لا ادي ماذاافعل فجئت الى هنا ............

[Rana princess]

صباح الخير والورد والياسمين ..
انا عضوة جديدة في منتداكم الغالي والرائع ..
والله ياخاوتي وخواتاتي انا عندي مشكل وحبيت نسقسيكم واش ندير :s
انا وحدة نقرا في الليسي واحد نهار جا طفل وقلي راكي عجبتني
انا جمدت في بلاصتي وما قتلو والو المهم ممبعد قتلو راني رايحة نقرا قالي رانا على اتصال قتلو لالا. قالي مش بورتابل سكت انا من شدة الصدمة المهم .......... النهار يجيب نهار في هاذو ليامات كنت في busباه نروح للدار بعثلي نيميرو نتاعو مع طفلة قتلها لالالا

ومبعد من غدوى ذاك جا قلي علاه مطمتيش النيميرو تاعي
وبدا يهدر المهم خلينا ا

انا غلطت؟كي هدرت معاه
وكي يجي يهدر معايا واش نقلو
سلام يا خاوتي

 

[بنت الـ25]

ختي لعزيزة واحد ما رح يوبليجيك تحكي معاه بالسيف
إذا انتي ماكيش قانعة بالشي هدا مديريهش
ومتخميش بزاف لأنو الحكاية مش مستاهلة
​

 

[كاترين]

كيما قالت الاخت مينات ، ما تعمريش راسك ادا ماشي حابة تحكي معاه ما تحكيش :d انتي و رضاك و ما عندك مناه تخافي

 

[sahiko hamza]

قوليلو مانحبش نحكي من الطاقة
نحب نحكي من الباب
من لخر هاذي
ربي يستركـ
​

 

[Rana princess]

شكرا بزااااااااااااااااااااف على الردود تاوعكم صافي غير كي حكيلتلكم راني نحيت على روحي

يعطيكم الصحة راكم وقفتو معابا ومديتولي ارائكم

 

[سمسم السمسومة]

هو حب و اعجاب مراهقة لا داعي لتكبير المسألة.........رأي الأخت _مينات _صائب..........

 

[Rochdi.dz]

درك نعطيك نيميرويا و مديهولو يعطلي نحكي معاه
خخخخخخ

يا ختي وش راح نقلك سمطيه برك
قوليلو نحرش عليك انيسة درك تبانلو اكي صغيرة و يخطيك
هههه
​

 

[حكايا الورد]

السلام عليكم
من خلال تتبعي للردود تاع الاخوة راهم في اعتقادي وصلولك نصيحة وحدة
اللي هي: ديري واش قانعة بيه
وتحياتي لثقتك فاللمة :regards01:​

 

[وصال]

اختي ننصحك نصيحة بالاك تخلي الشيطان يلعب براسك وخليك من الحب وتفاهاتوا على خاطر في الاخير راح تولي تضحكي على روحك ، هاذي كيما قالوا الاعضاء لي قبلي مجرد امور تحدث في فترة المراهقة وسبالابان تعطيها اهمية لانها مجرد فترة عابرة ومتخليش الشيطان يزينلك اعمالك ولازم تعرفي بلي هذا شئ حرام ولا داعي باش تسقسي عليه ولا تستفسري علابالي راكي تحوسي على النصيحة ، وخير مافعلت ، في المرة القادمة كيحكي معاك قوليلوا انا بنت الرجال واخت الرجال اذا راك حابني احنا معوايدنا ندخلوا من الباب السراق ليدخل من التاقة .
اختي تهلاي في قرايتك وتهلاي بزاف بزاف بزاف في سمعتك ومتخليش فلان وعلان يكونوا سباب باش تتوراي بالصباع ماذا بيك وين تجوزي غير كلمة ماشاء الله ترفعي بيها راسك وراس باباك ويماك ليرباوك وحتى خاوتك .
عذرا على الاطالة .

 

[love papitou]

اختي متعمريش راسك بيه خليه يهدر على روحو

 

[✿أسيـل✿]

ياأختـي
ماتعمريش راسك بيــه خليـك منو
اتهـلاي في قرايـــــتك

​

 

[f.zahra]

عزيزتي
مين ما تقيميهش يعيا ويكره وحدو متعطيلوش
وجه برك وربي يبعدو عليك

 

[!≈[سُِـِيٌــِـِفّ اٌڷِخً‘يٌـرُ]≈!]

لله يبارك راني نشوف في جماعة كامل ضد المخلوق هذا

ههههههههههه

يا طفلة هذي لحاجة ترجع ليك و لقانعتك
​

 

[الاخ الاصغر]

قوليلو نخاف الله و منطيحش قدر دارنا و يلا بيك الحب ها دار و يل بيك اي حاجة ها دار
اخوك عمر

 

[abdellah gourari]

ختي كيما قالو الأخوى ما تكسريش راسك معاه :-r

 

[والدة فاروق]

ياختي حراااااااااام بالاكي يغرك الشيطان ايلا راه ناويك للحلال يجيك للدار هذي العلاقة محرمة شرعا وما تسمعيش للبنات لي ينصحوك باه تجربي كاين لي كي تشوف روحها غلطت تحب تجر البنات معاهاو منغيرعايلتك واحد ما يحبلك الخير وحنا رانا ننصحو فيك لوجه الله وزيد راكي عاد صغيرة كملي قرايتك ويلا بغيتي ديري علاقة اديريها في الحلال يعني علاقة زوجية شرعية وربي يوفقك

 

[hadda0425]

عجبني الرد تاع رشدي نحرش عليك انيسة ههههههه يقراو في الحضانة
وش نقولك يا بنتي روحي اقراي قرايتك اخطيك من عجبتيني وهبلتيني وسحرتيني و........وكلام الافلام الهندية
راك مزلتي في اول الطريق
هادي نصيحة مني ليك
​

 

[mirna cool]

قوليلو نحرش عليك انيسة درك تبانلو اكي صغيرة و يخطيك
هههه
​

هههههههههههههههههههههههه روووووووووعة
​

 

[mirna cool]

بالاك ديري فيه الثيقة لان الشاب الجزاائري ما هوش نتاع ثيقة، فكك منه راهو غير يتمسخر بيييييك

وما عندك حتى مصلحة فييييييييييييه

اهتمي لقدر عائلتك ولقدرك وردي بااالك من اشكال مثل هؤلاء

وردي بالك على قرايتك راكي ما زلت صغيرة ومزال العمر قدامك
​

 

[M3TaZ eLLMa]

السلام عليكم

أخت وصال الطيبة

الله غالب كنت ودي نرد عليك في يوم لي نزلتي الموضوع لكن نات ما حبش


ما عليه الاخوة راهم أعطوك حلول ما شاء الله عليها


ما نقدر نزيد عليهم شيء لأنو اجابتهم في محلها .


المهم اخت الطيبة حولي ان تتجنبي مثل نوعية هاذ الشباب لأنو في وقتنا هذا الحياة راهي صعيبة ولازم تحافظي على مستقبلك قبل كل شيء . مستقبلك بين ايديك اعرفي كيفاه تخططي لمستقبلك وبتعدي عن الحب لأنو مارح يفديك بشئ في سنك هذا انتبهي لدرستك وشهادة هي الاهم . وصارحيه عادي جدا بأنك تردين بناء مستقبلك .

وربي يوفقك يا طيبة

وحبيت نرد على الاخت mirna cool بخصوص كلمة فقط حبيت نعلق عليها

أخت ليس كل شباب الجزائر كــمــا تـتــصـــوريــنه يأختاه هناك أولاد الحلال الذين يقدرون الحياة الحقيقية ومعانيها في بلدنا وهناك من هم أهل الثقة يا طيبة حبيت نعلق فقط على كلمة ونتمنى ما يكون كلامي ثقيل عليها .


وأتمنى لك أخت وصال النجاح في مستقبلك يارب


وتقبلي شكري وتقديري ​