هل يمكن ان يكره اب ابنه

[والدة فاروق]

السلام عليكم ورحمة الله وبركاته في الحقيقة هذا الموضوع محيرني ومقلقني في نفس الوقت لانو يمس قريبتي نحكيلكم حكايتها تزوجت مع شاب قالو عنو انو اي وحدة تتمناه سيغتو مين لاباس عليه كاين لي تهمهم المادة المهم دارو عرس شباب الناس قاع حكات عليه وزيد شهر العسل...المهم بعد اربع اشهر قريبتي حملت وجاها الوحم صعيب كترو المشاكل بينها وبين زوجها على اتفه الاسباب في العيد جات زايرة لدارهم قالها من بعد نجي نديك لحد الان ماولاش راه في عام ونصف مع العلم انو يسكن في ولاية اخرى يعني ما يقدروش يتلاقو اقاربي غاضهم الحال ورفعو عليه دعوة طلاق ولانها كانت حامل اجلوها لبعد الولادة ومازالو مافراوهاش الغريب في الامر انو هاد الزوج ماحوس على ولدو ماسقسى عليه يعني نقدرو نقولو كره زوجتو لكن يكره ابنو انا يبانلي هاد الشخص مشي طبيعي لانو دمر حياة شخصين زوجتو لي ما زالت صغيرة عمرها 21 سنة و ابنو لي ما دارلو حتى شي كيفاش غادي يعيش نفسيا و هو عارف انو والدو تخلى عليه حتى قبل ما يشوفو

 

[sahiko hamza]

ويذرك هادا كامل لبنات يحبو يتزوجو بواحد كيفوا ؟؟
الله يسترنا ويستر خاوتنا لبنات
ماعندي حتى تعليق على الحالة غي
لا حول ولا قوة إلا بالله .
​

 

[BlackFlower]

لا اله الا الله لاحول ولا قوة الا بالله
وشبيه مهبوووووول؟؟؟؟ راكم sur بلي ماشي مريض؟
حسبي الله و نعم الوكيل فيه
هادا شكون اللي تديه ضرك تندب عليه وعلى متالو ماشي راجل كون جا فحل يواجهها ويطلقها فالوجه مش يرميها
روح لا ربحت يربح خاين السوق........رب وكيلو وهي مازالت في ربيع العمر يجيها مكتوبها رب عمرو لايظلم عبادو يجيها ما خير باذن الله يسترها ويعيشها هي ووليدها احسن معيشة آآآآمين يا رب يهنيها
​

 

[homework]

ربي يهدي ماخلق لان هذا الراجل اصلا ماهو نتاع زواج لانوا مش مسؤول على واجبات كأب و كزوج و زيد وحم ومصبرش على مرتو مالا في المرض كيفاش لازم قبل الزواج نختار الانسان ذو دين و اصل فالمال يفنى وتبقي التربية الاصيلة

 

[فتاة حساسة]

لا حول ولا قوة اللا باللله .وكيلو ربي

 

[والدة فاروق]

شكرا على الردود بارك الله فيكم المشكلة ايضا انها ما تملك حتى شهادة باه تعمل وتخدم على ولدها والديها ما يقصروش معاها لكن ما يدومولهاش

 

[lima-bell]

كان الله في عونها اختي
ربي يستر جميع بنات المسلمين
ويهدي هذا الزوج
شكرا على مشاركتنا بالمشكلة
​

 

[والدة فاروق]

كان الله في عونها اختي
ربي يستر جميع بنات المسلمين
ويهدي هذا الزوج
شكرا على مشاركتنا بالمشكلة
​

شكرا اختي هدفي من عرض المشكلة ان انبه الفتيات الا ينخدعن بالمظاهر فهي خداعة طبعا ليس دائما في حالات معينة لوكان يعيش في نفس المنطقة كانو قادرين يعرفو سيرتو واخلاقو الله يهديه

 

[والدة فاروق]

لا اله الا الله لاحول ولا قوة الا بالله
وشبيه مهبوووووول؟؟؟؟ راكم sur بلي ماشي مريض؟
حسبي الله و نعم الوكيل فيه
هادا شكون اللي تديه ضرك تندب عليه وعلى متالو ماشي راجل كون جا فحل يواجهها ويطلقها فالوجه مش يرميها
روح لا ربحت يربح خاين السوق........رب وكيلو وهي مازالت في ربيع العمر يجيها مكتوبها رب عمرو لايظلم عبادو يجيها ما خير باذن الله يسترها ويعيشها هي ووليدها احسن معيشة آآآآمين يا رب يهنيها
​

مشكورة اختي لا ما يعاني من حتى مرض بالعكس ابن صاحب شركة معروفة في الغرب و هو حاكمها يعني محال يكون مريض ربما عندو الفيس تاع النسا ربي يعلم

 

[والدة فاروق]

ربي يهدي ماخلق لان هذا الراجل اصلا ماهو نتاع زواج لانوا مش مسؤول على واجبات كأب و كزوج و زيد وحم ومصبرش على مرتو مالا في المرض كيفاش لازم قبل الزواج نختار الانسان ذو دين و اصل فالمال يفنى وتبقي التربية الاصيلة

عندك الحق اختي ماكانش افضل من الانسان المتدين

 

[رضوة الجزائرية]

ربي يهديه ويستر على لبنات ال

كل​

 

[والدة فاروق]

ربي يهديه ويستر على لبنات ال

كل​

امين اختي شكرا

 

[بنت الـ25]

السلام عليكم اختي ام فاروق
قريت قصة حبيبتك وتأثرت بيها
جذور المشكل تعود لاول ما تقدم لخطبتها كان من المفروض يسقسيو ماليها عليه
ديجا قوليلي شافو لجيبو :down:
والحاجة لوخرا العينات تع هاد الزوج كاينين وبزاف
ممكن يكون مقنعش بيها وممكن تكون امو مرضاتش عليها وممكن المشاكل كانت لا تحتمل بيناتهم
بالاك انتي متعرفيش تفاصيل المشاكل اللي بينهم
وفي جميع الأحوال موضوعنا كيفاش هاد الأب ميسقسيش على بنو؟
اللي يدير هكا في بنات الناس ما شكيتش قلبو يتحرك على ابنو
متكسريش راسك اختي يعيا ويندم
ومتخميش عليها مدامو هو اللي فرط فيها المحكمة رايحة تحكملها
بالنفقة الغذائية وبدل الإيجار يعني مبلغ يقدر يعيشها على قد حالها
وربي يجازي كل شخص بأفعالو
​

 

[والدة فاروق]

السلام عليكم اختي ام فاروق
قريت قصة حبيبتك وتأثرت بيها
جذور المشكل تعود لاول ما تقدم لخطبتها كان من المفروض يسقسيو ماليها عليه
ديجا قوليلي شافو لجيبو :down:
والحاجة لوخرا العينات تع هاد الزوج كاينين وبزاف
ممكن يكون مقنعش بيها وممكن تكون امو مرضاتش عليها وممكن المشاكل كانت لا تحتمل بيناتهم
بالاك انتي متعرفيش تفاصيل المشاكل اللي بينهم
وفي جميع الأحوال موضوعنا كيفاش هاد الأب ميسقسيش على بنو؟
اللي يدير هكا في بنات الناس ما شكيتش قلبو يتحرك على ابنو
متكسريش راسك اختي يعيا ويندم
ومتخميش عليها مدامو هو اللي فرط فيها المحكمة رايحة تحكملها
بالنفقة الغذائية وبدل الإيجار يعني مبلغ يقدر يعيشها على قد حالها
وربي يجازي كل شخص بأفعالو
​

شكرا اختي على مرورك هاذو اقاربي لاباس عليهم مانظنش داهم الطمع وزيد سقسو عليهم يقولولهم ناس ملاح عليها

 

[قناص الغرام]

لا حول و لا قوة إلا بالله
يقلك خاف ربي و خاف الي مايخاف من ربي
​