دار عرائس اللمة الجزائرية 2013

[السلطانة]

-موضوع خاص باستفسارات كل عروس
عن الجهاز +ديكور المنزل+طرق تزيين السّلات وموديلات لبساطات وولي ناp ....+تروسو الكوزينة والحمّام،الآلات الكهربائية أي كلّ مايخصّ عتاد البيت
-تتم المساعدة من قبل العضوات ومشرفات المنتدى -​

******************************* ****​

نتمنى وضع الاستفسارات الخاصة بجهاز العروس
و عدم خلط المواضيع بعضها ببعض
لنحافظ على الرّكن ونُسهّل عليكنّ العملية أثناء البحث ​

​

 

[yasmine mimina]

مبروك علينا الدرا الجديدة
الللف شكر يا سندريلة المنتدى:regards01:

 

[angel]

الف مبروك الافتتاح

ان شاء الله نفيد ونستفيد



​

 

[KAW238]

مبروك الافتتاح
و نشالله تكون خير لينا كامل
راني داخلة برجلي اليمنى

 

[هِدايات]

فكرة رائعة يعطيك الصحة...ممكن نبدا انا الاولى..في الحقيقة راح نسكن وحدي وداري راي تفينا.خطيبي حب يصبغ الدار blanc casse.ممكن تعطوني اقتراحات للون الكوفرولي و لي درا لي نديرهم و ان امكن صور.ايضا صور لديكورا الصالون بنفس اللون..
وراني دايما ندعيلكم ربي يهنيكم كاملين

 

[yasmine mimina]

ربي يخليك حنونة على الدعوة
امم بالنسبة للكوفرولي تقدري ديري لونو ابيض او blanc cassé او بني او غوز موف يعني يوالم مع لغلب الالوان
انا تاني كنت حابة نديرها هاد اللون بصح راجلي راح دار الموف ههههههههه
و الصالون تاني كيف كيف
ربي يهنيك حبيبتي

 

[yasmine mimina]

 

[هِدايات]

شكرا اختي الله يخليك و يهنيك

 

[@احساس طفلة@]

أولا مبروك اففتاح الدار وشكرا لأختي ساندريلا دائما تتحفنا بأفكار رائعة
بالنسبة لأختي مريم من زهرك خاطيبك عمل لون لاشومبر بلون كاسي باسكو يخرج مع أغلب الألوان تقريبا
أنا في راييي ديري لونين مع بعض هادا الدارج حاليا مثلا موف فونسي وقري يولي الريدو موف وقري و الكوفرلي كيف كيف والتابي تكون قري أو موف أو غوز وغوز كلار
​

 

[السلطانة]

ربي يهنيك اختي

​

 

[yasmine mimina]

السلام عليكم حبيباتي
حبيت نشاوركم على الالوان الدارجة للصالون المغربي هاد العام راهي تالفتلي و تاني ادا راكم شايفين تفصيلات شابين تاوعهم حطولي ربي يخليكم
و تاني راني ناوية ندير البساطات و المخايد بالبوا دروز واش رايكم في هاد اللون
و شكرا

 

[@احساس طفلة@]

وعليكم السلام
حتى انا كيفك راني حايرة واش ندير لاكولار تع الصالون معضم لعرايس يعملو يا موف يا غوز وانا باغية حاجة خلاف يا ريت تساعدوني​

 

[السلطانة]

السلام عليكم حبيباتي
حبيت نشاوركم على الالوان الدارجة للصالون المغربي هاد العام راهي تالفتلي و تاني ادا راكم شايفين تفصيلات شابين تاوعهم حطولي ربي يخليكم
و تاني راني ناوية ندير البساطات و المخايد بالبوا دروز واش رايكم في هاد اللون
و شكرا

وعليكم السلام اختي ياسمينة
شوفي هادا عجبني لونو
​

​

 

[السلطانة]

وعليكم السلام
حتى انا كيفك راني حايرة واش ندير لاكولار تع الصالون معضم لعرايس يعملو يا موف يا غوز وانا باغية حاجة خلاف يا ريت تساعدوني​

شوفي هادو

​

 

[::أبرار::]

السلام عليكم حبيباتي
حبيت نشاوركم على الالوان الدارجة للصالون المغربي هاد العام راهي تالفتلي و تاني ادا راكم شايفين تفصيلات شابين تاوعهم حطولي ربي يخليكم
و تاني راني ناوية ندير البساطات و المخايد بالبوا دروز واش رايكم في هاد اللون
و شكرا

تفضلي هاذ الألوان و اكيد الإختيار لك أنتي عزيزتي

​

 

[ام رحاب]

تفضلو.ا.................

​

 

[نورحنان]

مبروك علينا الدرا الجديدة

 

[@احساس طفلة@]

يعطيكم الصحة يا لبنات راكم عاونتوني بالبيان مي مزالني مخيرتش اللون وش رايكم في الغوج مع النوار

​

 

[::أبرار::]

يعطيكم الصحة يا لبنات راكم عاونتوني بالبيان مي مزالني مخيرتش اللون وش رايكم في الغوج مع النوار

​

يعطيك الصحة الاخت الكريمة لون جميل و اختيار موفق

فقط حبيت نعطيك ملاحظة : التفريشة هاذي اذا حابة تحطيها في غرفة نومك اذا كانت واسعة طبعا إختاري لون فاتح مثل الغوز أو المووف الفاتح أو الفوشيا أو البرتقالي يبهيلك الغرفة

و اذا كان رح تحطيها في الصالون فإختاري لون يكون غامض شوية مثل البني أو الأحمر الغامق أو اللون الكحلي و كاين عدة ألوان أخرى مليحة

و طبعا لكي الإختيار عزيزتي
​

 

[@احساس طفلة@]

شكرا أختي أبرار على النصيحة لالا أنا منيش راح نديرو في غرفة النوم راح نديرها في الصالون ان شاء الله هداك علاه بغيت نديرها في لون غامق
​