلا يصبر عليه لي عطاه المال يشوف ايلا يعاون بيه خوه
الفقير لي بلاه بالفقر يشوف ايلا يصبر ويحمد ربي وهي رايحة يا ختي المهم كيما كان الحال اي حاجة مرض
مشاكل لي كانت الواحد يقول الحمد لله على كل حال تحمدي ربي وتصبري شدي في صلاتك تصيبي
فيها راحتك والله ثمة وين تتقربي لله ويسمعلك هو وقادر يشفيك إن شاء الله قاع على بالنا بلي
المرض واعر والله فاتت عليا وحد المرحلة شحال من عام وانا نفوتو راقدة في الفراش ليعندو مرض
باين انا ما كان بيا والو بصح نضل راقدة دي فوا نبغي نهبل صح تقولي لياه ماشي كيما قاع لبنات
بصحتي بصح لله في خلقه شؤون هو خلقنا وكل واحد كيفاه دارلو اوك ومادام راكي عايشة عيشي
حياتك بمرض ولا بلا بيه راه عندك دواك وعارفة حالتك تقدري تديري لي تبغي وماتخلي حاجة
تفوتك علاه تخمي فيه انسايه مرضك حنونتي اوك وخليه ينساك اوك انا عاندت روحي وقت لي كنت
نمرض فاتني عوام من حياتي غير هكاك افرحي ربي يفرحك ويعطيك لي تتمناي حنونة اوك ومكان
لا عقدة نفسية لا والو غير انتي كنتي تتخيلي صح :p صح مرات يغلبو علينا صوالح هكا ونكتئبو
بصح ماتخليهاش تقوى عليك كل ماتجيك فكرة هكذا ماتديهاش فيها 
روحي صلي اقراي القرآن
اي حاجة مليحة تقربك لربي وتبعدك على هذو الافكار تاع العقد لي مكاش منها اوك وام خطيبك
هذي ايلا راهي خايفة على ولاد ابنها راهي كبيرة وتعرف بلي ربي كي يبغي يبتلي العبد يبتليه بيك
وبلا بيك حتى وتجيب زوجة اخرى لوليدها ومابيها والوهكا تضمن احفادها ما يمرضوش قاع؟؟
اوف من تخمام هذو الامهات كي يبغو يزوجو ولادهم :s انتي المهم متفاهمة مع المسيو
المهم مايهمك والو وراهي وصلاتك الفكرة نظن :d
طولت عليك حنونتي ايا السلام عليكم
